မြန်မာအစိုး​ရက ဒီမိုက​ရေစီ ​ပြောင်း​လဲ​ရေး​ လုပ်​နေတယ်လို့​ ​ပြော​ပေမယ့်​ မြန်မာနိုင်ငံဟာ စာနယ်ဇင်း​လွတ်လပ်ခွင့်​ ချိုး​ဖောက်မှုအဆိုး​ရွား​ဆုံး​နိုင်ငံစာရင်း​ထဲမှာ ရှိ​နေတုန်း​ပဲလို့​ စီပီ​ဂျေ(စာနယ်ဇင်း​သမား​ အကာအကွယ်​ပေး​ရေး​ကော်မတီ)က ဒီ​နေ့​ သတင်း​ထုတ်ပြန်ပါတယ်။ မြန်မာပြည်က စာနယ်ဇင်း​သမား​တွေရဲ့​ လှုပ်ရှား​မှု​တွေကို မြန်မာအာဏာပိုင်​တွေဟာ အရင်အတိုင်း​ ​စောင့်​ကြည့်​နေဆဲဖြစ်ပြီး​ တယ်လီဖုန်း​ ကြား​ဖြတ်နား​ထောင်မှု​တွေလည်း​ ရှိ​နေဆဲဖြစ်သလို သတင်း​တွေကိုလည်း​ ဆင်ဆာ ဖြတ်​တောက်​နေဆဲလို့​ ‘စီပီ​ဂျေ’အစီရင်ခံစာမှာ ​ထောက်ပြထား​ပါတယ်။ သမ္မတဦး​သိန်း​စိန် တက်လာပြီး​ မီဒီယာ​တွေရဲ့​ အခန်း​ကဏ္ဍကိုအ​လေး​ထား​ ​ကြောင်း​ လူသိရှင်ကြား​ ​ပြောဆိုထား​သလို ကျင်း​ပ​နေတဲ့​ လွှတ်​တော်အစည်း​အ​ဝေး​တွေမှာ ပြည်တွင်း​ပြည်ပ မီဒီယာ​တွေ သတင်း​ရယူခွင့်​ရ​အောင် စီစဉ်​ပေး​ခဲ့​ပါတယ်။ ဒါ​ပေမယ့်​ လွတ်​တော်ကိုယ်စား​လှယ်​တွေကို​တော့​ စာနယ်ဇင်း​သမား​တွေနဲ့​ ထိ​တွေ့​ဆက်ဆံခွင့်​ကို ပိတ်ပင်ထား​ဆဲပါ။ စာနယ်ဇင်း​လွတ်လပ်ခွင့်​ကို အာမခံတဲ့​ ဥပ​ဒေ​တွေ ​ပေါ်ထွန်း​လာမှသာ အစိုး​ရက​ပြောတဲ့​ မြန်မာပြည်မှာ ဒီမိုက​ရေစီ ​ပြောင်း​လဲ​ရေး​ လုပ်​ဆောင်​နေ​ကြောင်း​ ​ပြောဆိုချက်ကို အများ​ပြည်သူက ယုံကြည်​စေမှာဖြစ်တယ်လို့​ ‘စီပီ​ဂျေ’က ​ထောက်ပြပါတယ်။ မြန်မာနိုင်ငံမှာ ၁၉၆၀ ပြည့်​လွန်နှစ်​တွေကစလို့​ စာနယ်ဇင်း​လွတ်လပ်ခွင့်​ ဆုတ်ယုတ်လာခဲ့​တာ ဆယ်စုနှစ်​ပေါင်း​များ​စွာကြာပြီဖြစ်သလို နိုင်ငံပိုင်မီဒီယာ​တွေကို အစိုး​ရ​တွေက အစိုး​ရအာ​ဘော်​တွေကို ​ဖော်ပြရာ​နေရာ​တွေအဖြစ် အသုံး​ချခဲ့​ပါတယ်။ တပြိုင်နက်တည်း​မှာပဲ ဆင်ဆာဘုတ်အဖွဲ့​က​နေ ပုဂ္ဂလိကသတင်း​တွေကို စိစစ် ဖြတ်​တောက်ခဲ့​ပါတယ်။ ဒီလို စာနယ်ဇင်း​လွတ်လပ်ခွင့်​ပိတ်ပင်မှု​တွေကို ရုပ်သိမ်း​ဖို့​ လွှတ်​တော်မှာ တင်ပြ​ပေမယ့်​ အချိန်မတန်​သေး​တာ​ကြောင့်​ အပြည့်​အဝ လွတ်လပ်ခွင့်​ မ​ပေး​သေး​ဘူး​လို့​ ပြန်ကြား​ရေး​ဝန်ကြီး​က တုံ့​ပြန်ခဲ့​ပါတယ်။ ထိုင်း​အ​ခြေစိုက် မြန်မာ့​သတင်း​သမဂ္ဂ ​ပြောခွင့်​ရသူ ဦး​ဇင်လင်း​က မြန်မာအစိုး​ရ စာနယ်ဇင်း​တွေအ​ပေါ် အထိုက်အ​လျောက် လိုက်​လျော​နေတာဟာ အာဆီယံ အလှည့်​ကျဥက္ကဌဖြစ်​ရေး​ အပါအဝင် နိုင်ငံတကာ ဖိအား​ အရပ်ရပ်​ကြောင့်​သာ ဖြစ်တယ်လို့​ သုံး​သပ်​ပြောကြား​ပါတယ်။ “စာနယ်ဇင်း​လွတ်လပ်ခွင့်​၊​ သတင်း​စာလွတ်လပ်ခွင့်​ တကယ်​ပေး​မယ်ဆိုရင် စာ​ပေစိစစ်​ရေး​က ရှိမ​နေသင့်​တော့​ဘူး​၊​ နှစ်အချက်က စစ်အာဏာပိုင်​တွေ​ခေတ်က ပြည်သူပိုင်သိမ်း​ထား​တဲ့​ မြန်မာ့​အလင်း​၊​ ​ကြေး​မုံ သတင်း​စာ​တွေကို ပုဂ္ဂလိကလက်ကို ပြန်လွှဲ​ပေး​ရမယ်လို့​မြင်တယ်။ အစိုး​ရနဲ့​ ပြည်သူဆက်သွယ်ဖို့​ သူတို့​မှာ မီဒီယာတခု ​ရေဒီယို​သော်လည်း​ကောင်း​၊​ တီဗွီ​သော်လည်း​ကောင်း​ ထား​နိုင်ပါတယ်။ သတင်း​စာကို အစိုး​ရက​နေ ကြိုး​ကိုင်ပြီး​တော့​ အစိုး​ရရဲ့​ ဝါဒဖြန့်​ချိ​ရေး​ ယန္တရား​အဖြစ် သုံး​နေခြင်း​ဟာ သတင်း​စာလွတ်လပ်ခွင့်​ ဆိတ်သုဉ်း​တဲ့​ သ​ဘောကို ပြ​နေတာလို့​ မြင်တယ်။” မြန်မာပြည်အစိုး​ရက စာနယ်ဇင်း​သမား​တွေကို ​ထောင်သွင်း​အကျဉ်း​ချ ထား​တာကို ချက်ချင်း​လွှတ်​ပေး​ဖို့​လည်း​ ဦး​ဇင်လင်း​က ​ပြောပါတယ်။ မြန်မာနိုင်ငံမှာ အစိုး​ရက ဖမ်း​ဆီး​ထား​တဲ့​ စာနယ်ဇင်း​သမား​ ၂၅ ဦး​ရှိပြီး​ ၁၇ ဦး​ဟာ ပြည်ပအ​ခြေစိုက် ဒီမိုကရက်တစ်မြန်မာ့​အသံရဲ့​ သတင်း​ထောက်​တွေ ဖြစ်ပါတယ်။ ပြည်တွင်း​မှာ နိုင်ငံ​ရေး​အသား​ပေး​သတင်း​တွေကို ဦး​စား​ပေး​ရေး​သား​နေတဲ့​ ပြည်သူ့​ခေတ်ဂျာနယ်က ဆရာ​မောင်ဝံသက မြန်မာ့​မီဒီယာလွတ်လပ်ခွင့်​နဲ့​သူ့​အမြင်ကို ​ပြောပြပါတယ်။ “ပြည်တွင်း​မှာ စာနယ်ဇင်း​လွတ်လပ်ခွင့်​ အ​နေအထား​ကို ​ပြောမယ်ဆိုရင် ပြန်ကြား​ရေး​ဌာန​အောက်က စာ​ပေစိစစ်​ရေး​အဖွဲ့​ ရှိ​နေတယ်၊​ စာ​ပေစိစစ်​ရေး​အဖွဲ့​ ရှိ​နေတဲ့​အတွက် စာနယ်ဇင်း​လွတ်လပ်ခွင့်​က အပြည့်​အဝရပြီလို့​ ​ပြောလို့​မရဘူး​။ စာနယ်ဇင်း​တွေက ကိုယ်ပုံနှိပ်ထုတ်​ဝေမယ့်​ စာမူ​တွေကို စာ​ပေစိစစ်​ရေး​ကို တင်ရတယ် စာ​ပေစိစစ်​ရေး​က ခွင့်​ပြုချက်ရ​တော့​မှ ပုံနှိပ်ထုတ်​ဝေလို့​ရတယ်၊​ ဒီအဆင့်​ရှိ​နေတဲ့​အတွက် အပြည့်​အဝကြီး​တော့​ စာနယ်ဇင်း​လွတ်လပ်ခွင့်​ ရာနှုန်း​ပြည့်​ရတယ်လို့​ ​ပြောလို့​မရ​သေး​ဘူး​။ သို့​သော် အရင်ကထက်စာရင် အထိုက်အ​လျောက် အရင်က ​ရေး​လို့​သား​လို့​မရတာကို အခုရတယ်၊​ ​ဝေဖန်လို့​ မရတာကို အထိုက်အ​လျောက် ​ဝေဖန်လို့​ရတယ်၊​ အရင်ကနဲ့​နှိုင်း​ယှဉ်​သောအား​ဖြင့်​ တိုး​တက်မှုရှိတယ်လို့​ ​ပြောလို့​ရတယ်။” အစိုး​ရဘက်က စာနယ်ဇင်း​ လွတ်လပ်ခွင့်​ အပြည့်​မ​ပေး​နိုင်​သေး​ဘူး​ဆိုတဲ့​ အယူအဆရှိသလို စာနယ်ဇင်း​သမား​တွေဘက်ကလည်း​ လွတ်လပ်လာရင် အရည်​သွေး​ကောင်း​နဲ့​ပြည့်​မီတဲ့​ စာနယ်ဇင်း​ကောင်း​တွေ ဖြစ်လာ​အောင် ပြင်ဆင်​နေတယ်လို့​ ဆရာ​မောင်ဝံသက ​ပြောပါတယ်။ စစ်အစိုး​ရလက်ထက်တုန်း​က ကြည့်​ရှုခွင့်​ ပိတ်ပင်ထား​ခဲ့​တဲ့​ ပြည်ပမီဒီယာ ဝက်ဘ်ဆိုက်​တွေကို လွန်ခဲ့​တဲ့​ရက်ပိုင်း​ကစပြီး​ ဖွင့်​လို့​ရလာပါတယ်။