ဆွမ်းခံကြွ ကိုရင်နှစ်ပါးကို တိုက်ပြီးထွက်ပြေးသည့်ကား ဖမ်းမိပြီ
DVB
·
June 26, 2016
ပဲခူးတိုင်းဒေသကြီး ကညွတ်ကွင်းမြို့မှာ ကိုရင် နှစ်ပါးကို တိုက်ပြီးထွက်ပြေးသွားတဲ့ ကားကို ကညွတ်ကွင်းနယ်မြေရဲတပ်ဖွဲ့ဝင်တွေက ကျောက်တံခါးမြို့မှာ ဖမ်းဆီးမိခဲ့ပါတယ်။
ဒီနေ့မနက်အစောပိုင်း ကညွတ်ကွင်း နယ်မြေရဲတပ်ဖွဲစခန်းရဲ့မြောက်ဘက် ၁ ဖာလုံလောက်အကွာ ရန်ကုန် -မန္တလေး လမ်းဟောင်း မိုင်တိုင်အမှတ် ၁၃၂/၀ နဲ့ ၁၃၂/၁ အကြားမှာ ယာဉ်တိုက်မှုဖြစ်ပွားခဲ့တာပါ။
ဖြစ်စဉ်မှာ ကညွတ်ကွင်းမြို့နယ် ပိတ်ဖြူတောရ ဘုန်းတော်ကြီးကျောင်းက သံဃာတော်တွေ ဆွမ်းခံကြွလာစဉ် မန္တလေးဘက်ကနေ မောင်းနှင်လာတဲ့ ကားက ဝင်တိုက်သွားကာ မောင်းနှင်ထွက်ပြေးသွားခဲ့ပြီးနောက် ရဲတပ်ဖွဲ့က လိုက်လံဖမ်းဆီးခဲ့တာ ဖြစ်ပါတယ်။
ယာဉ်တိုက်မှုကြောင့် ကိုရင်ဒီပ အသက် ၁၂ နှစ်နဲ့ ကိုရင် စန္ဒာသီရိ ၁၃ နှစ်တို့ အခင်းဖြစ်နေရာမှာ ပျံလွန်တော်မူသွားတယ်လို့ ကညွတ်ကွင်း ရဲစခန်းက ပြောပါတယ်။
ယာဉ်မောင်းဖြစ်သူကို ကညွတ်ကွင်းနယ်မြေရဲတပ်ဖွဲစခန်းမှ ယာဉ်(ပ) ၅ /၂၀၁၆ ရာဇသတ်ကြီးပုဒ်မ ၃၃၇/၃၃၈/ ၃၀၄ .က အရ အမှုဖွင့်အရေးယူဆောင်ရွက်နေတယ်လို့ ဆိုပါတယ်။
သတင်း ကျော်အောင် (ကညွတ်ကွင်း )
ယာဉ်မောင်းဖြစ်သူကို ကညွတ်ကွင်းနယ်မြေရဲတပ်ဖွဲစခန်းမှ ယာဉ်(ပ) ၅ /၂၀၁၆ ရာဇသတ်ကြီးပုဒ်မ ၃၃၇/၃၃၈/ ၃၀၄ .က အရ အမှုဖွင့်အရေးယူဆောင်ရွက်နေတယ်လို့ ဆိုပါတယ်။
သတင်း ကျော်အောင် (ကညွတ်ကွင်း )
