မကွေးတိုင်း အောင်လံဒေသက လယ်မြေသိမ်းခံရတဲ့ တောင်သူတွေဟာ လယ်ပြန်လုပ်ခွင့်ရရေးအတွက် ရန်ကုန်ရှိ အိုင်အယ်လ်အိုရုံးရဲ့ အကူအညီနဲ့ ဆောင်ရွက်နေပေမယ့် အခုချိန်ထိ မရသေးဘူးလို့ လယ်သမားတွေက ပြောပါတယ်။
လယ်သမားတွေက သူတို့ရဲ့ ဘိုးဘွားပိုင်လယ်မြေပြန်ရရေးအတွက် အပြည်ပြည်ဆိုင်ရာ အလုပ်သမားအဖွဲ့ (အိုင်အယ်လ်အို) ကို ထပ်မံတိုင်ကြားလိုက်တယ်လို့ လယ်သမား ဦးသန်းစိုးက ပြောပါတယ်။
ဦးသန်းစိုးအပါအဝင် အောင်လံက လယ်သမား ၃၈ ဦးရဲ့ လယ်မြေတွေကို သကြားစက်ပိုင်အဖြစ် အာဏာပိုင်တွေက သိမ်းယူခဲ့တာပါ။
ဒီကိစ္စနဲ့ပတ်သက်ပြီး အိုင်အယ်လ်အိုကို တိုင်ကြားတဲ့အတွက် ဦးသန်းစိုးအပါအဝင် တောင်သူ ၁၂ ဦးကို အာဏာပိုင်တွေက ၂၀၀၉ အောက်တိုဘာလအတွင်းမှာ အမှုဆင် ဖမ်းဆီးထောင်ချခဲ့ပါတယ်။
ထောင်ဒဏ်အနည်းဆုံး ၃ လကနေ ၅ နှစ်စီ ချမှတ်ခံရပေမယ့် အိုင်အယ်လ်အိုက ကြားဝင်ဖြေရှင်းပေးမှုကြောင့် ပြီးခဲ့တဲ့နှစ် ဖေဖော်ဝါရီလမှာ ပြန်လွတ်လာခဲ့ပါတယ်။
ပြန်လွတ်လာတဲ့ လယ်သမားတွေက သူတို့အသိမ်းခံရတဲ့ လယ်မြေတွေမှာ အိုင်အယ်အိုရဲ့အကူအညီနဲ့ လယ်ပြန်လုပ်ခွင့်ရခဲ့သလို နေပြည်တ်ာကလည်း လယ်ပြန်လုပ်ခွင့် ချပေးခဲ့ပါတယ်။
လယ်သမားတချို့ လယ်ပြန်လုပ်ခွင့်ရခဲ့ပေမယ့် ဦးသန်းစိုးအပါအဝင် လယ်သမား ၄ ဦးရဲ့ လယ် ၅၅ ဧကကို အောင်လံမြို့နယ် မြေစာရင်းဦးစီးဌာနအရာရှိ ဦတင်မောင်ဘိုက ဆက်လက်သိမ်းယူပြီး လုပ်ခွင့်မပေးခဲ့လို့ အိုင်အယ်လ်အိုကို ထပ်မံတိုင်ကြားတာလို့ ဦးသန်းစိုးက ပြောပါတယ်။
“ကျနော် မနေ့က အိုင်အယ်လ်အို အရာရှိကို တင်ပြခဲ့တယ်။ အိုင်အယ်လ်အို အရာရှိက နိ်ုင်ငံတော်အစိုးရနဲ့ သက်ဆိုင်ရာ ဝန်ကြီးဌာနတွေနဲ့ ဆက်လက်ပြီးတော့ ညှိနှိုင်းဆောင်ရွက်သွားမယ်လို့ ပြောပါတယ်။”
၂၀၀၇ ခုကစပြီး လယ်မြေတွေသိမ်းယူခဲ့ပြီး ဒီနေ့အထိ လယ်ပြန်လုပ်ခွင့်မရမှုကြောင့် မိသားစုအခက်အခဲကြုံနေရတယ်လို့ ဦးသန်းစိုးက ပြောပါတယ်။
“လယ်မဲ့ယာမဲ့ ဖြစ်ပြီး ကျနော်တို့ တောင်သူလယ်သမား မိသားစုတွေလည်း ကျပန်းအလုပ်တွေကို လုပ်ကိုင်နေရတယ်၊ စားဝတ်နေရေး အခက်အခဲတွေ ကြုံတွေ့ကုန်ကြတယ်၊ မိသားစုဝင်တွေလည်း ကြုံရာကျပန်းလုပ်ရတော့ တကွဲတပြားနဲ့ အခြေပျက်အနေပျက် ဖြစ်ကုန်ပါတယ်။ လယ်ယာမြေတွေကို ဆက်လက်ပြီးတော့ သိမ်းယူထားတဲ့ ကိစ္စနဲ့ပတ်သက်ပြီး အစိုးရအနေနဲ့ ထိထိရောက်ရောက် အရေးယူစေချင်တယ်။”
