ဗမာနိုင်ငံလုံး​ဆိုင်ရာ ​ကျောင်း​သား​သမဂ္ဂများ​အဖွဲ့​ချုပ် (ဗကသ) ကို တရား​ဝင်ရပ်တည်လို့​ရတဲ့​ အဖွဲ့​အစည်း​ဖြစ်ဖို့​ လုပ်​ဆောင်သွား​မယ်လို့​ ​ပြောပါတယ်။

ဦး​သိန်း​စိန် ​ခေါင်း​ဆောင်တဲ့​ အရပ်သား​အစိုးရသစ်က​နေ ဗကသကို တရား​ဝင် ရပ်တည်ခွင့်​ ပြုခဲ့​ရင် တရား​ဝင် အဖွဲ့​အစည်း​အဖြစ် ရပ်တည်သွား​မယ်လို့​ ဗကသများ​အဖွဲ့​ချုပ် ​ပြောခွင့်​ရသူ မကြည်သာတင့်​က ​ပြောပါတယ်။

“ကျမတို့​ အ​နေနဲ့​ လုပ်​ဆောင်လို့​ ရရင် ဆက်လက်ပြီး​ တရား​ဝင် လုပ်​ဆောင်ဖို့​လည်း​ ရှိပါတယ်။ တကယ်လို့​ သူတို့​ ခွင့်​မပြုဘူး​ဆိုရင် ကျမတို့​က ရတဲ့​နေရာမှာ ဆက်ပြီး​တော့​ ​ဆောင်ရွက်သွား​မှာ ဖြစ်ပါတယ်။”

ဗမာနိုင်ငံလုံး​ဆိုင်ရာ ​ကျောင်း​သား​သမဂ္ဂများ​ အဖွဲ့​ချုပ်ဟာ အင်္ဂလိပ် ကိုလိုနီ​ခေတ်ကတည်း​ မြန်မာပြည် လွတ်လပ်ဖို့​အတွက် လှုပ်ရှား​ဆောင်ရွက်ခဲ့​တဲ့​ ထင်ရှား​တဲ့​ နိုင်ငံလုံး​ဆိုင်ရာ ​ကျောင်း​သား​များ​ အဖွဲ့​အစည်း​ ဖြစ်ခဲ့​ပါတယ်။

၁၉၆၂ ခုနှစ် စစ်တပ်က အာဏာသိမ်း​ပြီး​ခဲ့​တဲ့​ ​နောက်ပိုင်း​မှာ ​မြေ​ပေါ်မှာ တရား​ဝင် ရပ်တည်ခွင့်​ မရ​တော့​ဘဲ ၁၉၆၄ ခုနှစ်ကတည်း​က ​မြေ​အောက်လှုပ်ရှား​မှုဖြင့်​ စစ်အာဏာရှင် ဆန့်​ကျင့်​ရေး​၊​ ပြည်တွင်း​ငြိမ်း​ချမ်း​ရေး​၊​ ဒီမိုက​ရေစီ​ရေး​အတွက် လှုပ်ရှား​ခဲ့​ပါတယ်။

၁၉၈၈ လူထုလှုပ်ရှား​မှုအတွင်း​ ဩဂုတ်လ ၂၈ ရက်​နေ့​မှာ ကိုမင်း​ကိုနိုင်ကို ဥက္ကဋ္ဌ အဖြစ် တင်​မြှောက်ပြီး​ ပြန်လည်ဖွဲ့​စည်း​ခဲ့​ပါတယ်။ ၂၀၀၇ သံဃာလှုပ်ရှား​မှု မတိုင်ခင် ဩဂုတ်လ ၂၈ ရက်မှာ ဗကသအဖွဲ့​ချုပ်ကို ပြန်လည်ဖွဲ့​စည်း​နိုင်ခဲ့​ပြီး​ ဒီက​နေ့​ဟာ ၄ နှစ်ပြည့်​မြောက်တဲ့​နေ့​လည်း​ ဖြစ်ပါတယ်။

၎ နှစ်ပြည့်​မြောက်တဲ့​နေ့​မှာ ဗကသများ​ အဖွဲ့​ချုပ်က​နေ ​ကြေညာချက်တ​စောင်ကို ထုတ်ပြန်ခဲ့​ပြီး​ ​ကြေညာချက်နဲ့​ ပတ်သက်လို့​ မကြည်သာတင့်​က အခုလို ​ပြောပါတယ်။

“၂၀၀၇ မှာ ပြန်လည်ဖွဲ့​စည်း​ခဲ့​တဲ့​ မြန်မာနိုင်ငံလုံး​ဆိုင်ရာ ​ကျောင်း​သား​သမဂ္ဂ ၄ နှစ်​မြောက်​နေ့​မှာ ကျမတို့​ အဓိက ​ပြောချင်တာက ကျမတို့​တိုင်း​ပြည် ငြိမ်း​ချမ်း​ရေး​ရဖို့​ ပြည်တွင်း​စစ်ရပ်စဲဖို့​၊​ နိုင်ငံ​ရေး​ အကျဉ်း​သား​တွေ အား​လုံး​ ခြွင်း​ချက်မရှိ လွတ်​မြောက်ဖို့​၊​ ဧရာဝတီ မြစ်ဆုံ စီမံကိန်း​ ရပ်တန့်​ဖို့​ အပါအဝင် တိုင်း​ရင်း​သား​ပြည်သူ​တွေရဲ့​ အကျိုး​အတွက် ​ဒေါ်​အောင်ဆန်း​စုကြည်ရဲ့​ ကြိုး​ပမ်း​ဆောင်ရွက်မှု​တွေကို ကျမတို့​ ဗကသအဖွဲ့​ချုပ်က​နေ အပြည့်​အဝ ​ထောက်ခံ​ကြောင်း​ အဓိက ​ပြောချင်ပါတယ်။ ”

၂၀၀၇ ခုနှစ်မှာ ပြန်လည်ဖွဲ့​စည်း​ခဲ့​တဲ့​ ဗကသများ​အဖွဲ့​ချုပ် ​ခေါင်း​ဆောင်​တွေဖြစ်တဲ့​ ကို​ကျော်ကိုကို၊​ ကိုစည်သူ​မောင်၊​ ကိုဒီငြိမ်း​လင်း​၊​ မဖြိုး​ဖြိုး​အောင်နဲ့​ မဟန်နီဦး​ အပါအဝင် ​ကျောင်း​သား​ခေါင်း​ဆောင်​တွေက​တော့​ မြန်မာပြည်က နယ်စွန်း​နယ်ဖျား​ အကျဉ်း​ထောင်​တွေမှာ နှစ်ရှည် အကျဉ်း​ကျခံ​နေရပါတယ်။

မြန်မာနိုင်ငံအတွင်း​က ​ကျောင်း​သား​အများ​စုကိုလည်း​ ​ကျောင်း​သား​ထုအခွင့်​အရေး​ကာကွယ်​ရေး​ မြန်မာပြည်ရဲ့​ လက်ငင်း​ကြုံ​တွေတဲ့​ ပြဿနာကို ​ဖြေရှင်း​ဖို့​အတွက် ဗမာနိုင်ငံလုံးဆိုင်ရာ ​ကျောင်း​သား​သမဂ္ဂများ​ အဖွဲ့​ချုပ်နဲ့​ လက်တွဲ လုပ်​ဆောင်သွား​ဖို့​ကိုလည်း​ တိုက်တွန်း​ပါတယ်။

“အသီး​သီး​မှာ ရှိတဲ့​ ​ကျောင်း​သား​တွေဟာဆိုရင် တိုင်း​ပြည်ကို ချစ်တဲ့​စိတ်၊​ ​ကျောင်း​သား​စိတ်ဓာတ် အပြည့်​အဝနဲ့​ သမိုင်း​မှာ အစဉ်အလာ ကြီး​မား​တဲ့​ ဗမာနိုင်ငံလုံး​ဆိုင်ရာ ​ကျောင်း​သား​သမဂ္ဂရဲ့​ ​အောက်မှာ ​ကျောင်း​သား​ထုရဲ့​ အခွင့်​အ​ရေး​တွေ၊​ အမိမြန်မာပြည်မှာ ကြုံ​တွေ့​ရတဲ့​ ပြဿနာ​တွေကို ​ကျောင်း​သား​ကျောင်း​သူ​တွေ အတူလက်တွဲပြီး​တော့​ လှုပ်ရှား​ဆောင်ရွက်ဖို့​လည်း​ ကျမတို့​ ဒီ​နေ့​မှာ အ​လေး​အနက်ထား​ တိုက်တွန်း​ချင်ပါတယ်။”