မန္တလေးတိုင်း တပ်ကုန်းမြို့နယ် အမျိုးသားဒီမိုကရေစီအဖွဲ့ချုပ်ဝင် ဦးဖိုးထောင် (ခေါ်) ဦးလှမြင့်ကို တပ်ကုန်းမြို့ အာဏာပိုင်တွေက ဒီနေ့ ထောင်ဒဏ် ၁ နှစ်ခွဲ ချမှတ်လိုက်ပါတယ်။ ပြီးခဲ့တဲ့ဇူလိုင် ၁၉ ရက်က  မိထ္တီလာမြို့နယ် အဖွဲ့ချုပ်ရုံး အာဇာနည်နေ့ အခမ်းအနား သွားတက်ပြီးအပြန် ဩဂုတ် ၂၀ ရက်မှာ ဦးဖိုးထောင် ဖမ်းဆီးခံခဲ့ရပြီး လူဝင်မှုကြီးကြပ်ရေး အက်ဥပဒေ (၅)-၁ (နိုင်ငံခြားသားခရီးသွားလာခွင့် တိုင်ကြားရာ ပျက်ကွက်မှု) နဲ့ တရားစွဲဆိုခံခဲ့ရပါတယ်။ မိထ္တီလာမြို့နယ် အဖွဲ့ချုပ်ဝင် ဒေါ်မြင့်မြင့်အေးတို့ရဲ့ အကူအညီကြောင့် အာမခံနဲ့ ပြန်လွတ်ခဲ့ပေမယ့် ဒီနေ့ ထောင်ဒဏ် ၁ နှစ်ခွဲ ချမှတ်ခံလိုက်ရတာလို့ ဒေါ်မြင့်မြင့်အေးက ပြောပါတယ်။ “နိုင်ငံခြားသား မှတ်ပုံတင် ကိုင်ဆောင်ထားသူ တယောက်ဟာ တခြားမြို့ကို သွားမယ်ဆိုရင် လ၀ကရုံးကို အသိပေးရမယ်၊ ခွင့်ပြုချက် ရယူရမယ်ဆိုတဲ့ ကိစ္စကို ပျက်ကွက်တယ်ဆိုပြီး တပ်ကုန်းမြို့နယ် လ၀ကဦးစီးမှူး ဦးညီညီက တရားလိုလုပ်ပြီး တရားစွဲတာပဲ။ တရားစွဲပြီး အခု ထောင် တနှစ်ခွဲချတယ်။” ပြီးခဲ့တဲ့ ၂၀၁၀ မတ်လ ၅ ရက်နေ့က အဖွဲ့ချုပ် မန္တလေးတိုင်းနဲ့ မြို့နယ် စည်းအဖွဲ့ဝင်တွေရဲ့ အစည်းအဝေးကို တက်ရောက်ပြီးအပြန်မှာ အလားတူအမှုနဲ့ တရားစွဲဆိုခံရပြီး  ထောင်ဒဏ် ၁ နှစ်ခွဲ ချမှတ်ခံခဲ့ရပါတယ်။ ထောင်တွင်း ၁၃ လ နေခဲ့ရပြီး ဒီနှစ် ဧပြီလတုန်းက စစ်ကိုင်းတိုင်း ကသာထောင်ကနေ ပြန်လွတ်မြောက်ပြီး ၃ လအကြာမှာ ထမ်မံဖမ်းဆီး တရားဆွဲဆိုခံရတာပါ။ ဦးဖိုးထောင်ဟာ မြန်မာနိုင်ငံမှာ မွေးသူဖြစ်ပေမယ့် ဧည့်နိုင်ငံသား စိစစ်ရေးကတ်ပြား ကိုင်ဆောင်တဲ့ မွတ်စလင် ဖြစ်ပါတယ်။ သူ့ကို အခုလို အရေးယူတာဟာ အမျိုးသား ဒီမိုကရေစီအဖွဲ့ချုပ် အဖွဲ့ဝင် ဖြစ်တာကြောင့်လို့လည်း ဒေါ်မြင့်မြင့်အေးက သုံးသပ်ပါတယ်။