ရန်ကုန်တွင် သင်္ကြန်အကျတရက်တည်း ခါးပိုက်နှိုက် ၂၁ ဦး ဖမ်းမိ

ရန်ကုန်မြို့မှာ သင်္ကြန်အကျနေ့တရက်တည်း ခါးပိုက်နှိုက် ၂၁ ဦး ဖမ်းမိတယ်လို့ တိုင်းရဲတပ်ဖွဲ့က သတင်းထုတ်ပါတယ်။ မဟာသင်္ကြန်ပွဲတော် ဒုတိယနေ့ သင်္ကြန်အကျနေ့မှာ ရေကစားသူတွေထံကနေ ငွေနဲ့ လက်ကိုင်ဖုန်းတွေ နှိုက်ယူသူ ခါးပိုက်နှိုက် ၂၁ ဦးတို့ကို ဖော်ထုတ်ဖမ်းဆီးရမိခဲ့တယ်လို့ တိုင်းရဲတပ်ဖွဲ့ အင်တာနက်သတင်းစာမျက်နှာမှာ ဖော်ပြထားပါတယ်။ ခါးပိုက်နှိုက်တွေဟာ ရန်ကုန်၊ ပြည်လမ်းပေါ်ရှိ Air Bagan၊MPT၊ ပိတောက်ရွှေဝါ စတဲ့ ရေကစားမဏ္ဍပ်တွေရှေ့မှာ ရေကစားနေကြသူတွေထံက ဖုန်းနဲ့ ပိုက်ဆံတွေ နှိုက်ယူခဲ့ကြတာ ဖြစ်ပါတယ်။ ရန်ကုန်တိုင်းဒေသကြီးရဲတပ်ဖွဲ့အနေနဲ့ သင်္ကြန်ပွဲတော်မှာ ရေကစားသူတွေ ပျော်ရွှင်စွာရေကစားနေစဉ် အလစ်အငိုက် အခွင့်ကောင်းယူပြီး လက်ကိုင်ဖုန်း၊ ငွေနဲ့ ပစ္စည်းတွေ နှိုက်ယူသူတွေကို စောင့်ကြည့်ဖမ်းဆီး အရေးယူဆောင်ရွက်နေကြောင်း၊ ရေကစားသူ မိဘပြည်သူတွေအနေနဲ့လည်း ခါးပိုက်နှိုက်ကျူးလွန်ခံရခြင်း မရှိစေဖို့ မိမိတို့ရဲ့ ပစ္စည်းတွေကို သတိရှိစွာ ထိန်းသိမ်းရေကစားကြဖို့ သတင်းမှာ အသိပေးဖော်ပြပါတယ်။  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up