အိုင်အက်စ်ဗုံးဖောက်ခွဲမှုကြောင့် ပိတ်ထားခဲ့ရသည့် ဘရပ်ဆဲလ်လေဆိပ်ပြန်ဖွင့်

Belgian international airport of Zaventem airport, which is still not operating, is seen behind fences more than a week after the attacks in Brussels metro and the airport, in Zaventem, Belgium, April 1, 2016. REUTERS/Yves Herman
အိုင်အက်စ်အကြမ်းဖက်သမားတွေရဲ့ အသေခံဗုံးဖောက်ခွဲမှုကြောင့် ၁၂ ရက်ကြာ ပိတ်ထားခဲ့ရတဲ့ ဘယ်လ်ဂျီယမ်နိုင်ငံမြို့တော်၊ ဘရပ်ဆဲလ်လေဆိပ်ကို ဒီနေ့ပြန်ဖွင့်လိုက်ပြီလို့ ဘန်ကောက်ပို့စ်သတင်းမှာ ဖော်ပြပါတယ်။ ပြန်လည်ဖွင့်လှစ်ချိန်မှာ လေကြောင်းခရီးစဉ် ၃ ခုနဲ့စတင်မယ်လို့ လေဆိပ်အမှုဆောင် အရာရှိချုပ် အာနောက်ဒ်ဖိုက်စ်တ်က ပြောပါတယ်။ ပြီးခဲ့တဲ့ မတ်လ ၂၂ ရက်နေ့က လေဆိပ်တွင်းပြည်ပထွက်ခွာဆောင်အပါအ၀င် နေရာ ၂ နေရာမှာ အိုင်အက်စ်အကြမ်းဖက်သမားတွေရဲ့ အသေခံဗုံးဖောက်ခွဲမှုကြောင့် လေဆိပ်ကို ယာယီပိတ်ထားခဲ့ရတာပါ။ ဒီကနေ့ဖွင့်လှစ်လိုက်တဲ့ လေကြောင်းခရီးစဉ် ၃ ခုကတော့ အေသင်၊ တုရင်နဲ့ ဖယ်ရိုမြို့တွေဆီ သွားမယ့် ခရီးစဉ်တွေဖြစ်ပြီး နေ့လယ်ပိုင်းမှာ စတင်ထွက်ခွာမယ်လို့ ဆို ပါတယ်။ လေဆိပ်တွင်းနေရာ ၂ နေရာနဲ့ မြေအောက်ရထားဘူတာရုံတွေမှာ တနေ့တည်း ဖြစ်ပွားခဲ့တဲ့ အသေခံဗုံးဖောက်ခွဲမှုတွေကြောင့် လူပေါင်း ၃၂ ဦး သေဆုံးခဲ့ကြတာပါ။ ဘရပ်ဆဲလ်လေဆိပ်ဟာ ဥရောပရဲ့ လေကြောင်းခရီးဆိုင်ရာ အဓိကဆုံချက်ဗဟို တခုဖြစ်ပြီး စတားအလိုင်းယဲန့်စ်လေကြောင်းလိုင်း အခြေစိုက်နေရာတခုလည်း ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up