ကောလင်းမြို့နယ်တွင် တရားမ၀င်သစ်စက်နှင့်သစ်များ ပိုင်ရှင်မဲ့ဖမ်းမိ
DVB
·
March 31, 2016
ကောလင်းမြို့နယ်မှာ တရားမဝင်သစ်စက် ၁ လုံးနဲ့ ကျွန်းခွဲသားတွေ တင်ဆောင်လာတဲ့ ဟီးနိုး ၆ ဘီးယာဉ်တစီးကို ပိုင်ရှင်မဲ့ဖမ်းဆီးရမိပါတယ်။
စစ်ကိုင်းတိုင်းဒေသကြီး၊ ကသာခရိုင်၊ ကောလင်းမြို့နယ် ရွှေသမင်တောင် ကြိုးပြင်ကာကွယ်တောအတွင်း မတ် ၂၈ ရက်နေ့က တရားမဝင်သစ်စက်တလုံးနဲ့ ကျွန်းခွဲသားတွေအပါအ၀င် ဆက်စပ်ပစ္စည်းတွေကို ဖမ်းဆီးမိခဲ့တယ်လို့ သစ်တောဦးစီးဌာနက ပြောပါတယ်။
အလားတူ လက်ပံခုံရွာနဲ့သံပရာခုံကျေးရွာချင်းဆက် ကားလမ်းဘေးမှာလည်း ကျွန်းခွဲသားတွေ တင်ဆောင်ထားတဲ့ ဟီးနိုး ၆ ဘီးယာဉ်တစီးအပေါ်ကနေ တရားမ၀င် ကျွန်းသစ်အပါဝင် စုစုပေါင်းသစ် (၂ ဒသမ ၅၇၇၆) တန်တို့ကို သစ်တောဦးစီးဌာန တာဝန်ရှိသူတွေနဲ့ ရဲတပ်ဖွဲ့ဝင်တွေက မတ် ၂၈ ရက်နေ့မှာ ဖမ်းဆီးရမိခဲ့ပါတယ်။ (သတင်း - ကိုကိုလင်း - အင်းတော်)