ကောလင်းမြို့နယ်တွင် တရားမဝင် သစ်စက်နှင့်သစ်များ ပိုင်ရှင်မဲ့ဖမ်းမိ

စစ်ကိုင်းတိုင်းဒေသကြီး၊ ကသာခရိုင်၊ ကောလင်းမြို့နယ် သဖန်းတောင်ကြိုးဝိုင်း အကွက်အမှတ် ၂၇ အတွင်းမှာ တရားမဝင်သစ်စက် ၂ လုံး၊ သစ်တွေနဲ့ ဆက်စပ်စ္စည်းတွေကို မတ်လ ၂၅ ရက်နေ့က ပိုင်ရှင်မဲ့ ဖမ်းဆီးရမိခဲ့ပါတယ်။ မတ် ၂၅ ရက်နေ့ မွန်းလွဲပိုင်းလောက်မှာ ကောလင်းမြို့နယ် သစ်တောဦးစီးဌာနမှ ဦးစီး အရာရှိ ဦးချစ်လှိုင် ဦးဆောင်တဲ့အဖွဲ့နဲ့ ရဲတပ်ဖွဲ့ဝင်တွေက သဖန်းတောင်ကြိုးဝိုင်း အကွက်အမှတ် ၂၇ အတွင်းမှာ တရားမဝင်ကျွန်းသစ်အပါအ၀င် စုစုပေါင်း သစ်တန် ၁ ဒသမ ၅၇၀ တန်၊ သစ်ခွဲချောင်းတွေ၊ သစ်စက် ၂ လုံးနဲ့ ဆက်စပ်ပစ္စည်းတွေကို ပိုင်ရှင်မဲ့ ဖမ်းဆီးမိခဲ့တာလို့ သစ်တောဦးစီးဌာနက သိရပါတယ်။ ပိုင်ရှင်မဲ့ ဖမ်းဆီးရမိတဲ့ သစ်စက်တွေနဲ့ သစ်တွေကို ကျွန်းတောဘိနယ်သစ်တောစခန်းမှာ သိမ်းဆည်းထားပြီး ဆက်လက် စုံစမ်းနေတယ်လို့ သိရပါတယ်။ သတင်းဓာတ်ပုံ - ကိုကိုလင်း (အင်းတော်)  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up