Live
Home
မြန်မာသတင်း
အုပ်စုလိုက် ပစ္စည်းခိုးယူနေသည့် ကလေး ၆ ဦးကို ကလေးမြို့တွင် ဖမ်းဆီး
DVB
·
March 24, 2016
ကလေးမြို့ တပ်ဦးသီတာ ရပ်ကွက်နေ ပစ္စည်းခိုးယူနေတဲ့ အသက်မပြည့် ကလေးငယ် ၆ ဦးကို မတ်လ ၂၃ ရက်နေ့မှာ ကလေးမြို့မ ရဲစခန်းက  ဖမ်းမိခဲ့ပါတယ်။ “အခြားအမှုအတွက် မနေက ညနေ ၆ နာရီလောက်မှာ တပ်ဦးသီတာရပ်ကွက်ကို သွားစုံစမ်းရင်း ဒီကလေးတွေကို တွေ့ခဲ့တာပါ။ ဒါနဲ့ မသင်္ကာလို့ မေးလိုက်တော့ ဒီကလေးတွေဆီကနေ ခိုးထားတဲ့ ပစ္စည်းတချို့ ပေါ်ပေါက်ခဲ့ပါတယ်”လို့ ကလေးမြို့မ ရဲစခန်းက နယ်ထိန်းခေါင်းဆောင် ဒုရဲအုပ် ဗိုလ်ဗိုလ်ဝင်းထွဋ်က ပြောပါတယ်။ ကလေးငယ်တွေဟာ အသက် ၁၃ နှစ်ကနေ ၁၆ နှစ်အရွယ်သာ ရှိနေကြပြီး ကလေးငယ်တွေ ဆီကနေ ခိုးရာပါပစ္စည်း လက်ခံသိမ်းဆည်းသူကိုပါ ဖမ်းဆီးထားပြီး ဆက်လက်စစ်ဆေးမှုများ ပြုလုပ်နေကြောင်း သိရသည်။ “ကလေးငယ်တွေက အသက်မပြည့်သေးတော့ သူတို့ကို ဘယ်လို အရေးယူရမယ်ဆိုတာ မသိသေးဘူး”လို့လည်း ကလေးမြို့ မြို့မရဲတပ်ဖွဲ့တာဝန်ရှိသူ တဦးက ပြောသည်။ သတင်း - မင်းရဲစစ်နိုင်

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024