အင်္ဂလိပ်အစိုးရလက်ထက်ကနေ အခုတိုင်အောင် ကျင့်သုံးနေတဲ့ ဧည့်စာရင်းတိုင်တာကို ပယ်ဖျက်တဲ့ ဥပဒေကြမ်းကို ဒီနေ့ မတ်လ ၂၁ ရက်နေ့က အမျိုးလွှတ်တော် ကိုယ်စားလှယ်တွေကို ဖြန့်ဝေလိုက်ပါတယ်။ ရပ်ကွက်နဲ့ ကျေးရွာအုပ်စု အုပ်ချုပ်ရေးဥပဒေကို တတိယအကြိမ် ပြင်ဆင်တဲ့ ဥပဒေကြမ်းဖြစ်ပြီး မူလ ဥပဒေရဲ့ ပုဒ်မနဲ့ ပုဒ်မခွဲတစ်ခုကို ပယ်ဖျက်လိုက်တာပါ။ အဲဒါတွေကတော့ ဧည့်စာရင်းတိုင်ကြားရမယ်ဆိုတာနဲ့ ပျက်ကွက်ရင် အရေးယူခံရမယ် ဆိုတာတွေပဲ ဖြစ်ပါတယ်။ ဒါတွေဟာ ဒီမိုကရေစီစံချိန်စံနှုန်းနဲ့ မကိုက်ညီတဲ့အပြင် တိုင်းရင်းသားတွေကို နှိပ်စက်ဖို့ ကျင့်သုံးနေတယ်လို့လည်း အကျိုးအကြောင်း ဖော်ပြထားပါတယ်။ ပြီးခဲ့တဲ့ အစိုးရတွေလက်ထက်မှာတော့ နိုင်ငံရေး လှုပ်ရှားသူတွေနဲ့ ကူညီသူတွေကို ဖမ်းဆီးလေ့ရှိတဲ့ ပုဒ်မတစ်ခုလည်း ဖြစ်ပါတယ်။ ဒီဥပဒေကြမ်းကို ဘယ်နေ့မှာ တင်သွင်းပြီး ဆွေးနွေးမလဲဆိုတာကတော့ မသိရသေးပါဘူး။