အမည်မသိရေနေသတ္တ၀ါ သောင်းနှင့်ချီ ထိုင်းနိုင်ငံ ဖူးခက်ကမ်းခြေပေါ် တက်လာ

ထိုင်းတောင်ပိုင်း ဖူးခက်ခရိုင် ဖူးကစ်ကမ်းခြေမှာ အမည်မသိရေနေသတ္တ၀ါတမျိုး  ထောင်နဲ့ချီ ကုန်းပေါ်တက်လာတယ်လို့ ဒေသခံများရဲ့အပြောကို ကိုးကားပြီး Sanook.com သတင်းမှာ ဖော်ပြပါတယ်။ ဒီကနေ့မနက်က ဖူးခက် ကမ်ခြေနဲ့ မီတာ ၅၀၀ လောက်အကွာမှာ အရင်က တကြိမ်တခါမှ မတွေ့ဖူးသေးတဲ့ အရိုးမဲ့ ရေသတ္တ၀ါတမျိုး အကောင်ရေ ၁ သောင်းကျော် ကုန်းပေါ်တက်လာတာ တွေ့ရှိရကြောင်း ဒေသခံများရဲ့ အပြောကို ကိုးကားဖော်ပြလိုက်တာ ဖြစ်ပါတယ်။ တချို့ဒေသခံတွေကလည်း အဲဒီအကောင်ဟာ သူ့ဖာသာတက်လာတာမဟုတ်ဘဲ လှိုင်းပုတ်လို့ ရောက်လာတာလို့ ပြောကြပါတယ်။ သတင်းထောက်တွေက ကမ်းခြေရှိရာသွားရောက်ပြီး ထူးဆန်းတဲ့အကောင်တွေကို ဗွီဒီယို၊ ဓာတ်ပုံ ရိုက်ယူကာ ဖူးကစ်ခရိုင် ကပ္ပလီပင်လယ်နဲ့ကမ်းစပ်ဆိုင်ရာသဘာဝ အရင်းအမြစ်ဖွံ့ဖြိုးရေး သုတေသနဌာနကို ပေးပို့ခဲ့ပါတယ်။ ညွှန်ကြားရေးမှူး နိုင်းဆုမ်ကစ် ခေါကလစ်ဝုန်းက ဒါဟာ ပင်လယ်မျှော့တမျိုးဖြစ်နိုင်တယ်လို့ ခန့်မှန်းပြောဆိုပြီး အမျိုးအစားအတိအကျကို သိရဖို့အတွက်တော့ ၀န်ထမ်းတွေကိုယ်တိုင် ကွင်းဆင်းလေ့လာပြီး  အဲဒီအကောင်တွေကို ဓာတ်ခွဲခန်းပို့ဆောင်ရမှာဖြစ်တယ်လို့ ပြောပါတယ်။ အဆိုပါအကောင်မျိုးဟာ လွန်ခဲ့တဲ့ ၂-၃ နှစ်ခန့်ကတော့ မလေးရှားနိုင်ငံကမ်းခြေပေါ်လည်း  တက်လာခဲ့ဖူးတယ်လို့ ဆိုပါတယ်။ ဖူးကစ်ဒေသခံတွေကတော့ ဒါဟာ ထူးခြားဖြစ်စဉ်တစ်ခုဖြစ်ပြီး မကြာခင် သဘာဝဘေးအန္တရာယ် ကျရောက်လာမှာကိုလည်း  စိုးရိမ်မကင်းဖြစ်နေကြတယ်လို့ ဆိုပါတယ်။ ဒါပေမယ့် ဖူးခက်ကမ်းခြေက နိုင်ငံခြားခရီးသွားဧည့်သည်တွေကတော့ ပုံမှန် အပမ်းဖြေရေ ကစားလျှက်ရှိကြောင်း သတင်းမှာ ဖော်ပြသွားပါတယ်။ (ဓာတ်ပုံ - Sanook.com)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up