မန္တလေးအာဇာနည် ၁၇ ဦးကို ချီတက်အလေးပြု

၁၃၀၀ ပြည့်အရေးတော်ပုံအတွင်း ကျဆုံးခဲ့တဲ့ မန္တလေးအာဇာနည် ၁၇ ဦးကို ဂုဏ်ပြုသော အားဖြင့် ဒေသခံ ရဟန်းရှင်လူ ပြည်သူတွေက မန္တလေးမြို့မှာ ဒီမနက် ချီတက် အလေး ပြုကြပါတယ်။ ကျဆုံးခြင်း ၇၇ နှစ်မြောက် အထိမ်းအမှတ်အဖြစ် သံဃာတော်တွေ၊ မြို့မိမြို့ဖတွေ၊ အဖွဲ့အစည်းတွေ၊ ပါတီတွေနဲ့ ကျောင်းသူကျောင်းသားတွေဟာ အာဇာနည်တွေရဲ့ ဓာတ်ပုံတွေ ကိုင်ဆောင်ပြီး တမ္ပ၀တီရပ်ရှိ ဗိမာန်အထိ ချီတက်ကြပြီး ပန်းခွေချအလေးပြုကြပါတယ်။ ကျဆုံးခဲ့တဲ့ အာဇာနည်တွေအတွက် ဗိမာန်မှာ ကုသိုလ်ကောင်းမှု ဆောင်ရွက်ကြပြီး စာရေး ဆရာတွေက ဟောပြောကြပါ တယ်။ ၁၉၃၉ ခုနှစ် ဖေဖော်ဝါရီလ ၁၀ ရက်နေ့က အိမ်တော်ရာ ဘုရား ၁၄ ခန်းဇရပ်ကနေ စတင်ထွက်ခဲ့ရာ ၂၆ ဘီလမ်းနှင့် လမ်း ၈၀၊ ၈၁ လမ်းမှာ အင်္ဂလိပ်စစ်ဘာရီတပ်ဖွဲ့က သေနတ်တွေနဲ့ ပစ်ခတ်မှုကြောင့် မန္တလေးမြို့မှာ သံဃာတော် ၇ ပါးနဲ့ လူပုဂ္ဂိုလ် ၁၀ ဦး သွေးမြေကျခဲ့ရပါတယ်။ ၁၃၀၀ ပြည့်အရေးတော်ပုံကြီးဟာ နယ်ချဲ့အာဏာရှင် ဆန့်ကျင်ရေး၊ အမျိုးသား လွတ်မြောက်ရေးအတွက် ချောက်၊ ရေနံချောင်း ရေနံချပ်တို့မှစတင်ခဲ့တဲ့ အမျိုးသား လှုပ်ရှားမှုအရေးတော်ပုံကြီး ဖြစ်ပါတယ်။ ဓာတ်ပုံ - ဘကြီးအောင်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up