စစ်ဘေးရှောင်ဒုက္ခသည်တွေ တင်ဆောင်လာတဲ့ ထော်လာဂျီယာဉ် တိမ်းမှောက်လို့ သံဃာတပါး အပါအ၀င် ၃ ဦး သေဆုံးပြီး ၁၁ ဦး ဒဏ်ရာရရှိခဲ့ပါတယ်။ ဖေဖော်ဝါရီ ၁၅ ရက် ည ၇ နာရီကျော်လောက်မှာ ကျောက်မဲ-မိုးကုတ်လမ်း ပန်ကွမ်ရွာနဲ့ ပန်လင်ရွာကြားမှာ ထော်လာဂျီယာဉ်ဟာ လက်ဘက်ခြံ တောင်စောင်းထဲကို ထိုးကျသွားခဲ့တာပါ။ တိမ်းမှောက်သွားတဲ့ ယာဉ်ပေါ်မှာ ပါခါးကျေးရွာ၊ စာပို့ကျေးရွာ၊ တောင်ပို့လို့ကျေးရွာတွေက စီးနင်းလာတဲ့ စစ်ဘေးရှောင် ပြည်သူ ၄၀ လောက် လိုက်ပါလာတယ်လို့ သွားရောက် သတင်းယူနေတဲ့ ဒီဗွီဘီသတင်းထောက်က ပြောပါတယ်။ စစ်ရှောင်ပြည်သူတွေဟာ ပါခါးကျေးရွာကနေ ကျောက်မဲမြို့ကို စစ်ရှောင်ဖို့ ထွက်ခွာလာတုန်း အခုလို အဖြစ်မျိုးနဲ့ ကြုံရတာ ဖြစ်ပါတယ်။ အခင်းဖြစ်ရာကို လူမူရေးအသင်းအဖွဲ့တွေနဲ့ ဒေသခံတွေက လိုက်ပါကူညီပြီး ဆေးရုံကို ပို့ဆောင်ပေးခဲ့ပါတယ်။ သတင်းဓာတ်ပုံ - အိမ်ခိုင်မြဲ