တောင်တွင်း-မကွေးကားလမ်းတွင် ယာဉ်တစီးတိမ်းမှောက် ၁ ဦးသေဆုံး၊ ၈ ဦးဒဏ်ရာရ
DVB
·
February 10, 2016
မကွေးတိုင်းဒေသကြီး တောင်တွင်းကြီးမြို့နယ်တွင် ဖေဖော်ဝါရီလ ၉ ရက် ညနေ ၃ နာရီ ကျော်က မော်တော်ယာဉ်တစ်စီး တိမ်းမှောက်ကာ အမျိုးသမီး ၁ ဦး သေဆုံးပြီး ခရီးသည် ၈ ဦးဒဏ်ရာ ရရှိ ခဲ့ပါတယ်။
ကုန်စိမ်းအသီးအနှံများနဲ့ ဈေးသည်များ တင်ဆောင်လာတဲ့ မော်တော်ယာဉ်ဟာ တောင်တွင်းကြီးမြို့မှ မိကျောင်းရဲသို့ ပြန်လာစဉ် တောင်တွင်း-မကွေးကားလမ်း မိုင်တိုင်အမှတ် ၂၈၁/၅ အနီးတွင် မော်တော်ယာဉ် တိုက်ရော့ပြုတ်ကာ လမ်းရဲ့ ၀ဲဘက်ခြမ်း ပေ ၃၀ ခန့်အကွာ ရေမြောင်းအတွင်း ထိုးကျ တိမ်းမှောက်ခဲ့တာ ဖြစ်ပါတယ်။
ယာဉ်တိမ်းမှောက်မှုကြောင့် ယာဉ်ပေါ်တွင်ပါလာသော အသက် ၅၅ နှစ်ရှိ ဒေါ်စန်းမှာ နံရိုးကျိုးကာ အသဲစိုက်သည့် ဒဏ်ရာနဲ့ သေဆုံးသွားခဲ့ပါတယ်။ တခြားခရီးသည် ၈ ဦးလည်း ဒဏ်ရာအသီးသီး ရရှိခဲ့တာကြောင့် တောင်တွင်းကြီးပြည်သူ့ဆေးရုံမှာ ဆေးကုသမှုခံယူနေ ပါတယ်။
ယာဉ်တိမ်းမှောက်မှုနဲ့ပတ်သက်ပြီး ယာဉ်မဆင်မခြင်မောင်းနှင်သူ ဦးတိုးကြည်အား ဥပဒေအရ အရေးယူဆောင်ဆောင်ရွက်ပေးရန် ရဲတပ်ကြပ်ကြီး ရဲဝင်းမှ တရားလိုပြု လုပ်တိုင်တန်းသဖြင့် တောင်တွင်းကြီး မြို့မရဲတပ်ဖွဲ့စခန်း ယာဉ်(ပ) ၁၃/၂၀၁၆ ၊ ပြစ်မှုပုဒ်မ- ၃၃၇/၃၃၈/၃၀၄-က ဖြင့် အမှုဖွင့်အရေးယူဆောင်ရွက်နေကြောင်း သိရပါတယ်။
သတင်း - သားကြီး (တောင်တွင်းကြီး)
