တောင်ကြီးမြို့ ကန်သာရပ်ကွက်မှာ နိုဝင်ဘာ ၁၇ ရက် ညနေပိုင်းက မီးပုံးပျံအတွက် ယမ်းစပ်ရင်း ပေါက်ကွဲပြီး အိမ်တလုံး မီးလောင်ခဲ့ပါတယ်။ “ညနေ ၃ နာရီကျော်က ဖြစ်တာ။ အခုတော့ ငြိမ်းသွားပါပြီ။ တအိမ်လုံး လောင်သွားတယ်။ ကားနှစ်စီးလည်း လောင်သွားတယ်။ အဲဒီအိမ်က အဖွားတယောက်နဲ့ ကလေးနှစ်ယောက်ကတော့ ဒဏ်ရာပြင်းထန်ပြီး ဆေးရုံပို့လိုက်ရတယ်လို့ သိရတယ်” လို့ အခင်းဖြစ်ရာနေရာကို ရောက်နေတဲ့ တောင်ကြီးဒေသခံ ကိုအောင်မင်းသူက ဒီဗွီဘီကို ညနေ ၄ နာရီခွဲအချိန်မှာ ပြောပါတယ်။ ကန်သာရပ်ကွက်၊ နေကြာလမ်းမှာရှိတဲ့ အဲဒီအိမ်ဟာ မီးပုံးပျံ မီးဆရာအိမ်ဖြစ်ပြီး မီးပုံးပျံ လေးလုံးစာ ယမ်းပေါက်ကွဲတာ ဖြစ်တယ်လို့လည်း နေရာမှာ ရောက်နေတဲ့ ဒေသခံတချို့က ပြောပါတယ်။ မီးပုံးပျံတလုံးအတွက် ယမ်းပိဿာချိန် ၃၀ လောက် အသုံးပြုရတာ ဖြစ်ပါတယ်။ တောင်ကြီးမီးပုံးပျံပွဲကို နိုဝင်ဘာ ၁၈ ရက်ကစတင်ပြီး ၁၀ ရက်ကြာ ကျင်းပမှာ ဖြစ်ပါတယ်။ ဓာတ်ပုံ - ကျော်ဇင်ထွန်း၊ နေလင်းသိုက်