မိုင်းနောင်မြို့တွင်း လက်နက်ကြီးထပ်ကျ၊ နေအိမ်တလုံး ထိမှန်မီးလောင်
1.6K
ရှမ်းပြည်နယ် လွိုင်လင်ခရိုင် မိုင်းနောင်မြို့ထဲမှာ ဒီကနေ့မနက်က လက်နက်ကြီးကျပြီး နေအိမ်တလုံး ထိမှန်မီးလောင်သွားပါတယ်။
မနေ့ညက တညလုံး လက်နက်ကြီးကျသံတွေ တချက်တချက် ကြားရပြီး မိုးလင်းတဲ့အခါ ရပ်ကွက် ၄ ထဲက ဒေါ်နန်းငဲမ်တို့အိမ် လက်နက်ကျည်ထိပြီး မီးလောင်တာ တွေ့ရတယ်လို့ တရပ်ကွက်တည်းသား စိုင်းနော်က ဒီဗွီဘီကို ပြောပါတယ်။
"မနေ့ညက မိုးရွာလို့ မပစ်ခတ်ဘူးထင်ပြီး စိတ်ချလက်ချ အိပ်ပျော်မလို့လုပ်တာ၊ သန်ခေါင်လည်းကျော်ရော အသံတွေ ပြန်ကြားရတယ်။ တောက်လျှောက်ပစ်တာတော့ မဟုတ်ဘူး၊ နားလိုက် ပစ်လိုက်ပဲ။ ဘယ်သူမှ အိမ်ပြင်ထွက်မကြည့်ရဲဘူး၊ မိုးလင်းတော့ ဒေါ်နန်းငဲမ်တို့အိမ် မီးလောင်တယ်ပြောလို့ ကျနော်တို့လည်း သွားကြည့်ကြတယ်။ သူတို့ စပါးကြိတ်စက်တွေ၊ ထွန်တုံးတွေ၊ ထင်းတွေထားတဲ့ အဖီထဲကို လက်နက်ကျည်ထိပြီး မီးလောင်တာတဲ့၊ တော်သေးလို့ အချိန်မီ ငြှိမ်းသတ်လို့ အိမ်ကြီးအဆောင်ထိ မကူးလိုက်ဘူး။"
တခြားနေရာမှာတော့ ခြံထဲမှာ လမ်းပေါ်မှာပဲကျလို့ ထိခိုက်ပျက်စီးတာမရှိကြောင်း၊ ဒါပေမယ့် မိသားစုတော်တော်များများ တခြားနေရာကို ထွက်ပြေးနေပြီး တမြို့လုံး ငြိမ်သက်ကာ အိမ်စောင့် ၁ ဦးစ ၂ ဦးစပဲ ကျန်တယ်လို့ သူကဆက်ပြောပါတယ်။
ဈေးတွေ ကျောင်းတွေလည်း ပိတ်ထားပြီး ဘာမှဝယ်လို့မရ၊ မြို့ပြင်က လယ်ယာစိုက်ခင်းတွေဆီလည်း ဘယ်သူမှမသွားရဲ ဖြစ်နေတယ်လို့ ဆိုပါတယ်။
အခုလို တမြို့လုံး ခြောက်ကပ်နေတဲ့အပေါ် သက်ဆိုင်ရာ အုပ်ချုပ်ရေးဘက်ကလည်း ဘာမှကြေညာထားတာမရှိကြောင်း၊ မိုင်းနောင်ဘုန်းကြီးကျောင်းကတော့ အိမ်မှာမနေရဲရင် ကျောင်းမှာလာစုပြီးနေကြဖို့ ပြောထားတယ်လို့ စိုင်းနော်က ပြောပါတယ်။
ပြီးခဲ့တဲ့ အပတ်ကစပြီး မိုင်းနောင်မြို့မှာ ညတိုင်းလို ပစ်ခတ်သံတွေ ကြားနေရရာက နိုဝင်ဘာ ၁၀ ရက်နေ့မှာတော့ ရှမ်းပြည်တပ်မတော်မြောက်ပိုင်း တပ်ဖွဲ့တွေ ရှိရာဘက်ကို စစ်တပ်က လေယာဉ်ပေါ်ကနေ လက်နက်ကြီးတွေနဲ့ ပစ်ချရင်း မြို့ထဲကိုပါ ကျလာတဲ့အတွက် ရပ်ကွက်ပေါင်း ၅ ခုက လူဦးရေ ၃ ပုံ ၂ ပုံဟာ တခြားမြို့ရွာတွေဘက် ထွက်ပြေး ပုံးရှောင်နေပါတယ်။
မိုင်းနောင်နဲ့ မိုင် ၅၀ လောက်ဝေးတဲ့ လဲချားမှာ စစ်ဘေးရှောင်သူပေါင်း ၅၀၀ နီးပါး ရောက်ရှိနေပြီး တချို့က လမ်းမှာ စစ်တပ်က ပိတ်ဆို့ထားတာကြောင့် လာလို့မရသေးဘူးလို့ လဲချားမှာ ရောက်နှင့်နေတဲ့ စစ်ဘေးရှောင် မိုင်းနောင်သား စိုင်းလောဝ်က ဒီဗွီဘီကို ပြောပါတယ်။
"လဲချားနဲ့ ခိုလမ်ဘက်ကို ထွက်ပြေးလာနေတဲ့ လူပေါင်း ၃၀၀ ကျော်က ၀မ်စိမ်းရွာနားရောက်တော့ စစ်တပ်က တားထားလို့ လာလို့မရတော့ဘူး။ ဟိုဘက်လည်း မပေးပြန်၊ ဒီဘက်လည်း မပေးလာနဲ့ ပိတ်ထားတယ်တဲ့။ ထွက်ပြေးလာတဲ့ထဲမှာ ကိုယ်ဝန်ဆောင် ၂ ယောက် ၃ ယောက်ပါတယ်။ ကလေးလာမွေးတဲ့သူလည်းရှိပြီး ကျန်းမာရေးစောင့်ရှောက်မှုလည်း လိုနေတယ်လို့ ဖုံးဆက်လာတယ်၊ အခု ဖုံးအဆက်အသွယ် ပြန်ပြတ်သွားပြီ။"
မိုင်းနောင်နဲ့ မိုင် ၃၀ ကျော်အကွာ မိုင်းရှူးမြို့မှာလည်း စစ်တပ်က သူတို့တပ်အနီး မိုင်းးတွေမြှုပ်ထားတာကြောင့် ပြီးခဲ့တဲ့ရက်ပိုင်းက ရွာသားပိုင် ကျွဲတကောင်နဲ့ နွားတကောင် မိုင်းနင်းမိပြီး သေသွားတယ်လို့ မိုင်းရှူးဒေသခံ နန်းဆိုင်ဟိန်းက ဒီဗွီဘီကို ပြောပါတယ်။
ခလရ ၁၄၉ က စစ်တပ်အနီးတ၀ိုက် ဖြတ်သန်းသွားလာခွင့်မပြုကြောင်း စာထုတ်လိုက်ပြီး ရပ်ကွက် ၄ နဲ့ ရွာပေါင်း ၂ ရွာက တောင်သူတွေမှာ လယ်ယာစိုက်ခင်း အလုပ်ဆင်းဖို့ အခက်အခဲ ဖြစ်နေတယ်လို့ သူက ဆက်ပြောပါတယ်။
ဒီကနေ့မှာလည်း မိုင်းရှူးမြို့ အနီးတ၀ိုက် ကျေးရွာတွေကနေ သေနတ်သံတွေ ကြားရကြောင်း၊ မိုင်းရှူးမြို့ကနေ လားရှိုး၊ တောင်ကြီးကိုသွားတဲ့ လမ်းဘက်မှာ စရဖနဲ့ အက်စ်ဘီက စောင့်ကြပ်ပြီး ဖြတ်သန်းသွားလာခွင့် ပိတ်ထားသလို တရွာနဲ့တရွာ သွားတဲ့လမ်းမှာလည်း စစ်တပ်တွေ စောင့်နေတဲ့အတွက် မိုင်းရှူးဘက်ကို ပြေးလာမယ့် ဒုက္ခသည်တွေ ပိတ်မိနေတယ်လို့ ဆိုပါတယ်။
မိုင်းရှူးမြို့ပေါ်မှာတော့ ဈေးကို ခနလေးဖွင့်ကာ ပြန်ပိတ်သွားပြီး စာသင်ကျောင်းလည်း ပိတ်ထားတယ်လို့ ပြောပါတယ်။
ကျေးသီးမြို့နယ် မိုင်းနောင်နဲ့ မိုင်းရှူးမြို့နယ်ထဲမှာ ရှမ်းပြည်တပ်မတော်နဲ့ အစိုးရတပ်ကြား တလကျော်ကြာမြင့်တဲ့ တိုက်ပွဲတွေကြောင့် ဒေသခံ ၆၀၀၀ ကျော် ဘေးလွတ်ရာကို တိမ်းရှောင်နေရတယ်လို့ ရှမ်းလူ့အခွင့်အရေးမဏ္ဍိုင်အဖွဲ့က ထုတ်ပြန်ထားပါတယ်။
ဓာတ်ပုံ -ssppssa.bur
