သြစတြေးလျနိုင်ငံအခြေစိုက် အေအန်ဇက် ဘဏ်လုပ်ငန်းအုပ်စုဟာ မြန်မာနိုင်ငံမှာ ပထမဆုံးဘဏ်ခွဲကို အောက်တိုဘာ ၂ ရက်နေ့ ဖွင့်လှစ်သွားမယ်လို့ ဘဏ်ရဲ့ သတင်းထုတ်ပြန်ချက်ကို ကိုးကားပြီး သြစတြေးလျအခြေစိုက် Business Spectator သတင်းမှာ ဖော်ပြပါတယ်။
အေအန်ဇက် ဘဏ်လုပ်ငန်းအုပ်စုဟာ သြစတြေးလျနိုင်ငံရဲ့ စတုတ္ထအကြီးဆုံး ငွေကြေးအဖွဲ့အစည်းတခုဖြစ်ပြီး ခုဖွင့်လှစ်မယ့် ဘဏ်ခွဲကိုတော့ ရန်ကုန်မြို့မှာ ဖွင့်လှစ်မယ်လို့ သတင်းထုတ်ပြန်ချက်မှာ ဖော်ပြပါတယ်။
ခုလို ဘဏ်ခွဲဖွင့်လှစ်လိုက်တာဟာ မြန်မာနိုင်ငံတွင်း ၀င်ရောက်လာမယ့် နိုင်ငံတကာ ကုမ္ပဏီတွေနဲ့ ပြည်တွင်းလုပ်ငန်းတွေကြား အေအန်ဇက် ဘဏ်လုပ်ငန်းအုပ်စုကတဆင့် ချိတ်ဆက်လုပ်ဆောင်နိုင်မှာဖြစ်တယ်လို့ ဆိုပါတယ်။
အေအန်ဇက် ဘဏ်လုပ်ငန်းအုပ်စုဟာ မဟာမဲခေါင်ဒေသတွင်း နိုင်ငံတခုဖြစ်တဲ့ ထိုင်းနိုင်ငံမှာလည်း မကြာသေးခင်က ဘဏ်ခွဲဖွင့်လှစ်ခဲ့တာပါ။
အေအန်ဇက် ဘဏ်လုပ်ငန်းအုပ်စု အပြည်ပြည်ဆိုင်ရာ ဘဏ်လုပ်ငန်းဆိုင်ရာ အမှုဆောင်အရာရှိချုပ် အန်ဒရူးဂက်ဇီက “မြန်မာနိုင်ငံကို ထုတ်လုပ်မှု အဓိက အချက်အချာကျတဲ့ နိုင်ငံအဖြစ် အာဆီယံ စီးပွားရေးဆိုင်ရာ ပူးပေါင်းဆောင်ရွက်မှုတွေမှာ ပိုပြီး နီးနီးကပ်ကပ် ကူညီပေးနိုင်ဖို့ ကျနော်တို့အနေနဲ့ မျှော်လင့်ပါတယ်” လို့ ပြောပါတယ်။
မြန်မာနိုင်ငံမှာ အခြေစိုက် ကိုယ်စားလှယ်ရုံးတွေ ဖွင့်ထားတဲ့ နိုင်ငံခြားဘဏ်ခွဲ ၄၃ ခုထဲမှ ဘဏ်ခွဲ ၉ ခုဟာ ၂၀၁၄ ခုနှစ်၊ အောက်တိုဘာလကတည်းက လုပ်ငန်းလုပ်ကိုင်ခွင့် လိုင်စင် ရထားခဲ့တာပါ။
လက်ရှိအချိန်ထိ မြန်မာနိုင်ငံမှာ ပြည်တွင်း ပုဂ္ဂလိကဘဏ် ၂၅ ခုနဲ့ အစိုးရဘဏ် ၄ ခု ရှိနေတာ ဖြစ်ပါတယ်။
