ကျွန်တော်တို့ တိုင်းပြည်မှာ နိုင်ငံရေး၊ စီးပွားရေး၊ လူမှုရေး... ဘယ်ဟာမှ မကောင်းခဲ့တာ ကြာပြီဟု လူတိုင်း သိကြသည်။ တိုင်းပြည်ကောင်းဖို့အတွက် ပြောင်းလဲသင့်တာတွေ ပြောင်းလဲရမည် ဆိုတာလည်း စဉ်းစားကြသူတိုင်း သိပါ သည်။ တိုင်းပြည်တွင်းမှာ ဆင်းရဲဒုက္ခမျိုးစုံ ကြုံတွေ့ခံစားကြ ရသူများက “ဒီအတိုင်း မကောင်းဘူး၊ မဖြစ်ဘူး၊  မနေနိုင်တော့ဘူး၊ ပြောင်းပါ၊ မြန်မြန် ပြောင်းကြပါ”ဟု အုံကြွ တောင်းဆိုခဲ့ကြတာလည်း အားလုံး အသိဖြစ်သည်။ ထို့ကြောင့်၊ တိုင်းပြည်ကို နှစ်ပေါင်း နှစ်ဆယ်ကျော် အာဏာရှင်စနစ်အမျိုးမျိုးဖြင့် စိုးမိုးအုပ်ချုပ်ခဲ့သည့် ဦးနေ၀င်း ကိုယ်တိုင်က “ခင်ဗျားတို့ မကြိုက်လျှင် ပြောင်းပါမည်၊ တစ်ပါတီစနစ် ကြိုက်သလား၊ ပါတီစုံစနစ် ကြိုက်သလား၊ ပြောပါ” ဟု ဆိုကာ လူထုဆန္ဒခံယူဖို့ လုပ်ခဲ့တာလည်း ရှိခဲ့သည်။ အဲသည်နောက်မှာ ပါတီစုံဒီမိုကရေစီ အထွေထွေရွေးကောက်ပွဲဆိုတာ ၁၉၉၀ ပြည့်နှစ်မှာ လုပ်ခဲ့သည်။ စနစ်ပြောင်းတော့မလို သဘောပါပဲ။ လူထုက တကယ်ဖြစ်လေမလား မျှော်လင့်ခဲ့သည်။ သို့သော် ရွေးကောက်ပွဲ ရလဒ်ကို မကြိုက်သဖြင့် မပြောင်းခဲ့။ နဂိုမူလ အာဏာရှင်ပုံစံအတိုင်း ဆက်နေခဲ့သည်။ အဲသည်တော့၊ မပြောင်းပြန်ဘူးပေါ့။ အဲသည်နောက်လည်း လူထုက ဘယ်တော့မှ လက်မခံ၊ ဘယ်တော့မှ မကျေနပ်တော့၊ နောက်တစ်ကြိမ် ပြောင်းဖို့ ပြင်လာပြန်သည်။ စည်းကမ်းပြည့်ဝသော ဒီမိုကရေစီစနစ်တဲ့။ အဲဒါကို ကျင့်သုံးနိုင်ဖို့အတွက် ဖွဲ့စည်းပုံအခြေခံဥပဒေ ရေးဆွဲနေလိုက်ရတာ နှစ်ကာလများစွာ။ ၂၀၀၈ မှာ အဲသည် ဖွဲ့စည်းပုံ ပြီးစီးပြီး၊ အဲဒါနှင့် လျော်ညီစွာ ၂၀၁၀ မှာ ရွေးကောက်ပွဲ ဆိုတာ ကျင်းပ၍ အပြောင်းအလဲဆိုတာ တစ်ခု ပြုလုပ်ပြန်သည်။ သို့သော်၊ မူပဲ ပြောင်းတာ၊ လူ မပြောင်း-တဲ့။ လူကတော့ ကျွန်တော်တို့ ကျွန်တော်တို့ပါပဲ၊ သို့သော်၊ ခင်ဗျားတို့ ကြိုက်အောင် နောက်တစ်မျိုး ကြိုးစားပြမည်၊ ဆိုသော သဘော။ သို့သော်၊ လေးငါးနှစ်သာ ကြာလာသည်။ အုပ်စိုးမှုယန္တရားအဆင့်ဆင့်မှ အဲသည် ကျွန်တော်တို့တွေ၏ mindset တွေက မပြောင်း။ အဲသည်တော့ တိုင်းပြည်၏ နိုင်ငံရေး၊ လူမှုရေး၊ စီးပွားရေး အခြေအနေတွေ မပြောင်းဘူးပေါ့။ သို့သော်၊ အဲသည်လို ပြောလျှင်လည်း တစ်ဖက်သတ် ပြောရာရောက်မည်။ လေးငါးနှစ်အတွင်း တိုင်းပြည်ထဲမှာ စကားအသုံး အနှုန်း အပြောအဆိုတွေ ပြောင်းလဲလာခဲ့တာတွေတော့ ရှိသည်ပေါ့။ ယခင်က ပြောလို့ဆိုလို့ မရသည့် ကိစ္စ အတော်များများ ပြောလို့ ဆိုလို့ရသည်။ သူလည်းပြော ကိုယ်လည်းပြော။ သို့သော်၊ ပြောတာ အပြင်တော့ ဘာများ ပြောင်းလဲ သလဲ။ ဘယ်သူ ဘာပြောပြော နဂို အမူအကျင့်များအတိုင်း လုပ်မြဲကိုင်မြဲ။ တိုင်းပြည်၏ အခြေအနေများကလည်း နဂို မူလအတိုင်း ဆိုးမြဲ၊ မကောင်းမြဲ။ ယခုတော့ လာပါပြီ။ ၂၀၁၅ အထွေထွေ ရွေးကောက်ပွဲ တဲ့။ ဒါမှာကော ဘယ်လောက် ပြောင်းမည်လဲ။ ပြောင်းလဲချင်သူတို့ကတော့ ပြောင်းလဲချိန်တန်ပါပြီ၊ အချိန်တန်ရုံမက လွန်ပင် လွန်နေပါပြီ၊ ခင်ဗျားတို့ မပြောင်းလျှင် ကျုပ်တို့ ပြောင်းပါမည်၊ ဟောသည်မှာ ပြောင်းလဲမယ့် အစီအစဉ်တွေ ဆိုပြီးပါ ထုတ်ပြန် ပြောဆို လာနေပြီ။ သို့သော်၊ အင်း၊ ရွေးကောက်ပွဲ ရလဒ် ထွက်တော့မှပဲ ပြောင်းလဲချင်သူတို့ ပြောင်းလဲခွင့် တကယ် ရမရ သိကြရလိမ့်မည်။ ယခုအထိတော့ ရွေးကောက်ပွဲက ဘယ်လို နေလေမလဲ မသေချာသေး။ လွတ်လပ်၍ တရားမျှတသော ရွေးကောက်ပွဲဆိုတာမျိုး တကယ်ဖြစ်မှသာ ရွေးကောက်ပွဲ ရလဒ်က လူထုဆန္ဒနှင့် ထပ်တူညီစွာ ထွက်ပေါ်နိုင်မည်။ အဲသည်အတွက် ရွေးကောက်ပွဲ အကြိုကာလ၊ ဆန္ဒမဲပေးရသည့် ရွေးကောက်ပွဲနေ့ရက်၊ အဲသည်နောက် ရွေးကောက်ပွဲ ရလဒ်တွေ ထုတ်ပြန်ကြေညာကာ အဲသည် ရလဒ်များ အတိုင်း ဆက်လက် ဆောင်ရွက်ပေးရမည့် ရွေးကောက်ပွဲ အပြီးကာလ၊ အဲဒါတွေ စောင့်ကြည့်ရဦးမည်။ ပြီးတော့မှ သည်ရွေးကောက်ပွဲမှ တကယ် အပြောင်းအလဲ ထွက်ပေါ် မထွက်ပေါ် သိနိုင်မည်။ သည်ကနေ့က အကြိုကာလ၊ သို့သော် အကြိုကာလမှာ၊ ရွေးကောက်ပွဲဝင်မည့် ပါတီတွေ ကိုယ်စားလှယ်လောင်းတွေနှင့် ပတ်သက်၍ ပြဿနာ ကြီးကြီးမားမား မမြင်ရ မတွေ့ရသေးသော်လည်း၊ သည်ရွေးကောက်ပွဲ၏ အဓိကအကျဆုံး ပုဂ်္ဂိုလ်များဖြစ်သည့် မဲဆန္ဒရှင် ပြည်သူလူထုမှာတော့ ပြဿနာတွေ ကြုံနေရပြီ။ အဲဒါက မဲဆန္ဒရှင်စာရင်း။ မဲဆန္ဒရှင်စာရင်းဆိုတာ ပထမတစ်ကြိမ် ထုတ်ပြန်တော့ အမှားမှားအယွင်းယွင်း။ အဲဒါကို အရပ်ရပ်က ပြောဆိုဝေဖန်ပြီး၍ ယခု နောက်တစ်ကြိမ် ပြန်လည်ပြင်ဆင် ထုတ်လာပြန်တော့လည်း အလွဲလွဲအချော်ချော်။ သိပ်လွဲပါသည်၊ မှားပါသည်၊ သည်ဟာ မှား၍ ပြင်ပေးပါ တောင်းဆိုတော့ နောက်တစ်မျိုး မှားပါသည် စသဖြင့် ပြောဆို ဝေဖန်နေကြသည်။ မှားနည်း မှားပုံတွေက အမျိုးမျိုး အဖုံဖုံ။ ပြောလျှင် ရှည်လျားလိမ့်မည်။ သည်အတွင်း မဲစာရင်းနှင့် ပတ်သက်၍ တာဝန်အရှိဆုံး ပုဂ်္ဂိုလ်က ၃၀ ရာခိုင်နှုန်းလောက်ပဲ မှန်နိုင်မည်ဟု ဆိုလိုက်တော့ အတော် ခွကျသည်။ စာမေးပွဲအနေနှင့် ပြောလျှင်တော့ ၃၀ သည် ဘယ်စာမေးပွဲမှ မအောင်နိုင်သည့် အမှတ်။ သို့သော်၊ ထားပါတော့။ ၃၀ နှင့် ရွေးကောက်ပွဲ ကျင်းပတော့မလို ဖြစ်နေပြီ။ မဲစာရင်းက အမှတ် ၃၀ ဆိုလျှင် ရွေးကောက်ပွဲ ရလဒ်သည်ကော ၃၀ ထက် ပိုနိုင်မည်လား။ ဒါဆိုလျှင် ဘာလုပ်ကြမည်လဲ။ မဲစာရင်း အောင်မှတ်ရသွားအောင်၊ အဲဒါနှင့် တဆက်တည်း ရွေးကောက်ပွဲရလဒ်လည်း အောင်မှတ် ရသွားအောင် လုပ်ဆောင်ပေးနိုင်စရာ နည်းလမ်းများတော့ ရှိသေးသည်။ သည်ကနေ့ပဲ၊ အဲသည်အတွက် ဆောင်ရွက်နေသူ တစ်စုနှင့် တွေ့ရသည်။ ရုပ်ရှင် ဂီတနှင့် စာပေအနုပညာသမားများ ပြုလုပ်သည့် “မဲပေးပိုင်ခွင့် မဆုံးရှုံးဖို့ မဲစာရင်း ကြည့်ကြစို့” အစီအစဉ်မှာ ဖြစ်သည်။ ယနေ့ (၂၀. ၉. ၂၀၁၅) နေ့လယ်က ဆူးလေ ရှန်ဂရီလာဟိုတယ်မှာ ကျင်းပတာ ဖြစ်သည်။ သည်အစီအစဉ်မှာ ရုပ်ရှင်-ဂီတ-စာပေ အနုပညာသမားများက မဲဆန္ဒရှင် ပြည်သူလူထုအား မဲစာရင်း အမှားများကြောင့် ဆန္ဒမဲပေးပိုင်ခွင့် မဆုံးရှုံးကြရန်အတွက် ယခု ပေးထားသည့် အချိန်အတောအတွင်း မဲစာရင်းများကို ကိုယ်တိုင်ကိုယ်ကျ သွားရောက် စစ်ဆေးကြရန်နှင့် မိမိ အမည် မပါရှိပါက ပါရှိအောင် ဆောင်ရွက်ကြရန် မီဒီယာများမှ တဆင့် တိုက်တွန်းနှိုးဆော်ကြတာ တွေ့ရသည်။ အဲသည်ပွဲမှာ သတိပြုမိလိုက်တာ နှစ်ခုရှိသည်။ တစ်ခုက၊ အနုပညာရှင်များ၏ လုပ်ရှားဆောင်ရွက်မှုနှင့် အဲသည်က ဆင့်ပွားဖြစ်ပေါ်နိုင်လာသည့် အကျိုးဆက် များသည် မတိကျ မမှန်ကန်သော မဲစာရင်းများ တိကျ မှန်ကန်လာအောင် အများကြီး အထောက်အကူပြုနိုင် လိမ့်မည်။ တစ်နည်းပြောသော်၊ ရွေးကောက်ပွဲရလဒ် ပိုမို တိကျမှန်ကန်စွာ ထွက်ပေါ်လာရေးအတွက် အထောက်အကူ ပြုနိုင်လိမ့်မည်၊ ဟူသော အချက်ဖြစ်သည်။ နောက်တစ်ခုကမူ၊ အနုပညာသမားများ၏ ပြောင်းလဲလာသော အနေအထား ဖြစ်သည်။ လွန်ခဲ့သော ဆယ်စုနှစ်များအတွင်း အာဏာရှင် အစိုးရ အဆက်ဆက် လက်ထက်တွင် အနုပညာရှင်တို့သည် မငြင်းဆန်နိုင်သော အကြောင်းများ ကြောင့် အစိုးရ ၀ါဒဖြန့်ချိရေး လုပ်ငန်းများတွင် ပါဝင်ခဲ့ကြ ရဖူးသည်။ သည်ကနေ့တွင်မူ အနုပညာသမားများက မိမိတို့ ယုံကြည်ချက် မိမိတို့ သဘောဆန္ဒများအတိုင်း မိမိတို့ ဘာသာ လွတ်လပ်စွာ လှုပ်ရှားကာ ခေတ်အပြောင်းအလဲကို ကြိုဆိုလျက်ရှိကြပြီ ဟူ၍ မြင်လိုက်ရခြင်း ဖြစ်သည်။ နိုင်ငံတွင် ခေတ်စနစ် အပြောင်းအလဲ ဖြစ်ရန်အတွက် နိုင်ငံသားတို့ကိုယ်တိုင် စိတ်ဓာတ်များ၊ အတွေးအကြံများ၊ အမူအကျင့်များ ပြောင်းလဲနိုင်ဖို့ လိုသည်။ ယနေ့ အနုပညာ သမားတွေက စိတ်ဓာတ် ပြောင်းလဲမှုကို ရှေ့ဆောင် ပြသခဲ့ကြပြီ။ လူထုကြားထဲမှ ဘယ်အလွှာ ဘယ်အစု ဘယ်အုပ်စုတွေက ဘယ်သို့ ဆက်လက် လှုပ်ရှားကာ အပြောင်းအလဲအတွက် ဆောင်ရွက်ကြမည်လဲ ဟူသည်ကို စောင့်ကြည့်ရပေမည်။ ဖေမြင့် ၂၀-၉-၂၀၁၅   (ပြည်သူ့အရေးဂျာနယ်၊ အတွဲ - ၁၊ အမှတ် - ၅၂၊ ဆရာဖေမြင့်ဆောင်းပါးကို ခွင့်ပြုချက်ဖြင့် ဖော်ပြသည်)