နိုင်ငံတကာ ချန်ပီယံဖလား ဖီအိုရင်တီးနား ၂ – ၁ ဘာစီလိုနာ (ရုပ်သံဟိုက်လိုက်)

သြဂုတ် ၂ ရက်နေ့က အီတလီနိုင်ငံ ဖလော့ရန့်စ်မြို့မှာ ယှဉ်ပြိုင်သွားတဲ့ နုိုင်ငံတကာ ချန်ပီယံဖလားပြိုင်ပွဲမှာ အီတလီကလပ် ဖီအုိုရင်တီးနားက စပိန်ထိပ်သီး ဘာစီလုိုနာကုို ၂ ဂိုး ၁ ဂိုးနဲ့ အနုိုင်ရ သွားပါတယ်။ အီတလီကလပ် ဖီအုိုရင်တီးနားအတွက် ဦးဆောင်ဂိုးကုို ပွဲအစ ၄ မိနစ်လောက်မှာ သွင်းယူပါတယ်။ ချန်ပီယံလိဂ် ချန်ပီယံ ဘာစီလုိုနာက ဒီပွဲမှာ အဓိက ကစားသမားတွေ ဖြစ်တဲ့ မက်ဆီနဲ့ နေမာတုို့ မပါဘဲနဲ့ ယှဉ်ပြိုင်သွားတာပါ။ ဒုတိယဂိုးကုိုတော့ ၁၁ မိနစ်လောက်မှာ ဘာကာ နောက်ခံလူတွေ ကြားထဲကနေ ထုိုးဖောက် သွင်းယူပါတယ်။ ၂ ဂိုး ပေးလုိုက်ရပြီး နောက်ပုိုင်းမှာ ဘာကာက ဖိအားပေး ကစားနုိုင်ခဲ့ပြီး ချေပဂိုး ၁ ဂိုးကုို တုိုက်စစ်မှူး ဆွာရက်က သွင်းယူပါတယ်။ ဘာစီလုိုနာ တုိုက်စစ်မှူး ပက်ဒရို အခွင့်အရေး ၂ ကြိမ် ရပေမယ့် တဘက်ဂိုးသမား ကာကွယ်နုိုင်ခဲ့ပါတယ်။ ပက်ဒရိုဟာ မန်ယူကုို ပြောင်းဖုို့ ချိတ်ဆက်နေတဲ့ ကစားသမားလည်း ဖြစ်ပါတယ်။ ဘာစီလုိုနာဟာ နုိုင်ငံတကာ ချန်ပီယံ ဖလားပြိုင်ပွဲ ၄ ပွဲမှာ ၁ ပွဲပဲ အနုိုင်ရထားပြီး ၂ ပွဲရှုံး ၁ ပွဲ သရေကျထားပါတယ်။ ချန်ပီယံလိဂ် ချန်ပီယံ ဘာစီလုိုနာဟာ သြဂုတ် ၁၁ ရက်နေ့မှာ ယူရိုပါလိဂ် ချန်ပီယံ ဆီဗီလာအသင်းနဲ့ ဥရောပစူပါဖလား ပြိုင်ပွဲကုို ယှဉ်ပြိုင်ရမှာ ဖြစ်ပါတယ်။

More News
Up