အရေးပေါ်အခြေအနေ ကြေညာပြီး စောင့်ရှောက်သင့်ပြီ – ဦးထွန်းလွင်

ဓာတ်ပုံ - ဦးထွန်းလွင်ဖေ့စ်ဘွတ်ခ်
တနိုင်ငံလုံး မိုးကြီးပြီး ရေကြီးနေတာကြောင့် အစိုးရအနေနဲ့ အရေးပေါ်အခြေအနေ ကြေညာပြီး စောင့်ရှောက်ဖို့သင့်ပြီလို့ မိုးလေ၀သပညာရှင် ဦးထွန်းလွင်က ပြောပါတယ်။ အထူးသဖြင့် ဆည်မြောင်းတွေကို အလေးထား စောင့်ရှောက်သင့်တယ်လို့လည်း သူက ပြောပါတယ်။ ဘင်္ဂလားပင်လယ်အော်မှာ ဆက်လက်တည်ရှိနေတဲ့ မုန်တိုင်းကြောင့် ချင်း၊ ရခိုင်၊ မကွေး အနောက်ခြမ်းနဲ့ ဧရာဝတီတိုင်းတို့မှာ မိုးကြီးပြီး ရေကြီးရေလျှံမှုတွေ ဆက်လက် ဖြစ်ပွားနိုင်တယ်လို့ ပြောပါတယ်။ ဒီနေ့ကစပြီး နောက် ၄-၅ ရက်အတွင်း ဧရာဝတီ မြစ်ဝကျွန်းပေါ်ဒေသမှာ ရေကြီးရေလျှံမှုတွေ အကြီးအကျယ် ဖြစ်ပွားနိုင်တာကြောင့် သတိပြု နေထိုင်ကြဖို့လည်း မိုးလေ၀သပညာရှင်က တိုက်တွန်းနှိုးဆော်လိုက်ပါတယ်။ မိုးလေ၀သပညာရှင် ဦးထွန်းလွင်ကို ဒီဗွီဘီက ဆက်သွယ်မေးမြန်းထားပါတယ်။ မုန်တိုင်း နောက်ဆုံးအခြေအနေ ပြောပြပေးပါ။ “နေရာက ထွေထွေထူးထူးတော့ မပြောင်းဘူး၊ ဘင်္ဂလားဒေ့ရှ် တောင်ဘက်ကမ်းစပ်မှာပဲ၊ ဒါပေမယ့် မောင်တောနဲ့တော့ သိပ်မဝေးဘူးပေါ့။ မုန်တိုင်းအရှိန် တိမ်စွယ်တန်းတွေက ရခိုင်ကို ဖြတ်နေတယ်။ အဲ့ဒီတော့ ရခိုင်မှာ မိုးရွာတာ၊ လေတိုက်တာ၊ လှိုင်းကြီးတာတို့တော့ နောက်ထပ် အနည်းဆုံး ၄၈ နာရီလောက် ဆက်ဖြစ်နေဦးမယ်၊ မုန်တိုင်းက ရပ်နေတာ တရက်ကျော်သွားပြီ၊ နည်းနည်း အားပိုလာတာတော့ ရှိတာပေါ့။” ဆရာ စောစောကပြောတဲ့ တိမ်စွယ်တန်းကြီးကြောင့် ဘယ်ဒေသတွေမှာ ဘာဖြစ်နိုင်လဲဗျ။ “အဓိကကတော့ ချင်းရယ်၊ ရခိုင်ရယ်၊ မကွေး အနောက်ခြမ်းရယ်၊ မနေ့ကအထိတော့ အကုန်လုံးပဲဗျ။ ဧရာဝတီ၊ ပဲခူး၊ အဲ့ဒီဒေသတွေ မိုးကြီးတယ်၊ ရေလည်းတက်နေတယ်။” အခုရက်ပိုင်း တနိုင်ငံလုံးလိုလို မိုးကြီး ရေကြီးနေတာ ဘယ်လို အကြောင်းအချက်တွေကြောင့်လဲဗျာ။ 11693893_749623778480469_288941291859974055_n“နံပါတ်တစ်က မုတ်သုံ အားကောင်းတာ အဓိက အချက်ပေါ့။ မုန်တိုင်းဖြစ်တာလည်း ပါတာပေါ့။ မုတ်သုံလေဦးက အညှာ သွားကိုင်လိုက်သလိုပေါ့ဗျာ။ မြန်မာပြည်မြောက်ပိုင်းပေါ် သွားထိုင်လိုက်တာ။ မြန်မာပြည်မြောက်ပိုင်းပေါ် သွားထိုင်လိုက်တော့ ကချင်နဲ့ စစ်ကိုင်းအထက်မှာ မိုးက တအား ကောင်းလိုက်တာ၊ မိုး တအားကောင်းလိုက်တော့ ကချင်ဆိုတာက ဧရာဝတီမြစ်ဖျားပိုင်း၊ စစ်ကိုင်းအထက်ပိုင်းက ချင်းတွင်းမြစ်ဖျားပိုင်းဆိုတော့ အဲ့ဒီဘက် ရွာသမျှမိုးက အောက်ဘက်ကို ဆင်းလာတာပေါ့။ တခါ အောက်ဘက်က မုတ်သုံလေ အားကောင်းပြီး မိုးက ရွာလိုက်တော့ အပေါ်မိုး အောက်မိုး ညပ်သွားတာပဲဗျာ။” မိုးက ဘယ်နှရက်လောက် ဆက်ပြီး ရွာနိုင်သေးလဲဗျ။ “နောက်ထပ် ၂ ရက်လောက်တော့ ရွာနိုင်သေးတယ်ဗျ။” အဲ့ဒီတော့ ဆရာ ခုနကပြောသလို မြစ်ဖျားပိုင်း မိုးကောင်းတော့ မြစ်ဝကျွန်းပေါ်ဘက်က နောက် ဘယ်နှရက်လောက်ဆို ဘာတွေဖြစ်နိုင်ပြီး ဘာတွေ ပြင်ဆင်ထားဖို့ လိုမလဲ။ “မြစ်ဝကျွန်းပေါ်က ပြေးမလွတ်ဘဲ၊ ရှိသမျှရေက မြစ်ဝကျွန်းပေါ် လာစုမှာပဲလေ။ ချင်းတွင်းမြစ်ဖျား ရွာလည်း နောက်ဆုံး ဧရာဝတီမြစ်ထဲပဲ ရောက်တာပဲလေ။ မြစ်ဝကျွန်းပေါ်က ကျနော် အမြဲသတိပေးနေတဲ့ ဒေသပဲ။ နောက် သူကိုယ်နှိုက်ကိုကလည်း မိုးကောင်းနေတယ်။ ဆိုးတာက မုတ်သုံကောင်းရင် အောက်က ရေက တောင့်တယ်၊ အဲ့ဒီမှာ အပေါ်က ရေကဆင်းလာပြီး ဒီရေနှစ်ခုသာ ဆုံတဲ့ရက်ကိုရောက်ရင် ရေကြီးတာ ရုတ်တရက် မြင့်တက်လာဖို့ အကြောင်းရှိတယ်။” အဲ့ဒါ ဘယ်ရက်ပိုင်းဖြစ်နိုင်လဲ။11703378_749620748480772_7801563738701894920_n “သိပ်မကြာဘူးဗျ၊ ဒီ တပတ်အတွင်းပဲ၊ တပတ်ဆိုတာတောင် များနေပါတယ်၊ အလွန်ဆုံး ၄-၅ ရက်ပေါ့။ ကြိုတင်ကာကွယ်မှုကတော့ ကိုယ်နေတဲ့ဒေသ သိရမှာပေါ့ဗျာ။ ဘယ်လို ဖြစ်နိုင်လဲ၊ ရေကြီးမှုအန္တရာယ် ရှိလာနိုင်သလား၊ ရှိနိုင်ရင် ဘေးကင်းရာ ပြောင်းပြီး နေတာ ကောင်းတယ်။ အထူးသဖြင့် တောင်ကျချောင်းရေ ၀င်နိုင်တဲ့ အရပ်မျိုးဆို ပိုပြီး သတိထားနေရမယ်။ အခု အဲ့ဒါနဲ့ သေတာကို တော်တော်များနေပြီ။ တောင်ကျချောင်းရေ ၀င်နိုင်တဲ့ဒေသ၊ မြေနိမ့်ပိုင်းဒေသ၊ မြေပြိုနိုင်တဲ့ ဒေသမျိုးတွေဆို ဘေးကင်းရာ ပြောင်းနေတာ အကောင်းဆုံးပဲ။” ဟုတ်ကဲ့၊ နောက်ဆုံး မေးခွန်းပါ။ မိုးကြီး ရေကြီးပြီး တနိုင်ငံလုံးအနှံ့ ရေကြီးနေပြီ၊ အစိုးရအနေနဲ့ အရေးပေါ် အခြေအနေ ကြေညာပြီး လုပ်ဆောင်ဖို့ သင့်ပြီလား။ “ကျနော့်အမြင်ကတော့ လုပ်သင့်တာပေါ့ဗျာ။ ဒီလောက် မိုးကြီးတာ ထူးထူးခြားခြား ဖြစ်နေတာပဲ။ နည်းနည်းနောနော ပြည်နယ်တိုင်းလည်း မဟုတ်ဘူးလေ။ တပ်လှန့်ဖို့သင့်ပြီလို့ ကျနော်မြင်တယ်၊ အထူးသဖြင့် စောင့်ရှောက်သင့်တာကတော့ ရေကာတာတွေပဲဗျ။ ဆည်ကာတာက ရေကိုတော့ ဖြစ်ပေါ်နေတဲ့ ရာသီဥတုနဲ့အညီ လိုက်လျောညီထွေဖြစ်အောင် ရေပြင်ကို ထိန်းဖို့ပေါ့။ တချို့ ရေကာတာတွေထဲက ရေက ဘောင်ဘင်ခတ်နေပြီဗျ၊ ဘောင်ဘင်ခတ်နေပြီဆိုတော့ မိုးကြီးတာ တချက်နဲ့ မိလိုက်ရင် အောက်ကတကြောက အကုန် သွားမှာပဲ။ အဲ့ဒါကတော့ အရေးအကြီးဆုံး အချက်ပဲဗျ။”

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up