တနင်္သာရီတိုင်းဒေသကြီး ကော့သောင်းမြို့နယ်အတွင်းရှိ စောင်းကောက်ကျွန်း (ဒေသအခေါ် ဒယ်အိုးကျွန်း)မှာ ခုိုလှုံနေတဲ့ ဘင်္ဂါလီလူမျိုး ၁၀၂ ဦးကို တပ်မတော်ရေက ပြီးခဲ့တဲ့ ရက်ပိုင်းမှာ ဖမ်းမိခဲ့ကြောင်း စစ်တပ်ပိုင် မြ၀တီသတင်းမှာ ဖော်ပြထားပါတယ်။

တပ်မတော်ရေက စောင်းကောက်ကျွန်း ပတ်လည်ကမ်းခြေနဲ့ အနီးပတ်ဝန်းကျင်ကျွန်းတွေကို ပြီးခဲ့တဲ့ ရက်ပိုင်းအတွင်း ရှင်းလင်းရှာဖွေခဲ့ရာ ဘင်္ဂါလီလူမျိုး အမျိုးသား ၁၀၂ ဦးကို ရှာဖွေ တွေ့ရှိခဲ့တာပါ။

ဖမ်းမိသူများကို စစ်ဆေးချက်အရ ဘင်္ဂလားဒေ့ရ်ှနိုင်ငံမှာ ကျပန်းနဲ့အလုပ်ကြမ်း လုပ်ကိုင်သူတွေ ဖြစ်ပြီး ဘင်္ဂလားဒေ့ရ်ှခ်ျ နိုင်ငံသား ၃ ဦးက မလေးရှားမှာ အလုပ်အကိုင်နဲ့ လစာကောင်းကောင်း ရမယ်လို့ စည်းရုံးပြောဆိုခြိမ်းခြောက် ခေါ်ဆောင်ခဲ့တာ ဖြစ်တယ်လို့ ဆိုပါတယ်။

တပ်မတော်က စောင်းကောက်ကျွန်း အနီးတ၀ိုက်ကို ဆက်လက်ရှင်းလင်း ရှာဖွေနေပြီး ထိန်းသိမ်းရရှိတဲ့ ဘင်္ဂါလီ ၁၀၂ ဦးကို ပြည်ထဲရေးဝန်ကြီးဌာနသို့ လွှဲပြောင်းကာ ဘင်္ဂလားဒေ့ရ်ှနိုင်ငံသို့ ပြန်လည် ပို့ဆောင်နိုင်ရေးအတွက် လုပ်ဆောင်သွားမယ်လို့ စစ်တပ်ပိုင် မြ၀တီသတင်းမှာ ဖော်ပြထားပါတယ်။

ဓာတ်ပုံ - မြ၀တီ