Search Results For: ရီးရဲလ်မက်ဒရစ်

ရီးရဲလ်မက်ဒရစ်နှင့် အကြိုသဘောတူညီမှု စာချုပ်ချုပ်ဆိုထားရန် အမ်ဘာပေ စီစဉ်

ပီအက်စ်ဂျီ တိုက်စစ်မှူး အမ်ဘာပေဟာ ရီးရဲလ်မက်ဒရစ်နဲ့ အပြောင်းအရွှေ့မဖြစ်ခဲ့ပေမယ့် လာမယ့်ရာသီမှာ ပြောင်းရွှေ့နိုင်ဖို့အတွက် အကြိုသဘောတူညီမှုရယူထားဖို့ ပြင်ဆင်ထားတယ်လို့ သိရပါတယ်။ 

စပိန်ကလပ် ရီးရဲလ်မက်ဒရစ်ဟာ အမ်ဘာပေအတွက် ပီအက်စ်ဂျီကို ပြောင်းရွှေ့ကြေး ယူရိုသန်း ၁၈၀ နဲ့ ကမ်းလှမ်းခဲ့ပေမယ့် ပီအက်စ်ဂျီအသင်းက ပယ်ချခဲ့တာပါ။ 

အမ်ဘာပေဟာ စာချုပ်သက်တမ်း တစ်နှစ်သာ ကျန်ရှိတော့တာဖြစ်ပြီး သက်တမ်းကုန်ဆုံးချိန်မှာ မက်ဒရစ်ကလပ်ဆီပြောင်းရွှေ့ဖို့ အကြိုသဘောတူညီမှု စာချုပ်ချုပ်ဆိုထားမယ်လို့ စကိုင်းစပေါ့သတင်းမှာ ဖော်ပြပါတယ်။ 

ပီအက်စ်ဂျီအသင်းဘက်ကတော့ မိုနာကိုဆီကနေ စံချိန်တင်ပြောင်းရွှေ့ကြေးနဲ့ ဝယ်ယူခဲ့ရတဲ့ အမ်ဘာပေကို အလွတ်ပြောင်းရွှေ့ခွင့်ပြုမှာ မဟုတ်ကြောင်း တရားဝင်ပြောထားပါတယ်။ 

ဒီအခြေအနေကြောင့် အမ်ဘာပေအနေနဲ့ ပီအက်စ်ဂျီနဲ့ စာချုပ်သက်တမ်းတိုးပြီးမှ သင့်တော်တဲ့ ပြောင်းရွှေ့ကြေးနဲ့ ရီးရဲလ်မက်ဒရစ်ဆီ ပြောင်းရွှေ့ခွင့်ရဖို့ ရှိနေပါတယ်။

အမ်ဘာပေဟာ အပြောင်းအရွှေ့သတင်းတွေ ထွက်ခဲ့ပေမယ့် တနင်္ဂနွေနေ့က ရမ်စ်နဲ့ ကစားခဲ့တဲ့ လီဂူဝမ်းပွဲစဉ်မှာ အနိုင်ဂိုး ၂ ဂိုးစလုံး သွင်းယူပြီး ခြေစွမ်းပြခဲ့ပါတယ်။

3 months Ago

အမ်ဘာပေအတွက် ရီးရဲလ်မက်ဒရစ်၏ တရားဝင်ကမ်းလှမ်းချက်ကို ပီအက်စ်ဂျီ ပယ်ချဖွယ်ရှိ

ပီအက်စ်ဂျီအသင်းဟာ အမ်ဘာပေအတွက် ရီးရဲလ်မက်ဒရစ်အသင်းရဲ့ တရားဝင်ကမ်းလှမ်းချက်ကို ပယ်ချသွားဖို့ ရှိနေတယ်လို့ သိရပါတယ်။ 

ပီအက်စ်ဂျီအသင်းအနေနဲ့ မက်ဆီ၊ နေမာနဲ့ အမ်ဘာပေ တိုက်စစ်အတွဲနဲ့ ပွဲထွက်ဖို့ ဆန္ဒရှိပြီး ရီးရဲလ်ဘက်က ကမ်းလှမ်းချက်ကို ပယ်ချသွားဖို့ရှိနေတယ်လို့ ပြင်သစ် သတင်းတွေက ဆိုပါတယ်။ 

တချိန်တည်းမှာပဲ အမ်ဘာပေကို စာချုပ်သက်တမ်းတိုးဖို့ ၃ ကြိမ်အထိ ကမ်းလှမ်းခဲ့ပေမယ့် မအောင်မြင်သေးဘူးလို့ သိရပါတယ်။ မက်ဒရစ်ကလပ်ဟာ အမ်ဘာပေအတွက် ပေါင် ၁၃၇ သန်းနဲ့ ကမ်းလှမ်းထားတာ ဖြစ်ပါတယ်။ 

နွေရာသီအပြောင်းအရွှေ့မပိတ်ခင် ရက်ပိုင်းအလိုမှာ အပြောင်းအရွှေ့ဖြစ်နိုင်တာကိုလည်း ပီအက်စ်ဂျီဘက်က စဉ်းစားထားပြီး အမ်ဘာပေ နေရာအတွက် အဲဗာတန်က ရစ်ချာလီဆင်နဲ့ အစားထိုးဖို့ လျာထားတယ်လို့ သိရပါတယ်။ 

ဒါ့အပြင် အမ်ဘာပေကို ရောင်းချဖြစ်ခဲ့ရင် ဂျူဗင်တပ်စ် တိုက်စစ်မှူး စီရော်နယ်ဒိုကို ခေါ်ယူဖို့ အလားအလာကောင်းတွေလည်း ရှိလာနိုင်တယ်လို့ သိရပါတယ်။

3 months Ago

တစ်ယောက် ထုတ်ခံရပြီး အိမ်ကွင်း ရှုံးပွဲကြုံတွေ့ခဲ့သည့် ရီးရဲလ်မက်ဒရစ်

စနေနေ့မှာ ကစားခဲ့တဲ့ လီဗန်တေးနဲ့ ပွဲစဉ်မှာ ရှုံးနိမ့်ခဲ့တာကြောင့် ရီးရဲလ်မက်ဒရစ်အသင်းဟာ လာလီဂါ အမှတ်ပေးဇယားကို ဦးဆောင်နေတဲ့ အက်သလက်တီကိုအသင်းနဲ့ ၇ မှတ်အကွာ အနေအထားကို ရောက်ရှိသွားခဲ့ပါတယ်။

ဒီပွဲမှာ ရီးရဲလ်အသင်းဟာ ပွဲအစမှာကတည်းက တစ်ယောက်လျော့ခဲ့တာဖြစ်ပြီး ၂ ဂိုး ၁ ဂိုးနဲ့ ရှုံးနိမ့်ခဲ့တာ ဖြစ်ပါတယ်။ 

ရီးရဲလ် နောက်ခံလူ မီလီတိုဟာ ပွဲအစ ၉ မိနစ်မှာကတည်းက အထုတ်ခံခဲ့ရတာဖြစ်ပေမယ့် သူ အထုတ်ခံရပြီး မိနစ်အနည်းငယ်အကြာမှာ အဆန်စီယိုက အသင်းအတွက် ဦးဆောင်ဂိုးကို သွင်းယူပေးခဲ့ပါတယ်။

မော်ရာလက်စ်က လီဗန်တေးအတွက် ချေပဂိုးသွင်းယူပေးခဲ့ပြီး ပွဲပြီးခါနီး ၁၂ မိနစ်အလိုမှာ မာတီကလီ ဗန်တေးအတွက် အနိုင်ဂိုးကို သွင်းယူပေးခဲ့ပါတယ်။ 

လက်ရှိအချိန်မှာ လာလီဂါအမှတ်ပေးဇယားကို တီကိုအသင်းက ဦးဆောင်နေပြီး ရီးရဲလ်ဟာ တီကိုထက် ၂ ပွဲပိုကစားထားပါတယ်။ 

ကိုရိုနာဗိုင်းရပ်စ် ကူးစက်ခံရမှုကြောင့် အလာဗတ်စ်အသင်းကို ၄ ဂိုး ၁ ဂိုးနဲ့ နိုင်ခဲ့တဲ့ပွဲကို လွဲချော်ခဲ့ရသူ ရီးရဲလ်အသင်း နည်းပြဇီဒန်းဟာ လီဗန်တေးနဲ့ပွဲမှာ ပြန်လည်ကြီးကြပ်နိုင်ခဲ့ပြီ ဖြစ်ပါတယ်။

အသင်းခေါင်းဆောင် နောက်ခံလူ ရာမို့စ် ဒဏ်ရာပြဿနာရှိနေတာကြောင့် လီဗန်တေးနဲ့ပွဲမှာ ဇီဒန်းဟာ ဗာရာနီနဲ့ မီလီတိုတို့ကို အသုံးပြုခဲ့ပေမယ့် ဒီအတွဲဟာ ကွင်းထဲမှာ ၁၀ မိနစ်လောက်သာ တွဲဖက်ကစားခဲ့ရပါတယ်။

ပင်နယ်တီဧရိယာပြင်ပမှာ ပြိုင်ဘက်ကစားသမားတစ်ဦးကို ကစားပုံကြမ်းခဲ့တာကြောင့် မီလီတိုဟာ ကနဦး အဝါကတ်သာပြခံခဲ့ရပေမယ့် VAR ပြန်လည်ကြည့်ရှုပြီးချိန်မှာတော့ ဂိုးသွင်းနိုင်မယ့် အခွင့်အရေးကို တားဆီးခဲ့တဲ့အတွက် တိုက်ရိုက်အနီကတ်ပြခံခဲ့ရပါတယ်။ 

အနီကတ်ပြခံရပြီးပြီးချင်း အဆန်စီယိုက ဂိုးသွင်းခဲ့တာကြောင့် ရီးရဲလ်အသင်းဟာ အနိုင်ရရှိသွားမယ်လို့ ယူဆခဲ့ကြပေမယ့် မာတီရဲ့ပင်နယ်တီကို ကော်တွိုက်ကာ ကွယ်နိုင်ခဲ့လို့သာ ၃ ဂိုးမဖြစ်ခဲ့တာပါ။ 

ဒါဟာ ရီးရဲလ်အသင်းအတွက် လာလီဂါနောက်ဆုံး ၁၀ ပွဲအတွင်း ပထမ ဆုံးရှုံးပွဲလည်း ဖြစ်ပါတယ်။ 

ရီးရဲလ်အသင်းဟာ ကိုပါဒယ်လ်ရေးပြိုင်ပွဲမှာ တတိယတန်းကလပ် အယ်လ်ကိုယာနိုကို ရှုံးနိမ့်ကာ ပြိုင်ပွဲကနေ ထွက်ခွာခဲ့ရပြီးဖြစ်တာကြောင့် ဒီနေ့အရှုံးက နည်းပြဇီဒန်းအတွက် ဖိအားတွေကို ထပ်များစေခဲ့ပြီ ဖြစ်ပါတယ်။

10 months Ago

ရီးရဲလ်မက်ဒရစ်၏ ကမ်းလှမ်းမှုသတင်း နည်းပြပိုချက်တီနိုငြင်းဆို

ရီးရဲလ်မက်ဒရစ်အသင်းရဲ့ ကမ်းလှမ်းမှုကို ငြင်းဆိုလိုက်တယ်ဆိုတဲ့ သတင်းတွေကို ပိုချက်တီနိုက ပယ်ချလိုက်ပါတယ်။

ပီအက်စ်ဂျီ နည်းပြသစ်ဟာ စပါးအသင်းက ထွက်ခွာလာပြီးနောက် ရီးရဲလ်မက်ဒရစ်အသင်း နဲ့ သတင်းတွေ ထွက်ပေါ်ခဲ့သူပါ။  သူဟာ ရီးရဲလ်ဥက္ကဋ္ဌ ပီရက်ဇ်ရဲ့ တိုက်ရိုက်ကမ်းလှမ်းမှုကို ပယ်ချခဲ့တယ်လို့လည်း တချို့ သတင်းတွေမှာ ဖော်ပြပါတယ်။ 

ဒါပေမဲ့ ပိုချက်တီနိုကတော့ ဒီသတင်းတွေဟာ အမှန်တွေ မဟုတ်ဘူးလို့ ပြောကာ အသင်း ဟောင်းဖြစ်တဲ့ ပီအက်စ်ဂျီက သူ့ကို ပြီးပြည့်စုံတဲ့ စီမံကိန်း တစ်ခုနဲ့ ကမ်းလှမ်းခဲ့တယ်လို့ ပြောပါတယ်။ 

ပီရတ်ဇ်ရဲ့ ကမ်းလှမ်းမှုကို ပယ်ချခဲ့တယ်ဆိုတာ ဟုတ်ပါသလားလို့ Marca  သတင်းရဲ့ မေးမြန်းမှုကို ပိုချက်တီနိုက “ဒီလိုမျိုး မဖြစ်ခဲ့ပါဘူး။ အသင်းတိုင်းဟာ အမြဲတမ်း လူ ပုဂ္ဂိုလ်တစ်ဦးချင်းစီထက် အရေးပါပြီး ဒီလို သတင်းတွေကိုပြောတဲ့သူဟာလည်း အဓိပ္ပါယ်မရှိတဲ့ သူပါ။ ပီအက်စ်ဂျီအသင်းဘက်က ရရှိခဲ့တဲ့ ကမ်းလှမ်းမှုကတော့ အားလုံးထဲမှာ အကောင်းဆုံး ဖြစ်နေခဲ့ပါတယ်။ အရမ်းကို ထူးခြားတဲ့ ပရောဂျက်တစ်ခုပေါ့” လို့ ပြောပါတယ်။ 

ပီအက်စ်ဂျီဟာ မကြာခင်စာချုပ်သက်တမ်းကုန်ဆုံးတော့မယ့် ရီးရဲလ်နောက်ခံလူ ရာမို့စ်ကို ခေါ်ယူဖို့ စိတ်ဝင်စားနေတဲ့ အသင်းတွေထဲက တစ်သင်းဖြစ်ပါတယ်။

ပိုချက်တီနိုက ရာမို့စ်အနေနဲ့ ပဲရစ်ကို လာမယ်ဆိုရင်ကမ္ဘာ့အကြီးမားဆုံး ဘောလုံးအသင်း တွေထဲက တစ်ခုမှာ ကစားခွင့်ရမယ်လို့ ပြောခဲ့ပြီး သူဟာ ပီအက်စ်ဂျီအတွက် ပထမဆုံး ချန်ပီယံလိဂ်ဖလားကို ရယူဖို့ အသင်းကို ရောက်လာခဲ့တာလို့လည်း အသိပေးခဲ့ပါတယ်။

10 months Ago

ရီးရဲလ်မက်ဒရစ်၏ ဖာဂူဆန် ဘယ်တော့မှ ဖြစ်လာမှာမဟုတ်ဟု နည်းပြဇီဒန်း ပြော

ရီးရဲလ်မက်ဒရစ်အသင်းရဲ့ ဖာဂူဆန် ဘယ်တော့မှာဖြစ်လာမှာမဟုတ်ကြောင်း နည်းပြဇီဒန်းက ပြောကြားလိုက်ပါတယ်။ မန်ယူနည်းပြဟောင်း ဆာအဲလက်စ်ဖာဂူဆန်ဟာ အသင်းကို နှစ်ရှည်ကိုင်တွယ်ပြီး အောင်မြင်မှုတွေ ရယူနိုင်ခဲ့တာပါ။  မန်ယူအသင်းမှာ နည်းပြ ဖာဂူဆန် ကိုင်တွယ်သွားခဲ့သလို ရီးရဲလ် မက်ဒရစ်အသင်းမှာလည်း အဲဒီလို နှစ်ရှည်ကိုင်တွယ်ပြီး ရီးရဲလ်အသင်းရဲ့ဖာဂူဆန် ဖြစ်လာနိုင်သလား ဆိုတာကို မီဒီယာတစ်ဦးက မိုချန်ဂလာဘက်နဲ့ ပွဲအပြီးမှာ မေးမြန်းခဲ့တာပါ။ ဖာဂူဆန်လို နည်းပြ ဖြစ်လာမှာမဟုတ်သလို ရီးရဲလ်မက်ဒရစ်အသင်းမှာ ဘယ်အချိန်အထိ ဆက်ရှိနေမလဲဆိုတာလည်း မသိရှိကြောင်း၊ ရေရှည်အတွက် ဘာမှတွေးမထားဘဲ တစ်ရက်ချင်းသာ အကောင်းဆုံးလုပ်ဆောင်ပြီးဖြတ်သန်းသွားမယ်လို့ နည်းပြဇီဒန်းက ပြော ပါတယ်။ ရီးယဲလ်မက်ဒရစ်အသင်းဟာ ချန်ပီယံလိဂ်အုပ်စုနောက်ဆုံးပွဲစဉ်မှာ မိုချန်ဂလာဘက်ကို ၂ ဂိုး ဂိုးမရှိနဲ့ အနိုင်ရခဲ့ပြီး အုပ်စုပထမနေရာ ကနေ နောက်တစ်ဆင့်တက်ခဲ့ပါတယ်။  
12 months Ago

ဟာလန်းနှင့် အမ်ဘာပေ တိုက်စစ်အတွဲကို ခေါ်ယူရန် ရီးရဲလ်မက်ဒရစ် ပစ်မှတ်ထား

ရီးရဲလ်မက်ဒရစ်အသင်းဟာ ဒေါ့မွန်တိုက်စစ်မှူး ဟာလန်းနဲ့ ပီအက်စ်ဂျီတိုက်စစ်မှူး အမ်ဘာပေ တို့ကို ခေါ်ယူနိုင်ဖို့ ပစ်မှတ်ထားနေတယ်လို့ သိရပါတယ်။  နော်ဝေ တိုက်စစ်မှူး ဟာလန်းဟာ ပြီးခဲ့တဲ့ ၁၂ လအတွင်း ခြေစွမ်းပြသနိုင်ခဲ့ပြီး ထိပ်တန်းအသင်းကြီးတွေရဲ့ ပစ်မှတ်ကစားသမား ဖြစ်လာခဲ့တာပါ။  လက်ရှိစာချုပ်သက်တမ်း အခြေအနေကြောင့် လာမယ့် ၂၀၂၂ ခုနှစ်မှာ ဟာလန်းကို ခေါ်ယူနိုင်ဖွယ် ရှိနေတယ်လို့ သိရပါတယ်။  အလားတူ ပြင်သစ်ကလပ် ပီအက်စ်ဂျီ တိုက်စစ်မှူး အမ်ဘာပေကိုလည်း ရီးရဲလ်အသင်းက ခေါ်ယူနိုင်ဖို့ ပစ်မှတ်ထားနေတာပါ။  စပိန်သတင်းစာ AS ရဲ့ အဆိုအရ ဟာလန်းရော အမ်ဘာပေကိုပါ ရီးရဲလ်အသင်းက ခေါ်ယူနိုင်ဖို့ စတင်ကြိုးပမ်းနေတယ်လို့ ဆိုပါတယ်။ ရီးရဲလ်မက်ဒရစ် ပရိသတ်တွေကို အမ်ဘာပေနဲ့ ဟာလန်း ဘယ်သူက ပိုကောင်းသလဲဆိုပြီး စစ်တမ်းတခု လုပ်ဆောင်ခဲ့ရာမှာတော့ ဟာလန်းကို ခေါ်ယူဖို့ မဲအများဆုံး ရရှိခဲ့တယ်လို့ သိရပါတယ်။
1 year Ago

ရီးရဲလ်မက်ဒရစ် တိုက်စစ်မှူး မာရီယာနို ကိုဗစ်-၁၉ ရောဂါကူးစက်ခံရ

ရီးရဲလ်မက်ဒရစ်အသင်းရဲ့ တိုက်စစ်မှူး မာရီယာနိုဒိုင်ယက်ဇ်ဟာ ကိုဗစ်-၁၉ ရောဂါ ကူးစက်ခံထားရတယ်လို့ ကလပ်အသင်းက သတင်းထုတ်ပြန်ပါတယ်။ ရီးရဲလ်မက်ဒရစ်အသင်းဟာ အသင်းသားတွေအားလုံးကို တနင်္လာနေ့က ကိုဗစ်-၁၉ ရောဂါပိုး စစ်ဆေးခဲ့တာပါ။ ဒိုင်ယက်ဇ်ဟာ ကျန်းမာရေးကောင်းမွန်နေပေမဲ့ ဗိုင်းရပ်စ်ပိုး တွေ့ရှိခဲ့ပြီး သီးခြားနေထိုင်ပြီး ကုသထားတယ်လို့ အသင်းက သတင်းထုတ်ပြန် ပါတယ်။ ဒိုင်ယက်ဇ်ဟာ အခုနှစ်ရာသီမှာ ရီးရဲလ်မက်ဒရစ်အတွက် ၅ ပွဲ ကစား၊ ၁ ဂိုး သွင်းထားပြီး အသင်းရဲ့အရန်လူစာရင်းမှာ ပါဝင်ခဲ့တဲ့ လူငယ် တိုက်စစ်မှူး ဖြစ်ပါတယ်။   လာလီဂါချန်ပီယံ ရီးရဲလ်မက်ဒရစ်အသင်းဟာ သြဂုတ် ၈ ရက်မှာ ချန်ပီယံလိဂ် ၁၆ သင်းအဆင့် ဒုတိယအကျော့ပွဲစဉ်အဖြစ် မန်စီးတီးအသင်းနဲ့ အဝေးကွင်းမှာ လာရောက်ကစားရမှာပါ။ အဲဒီပွဲစဉ်မှာ ဗိုင်းရပ်စ်ပိုးတွေ့ရှိခဲ့တဲ့ ဒိုင်ယက်ဇ်ကို ခေါ်ဆောင်လာမှာ မဟုတ်တော့ဘူးလို့ သိရပါတယ်။
1 year Ago

ရီးရဲလ်မက်ဒရစ် လူငယ်ကစားသမား ဖာနန်ဒက်စ်ကို  မန်ယူနိုက်တက် ခေါ်ယူ

မန်ချက်စတာယူနိုက်တက်အသင်းဟာ ရီးရဲလ်မက်ဒရစ်လူငယ် နောက်ခံလူ အယ်ဗာရို ဖာနန်ဒက်စ်ကို ခေါ်ယူဖို့ သဘောတူညီမှုရသွားပါတယ်။  အသက် ၁၇ နှစ်ပဲရှိသေးတဲ့ ဘယ်နောက်ခံလူ အယ်ဗာရိုစပိန်လူငယ်လက်ရွေးစင် ဖာနန်ဒက်စ်ကို ယူနိုက်တက်က ၄ နှစ်စာချုပ် ချုပ်ဆိုမှာဖြစ်ပြီး  အခုနှစ်ရာ သီအကုန်မှာ အပြီးသတ်  ပြောင်းရွှေ့လာမယ်လို့သိရပါတယ်။  ရီးရဲလ်မက်ဒရစ်အသင်းရဲ့သက်တမ်းတိုးဖို့ ကမ်းလှမ်းချက်ကိုတော့ ဖာနန်ဒက်စ်ဘက်က ပယ်ချထားတယ်လို့ဆိုပါတယ်။  ရီးရဲလ်မက်ဒရစ်အသင်းဝက်ဘ်ဆိုဒ်မှာ ဖော်ပြချက်အရ ဖာနန်ဒက်စ်ဟာ စီနီယာအသင်း နောက်ခံလူ မာဆယ်လိုကို သူ့ရဲ့စံပြ ကစားသမားအဖြစ် သတ်မှတ်ထားတယ်လို့သိရပါတယ်။  မန်ယူနိုက်တက်အသင်းဟာမှာ ဘယ်နောက်ခံလူတွေအဖြစ် လုခ်ရှောနဲ့  ဘရန်ဒန်ဝီလီယံတို့ ရှိပြီး လက်ရှိအချိန်မှာတော့ ၂ ဦးစလုံးဒဏ်ရာရနေပါတယ်။ 
1 year Ago

ရီးရဲလ်မက်ဒရစ်အသင်း လာလီဂါချန်ပီယံဆုဖလား ၃၄ ကြိမ်မြောက်ရရှိ

မနေ့ညက ကစားသွားခဲ့တဲ့ စပိန်လာလီဂါပွဲစဉ်တွေမှာ ရီးရဲလ်မက်ဒရစ်အသင်းက ဗီလာရီးရဲလ်ကို အနိုင်ရ ပြီးချန်ပီယံ ဆုဖလားရယူနိုင်ခဲ့ပါတယ်။  ရီးရဲလ်အသင်းဟာ အိမ်ကွင်းမှာ ဘင်ဇီမာရဲ့ သွင်းဂိုး ၂ ဂိုးနဲ့ အတူ ၂ ဂိုး ၁ဂိုးနဲ့ အနိုင်ရခဲ့တာပါ။ ပြိုင်ဘက်ဘာစီလိုနာအသင်းကတော့ အိုဆာဆူနာအသင်းကို အိမ်ကွင်းမှာ ၂ ဂိုး ၁ဂိုးနဲ့ ရှုံးနိမ့်သွားပြီး ချန်ပီယံဆုဖလား လက်လွှတ်ခဲ့ရတာပါ။  လက်ကျန် ၁ ပွဲအလိုမှာ ရီးရဲလ်မက်ဒရစ်အသင်းက ဒုတိယနေရာက ဘာစီလိုနာအသင်းကို ၇ မှတ်အထိဖြတ်ခဲ့တာကြောင့် ချန်ပီယံဆုရဖို့ သေချာသွားခဲ့တာလည်းဖြစ်ပါ တယ်။  ရီးရဲလ်အသင်းဟာ ၂၀၁၇ ခုနှစ်နောက်ပိုင်း ပထမဆုံးအကြိမ် လာလီဂါ ချန်ပီယံဆုဖလား ရယူနိုင်ခဲ့တာဖြစ်ပြီး လာလီဂါပြိုင်ပွဲ သမိုင်းတစ်လျှောက်မှာတော့  ၃၄ ကြိမ်မြောက်  ချန်ပီယံဆုဖလားရရှိတာ ဖြစ်ပါတယ်။
1 year Ago

ရီးရဲလ်မက်ဒရစ်ကစားသမားအားလုံး ဘလွန်းဒီအောဆုနှင့် ထိုက်တန်ဟု  နည်းပြဇီဒန်းပြော

ရီးရဲလ်မက်ဒရစ်ကစားသမားအားလုံးဟာ ဘလွန်းဒီအော ကမ္ဘာ့အကောင်းဆုံးဆုနဲ့ ထိုက်တန် သူတွေဖြစ်တယ်လို့ နည်းပြ ဇီဒန်းကပြောပါတယ်။ ရီးရဲလ်အသင်းဟာ လက်ရှိ အမှတ်ပေးဇယားကို ထိပ်ဆုံးမှာရှိနေပြီး  ၂၀၁၇ နောက်ပိုင်းမှာ  လာလီဂါချန်ပီယံဆုဖလားကို ပြန်လည်ရယူနိုင်ဖို့ လက်တကမ်းမှာ ရှိနေတာပါ။ အသင်းရဲ့ တိုက်စစ်မှူး ဘင်ဇီမာက လာလီဂါ ၃၅ ပွဲမှာ ၁၉ ဂိုးသွင်းယူထားပြီး ဘလွန်းဒီအောအကောင်းဆုံး ဆုနဲ့ရနိုင်သလားဆိုတဲ့ မေးခွန်းအပေါ်မှာ နည်းပြဇီဒန်းက ပြန်လည်ဖြေကြားခဲ့တာပါ။ ဘောလုံးမှာ လူတိုင်းပြောချင်တာ ပြောလို့ရပြီး သူ့အတွက်တော့ ဘင်ဇီမာ တစ်ဦးတည်းတင်မဟုတ်ဘဲ ရီးရဲလ်ကစားသမားအားလုံးက ဘလွန်းဒီအောဆုနဲ့ ထိုက်တန်သူတွေဖြစ်တယ်လို့ နည်းပြဇီဒန်းကပြောပါတယ်။ ဆက်လက်ပြီး ဘင်ဇီမာဟာ အခုနှစ်ရာသီမှာပဲ ခြေစွမ်းပြနေတာမဟုတ်ဘဲ ပြီးခဲ့တဲ့နှစ်တွေကတည်းက ခြေစွမ်းပြနိုင်ခဲ့သူဖြစ်တယ်လို့ နည်းပြဇီဒန်းကချီးကျူးခဲ့ပါတယ်။
1 year Ago

ရီးရဲလ်မက်ဒရစ်အသင်း ယခုနှစ်လာလီဂါ ချန်ပီယံဖြစ်ရန် နီးစပ်လာ 

ဂရန်နာဒါအသင်းကို ခက်ခက်ခဲခဲ ကစားပြီး အနိုင်ရရှိခဲ့တာကြောင့် ရီးရဲလ်မက်ဒရစ်အသင်းဟာ လာလီဂါ ချန်ပီယံဆုကို ဆွတ်ခူးဖို့အတွက် ၂ မှတ်ပဲ လိုတော့တဲ့ အနေအထားကို ရောက်ရှိသွားခဲ့ပြီ ဖြစ်ပါတယ်။  ဒီပွဲစဉ်မှာ ရီးရဲလ်အသင်းအတွက် အဖွင့်ဂိုးကို နောက်ခံလူ မန်ဒီက ထောင့်ကျဉ်း အနေအထားကနေ သွင်းယူခဲ့တာဖြစ်ပြီး ဘန်ဇီမာက ဒုတိယမြောက်ဦးဆောင်ဂိုးကို ရယူပေးခဲ့ပါတယ်။ ပထမပိုင်းမှာ ၂ ဂိုးအသာနဲ့ ဦးဆောင်နေတဲ့ ရီးရဲလ်အသင်းဟာ ဒုတိယပိုင်းမှာတော့ ဂရန်နာဒါအသင်းရဲ့ တုံ့ပြန်မှုကို ခက်ခက်ခဲခဲ ရင်ဆိုင်ခဲ့ရပြီး မိနစ် ၅၀ မှာ ချေပဂိုး ၁ ဂိုးကို ခွင့်ပြုပေးခဲ့ရပါတယ်။  ဂရန်နာဒါ ကစားသမား ဒါဝင်မတ်ချစ်က ဂိုးသမား ကော်တိုရစ်ကို ကျော်ဖြတ်ယူသွားခဲ့တာ ဖြစ်ပါတယ်။  ဒီပွဲ အနိုင်ရလဒ်ကြောင့် ရီးရဲလ်အသင်းဟာ နှစ်ပွဲသာ ကစားဖို့ ကျန်ရှိတော့တဲ့အချိန်မှာ ဒုတိယနေရာက ဘာစီလိုနာအသင်းနဲ့ အမှတ်ကွာဟချက် ၄ မှတ်အထိ ရှိလာခဲ့ပြီ ဖြစ်ပါတယ်။ ထိပ်တိုက်တွေ့ဆုံမှုမှာလည်း အသာရရှိထားတာကြောင့် ရီးရဲလ်အသင်းဟာ လာလီဂါဖလားကို ဆွတ်ခူးဖို့ဆိုရင် ကျန်ရှိနေတဲ့ ၂ ပွဲကနေ ၂ မှတ် ရယူနိုင်ဖို့ပဲ လိုအပ်တော့မှာ ဖြစ်ပါတယ်။ ပွဲကျန် ၂ ပွဲက ပထမပွဲကို ကြာသပတေးနေ့မှာ အဆင့် ၅ နေရာ‌က ဗီလာရီးရဲလ်အသင်းနဲ့ ယှဉ်ပြိုင်ရမှာဖြစ်ပြီး နောက်ဆုံးပွဲစဉ်ကိုတော့ တန်းဆင်းရမယ့်အန္တရာယ်ရှိနေတဲ့ လီဂါနက်အသင်းနဲ့ ရင်ဆိုင်ရမှာ ဖြစ်ပါတယ်။  ဒီနှစ်သင်းစလုံးဟာ ရီးရဲလ်အသင်းအတွက် အနိုင်ယူဖို့ လွယ်ကူတဲ့အသင်းတွေလို့ မဆိုနိုင်ပေမဲ့ ဒီ ၂ ပွဲစလုံးကို လုံးဝအရှုံးခံမှာမဟုတ်တဲ့ အနေအထားကြောင့် ရီးရဲလ်အသင်းဟာ လာလီဂါဖလားကို ဆွတ်ခူးဖို့ တော်တော်လေး သေချာသလောက် ရှိနေပြီပဲ ဖြစ်ပါတယ်။ ရီးရဲလ်အသင်းနည်းပြ ဇီဒန်းက “ကျနော်တို့ ပျော်ပျော်ရွှင်ရွှင်နဲ့ ကြာသပတေးနေ့အတွက် အားမွေးထား ဖို့လိုအပ်ပါတယ်။ ကျနော်တို့ အင်္ဂါနေ့မှာ လေ့ကျင့်ခန်းပြုလုပ်ပြီး ကြာသပတေးနေ့မှာ ပွဲကစားရမှာ ဖြစ်ပါတယ်။ ပွဲပြီးခါနီး နောက်ဆုံးမိနစ်တွေဟာ ကျနော်တို့အတွက် တော်တော်လေး ခက်ခဲခဲ့ပြီး ဂရန်နာဒါအသင်းကြောင့် ဒုတိယပိုင်းမှာ ကျနော်တို့ ခံစစ်ကို ပိုပြီးအားပြုခဲ့ရပါတယ်” လို့  ပြောပါတယ်။ ဇူလိုင် ၁၃ ရက်နေ့ နိုင်ပွဲဟာ ရီးရဲလ်မက်ဒရစ်အသင်းရဲ့ ၉ ပွဲဆက်တိုက် နိုင်ပွဲလည်း ဖြစ်ပါတယ်။
1 year Ago

ပေါင် ၂၂ သန်းရပါက ဂျိမ်းရိုဒရီဂွက်ဇ်ကို  ရီးရဲလ်မက်ဒရစ်ရောင်းမည်

ရီးရဲလ်မက်ဒရစ်အသင်းဟာ ကွင်းလယ်ကစားသမား ဂျိမ်းရိုဒရီဂွက်ဇ်ကို ပေါင် ၂၂ သန်း ရရင် ရောင်းချသွားတော့မယ်လို့ သိရပါတယ်။  ကိုလံဘီယာကွင်းလယ်လူ ရိုဒရီဂွက်ဇ်ဟာ ရီးရဲလ်နဲ့ စာချုပ်သက်တမ်းတစ်နှစ်သာ ကျန်ရှိ တော့တာပါ။  အသင်းမှာ ပွဲထွက်ခွင့်လည်း မပေးနိုင်တဲ့အတွက် သူ့ကို ခေါ်ယူလိုတဲ့အသင်းတွေအနေနဲ့ ပေါင် ၂၂ သန်းပေးချေမယ်ဆိုရင် ရောင်းချသွားမယ်လို့ ဆိုပါတယ်။  ရီးရဲလ်အသင်းအနေနဲ့ လာမယ့်အပြောင်းအရွှေ့မှာ ရောင်းချခြင်းမရှိခဲ့ဘူးဆိုရင် ရာသီ အကုန်မှာ အလွတ်ပြောင်းရွှေ့ကြေးနဲ့ ထွက်ခွာခွင့်ပြုရမှာဖြစ်ပါတယ်။  ဒီအခြေအနေကြောင့်  ဂျိမ်းရိုဒရီဂွက်ဇ်ကို ခေါ်ယူလိုတဲ့အသင်းတွေအတွက် သတင်းကောင်း ဖြစ်ခဲ့ပါတယ်။  အသက် ၂၈ နှစ်ရှိ ရိုဒရီဂွက်ဇ်ကို  အန်စလော့တီရဲ့အဲဗာတန်အသင်း၊ ဝုဗ်၊ မန်ယူနဲ့ အာဆင်နယ်အသင်းတွေက ခေါ်ယူလိုနေပါတယ်။  ရီးရဲလ်မက်ဒရစ်အသင်းဟာ ရိုဒရီဂွက်ဇ်ကို ၂၀၁၇ ခုနှစ်ကနေ ၂၀၁၉ ခုနှစ်အထိ ဘိုင်ယန်မြူးနစ်မှာ ၂ ရာသီကြာ အငှားချခဲ့ပါသေးတယ်။ 
1 year Ago

ရီးရဲလ်မက်ဒရစ်အသင်းသားများ လေ့ကျင့်ခန်းပြန်လည်စတင်

စပိန်ကလပ် ရီးရဲလ်မက်ဒရစ်အသင်းသားတွေဟာ  ၂ လခန့်အတွင်း ပထမဆုံးအကြိမ်အဖြစ် မေ ၁၁ ရက်က လေ့ကျင့်မှုတွေ စတင်ပြုလုပ်ပါတယ်။  ပြီးခဲ့တဲ့မတ်လဆန်းကတည်းက ကိုရိုနာဗိုင်းရပ်စ် ကူးစက်ပျံ့နှံ့မှုကြောင့် ပွဲစဉ်တွေနဲ့ ရပ်နားထားခဲ့ရပြီး လက်ရှိအချိန်မှာတော့ လေ့ကျင့်ခန်းတွေ ပြန်လည်စတင်နိုင်ခဲ့ပါတယ်။  ရီးရဲလ်မက်ဒရစ်နည်းပြ ဇီဒန်းဟာ Mask ကို ဝတ်ဆင်ပြီး ကစားသမားတွေရဲ့ လေ့ကျင့်မှုကို အနီးကပ် ကြီးကြပ်ခဲ့ပါတယ်။  ရီးရဲလ် ကစားသမားတွေဟာ Social Distancing စည်းကမ်းအရ အုပ်စု ၂ ခု ခွဲခြားပြီး လေ့ကျင့်ခဲ့ကြတာပါ။ အသင်းခေါင်းဆောင် ရာမို့စ်၊ ကွင်းလယ်ကစားသမားတွေဖြစ်တဲ့ မိုဒရစ်၊ ဗယ်ဗာဒီတို့အပြင် ဒဏ်ရာကနေ သက်သာလာတဲ့ အေဒင်ဟာဇက်လည်း လေ့ကျင့်းခန်းဆင်းခဲ့ပါတယ်။  စပိန် လာလီဂါပွဲစဉ်တွေကို လာမယ့်ဇွန်လဆန်းမှာ စတင်ကျင်းပဖို့ လျာထားပါတယ်။
2 years Ago

ရာမို့စ်ကို စာချုပ်သက်တမ်းတိုးရန် ရီးရဲလ်မက်ဒရစ် ဆွေးနွေးခြင်းမရှိသေး

ရီးရဲလ်မက်ဒရစ်အသင်းဟာ အသင်းခေါင်းဆောင် ဆာဂျီယိုရာမို့စ်ကို စာချုပ်သက်တမ်းတိုးဖို့ မဆွေးနွေးသေးဘူးလို့ သိရပါတယ်။ နောက်ခံလူ ရာမို့စ်ဟာ လာမယ့်နွေရာသီမှာ ကုန်ဆုံးမှာဖြစ်ပေမယ့်လည်း အသင်းဘက်က သက်တမ်းတိုးဖို့ ကမ်းလှမ်းထားခြင်း မရှိသေးတာပါ။ စပိန်မှာ ကိုရိုနာဗိုင်းရပ်စ်ကူးစက်မှုအခြေအနေ ဆိုးရွားနေတာကြောင့် ကစားသမားတွေရဲ့ လုပ်ခတချို့ကိုလည်း ဖြတ်တောက်ခံရဖို့ ရှိနေပါတယ်။ ရီးရဲလ်ဘက်ကတော့ ရာမို့စ်ကို တနှစ်သက်တမ်းတိုးလိုပေမယ့် ကစားသမားဘက်က ၂ နှစ် သက်တမ်းတိုးလိုတယ်လို့ သတင်းထွက်နေပါတယ်။ အသက် ၃၄ နှစ်ရှိ ရာမို့စ်ဟာ ၂၀၀၅ ခုနှစ်ကတည်းက ဆီဗီလာအသင်းကနေ ပြောင်းရွှေ့လာခဲ့တာပါ။ အသင်းအတွက် စုစုပေါင်းပွဲ ၆၄၀ အထိ ကစားထားပြီး ချန်ပီယံလိဂ်ဆုဖလား ၄ လုံးအပြင် လာလီဂါနဲ့ ကိုပါဒယ်ရေဆုဖလားတွေလည်း ရယူနိုင်ခဲ့ပါတယ်။
2 years Ago

ရီးရဲလ်မက်ဒရစ်အသင်းဆီကို ရော်နယ်ဒို ပြန်လည်ပြောင်းရွှေ့နိုင်

ဂျူဗင်တပ်စ်တိုက်စစ်မှူး စီရော်နယ်ဒိုဟာ အသင်းဟောင်း ရီးရဲလ်မက်ဒရစ်အသင်းဆီကို ပြန်လည်ပြောင်းရွှေ့နိုင်တဲ့အကြောင်း အီတလီသတင်းစာတစောင်က ဖော်ပြပါတယ်။ အီတလီ အားကစားသတင်းဌာန Corriere dello Sport ရဲ့ အဆိုအရ ဂျူဗင်တပ်စ်အသင်းဟာ စီရော်နယ်ဒိုကို ပေါင် သန်း ၅၀ ရရှိမယ်ဆိုရင် ပြန်လည်စေလွှတ်ဖို့အတွက် ဆန္ဒရှိတယ်လို့ ဆိုပါတယ်။ ရော်နယ်ဒိုဟာ တနှစ်လုပ်ခ ပေါင် ၂၇ ဒသမ ၅ သန်းအထိ ရရှိနေတာကြောင့် ဂျူဗင်တပ်စ်အသင်းက ရောင်းချဖို့ ဆန္ဒရှိနေတယ်လို့ ဆိုပါတယ်။ ရော်နယ်ဒိုရဲ့စာချုပ်သက်တမ်းဟာ ၂၀၂၂ ခုနှစ်အထိ ကျန်သေးပြီး လက်ရှိအချိန်မှာတော့ အသင်းက ရောင်းထုတ်ဖွယ်ရှိတယ်ဆိုတဲ့ သတင်းတွေ ထွက်ပေါ်လာခဲ့တာ ဖြစ်ပါတယ်။  ရော်နယ်ဒိုဟာ ၂၀၁၈ ခုနှစ်က ရီးရဲလ်မက်ဒရစ်အသင်းကနေ ပေါင်သန်း ၁၀၀ ၀န်းကျင်နဲ့ ပြောင်းရွှေ့လာခဲ့တာ ဖြစ်ပါတယ်။  ရော်နယ်ဒိုဟာ ရီးရဲလ်မက်ဒရစ်အသင်းမှာ ကစားစဉ်က စုစုပေါင်း ၄၃၈ ပွဲမှာ ၄၅၀ ဂိုးအထိ သွင်းယူနိုင်ခဲ့ပါတယ်။
2 years Ago

မာနေးကို ပေါင်သန်း ၁၄၀ ဖြင့် ခေါ်ယူရန် ရီးရဲလ်မက်ဒရစ် ကြိုးပမ်းလာနိုင်

ရီးရဲလ်မက်ဒရစ်အသင်း နည်းပြ ဇီဒန်းဟာ လီဗာပူး တိုက်စစ်မှူး ဆာဒီယိုမာနေးကို ပထမဦးစားပေး အပြောင်းအရွှေ့ ပစ်မှတ်အဖြစ် သတ်မှတ်ထားပြီး ဆီနီဂေါသားကို ပေါင် သန်း ၁၄၀ နဲ့ ခေါ်ယူပေးဖို့ အသင်းကို တောင်းဆိုသွားဖို့ ရှိနေပါတယ်။ မာနေးဟာ ယာဂန်ကလော့ပ်ရဲ့ အသင်းအတွက် အဓိကကစားသမားတဦးအဖြစ် အသုံးတော်ခံနေသူ ဖြစ်ပြီး ဒီရာသီမှာ အထူးခြေစွမ်းပြသနေကာ ပြိုင်ပွဲစုံ ၁၆ ဂိုး သွင်းပြီး ၈ ဂိုး ဖန်တီးပေးထားနိုင်ပါတယ်။ ဒါ့အပြင် အသက် ၂၇ နှစ်အရွယ် တိုက်စစ်မှူးဟာ ဒီရာသီ ပရီးမီးယားလိဂ်မှာ လီဗာပူးအသင်း ၂၅ မှတ်နဲ့ ဦးဆောင်ခွင့်ရရှိရေးအတွက် အဓိကနေရာကနေ ပါဝင်ခဲ့သူလည်း ဖြစ်ပါတယ်။ ဇီဒန်းဟာ မာနေးကို ကာလရှည် သဘောကျခဲ့သူ ဖြစ်ပြီးတော့ သူ့ကို ဒီနှစ် နွေရာသီ အပြောင်းအရွှေ့ ဈေးကွက်အတွက် ပထမဦးစားပေးအဖြစ် သတ်မှတ်ထားတယ်လို့ Daily Mirror သတင်းမှာ ဖော်ပြပါတယ်။  မာနေးရဲ့ ကိုယ်စားလှယ်အဖွဲ့ကလည်း ရီးရဲလ်မက်ဒရစ်အသင်းရဲ့ စိတ်ဝင်စားမှုကို သတိပြုမိထားပြီး စပိန်အသင်းဟာ မာနေးကို မာဆေးဆိုဒ်အသင်းကနေ ထွက်ခွာပြီး စပိန်မြေမှာ စိန်ခေါ်မှုအသစ်တွေနဲ့ လာရောက်ရင်ဆိုင်ရေးအတွက် ညှိနှိုင်းနိုင်မယ်လို့လည်း မျှော်လင့်ထားပါတယ်။  မာနေးဟာ လီဗာပူးအသင်းနဲ့ စာချုပ်သက်တမ်း ၃ နှစ် ကျန်ရှိနေသေးသူ ဖြစ်ပြီးတဲ့အပြင် လီဗာပူးအသင်းရဲ့ အဓိကကစားသမားတွေထဲက တဦးဖြစ်တဲ့ သူ့ကို ခေါ်ယူဖို့ဆိုရင် ပြောင်းရွှေ့ကြေးပမာဏဟာ လီဗာပူးအသင်းအတွက် မက်လောက်စရာ အနေအထားတခု ဖြစ်ဖို့လိုအပ်တယ်လို့ Mirror သတင်းမှာ သုံးသပ်ထားပါတယ်။  ဇီဒန်းရဲ့ မာနေးအပေါ် ထားရှိတဲ့ သဘောထားကြောင့် ရီးရဲလ်မက်ဒရစ်အသင်းဟာ သူ့ကို ပေါင်သန်း ၁၄၀ ထက်မနည်းတဲ့ ပမာဏနဲ့ ခေါ်ယူဖို့ ကြိုးပမ်းလာဖွယ်ရှိပါတယ်။ မာနေးဟာ ဆာလတ်၊ ဖာမီနိုတို့နဲ့အတူ လီဗာပူးအသင်းအတွက် ရပ်တန့်ဖို့ ခက်ခဲတဲ့ သုံးယောက်တွဲ တိုက်စစ်ကို ပုံဖော်ထားနိုင်ခဲ့သူဖြစ်ပြီး အားကစားအီအစဉ် သုံးသပ်သူတွေရဲ့ ချီးကျူးမှုတွေကိုလည်း ရရှိထားသူ ဖြစ်ပါတယ်။  ယူနိုက်တက်ဂန္ထဝင် နောက်ခံလူ ဖာဒီနန်က လီဗာပူး သုံးယောက်တွဲ တိုက်စစ်မှာ သူ ရင်ဆိုင်လိုခြင်းမရှိသူက မာနေး ဖြစ်တယ်လို့ ထုတ်ဖော်ချီးကျူးခဲ့ပါတယ်။
2 years Ago

ရီးရဲလ်မက်ဒရစ် နည်းပြရာထူးက အချိန်မရွေး ပြောင်းလဲနိုင်ဟု ဇီဒန်း ဝန်ခံ

ရီးရဲလ်နည်းပြရာထူးကနေ အချိန်မရွေး ပြောင်းလဲသွားနိုင်တယ်လို့ နည်းပြ ဇီဒန်းက ဝန်ခံပြောကြားလိုက်ပါတယ်။ ရီးရဲလ်မက်ဒရစ်အသင်းဟာ အခုနှစ် ဘောလုံးရာသီမှာ ရလဒ်ပိုင်း မတည်မငြိမ် ဖြစ်ခဲ့ပြီး ချန်ပီယံလိဂ်ပြိုင်ပွဲ ပထမအကျော့မှာလည်း မန်စီးတီးအသင်းကို အိမ်ကွင်းမှာ ရှုံးနိမ့်ထားတာ ဖြစ်ပါတယ်။  အကောင်းဆုံး စွမ်းဆောင်ရည် မရသေးတာကြောင့် ဖိအားတွေနဲ့ ရင်ဆိုင်နေရတဲ့ နည်းပြ ဇီဒန်းဟာ ရာထူးကနေ ထုတ်ပယ် ခံရနိုင်တယ်ဆိုတဲ့ သတင်းတွေ ထွက်ပေါ်နေတာ ဖြစ်ပါတယ်။ ဒီနေ့မှာ ရီးရဲလ်မက်ဒရစ်နည်းပြ ဖြစ်နေပေမယ့်လည်း မနက်ဖြန်မှာ ဘာဖြစ်မလဲဆိုတာ ဘယ်သူမှ မသိနိုင်ဘဲ ပြောင်းလဲမှုတွေ ရှိနိုင်တယ်လို့လည်း ဇီဒန်းက ပြောပါတယ်။
2 years Ago

ပိုချက်တီနိုကို ရီးရဲလ်မက်ဒရစ် စောင့်ကြည့်နေ

ပိုချက်တီနိုနဲ့ပတ်သတ်တဲ့ သတင်းတွေကို ဆက်လက်အကြောင်းကြားပေးဖို့ စပါးနည်းပြဟောင်းရဲ့ ကိုယ်စားလှယ်တွေကို ရီးရဲလ်မက်ဒရစ်အသင်းက တောင်းဆိုခဲ့တယ်လို့ သတင်းတွေမှာ ဖော်ပြပါတယ်။ ပိုချက်တီနိုကို မန်ချက်စတာယူနိုက်တက်အသင်းကလည်း ခေါ်ယူဖို့ စောင့်ကြည့်နေတယ်လို့ ကနဦးက သတင်းတွေ ထွက်ပေါ်ခဲ့ဖူးပါတယ်။ အသက် ၄၈ နှစ်အရွယ် ပိုချက်တီနိုဟာ စပါးအသင်းကို ဆုဖလားတွေ စိန်ခေါ်နိုင်တဲ့အသင်းအဖြစ် ပြောင်းလဲပေးခဲ့သူဖြစ်ပြီး ပြီးခဲ့တဲ့နှစ်မှာ ချန်ပီယံလိဂ်ဗိုလ်လုပွဲကို တက်ရောက်နိုင်ခဲ့ပါတယ်။ မန်ချက်စတာယူနိုက်တက်အသင်းဟာ အသင်းရလဒ်တွေ ဆိုးရွားနေတဲ့ ရာသီအစပိုင်းတုန်းက ပိုချက်တီနိုကို ခေါ်ယူဖို့ ချဉ်းကပ်ခဲ့ဖူးပါတယ်။  ဒါပေမဲ့ နောက်ပိုင်းမှာတော့ ဆိုးလ်ရှားဟာ ယူနိုက်တက်အသင်းကို လမ်းမှန်ပေါ်ရောက်အောင် ပြန်လည်တည့်မတ်ပေးနိုင်ခဲ့ပြီး ဘရူနိုဖာနန်ဒက်စ်ကို ခေါ်ယူနိုင်ခဲ့မှုနဲ့အတူ အသင်းဟာ ချန်ပီယံလိဂ်ဝင်ခွင့် တနေရာအတွက် စိန်ခေါ်နိုင်သူအဖြစ် ပြောင်းလဲလာခဲ့ပြီပဲ ဖြစ်ပါတယ်။ ယူနိုက်တက်အသင်းနဲ့ သတင်းတွေ တည်ငြိမ်သွားချိန်မှာ ရီးရဲလ်မက်ဒရစ်အသင်းက ပိုချက်တီနိုကို စိတ်ဝင်စားကြောင်း ပြန်လည်ပြသလာတာပါ။ စပိန်ကလပ်ဟာ ပိုချက်တီနိုကို ကာလရှည် စောင့်ကြည့်ခဲ့တဲ့အသင်း ဖြစ်ပြီးတော့ လာမယ့်နွေရာသီ အပြောင်းအရွှေ့ကာလမှာ နည်းပြ အပြောင်းအလဲ ပြုလုပ်သွားနိုင်တယ်လို့ သတင်းတွေမှာ ခန့်မှန်းရေးသားကြပါတယ်။ လက်ရှိ ရီးရဲလ်အသင်းနည်းပြ ဇီဒန်းဟာ ရီးရဲလ်မက်ဒရစ်အသင်းအတွက် ကစားသမားဘဝမှာရော  နည်းပြအဖြစ်နဲ့ပါ အောင်မြင်မှု ကြီးကြီးမားမား ရယူပေးနိုင်ခဲ့သူ ဖြစ်ပေမယ့် သူနဲ့အသင်းဥက္ကဋ္ဌ ဖလော်ရန်တီနိုပီရတ်ဇ်တို့ကြား ဆက်ဆံရေးဟာ ကောင်းမွန်တဲ့ အနေအထားမှာ ရှိမနေဘူးလို့ သတင်းတွေမှာ ဖော်ပြပါတယ်။ ဒါ့ကြောင့် ဇီဒန်းနဲ့ ရီးရဲလ်မက်ဒရစ်အသင်းတို့ရဲ့ ဒုတိယမြောက်လမ်းခွဲဟာ အချိန်မရွေး ပေါ်ပေါက်လာနိုင်တဲ့  အနေအထားမှာရှိနေတာလည်း ဖြစ်ပါတယ်။ ပိုချက်တီနိုဟာ ပြီးခဲ့တဲ့ နိုဝင်ဘာလကတည်းက အသင်းလက်မဲ့ ဖြစ်နေခဲ့သူပါ။ သူ့ကို ရီးရဲလ်နဲ့ ယူနိုက်တက်အပြင် ဘာစီလိုနာ၊ ပီအက်စ်ဂျီ၊ ဂျူဗင်တပ်စ်နဲ့ ဘိုင်ယန်မြူးနစ်အသင်းတို  ကလည်း စိတ်ဝင်စားကြောင်း ပြသထားတာကြောင့် နည်းပြအနေနဲ့ သူ့အနာဂတ် အသင်းသစ်အပေါ် စိတ်ကြိုက်ရွေးချယ်ခွင့်ရှိတဲ့ အနေအထားမှာ ရှိနေပါတယ်။ ပိုချက်တီနိုဟာ နည်းပြဘဝကို လာလီဂါကလပ် အက်စ်ပန်ညိုနဲ့ အသင်းနဲ့စတင်ခဲ့ပြီး စပါးအသင်းနဲ့ ကမ္ဘာ့အဆင့်နည်းပြအဖြစ် သတ်မှတ်ခံခဲ့ရတာကြောင့် သူ့ကို တခြားလိဂ်တွေမှာထက် ပရီးမီးယားလိဂ်နဲ့ လာလီဂါမှာ ထပ်မံမြင်တွေ့ရဖို့ ရှိနေပါတယ်။ 
2 years Ago

ရီးရဲလ်မက်ဒရစ် ကွင်းလယ်လူ အစ္စကို အသင်းက ထွက်ခွာမည်

ရီးရဲလ်မက်ဒရစ် ကွင်းလယ်လူ အစ္စကိုဟာ လာမယ့်ဇန်နဝါရီ အပြောင်းအရွှေ့မှာ အသင်းကနေ ထွက်ခွာတော့မယ်လို့ သိရပါတယ်။ အစ္စကိုဟာ မက်ဒရစ်မှာ ခြေစွမ်းပျောက်ဆုံးနေပြီး ပွဲထွက်ခွင့်အတွက်လည်း ရုန်းကန်နေရသူ ဖြစ်ပါတယ်။ အခုနှစ် လာလီဂါမှာ မိနစ် ၁၇၀ သာ ကစားခွင့်ရရှိထားတဲ့ အစ္စကိုဟာ မာယော့ကာအသင်းကို ရှုံးနိမ့်ခဲ့ရတဲ့ ပွဲစဉ်မှာ ပွဲထွက်ခဲ့ပေမယ့်လည်း စောစော ဒုတိယပိုင်းအစမှာပဲ လူစားလဲခံခဲ့ရတာ ဖြစ်ပါတယ်။  ဂါတာစာရေးအသင်းကို ၁-၀ ဂိုးနဲ့ကပ်ပြီးအနိုင်ရရှိခဲ့တဲ့ မနေ့ညက ချန်ပီယံလိဂ်ပွဲစဉ်မှာလည်း ပါဝင်ကစားခွင့်မရခဲ့တဲ့ အစ္စကိုဟာ လာမယ့်ဇန်နဝါရီ အပြောင်းအရွှေ့မှာတော့ အသင်းသစ် ရှာဖွေဖို့ ဆုံးဖြတ်ထားပြီး ဖြစ်တယ်လို့ စပိန်သတင်းစာ AS က ဖော်ပြပါတယ်။ အသက် ၂၇ နှစ်ရှိ အစ္စကို ခေါ်ယူဖို့အတွက် ပရီးမီးယားလိဂ်ကလပ်တွေ ဖြစ်တဲ့ မန်စီးတီးနဲ့ အာဆင်နယ်အသင်းတွေက စိတ်ဝင်စားနေတယ်လို့ သတင်းတွေ ထွက်နေပါတယ်။
2 years Ago

ရီးရဲလ်မက်ဒရစ်အသင်းက တိုက်စစ်မှူးဆန်ချိုနှင့် ဟာလန်းကို ခေါ်ရန် ကြိုးပမ်း

ရီးရဲလ်မက်ဒရစ်အသင်းဟာ ဒေါ့မွန်တိုက်စစ်မှူး ဆန်ချိုနဲ့ ဆဲလ်ဘက် တိုက်စစ်မှူး ဟာလန်းတို့ကို ခေါ်ယူဖို့ ကြိုးပမ်းနေပါတယ်။  ရီးရဲလ်မက်ဒရစ်အသင်းဟာ အခုတပတ် လာလီဂါပွဲစဉ်မှာ မာယော့ကာအသင်းကို ၁ ဂိုး ဂိုးမရှိနဲ့ ရှုံးနိမ့်သွားခဲ့ရပြီး တိုက်စစ်ပိုင်း အားနည်းမှုတွေ ရှိနေခဲ့တာ ဖြစ်ပါတယ်။  ဒါကြောင့် အသင်းရဲ့ ကစားသမားအင်အား ပိုမိုအားကောင်းလာဖို့အတွက် ဒေါ့မွန် အသင်းမှာ ခြေစွမ်းပြနေတဲ့ အင်္ဂလန်လက်ရွေးစင်ကစားသမား ဂျော်ဒန်ဆန်ချိုကို ပစ်မှတ်ထားလာတာ ဖြစ်ပါတယ်။  ဒါ့အပြင် ဆဲလ်ဘက်အသင်းမှာ ခြေစွမ်းပြနေပြီး ဥရောပ ထိပ်တန်းကလပ်အများစုရဲ့ စိတ်ဝင်စားမှုခံနေရတဲ့ နော်ဝေတိုက်စစ်မှူး ဟာလန်းကိုလည်း ခေါ်ယူဖို့ လုပ်ဆောင်မယ်လို့ စပိန် မီဒီယာ အယ်ဒက်စ်မာကေးကို ကိုးကားပြီး ဒေးလီးမေးလ် သတင်းစာက ဖော်ပြပါတယ်။  ဒေါ့မွန် တိုက်စစ်မှူး ဆန်ချိုဟာ ပြီးခဲ့တဲ့ရာသီက စုစုပေါင်း ၁၂ ဂိုး သွင်း၊ ၁၄ ကြိမ် ဂိုးဖန်တီးမှု ပြုလုပ်နိုင်ခဲ့ပါတယ်။ သြစတြီးယားကလပ် ဆဲလ်ဘက် တိုက်စစ်မှူး ဟာလန်ဟာလည်း အခုနှစ်ရာသီ ၁၆ ပွဲ ကစားအပြီးမှာ ၁၉ ဂိုးအထိ သွင်းယူထားတာ ဖြစ်ပါတယ်။
2 years Ago

ဒါဘီပွဲကစားနေချိန် ရီးရဲလ်မက်ဒရစ်ကွင်းလယ်လူ ကက်ဆီမီရို၏အိမ် ဓားပြတိုက်ခံရ

အခုတပတ် မက်ဒရစ်ဒါဘီပွဲ ကစားနေတဲ့အချိန်အတွင်း ရီးရဲလ်မက်ဒရစ် ကွင်းလယ်ကစားသမား ကက်ဆီးမီရို ရဲ့အိမ်ဟာ ဓားပြတိုက်ခံခဲ့ရပါတယ်။  စက်တင်ဘာ ၂၉ ရက်က အဲဒီပွဲကစားနေချိန် ဖောက်ထွင်းမှုဖြစ်ပွားခဲ့ပြီး ဇနီးသည်နဲ့ သမီးဖြစ်သူတို့ဟာလည်း အိမ်ထဲမှာရှိနေတယ်လို့ သိရပါတယ်။  ဒါဟာ ဘရာဇီးနာမည်ကြီး ကစားသမားတယောက်အတွက် စပိန်နိုင်ငံမှာ ပထမဦးဆုံးချိန် ဓားပြတိုက်ခံရတာဖြစ်ပြီး အရင်တုန်းကလည်း ရီးရဲလ်မက်ဒရစ် ကစားသမားတွေ ဖြစ်တဲ့ မိုရွာတာနဲ့ လူးကပ်စ်ဘက်စ်ကွက်တို့ရဲ့ နေအိမ်တွေ ဓားပြဝင်တိုက်ခံခဲ့ရဖူးပါတယ်။ ============================= ဒါဘီပြဲကစားေနခ်ိန္ ရီးရဲလ္မက္ဒရစ္ကြင္းလယ္လူ ကက္ဆီမီ႐ို၏အိမ္ ဓားျပတိုက္ခံရ DVB အခုတပတ္ မက္ဒရစ္ဒါဘီပြဲ ကစားေနတဲ့အခ်ိန္အတြင္း ရီးရဲလ္မက္ဒရစ္ ကြင္းလယ္ကစားသမား ကက္ဆီးမီ႐ို ရဲ႕အိမ္ဟာ ဓားျပတိုက္ခံခဲ့ရပါတယ္။ စက္တင္ဘာ ၂၉ ရက္က အဲဒီပြဲကစားေနခ်ိန္ ေဖာက္ထြင္းမႈျဖစ္ပြားခဲ့ၿပီး ဇနီးသည္နဲ႔ သမီးျဖစ္သူတို႔ဟာလည္း အိမ္ထဲမွာရွိေနတယ္လို႔ သိရပါတယ္။ ဒါဟာ ဘရာဇီးနာမည္ႀကီး ကစားသမားတေယာက္အတြက္ စပိန္ႏိုင္ငံမွာ ပထမဦးဆုံးခ်ိန္ ဓားျပတိုက္ခံရတာျဖစ္ၿပီး အရင္တုန္းကလည္း ရီးရဲလ္မက္ဒရစ္ ကစားသမားေတြ ျဖစ္တဲ့ မို႐ြာတာနဲ႔ လူးကပ္စ္ဘက္စ္ကြက္တို႔ရဲ႕ ေနအိမ္ေတြ ဓားျပဝင္တိုက္ခံခဲ့ရဖူးပါတယ္။
2 years Ago

အာဆင်နယ်နှင့်ပွဲတွင် ၂ ဂိုးသွင်းခဲ့သည့် စီရော်နယ်ဒို ကစားသမားဘဝသွင်းဂိုး ၈၀၀ ကျော်လာ

အာဆင်နယ်ကို ၃ ဂိုး ၂ ဂိုးနဲ့အနိုင်ရခဲ့တဲ့ပွဲမှာ ၂ ဂိုးသွင်းယူခဲ့တဲ့ မန်ယူတိုက်စစ်မှူးရော်နယ်ဒို ဟာ ကစားသမားဘဝတလျှောက် သွင်းဂိုးပေါင်း ၈၀၁ ဂိုး အထိရှိလာခဲ့ပါတယ်။ 

အာဆင်နယ်ဘက်ကို သွင်းယူခဲ့တဲ့ ပထမဂိုးဟာရော်နယ်ဒိုရဲ့ ကလပ်အသင်းနဲ့ နိုင်ငံ အသင်းတွေအတွက် စုစုပေါင်း သွင်းဂိုး ၈၀၀ ပြည့်မြောက်ခဲ့ တာပါ။

နောက်ထပ် ပင်နယ်တီကနေလည်း ဒုတိယဂိုးထပ်သွင်းခဲ့တဲ့ရော်နယ်ဒိုဟာ သွင်းဂိုး ၈၀၁ ဂိုးအထိ သွင်းယူ နိုင်ခဲ့ပြီး စံချိန်သစ်တင်ခဲ့တာဖြစ်ပါတယ်။

ရော်နယ်ဒိုဟာ အဲဒီသွင်းဂိုးတွေထဲမှာ  ရီးရဲလ်မက်ဒရစ် အတွက်ဂိုး ၄၅၀ သွင်းခဲ့ပြီး  မန်ယူနိုက်တက်အတွက် ၁၃၀ ဂိုး သွင်းထားပါတယ်။

ပေါ်တူဂီအသင်းအတွက် ၁၁၅ ဂိုး၊ ဂျူဗင်တပ်အသင်းအတွက် ၁၀၁ ဂိုး၊ စပို့တင်းလစ္စဘွန်းအတွက် ၅ ဂိုးနဲ့ စုစုပေါင်း ၈၀၁ ဂိုး အထိ သွင်းယူနိုင်ခဲ့တာဖြစ်ပါတယ်။

ယာယီနည်းပြ ကာရစ်ဟာ သူ့လက်ထက်မှာ ကိုင်တွယ်ခဲ့တဲ့ ၃ပွဲမှာ ရှုံးပွဲမရှိခဲ့ဘဲ ၂ပွဲနိုင် ၁ ပွဲသရေကျခဲ့ပါတယ်။

နောက်တစ်ပတ်ပွဲစဉ်ကစပြီး ဂျာမန်နည်းပြသစ်  ရက်ဖ်ရင်းနစ်က ယူနိုက်တက်အသင်းကို စတင် တာဝန်ယူကိုင်တွယ်သွားမှာဖြစ်ပါတယ်။

Photo Ciredit

24 hours Ago

ဘလွန်းဒီအော ကမ္ဘာ့အကောင်းဆုံးဘောလုံးသမားဆုကို မက်ဆီက ၇ ကြိမ်မြောက်ရရှိ

ပြင်သစ်ဘောလုံးမဂ္ဂဇင်းက ချီးမြှင့်တဲ့ ဘလွန်းဒီအော ကမ္ဘာ့အကောင်းဆုံးဘောလုံးသမားဆုကို အာဂျင်တီးနားနဲ့    ပီအက်စ်ဂျီ တိုက်စစ်မှူး လီယိုနယ် မက်ဆီက ၇ ကြိမ်မြောက် ရရှိသွားပါတယ်။

တစ်နှစ်တာအတွက် ကမ္ဘာ့အကောင်းဆုံးဘောလုံးသမားဆုတွေကို  နိုဝင်ဘာ ၂၉ ရက်က ပေးအပ်ချီးမြှင့်ရာမှာ မက်ဆီက   ကမ္ဘာ့အကောင်းဆုံးဘောလုံးသမားဆုရရှိတာဖြစ်ပြီး  ဘိုင်ယန်မြူနစ်တိုက်စစ်မှူး ရောဘတ်လီဝန်ဒေါစကီးက ဒုတိယ၊ ချယ်လ်ဆီးကွင်းလယ်လူ ယော်ဂင်ညိုက တတိယနဲ့ ရီးရဲလ်မက်ဒရစ် တိုက်စစ်မှူး ဘန်ဇီမာက စတုတ္ထနေရာက ရွေးချယ်ခံရပါတယ်။

ပဲရစ်မြို့မှာ မနေ့ညက ကျင်းပတဲ့ ဆုပေးပွဲမှာ မက်ဆီက “ လွန်ခဲ့တဲ့ ၂ နှစ်လောက်တုန်းက ဒီဆုရတာ နောက်ဆုံးပဲလို့ ထင်ခဲ့မိတယ်။ ဘယ်တော့ အနားယူမှာလဲလို့ လူတွေက ကျနော့်ကိုစပြီးမေးလာကြပြီ၊ ဒါပေမဲ့ အခု ပဲရစ်ကိုရောက်နေပြီ။ အရမ်းပျော်ပါတယ်” လို့ပြောပါတယ်။ 

အသက် ၃၄ နှစ်အရွယ် မက်ဆီဟာ  ၂၀၂၁ ခုနှစ်အတွင်း နိုင်ငံလက်ရွေးစင်အသင်းအတွက် ကိုပါအမေရိကဖလားရရှိအောင် စွမ်းဆောင်ပေးခဲ့ပြီး  အာဂျင်တီနားအသင်းအတွက် ၈ ဂိုး၊ ဘာစီလိုနာအသင်းမှာ ၂၈ ဂိုးနဲ့ လက်ရှိကန်နေတဲ့ ပီအက်စ်ဂျီအသင်းမှာ ၄ ဂိုး စုစုပေါင်း သွင်းဂိုး ၄၀ သွင်းယူပေးထားပါတယ်။ 

မက်ဆီဟာ ၂၀၀၉ ခုနှစ်၊ ၂၀၁၀ ပြည်နှစ်၊ ၂၀၁၁ ခုနှစ်၊ ၂၀၁၂ ခုနှစ်၊ ၂၀၁၅ ခုနှစ်နဲ့ ၂၀၁၉ ခုနှစ်တွေမှာ လည်း ဘလွန်းဒီအောဆုကို ရရှိခဲ့ဖူးပါတယ်။

အခုနှစ်အတွက် ဘလွန်းဒီအော ကမ္ဘာ့အကောင်းဆုံးအမျိုးသမီးဘောလုံးသမားဆုကိုတော့ ဘာစီလိုနာအမျိုးသမီးအသင်းခေါင်းဆောင်  အလီဇာပူတဲလ်လက်စ်က ရရှိသွားပါတယ်။ 

၂၀၂၁ ခုနှစ်မှာ ပြိုင်ပွဲစုံ ၅၃ ဂိုးသွင်းယူပေးခဲ့တဲ့ ပိုလန်နဲ့ ဘိုင်ယန်မြူနစ်တိုက်စစ်မှူး လီဝန်ဒေါစကီးကတော့ အကောင်းဆုံး တိုက်စစ်မှူးဆု ရရှိသွားပါတယ်။

ဒီနှစ်မှာ ဘလွန်းဒီအော ကမ္ဘာ့အကောင်းဆုံး ကစားသမားဆုအတွက် စကာတင် အယောက် ၃၀ စာရင်းမှာ ပရီးမီးယားလိဂ်က ၁၅ ယောက်အထိ ပါဝင်လာခဲ့တာဖြစ်ပါတယ်။

မန်ယူနိုက်တက်ကစားသမား စီရော်နယ်ဒိုက ကမ္ဘာ့အကောင်းဆုံး ဆဋ္ဌမ နေရာမှာ ရွေးချယ်ခံရပြီး ၊ လီဗာပူးတိုက်စစ်မှူး  ဆာလက်က သတ္တမနဲ့  စပါးအသင်း တိုက်စစ်မှူး ဟာရီကိန်းက အဆင့် ၂၃ မှာ  ရွေးချယ်ခံထားရပါတယ်။ 

ဘလွန်းဒီအော ကမ္ဘာ့အကောင်းဆုံးဆု ၅ ကြိမ်ရဖူးတဲ့ စီရော်နယ်ဒိုကတော့ အခုနှစ်မှာ ဆုပေးပွဲကို တက်ရောက်ခဲ့ခြင်းမရှိပါဘူး။ 

ဘလွန်းဒီအောဆုကို ကမ္ဘာ့တဝန်းက ဂျာနယ်လစ်  ၁၈၀ က မဲပေးရွေးချယ်ခဲ့ကြတာဖြစ်ပြီး  ပြီးခဲ့တဲ့နှစ်ကတော့ ကိုဗစ်-၁၉ ရောဂါအခြေအနေကြောင့် ဆုပေးနိုင်ခဲ့ခြင်းမရှိပါဘူး။

4 days Ago

ကမ္ဘာ့အကောင်းဘောလုံးသမားဆုအတွက် ဆန်ခါတင် ၁၁ ဦးစာရင်းတွင် ပရီးမီးယားလိဂ်က ၅ ဦး ပါဝင်

ကမ္ဘာ့အကောင်းဆုံးဘောလုံးသမားဆုအတွက် ဆန်ခါတင် ၁၁ ဦးစာရင်းထုတ်ပြန်ခဲ့ရာမှာ ပရီးမီးယားလိဂ်က ၅ ဦး ပါဝင်လာပါတယ်။ 

ဖီဖာက ထုတ်ပြန်ခဲ့တဲ့ ဆန်ကာတင် ၂၂ ဦးထဲမှာ ယူနိုက်တက်တိုက်စစ်မှူး စီရော်နယ်ဒို၊ လီဗာပူးက ဆာလတ်၊ မန်စီးတီးက ဒီဘရိုင်းနဲ့ ချဲလ်ဆီးကွင်းလယ်လူတွေဖြစ်တဲ့ ကန်တေနဲ့ ယော်ဂင်ညိုတို့ ပါဝင်လာခဲ့တာပါ။ 

တခြား ၆ ဦးထဲမှာတော့ ပီအက်စ်ဂျီတိုက်စစ်မှူးတွေ ဖြစ်တဲ့ မက်ဆီ၊ နေမာနဲ့ အမ်ဘာပေတို့ ပါဝင်ပါတယ်။ 

အလားတူ ဘိုင်ယန်မြူးနစ်တိုက်စစ်မှူး လီဝန်ဒေါစကီး၊ ရီးရဲလ်မက်ဒရစ်တိုက်စစ်မှူး ဘန်ဇီမာနဲ့ ဒေါ့မွန်တိုက်စစ်မှူး ဟာလန်းတို့ ပါဝင်လာပါတယ်။ 

ဖီဖာအနေနဲ့ အကောင်းဆုံးနည်းပြဆုအတွက် ဆန်ခါတင်စာရင်းကိုလည်း ထုတ်ပြန်ခဲ့ပြီး အီတလီ နည်းပြ မန်ချီနီအပါအဝင် ဂွါဒီယိုလာ၊ တူချယ်၊ ကွန်တီ၊ ဟမ်ဆီဖလစ် အစရှိတဲ့နည်းပြတွေ ပါဝင်နေပါတယ်။ 

အကောင်းဆုံးဂိုးသမားဆုအတွက် ဆန်ခါတင် ၅ ဦးမှာတော့ ပရီးမီးယားလိဂ်က အလီဆန်၊ ရှမိုက်ကယ်၊ မန်ဒီ တို့နဲ့အတူ နူအာနဲ့ ဒွန်နာရမ်မာတို့ပါဝင်ခဲ့ပါတယ်။ 

အမျိုးသမီးအကောင်းဆုံးဆုအတွက်  ဆန်ခါတင်စာရင်းမှာလည်း ၁၃ ဦးပါဝင်ခဲ့ရာမှာ ချဲလ်ဆီးအသင်းက ၄ ဦးအထိ ပါဝင်ပြီး မန်စီးတီးနဲ့ အာဆင်နယ်က ကစားသမားတွေလည်း ပါဝင်ခဲ့ပါတယ်။ 

ကမ္ဘာ့အကောင်းဆုံးဆုတွေကို လာမယ့်နှစ် ဇန်နဝါရီ ၁၇ ရက်နေ့ ချီးမြှင့်သွားမှာဖြစ်ပါတယ်။

2 weeks Ago

ပွဲကစားခွင့်ရရန် အသင်းဖော်အား လုပ်ကြံခိုင်းသည့် ပီအက်စ်ဂျီအမျိုးသမီးအသင်း ကစားသမား ၁ ဦးကို ရဲတပ်ဖွဲ့ ဖမ်းဆီး

ပွဲကစားခွင့်ရဖို့အတွက် အသင်းဖော်ကို လုပ်ကြံ့ခိုင်းခဲ့တယ်ဆိုတဲ့ စွပ်စွဲချက်နဲ့ ပြင်သစ် အမျိုးသမီးကစားသမားတစ်ဦးကို ရဲတပ်ဖွဲ့က ဖမ်းဆီးခဲ့ပါတယ်။ 

ပြင်သစ်ကလပ် ပီအက်စ်ဂျီအမျိုးသမီးအသင်းက ကွင်းလယ်ကစားသမား အမ်မီနေတာဒီယယ်လိုဟာ ပွဲထွက်ကစားခွင့်ရဖို့အတွက် အသင်းဖော် ကွင်းလယ်လူ ခီရီယာဆီကို  နိုဝင်ဘာ ၄ ရက်က အမျိုးသား ၂ ဦးကိုငှားရမ်းပြီး လုပ်ကြံခိုင်းခဲ့တယ်လို့ သတင်းတွေက ဆိုပါတယ်။ 

ဒီယယ်လိုဟာ အသင်းရဲ့ညစာစားပွဲအပြီးမှာ ခီရီယာကို အိမ်လိုက်ပို့ဖို့ တောင်းဆိုခဲ့ ပါတယ်။ ၂ ဦးသား နေအိမ်ကို ကားနဲ့အပြန်မှာ မျက်နှာဖုံးစွပ်ထားသူ ၂ ဦးက ကားကိုရပ်တန့်စေပြီး  ခီရီယာကို သံတုတ်နဲ့ ရိုက်နှက်ခဲ့ပြီး ဒီယယ်လိုကတော့ ထိခိုက်ဒဏ်ရာမရခဲ့ဘူးလို့ သိရပါတယ်။ 

ခီရီယာဟာ ခွဲစိတ်ကုသရမယ့် ဒဏ်ရာကြောင့် ပီအက်စ်ဂျီအသင်းက ရီးရဲလ်မက်ဒရစ်ကို ၄ ဂိုး ဂိုးမရှိနဲ့အနိုင်ရတဲ့ အမျိုးသမီးချန်ပီယံလိဂ်ပွဲကို လွဲချော်ခဲ့ပါတယ်။ 

လုပ်ကြံခိုင်းတယ်လို့စွပ်စွဲခံရသူ ဒီယယ်လိုကတော့ အဲဒီပွဲစဉ်မှာ ပွဲထွက်ကစားခွင့်ရခဲ့ပါတယ်။ ပီအက်စ်ဂျီအသင်းဘက်ကလည်း ဒီယယ်လို အဖမ်းခံရကြောင်းအတည်ပြုထားပြီး ရဲတပ်ဖွဲ့က စစ်ဆေးမှုတွေ လုပ်ဆောင်နေတယ်လို့ သိရပါတယ်။ 

3 weeks Ago

ရီးရဲလ်တွင် အဆင်မပြေဖြစ်နေသည့် ဟာဇက်ကိုခေါ်ယူရန် ချဲလ်ဆီးနှင့် နယူးကာဆယ်ကြိုးပမ်း

ချဲလ်ဆီးနဲ့ နယူးကာဆယ်အသင်းတို့ဟာ ရီးရဲလ်မက်ဒရစ်အသင်းမှာ အဆင်မပြေဖြစ်နေတဲ့ ဟာဇက်ကို ခေါ်ယူဖို့ အပြိုင်ကြိုးပမ်းမယ်လို့ သိရပါတယ်။ 

ဟာဇက်ဟာ နည်းပြအန်စလော့တီနဲ့ အဆင်မပြေဖြစ်နေပြီး ဟာဇက်အစား တခြားကစားသမားကို အသုံးပြုရတာ ပိုမိုနှစ်သက်ကြောင်း နည်းပြ အန်စလော့တီကပြောထားပါတယ်။ 

အသက် ၃ဝ အရွယ် ဟာဇက်ဟာ ၂၀၁၉ ခုနှစ်က ချဲလ်ဆီးကနေ ပြောင်းရွှေ့လာပြီးနောက် လာလီဂါ ၅၂ ပွဲမှာ ၅ ဂိုးသာ သွင်းယူနိုင်ခဲ့ပါတယ်။ 

ရီးရဲလ်အသင်းအနေနဲ့ လာမယ့်နွေရာသီမှာ အမ်ဘာပေနဲ့ ဟာလန်းတို့ကို ခေါ်ယူဖို့ ကြိုးပမ်းမှာဖြစ်လို့ ဟာဇက်ကိုရောင်းချပြီး ငွေရှာနိုင်ဖို့ စီစဉ်ထားတာပါ။ 

ဒီအခြေအနေကို အသင်းဟောင်း ချဲလ်ဆီးနဲ့ နယူးကာဆယ်အသင်းတို့က စောင့်ကြည့်နေပြီး လာမယ့်ဇန်နဝါရီအပြောင်းအရွှေ့မှာ ကမ်းလှမ်းဖို့ရှိပါတယ်။ ရီးရဲလ်ဘက်ကတော့  ဟာဇက်အတွက် ပေါင် ၄၂ သန်းရပါက ရောင်းချသွားမယ်လို့ သိရပါတယ်။ 

1 month Ago

လီဗာပူးတွင် ဆက်နေချင်သော်လည်း ကိုယ်တိုင်ဆုံးဖြတ်မရဟု ဆာလက် ဖွင့်ဟ

လီဗာပူးအသင်းမှာ ကစားသမားဘဝကုန်ဆုံးချိန်အထိ ဆက်နေချင်ပေမယ့် ကိုယ်တိုင်ဆုံးဖြတ် လို့မရတဲ့အရာ မဟုတ်ကြောင်း ဆာလက်က ပြောပါတယ်။

ဆာလက်ဟာအသင်းနဲ့ စာချုပ်သက်တမ်း တစ်နှစ်ကျော်သာ ကျန်ရှိတော့ပြီး သက်တမ်းတိုးဖို့ လိုအပ်နေတာပါ။ 

တဘက်မှာလည်း ရီးရဲလ်မက်ဒရစ်နဲ့ ပီအက်စ်ဂျီတို့လို ထိပ်တန်းကလပ်တွေက ခေါ်ယူဖို့ စောင့်ကြည့်နေတာ ဖြစ်ပါတယ်။

ဆာလက်ကတော့ လီဗာပူးအသင်းမှာပဲ ကစားသမားဘဝ ကုန်ဆုံးချင်ပေမဲ့ သူ့လက်ထဲမှာ ဆုံးဖြတ်လို့မရဘဲ ကလပ်အသင်းဘက်ကသာ ဆုံးဖြတ်နိုင်မှာဖြစ်တယ်လို့ စကိုင်းစပေါ့နဲ့ အင်တာဗျူးမှာ ပြောပါတယ်။ 

“လီဗာပူးအသင်းကို ပြိုင်ဘက်အဖြစ် ရင်ဆိုင်နေရမယ်လို့ ကိုယ့်ကိုယ်ကိုယ် မမြင်နိုင်ပါဘူး။ အဲဒီလို ကစားရမယ်ဆိုရင် ဝမ်းနည်းမိမှာပါ။ ဒီအခြေအနေက အတော်ခက်ခဲမှာဖြစ်ပေမဲ့ ဘာတွေ ဆက်ဖြစ်မလဲ ဆိုတာကတော့ စောင့်ကြည့်ရမှာပါ” လို့ ဆာလက်က ပြောခဲ့တာပါ။ 

အီဂျစ်ကစားသမား ဆာလက်ဟာ ၂၀၁၇ ခုနှစ်က ရိုးမားအသင်းကနေ ပြောင်းရွှေ့လာတာဖြစ်ပြီး ချန်ပီယံလိဂ်နဲ့ ပရီးမီးယားလိဂ်ဖလားတွေရယူပေးခဲ့ပြီး အသင်းရဲ့ဂန္ထဝင်ကစားသမားတစ်ဦး ဖြစ်လာခဲ့သူ ဖြစ်ပါတယ်။ 

1 month Ago

စံချိန်တင်လုပ်ခရရှိမည့် အသင်းကိုသာ ဟာလန်းပြောင်းရွှေ့မည်

ဒေါ့မွန်တိုက်စစ်မှူးဟာလန်းဟာ အသင်းကနေ ထွက်ခွာမယ်ဆိုရင် စံချိန်တင်လုပ်ခရရှိမယ့် အသင်း ဆီသာ ပြောင်းရွှေ့ဖို့ ဆုံးဖြတ်ထားတယ်လို့ သိရပါတယ်။ 

ဟာလန်းနဲ့ ဒေါ့မွန်တို့ ချုပ်ဆိုထားတဲ့ စာချုပ်ဖျက်သိမ်းကြေးဟာ လာမယ့်နွေရာသီမှာ စတင်အသက်ဝင်မှာဖြစ်ပြီး ပေါင် ၆၄ သန်းသာရှိတယ်လို့ ဆိုပါတယ်။ 

အဆိုပါစာချုပ်ဖျက်သိမ်ကြေး ပမာဏဟာ ထိပ်တန်းအသင်းတွေအတွက် ပြောပလောက်တဲ့ ငွေကြေးမဟုတ်တာကြောင့် ဟာလန်းကိုခေါ်ယူရေးမှာ အပြိုင်အဆိုင်ဖြစ်လာဖို့ ရှိနေတာပါ။ 

ဟာလန်းဘက်ကတော့ တစ်နှစ်လုပ်ခပေါင်သန်း ၃ဝ ပေးချေနိုင်မယ့်အသင်းကိုသာ ပြောင်းရွှေ့မယ်လို့ အေးဂျင့်ရိုင်အိုလာကို ပြောထားကြောင်း ESPN သတင်းမှာဖော်ပြပါတယ်။ 

အဆိုပါလုပ်ခအရဆိုရင် ဟာလန်းအနေနဲ့ တစ်ပတ်လုပ်ခပေါင် ၅ သိန်းကျော်တဲ့အထိ ရရှိမှာဖြစ်လို့ စံချိန်တင်လုပ်ခဖြစ်လာမှာပါ။ 

လက်တလောမှာတော့ ဟာလန်းကိုခေါ်ယူဖို့ ပုံမှန်ဆွေးနွေးနေကြောင်း ချဲလ်ဆီးနည်းပြတူချယ်က ပြောထားပါတယ်။ 

ဒါ့အပြင် ရီးရဲလ်မက်ဒရစ်၊ မန်ယူနိုက်တက်၊ မန်စီးတီးနဲ့ ပီအက်စ်ဂျီအသင်းတွေကလည်း စိတ်ဝင် စားနေပါတယ်။ 

1 month Ago

ဒေါ့မွန်တိုက်စစ်မှူး ဟာလန်းကိုခေါ်ယူလိုသည့်အသင်းများတွင် လီဗာပူး ပါဝင်လာ

ဘွန်ဒက်စ်လီဂါကလပ် ဒေါ့မွန်တိုက်စစ်မှူးဟာလန်းကို ခေါ်ယူလိုတဲ့အသင်းတွေထဲမှာ လီဗာပူး အသင်းလည်း ပါဝင်လာပါတယ်။ 

စပိန်သတင်း ဒီပို့တီဗိုရဲ့ ဖော်ပြချက်အရ လီဗာပူးအသင်းဟာ ဟာလန်းကိုခေါ်ယူဖို့ စိတ်ဝင်စားနေပြီး ခေါ်ယူနိုင်မယ့် နည်းလမ်းကို စတင်ရှာဖွေနေပြီလို့ ဆိုပါတယ်။ 

အသက် ၂၁ နှစ်ရှိ နော်ဝေတိုက်စစ်မှူးဟာလန်းဟာ ဒေါ့မွန်အသင်းအတွက် ပြိုင်ပွဲစုံ ၆၇ ပွဲ ကစားရာမှာ ၆၈ ဂိုးအထိ သွင်းယူထားတာပါ။ 

သူ့ရဲ့စာချုပ်ပါလျော်ကြေးဟာ လာမယ့်နှစ် နွေရာသီမှာ ပေါင် ၇၇ သန်းသာ ရှိတော့မှာဖြစ်ပြီး ဥရောပထိပ်တန်းကလပ်တွေအတွက်  အခက်အခဲ မရှိနိုင်တဲ့ ပြောင်း ရွှေ့ကြေးဖြစ်ပါတယ်။ 

ဒေါ့မွန်အသင်းဘက်ကလည်း ဟာလန်းကို ဆက်ထိန်းနိုင်ဖို့ ခက်ခဲမယ်ဆိုတာ သိရှိထားတယ်လို့ အသင်းအမှုဆောင်အရာရှိချုပ် ဂျိုအာချင်က ဝန်ခံထားပါတယ်။ 

ဒါပေမယ့် အသင်းမှာရှိတဲ့ ထိပ်တန်းကစားသမားတွေကို တက်နိုင်သမျှ ဆက်ထိန်းဖို့ ကြိုးပမ်းသွား မယ်လို့ ဒေါ့မွန်စီအီးအိုက ပြောထားပါတယ်။ 

ဟာလန်းကိုခေါ်ယူဖို့ လီဗာပူးအပြင် ဘာစီလိုနာ၊ ရီးရဲလ်မက်ဒရစ်နဲ့ မန်ယူအသင်းတွေကလည်း စိတ်ဝင်စားဆဲဖြစ်ပါတယ်။ 

2 months Ago

ချန်ပီယံဖြစ်ရန် စိန်ခေါ်မှုများရှိနေသော်လည်း အသင်းစိတ်ဓာတ်ပိုင်းကို အားရကြောင်း ဗာရန်းပြော

မန်ချက်စတာယူနိုက်တက်အသင်းအနေနဲ့ ချန်ပီယံဆုဖလားရဖို့အတွက် စိန်ခေါ်မှုတွေရှိပေမဲ့ အသင်းသားတွေရဲ့ စိတ်ဓာတ်ပိုင်းကိုတော့အားရကြောင်း နောက်ခံလူသစ် ဗာရန်းက ပြောပါတယ်။

ဗာရန်းဟာ စပိန်ကလပ် ရီးရဲလ်မက်ဒရစ်မှာ အောင်မြင်မှုတွေရယူနိုင်ခဲ့ပြီးနောက် အခုနှစ်ရာသီမှာ မန်ယူအသင်းဆီပြောင်းရွှေ့လာခဲ့တာပါ။ သူ့အသက် ၁၈ နှစ်အရွယ် ၂၀၁၁ နှစ်ကတည်းက ယူနိုက်တက်ဆီ ပြောင်းရွှေ့ဖို့ နည်းပြဖာဂူဆန်နဲ့ တွေ့ဆုံဆွေးနွေးခဲ့ဖူးတယ်လို့လည်း ဗာရန်းက ပြောပါတယ်။

ယူနိုက်တက်အသင်းအနေနဲ့ အရင်ကလို အောင်မြင်မှုတွေရယူနိုင်ဖို့အတွက် စိန်ခေါ်မှုတွေရှိပေမဲ့ အသင်းသားတွေအားလုံးက အောင်မြင်မှုကိုဆာလောင်ကြပြီး အကောင်းဆုံးလုပ်ဆောင်ချင်တဲ့ ဆန္ဒတွေရှိကြတာကြောင့် အားရကျေနပ်စရာဖြစ်တယ်လို့ ဗာရန်းက ပြောပါတယ်။

မက်ဒရစ်မှာ အခြေကျနေပေမယ့် ယူနိုက်တက်ဆီ ပြောင်းရွှေ့ခဲ့တာက စိန်ခေါ်မှုတစ်ခုဖြစ်ပြီး အရာအားလုံးက အသစ်တွေလိုပဲဖြစ်နေပေမယ့် လက်ရှိအချိန်အထိတော့ ကျေနပ်ပျော်ရွှင်ရတယ်လို့လည်း ဗာရန်းက ပြောပါတယ်။

ဗာရန်းဟာ နယူးကာဆယ်နဲ့ ပရီးမီးယားလိဂ်မှာ ပွဲဦးထွက်ကစားခဲ့ပြီး ယန်းဘွိုင်းစ်နဲ့ ချန်ပီယံလိဂ်မှာ ဒုတိယအကြိမ်မြောက် ပါဝင်ကစားခဲ့ပါတယ်။

3 months Ago
More News
Up