Search Results For: မန်ယူ

ဖမ်းဆီးခံ မြစ်ကြီးနားအခြေစိုက် သတင်းသမား ၂ ဦးကို ပုဒ်မ ၅၀၅-က ဖြင့် ရမန်ယူ

ကချင်ပြည်နယ်၊ မြစ်ကြီးနားမြို့ အေးစေတီရပ်ကွက်မှာ မတ်လ ၂၉ ရက် မနက်က ဆန္ဒပြနေတဲ့ပြည်သူတွေကို ရဲနဲ့ စစ်တပ်က  အကြမ်းဖက်ဖြိုခွဲစဉ်  သတင်းရိုက်ကူးနေတဲ့ သတင်းသမား ၂ ယောက် အကြမ်းဖက်ရိုက်နှက် ဖမ်းဆီးခံခဲ့ရပြီး ဧပြီ ၁ ရက်နေ့မှာ ပုဒ်မ၅၀၅- ကနဲ့  တရားရုံး ရမန်ယူခဲ့တယ်လို့ သိရပါတယ်။

“တရားတော့မစွဲသေးဘူး ရဲရဲ့ ချုပ်ရက်အတိုင်း မချုပ်နိုင်တော့လို့ တရားရုံးရဲ့ ချုပ်မိန့်နဲ့ ရမန် (ချုပ်ရက်) ယူထားတယ်။ မတ်လ ၉ ရက်နေ့မှ အမှုတင်မှာပေါ့။ ရဲစခန်းမှာပဲ ရဲကဖမ်းထားပြီး တရားစွဲနိုင်ဖို့ သက်သေတွေစုဆောင်း အမှုတည်ဆောက်ပြီးမှ တရားရုံးပို့မှာပါ” လို့ လိုက်ပါဆောင်ရွက်ပေးနေသူ တရားလွှတ်တော်ရှေ့နေက ပြောပါတယ်။

မြစ်ကြီးနားအခြေစိုက် Kachin Waves သတင်းဌာနက သတင်းထောက် ကိုလရော်နဲ့ The 74 Media မှ သတင်းထောက်မချန်ဘူတို့က မိမိတို့ဟာ ဆန္ဒပြသူတွေမဟုတ်ဘဲ သတင်းထောက်တွေဖြစ်ကြောင်း ဖမ်းဆီးတဲ့ ရဲနဲ့ စစ်တပ်ကို ပြောခဲ့ပေမဲ့  သတင်းသမားတွေကို ​ပိုပြီးရိုက်ရမယ်လို့ပြောဆိုကာ ဖမ်းဆီးရိုက်နှက်ခေါ်ဆောင်သွားတယ်လို့ မျက်မြင်တွေ့သူက ပြန်ပြောပြပါတယ်။

ရာဇသတ်ကြီးပုဒ်မ ၅၀၅-က ဆူပူလှုံဆော်မှုဟာ ပြစ်မှုထင်ရှားကြောင်း စီရင်ခံရပါက ထောင်ဒဏ် ၂ နှစ်အထိ ပြစ်ဒဏ်ကျခံရနိုင်ကြောင်း သိရပါတယ်။

မြစ်ကြီးနားမြို့မှာ ဖေဖော်ဝါရီ  ၁၄ ရက်ကလည်း သတင်းထောက် ၅ ယောက်၊ ဖေဖော်ဝါရီ ၂၈ ရက်မှာ သတင်းထောက် ၁ ယောက် သတင်းရယူစဉ် ဖမ်းဆီးခံရပြီး PCG (ကချင်ငြိမ်းချမ်းရေးအကျိုးတော်ဆောင်အဖွဲ့) ကနေ ကြားဝင်ညှိနှိုင်းမှုနဲ့ ပြန်လွတ်လာခဲ့ပါတယ်။

3 weeks Ago

အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်သမ္မတဦးဝင်းမြင့်တို့ကို ယခုလ ၁၇ ရက်အထိ ချုပ်ရက် ရမန်ယူထား

သမ္မတဦးဝင်းမြင့်နဲ့ နိုင်ငံတော် အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့ကို ဖေဖော်ဝါရီ ၁၇ ရက်နေ့အထိ ချုပ်ရက် ရမန်ယူထားပြီး အန်အယ်လ်ဒီသဘာပတိ   ဦးဝင်းထိန်ကတော့  ၁၉ ရက်နေ့အထိ ရမန်ယူထားတယ်လို့  ရှေ့နေက ပြောပါတယ်။

“ဒီနေ့ ရမန်ရက်ကုန်ပြီလို့သိရတာကြောင့်လာခဲ့ပေမယ့် ချုပ်ရမန်ကျန်သေးတယ်လို့ တရားလွှတ်တော်ရှေ့နေ ဦးခင်မောင်ဇော်က ဆိုပါတယ်။

“ဒီနေ့ ရမန်ကုန်တဲ့ရက်ဆိုပြီးတော့ လာတာပါ။ ခရိုင်တရားသူကြီးနဲ့ ကျနော်တို့ဆွေးနွေးပါတယ်။ သူ့ပြောပြချက်အရဆိုရင် ရမန်က ၁၇ ရက်နေ့အထိ ယူထားတာပါတဲ့။ ဒီနေ့ မဟုတ်ပါဘူးတဲ့။ တင်မယ်ဆိုရင်လည်း ဇမ္ဗူသီရိမြို့နယ် တရားရုံးမှာ တင်ပါ တဲ့။ နောက် တခါ Video Conferencing နဲ့ လုပ်မှာပါ တဲ့”

ဒီနေ့ ရုံးထုတ်မယ်ဆိုတဲ့ သတင်းတွေအရ ဒက္ခိဏခရိုင်တရားရုံးကို လာရောက်တာဖြစ်ပြီး တရားသူကြီးတွေနဲ့ တိုင်ပင်ဆွေးနွေးခဲ့ရာမှာ သမ္မတဦးဝင်းမြင့်၊ ဒေါ်အောင်ဆန်းစုကြည်နဲ့ ဦးဝင်ထိန်တို့ ၃ ‌ယောက်က ရှေ့နေငှားခွင့်ရှိလားလို့ မေးထားပြီး ငှားခွင့်ရှိပါတယ်လို့ ပြန်ဖြေထားကြောင်းလည်း သူက ပြောပါတယ်။

တရားရုံးအနေနဲ့ ရှေ့နေပါမှ အမှုကို ဆက်သွားလို့ရမယ်လို့လည်း ပြောပါတယ်။ အန်အယ်ဒီ သဘာပတိ ဦးဝင်းထိန်ကိုလည်း ၁၉ ရက်နေ့အထိ ရမန်ယူထားပြီး ဘယ်ရုံးလဲ မသိသေးပါဘူး။

သမ္မတအပါအဝင် ဖမ်းဆီးခံထားရသူတွေနဲ့ တွေ့ဖို့လည်း ထပ်ဖို့ ကြိုးစားမယ်လို့ သူက ပြောပါတယ်။

2 months Ago

သမ္မတဦးဝင်းမြင့်နှင့် နိုင်ငံတော်အတိုင်ပင်ခံပုဂ္ဂိလ် ဒေါ်အောင်ဆန်းစုကြည်တို့ကို အမှုဖွင့် ရမန်ယူ

နိုင်ငံတော်သမ္မတဦးဝင်းမြင့်ကို သဘာဝဘေးအန္တရာယ်ဆိုင်ရာစီမံခန့်ခွဲမှုဥပဒေ ပုဒ်မ ၂၅နဲ့ အမှုဖွင့်ပြီး နိုင်ငံတော်အတိုင်ပင်ခံပုဂ္ဂိလ် ဒေါ်အောင်ဆန်းစုကြည်ကို ပို့ကုန်သွင်းကုန် ဥပဒေပုဒ်မ ၈ အရ အမှုဖွင့်ထားကာ ဇမ္ဗူသီရိမြို့နယ်တရားရုံးက ချုပ်ရက် ရမန်ပေးထားတယ်လို့ အန်အယ်လ်ဒီ ဗဟိုပြန်ကြားရေးအဖွဲ့ဝင် ဦးကြည်တိုးက  အတည်ပြုထားပါတယ်။

ပြီးခဲ့တဲ့ စက်တင်ဘာ ၂၀  ရက်က နေပြည်တော်မှာ အန်အယ်လ်ဒီ ခရိုင် ပါတီဥက္ကဋ္ဌ ဦးမင်းသူ ခေါင်းဆောင်ပြီး ဆိုင်ကယ်နဲ့ ကားတွေအပါအဝင် လူ ၇၆၀ လောက်နဲ့ ကားကမ်ပိန်းလုပ်ခဲ့တာကို သမ္မတ အိမ်တော် ပေါက်ဝကနေ သမ္မတ ဦးဝင်းမြင့်က ကြိုဆိုနှုတ်ဆက်ခဲ့တယ်ဆိုတဲ့ အကြောင်းပြချက်နဲ့ သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေ ပုဒ်မ ၂၅ နဲ့ ရဲမှူး မြင့်နိုင်က တရားလိုပြုလုပ်  တရားစွဲဆိုလိုက်တာပါ။

ဒီအမှုနဲ့ ပတ်သက်ပြီး သက်သေ စစ်ဆေးပြီး ဥပဒေအကြံပြုချက် တောင်းခံဖို့  သမ္မတ  ဦးဝင်းမြင့်ကို ဖေဖော်ဝါရီ ၁ ရက်မှ ၁၅ ရက်အထိ ချုပ်နှောင်ခွင့်ပြုဖို့ ရမန်တောင်းခဲ့တာ လို့ သိရပါတယ်။

အလားတူ  စစ်တပ်အာဏာသိမ်းတဲ့ ဖေဖော်ဝါရီ ၁ ရက် မနက်က နေပြည်တော်ရှိ   နိုင်ငံတော် အတိုင်ပင်ခံပုဂ္ဂိလ် ဒေါ်အောင်ဆန်းစုကြည်ရဲ့ နေအိမ်ကို  ဗိုလ်မှူးလင်းထွဋ် ဦးစီးတဲ့အဖွဲ့က ဝင်ရောက်ရှာဖွေရာမှာ အနီးကပ်လုံခြုံရေးအဖွဲ့ထံမှ ICOM စကားပြောစက် ၁ လုံး ဂိတ်ကင်းမှာ စကားပြောစက် ၃ လုံး၊ ကိုယ်ရေးအရာရှိအဆောင်မှာ စကားပြောစက် ၁ လုံးနဲ့ JUMBER တစ်စုံတွေ့ရှိရတယ်ဆိုတဲ့ အကြောင်းပြချက်နဲ့ သတင်းရဲတပ်ဖွဲ့မှ ရဲမှူးကြည်လင်က တရားလိုပြုလုပ် တရားစွဲဆိုလိုက်တာလို့ သိရပါတယ်။ 

ဒီအမှုနဲ့ ပတ်သက်ပြီး သက်သေ စစ်ဆေးပြီး ဥပဒေအကြံပြုချက် တောင်းခံဖို့ ဒေါ်အောင်ဆန်းစုကြည်ကို  ဖေဖော်ဝါရီ ၁ ရက်မှ ၁၅ ရက်အထိ ချုပ်နှောင်ခွင့်ပြုဖို့ တောင်းခံထားပါတယ်။

ဒီအမှုနဲ့ ပတ်သက်လို့ ဒီကနေ့ ဖေဖော်ဝါရီ ၃ ရက်နေ့က အွန်လိုင်းကတစ်ဆင့် ရုံးတင်စစ်ဆေးခဲ့တယ်လို့  သတင်းထွက်ပေါ်နေပြီး ဒီတင်းကို ဒီဗွီဘီက သီးခြား အတည်ပြုနိုင်ခြင်းမရှိသေးပါဘူး။

ဓာတ်ပုံ - သမတရုံး

3 months Ago

မန်ယူနိုက်တက်က ဆောက်သမ်တန်ကို ၉ ဂိုးပြတ်အနိုင်ရ (ရုပ်သံဟိုက်လိုက်)

ဆောက်သမ်တန်အသင်းကို ၉ ဂိုးပြတ်နဲ့ အနိုင်ရရှိခဲ့ပြီးတဲ့နောက်မှာ မန်ချက်စတာယူနိုက် တက်အသင်းဟာ ပရီမီးယားလိဂ်သမိုင်းမှာ အကြီးမားဆုံး ဂိုးပြတ်အနိုင်ရရှိမှုစံချိန်ကို လိုက်မီခဲ့ပြီဖြစ်ပါတယ်။ 

ဒီနေ့မနက်အစောပိုင်း ကစားခဲ့တဲ့ မန်ယူနိုက်တက်အသင်းရဲ့ အိမ်ကွင်းပွဲစဉ်မှာ ဆောက်သမ်တန်အသင်းဟာ ပွဲအစကတည်းက အခြေအနေမကောင်းခဲ့တာပါ။ သူတို့ရဲ့ ကစားသမား အလက်ဇန်းဒရီဂျန်ကီဝစ်ဇ်ဟာ တွမ်မီနေးကိုအဖျက်ကြမ်းခဲ့လို့ ပွဲအစ ၂ မိနစ်မှာတင် တိုက်ရိုက်အနီကတ်နဲ့ ထုတ်ပယ်ခံခဲ့ရပါတယ်။

ဒါ့ကြောင့် ဒီကစားသမားဟာ ၂၀၁၇ စက်တင်ဘာလ စပါးအသင်းရဲ့ ဆာ့ဂျ်အော်ရီယာနောက်ပိုင်း ပထမဆုံး ပရီးမီးယားလိဂ်ပွဲမှာတင် ထုတ်ခံရတဲ့ ပထမဆုံးကစားသမားအဖြစ် မှတ်တမ်းဝင်ခဲ့ပါပြီ။ 

ဒါ့အပြင် ၂၀၁၀  အောက်တိုဘာလနောက်ပိုင်း အနီကတ်ထိခဲ့တဲ့ အသက်ငယ်ဆုံးကစားသမားဆိုတဲ့ စံချိန်ဆိုးကိုလည်း ရရှိခဲ့ပါတယ်။ 

သူ့မတိုင်ခင် ဝီရှိုင်းယားက အသက် ၁၈ နှစ် ၂၈၈ ရက်နဲ့အနီကတ်ထိခဲ့ကာ ဂျန်ကီဝစ်ဇ်ကတော့ ၁၉ နှစ် ၃၉ ရက်နဲ့ အနီကတ် ထိခဲ့တာပဲဖြစ်ပါတယ်။ 

ပွဲအစကတည်းက တစ်ယောက်အသာရရှိခဲ့တဲ့ ယူနိုက်တက်အသင်းဟာ ပထမပိုင်းမှာတင် ၄ ဂိုးသွင်းယူနိုင်ခဲ့ပါတယ်။ သွင်းဂိုးတွေကို ဝမ်ဘစ်ဆာကာ၊ ရက်ဖို့ဒ်၊ ကာဗာနီအပြင်  ဆောက်သမ်တန်ကစားသမား ဂျန်ဘတ်နာရတ်တို့ရဲ့ ကိုယ့်ကိုယ်ကိုယ်သွင်းယူမှုကနေ ရရှိခဲ့ပါတယ်။

ဒုတိယပိုင်းဟာ ဧည့်သည်ဆောက်သမ်တန်အသင်းအတွက်ပိုပြီး အခြေအနေဆိုးရွားခဲ့ပြီး မာရှယ်က ၂ ဂိုး ထပ်သွင်းသလို၊ တွမ်မီနေးက တစ်ဂိုး၊ ဖာနန်ဒက်စ်နဲ့ ဒန်နီယယ်ဂျိမ်းစ်တို့က တစ်ဂိုးစီထပ်မံသွင်းယူခဲ့ပြီး ဘတ်နာရတ်ဟာလည်း ပွဲပြီးခါနီး ၈၆ မိနစ်မှာ ထပ်မံပြီး အနီကတ်ပြခံခဲ့ရပါတယ်။ 

အင်္ဂါနေ့နိုင်ပွဲကြောင့် ယူနိုက်တက်အသင်းဟာ ၁၉၉၅ ခုနှစ်မှာ တင်ထားတဲ့ လက်စတာစီတီးအသင်းရဲ့ ၉ ဂိုးပြတ်နိုင်ပွဲစံချိန်ကို လိုက်မီခဲ့ပြီလည်းဖြစ်ပါတယ်။ 

လက်စတာဟာ အက်စ်ဝှစ်တောင်းအသင်းကို ၉ ဂိုးပြတ်အနိုင်ရရှိခဲ့တာဖြစ်ပြီး ၂၀၁၉ အောက်တိုဘာမှာလည်း ဆောက်သမ်တန်အသင်းကို ဒီရလဒ်နဲ့ပဲ ထပ်မံအနိုင်ယူခဲ့ပြန်ပါတယ်။ 

လက်စတာနဲ့ ယူနိုက်တက်အသင်းတို့ ၉ ဂိုးပြတ် သွင်းယူနိုင်ခဲ့တဲ့ အသင်းဟာ ဆောက်သမ်တန်ပဲဖြစ်နေတာ တိုက်ဆိုင်မှုတစ်ခုဖြစ်ပြီး ယူနိုက်တက်အသင်းအတွက် ၉ ဂိုးကို ကစားသမား ၇ ဦးက သွင်းယူပေးခဲ့တာဖြစ်ပါတယ်။

ဒါဟာ ပရီးမီးယားလိဂ်မှာ ချဲလ်ဆီးပြီးနောက် ဒုတိယမြောက်လည်းဖြစ်ပါတယ်။ အင်္ဂါနေ့ရလဒ်ဟာ ဆိုးလ်ရှားရဲ့အသင်းအတွက် ဒီရာသီပရီးမီးယားလိဂ်မှာ ၆ ဂိုး ဒါမှမဟုတ် ၆ ဂိုးအထက်သွင်းယူနိုင်ခဲ့တဲ့ ဒုတိယပွဲလည်း ဖြစ်ပါတယ်။ ဒါဟာ ၂၀၀၀-၀၁ နောက်ပိုင်း ပရီးမီးယားလိဂ်မှာ ဒီလိုသွင်းဂိုးမျိုးတွေ ၂ ကြိမ်ဆက်တိုက်မြင်ရတဲ့ ပထမဆုံးရာသီလည်း ဖြစ်ပါတယ်။

3 months Ago

ကိုဗစ်စည်းကမ်းအရ နေထိုင်နေရသူ အူဘာမီယန်း မန်ယူနှင့်ပွဲ လွဲချော်ဖွယ်ရှိ

အာဆင်နယ်တိုက်စစ်မှူး အူဘာမီယန်းဟာ သီးသန့်နေထိုင်ဖို့ ညွှန်ကြားထားတာကြောင့် မန်ယူ နဲ့ ပွဲကို လွဲချော်ဖို့ရှိနေပါတယ်။

အာဆင်နယ်အသင်းဟာ ဒီကနေ့ည ၁၂ နာရီမှာ မန်ယူနိုက်တက်ကို အိမ်ကွင်းမှာ လက်ခံ ကစားရမှာပါ။

အသင်းခေါင်းဆောင် အူဘာမီယန်းဟာ မိခင်ဖြစ်သူ ကျန်းမားရေးမကောင်းဖြစ်တာကြောင့် အသင်းရဲ့ ပွဲစဉ် ၂ ပွဲဆက်တိုက် လွဲချော်ခဲ့တာ ဖြစ်ပါတယ်။ 

လက်ရှိအချိန်မှာ မိခင်ဖြစ်သူရဲ့ ကျန်းမာရေး ပြန်‌ကောင်းလာခဲ့လို့ အင်္ဂလန်ကို ပြန်ရောက်လာခဲ့ပေမယ့်လည်း ကိုဗစ်-၁၉ စည်းမျဉ်းစည်းကမ်းတွေအရ အသင်းနဲ့ ပူးပေါင်းနိုင်မှာ မဟုတ်ဘဲ သီးသန့်နေထိုင်ဖို့ ညွှန်ကြားခံထားရတယ်လို့ သိရပါတယ်။

ကိုဗစ်-၁၉ စစ်ဆေးခံရဖို့လည်းရှိပြီး Negative ပြမှသာ ဖေဖော်ဝါရီ ၃ ရက်မှာ ကစားမယ့် ဝုဗ်နဲ့ပွဲမှာ ပြန်လည်ပါဝင်လာမယ်လို့ သိရပါတယ်။ 

3 months Ago

မန်ယူကွင်းလယ်လူ လင်ဂတ်ကို အငှားစာချုပ်နှင့် ဝက်စ်ဟမ်းအသင်း ခေါ်ယူ

မန်ယူကွင်းလယ်လူ လင်ဂတ်ဟာ ဝက်စ်ဟမ်းအသင်းကို ရာသီကုန်အထိ အငှားစာချုပ်နဲ့ ပြောင်းရွှေ့သွားပြီ ဖြစ်ပါတယ်။ 

နှစ်ဖက်အသင်းကြားမှာ သဘောတူညီမှု ရရှိသွားပြီး လင်ဂတ်အနေနဲ့ လန်ဒန်ကလပ်မှာ ရာသီကုန်အထိ  ကစားသွားရမှာဖြစ်ပါတယ်။ 

လင်ဂတ်ရဲ့တစ်ပတ်လုပ်ခပေါင် ၈ သောင်း ကို ဝက်စ်ဟမ်းအသင်းက ပေးချေမှာဖြစ်သလို အငှားစာချုပ်ကြေးအဖြစ် မန်ယူအသင်းကို ပေါင် ၁ ဒသမ ၅ သန်းပေး ချေရမယ်လို့ သိရပါတယ်။

 ဝက်စ်ဟမ်းနည်းပြ မိုယက်စ်ဟာ မန်ယူအသင်းကို နည်းပြတာဝန်ယူစဉ်ကတည်းက လင်ဂတ်နဲ့ သိရှိခဲ့ဖူးပြီး တပည့်ဟောင်းကို ပြန်လည်ခေါ်ယူခဲ့တာ ပါ။ 

အသက် ၂၈ နှစ်ရှိ အင်္ဂလန်ကစားသမား လင်ဂတ်ဟာ မန်ယူအသင်းမှာ ပွဲထွက်ခွင့် ပျောက်ဆုံးခဲ့ပြီး  ပွဲထွက်ခွင့်ရနိုင်တဲ့ ဝက်စ်ဟမ်းအသင်းကို ပြောင်းရွှေ့ခဲ့တာဖြစ်ပါတယ်။ 

3 months Ago

မန်ယူအသင်း ရှက်ဖီးလ်ကို (၁-၂) ဂိုးဖြင့်ရှုံး၊ အရှုံးရလဒ်က ရုန်းထွက်ရန် မက်ဂွဲယား တိုက်တွန်း

မနေ့ညက ကန်သွားတဲ့ ပရီးမီးယားလိဂ်ပွဲစဉ်မှာ မန်ယူအသင်းဟာ ရှက်ဖီးလ်အသင်းကို  ၂ ဂိုး ၁ ဂိုးနဲ့ ရှုံးနိမ့်ခဲ့ပြီးနောက်  အရှုံးရလဒ်ကနေ ချက်ချင်းရုန်းထွက်ကြဖို့ သင်းခေါင်းဆောင် ဟယ်ရီမက်ဂွဲယားက အသင်းဖော်တွေကို တိုက်တွန်းလိုက်ပါတယ်။

ကီရန်ဘရိုင်ယန်နဲ့ အိုလီဗာဘာရီတို့က ဧည့်သည်အသင်းအတွက် အနိုင်ဂိုးတွေ သွင်းယူပေးခဲ့ပြီး ဒီဂိုးတွေကြောင့်ယူနိုက်တက်ဟာ အမှတ်ပေးဇယားထိပ်ဆုံးကို ပြန်လည်တက်လှမ်းနိုင်မယ့် အခွင့်အရေးကိုလက်လွှတ်ခဲ့ရပါတယ်။ 

ပွဲချိန် ၂၃ မိနစ်ကတည်းက ရှက်ဖီးက ဘရိုက်ယန်က ဦးဆောင်ဂိုးစသွင်းခဲ့ ပြီးပွဲချိန် ၅၄ မိနစ်မှာ နောက်ခံလူ မက်ဂွဲယားက ချေပဂိုးသွင်းခဲ့ပါတယ်။ ပွဲချိန် ၇၄ မိနစ်မှာ ရှက်ဖီးအသင်း အနိုင်ဂိုးရခဲ့ပြီး အိုလီဗာဘာ့ခ်က သွင်းယူခဲ့တာဖြစ်ပါတယ်။ 

မက်ဂွဲယားရဲ့ ၆၄ မိနစ်သွင်းဂိုးကြောင့် ယူနိုက်တက်ဘက်မှာ အနိုင်ရရှိရေး မျှော်လင့်ချက်ရှိခဲ့ပေမယ့်လည်း ရှက်ဖီးလ်အသင်းက အနိုင်ဂိုးထပ်မံသွင်းယူနိုင်ခဲ့တာပါ။

ဒါ့ကြောင့်အသင်းခေါင်းဆောင် မက်ဂွဲယားက အမှတ်ပေးဇယားထိပ်ဆုံးမှာ ဆက်ရှိနေရေးအတွက် ယူနိုက်တက်အသင်းအနေနဲ့ ပုံစံကောင်းနဲ့ အမြန်ဆုံးပြန်လာဖို့ လိုအပ်တယ်လို့ဝန်ခံပါတယ်။ 

“ဒီပွဲဟာမကောင်းပါဘူး။ ကျနော်တို့ ပြီးခဲ့တဲ့သီတင်းပတ်တွေတုန်းက ပုံစံမျိုး မရှိခဲ့ပါဘူး။ ကျနော်တို့ ၂ ဂိုးပေးခဲ့ရပါတယ်။ ဒါ့ကြောင့် ကျနော်တို့ ဒီအရှုံးကနေ ရုန်းထွက်ဖို့လိုအပ်ပါတယ်။ ကျနော်တို့  ပွဲကိုထိန်းချုပ်နိုင်ခဲ့ပေမယ့် လုံလုံလောက်လောက်မလုပ်ဆောင်နိုင်ခဲ့တာကြောင့် ပေးဆပ်ခဲ့ရပါတယ်” လို့ မက်ဂွဲယားကပြောပါတယ်။ 

နောက်တစ်ဂိုးသွင်းဖို့လိုအပ်နေတယ်ဆိုတာကိုသိရှိပြီး ဒီလိုလုပ်နိုင်မယ်လို့ ယုံကြည်မှုရှိခဲ့ပေမယ့် လုံလောက်တဲ့စွမ်းဆောင်ရည်ကောင်း မပြသနိုင်ခဲ့ပါဘူးလို့လည်း ပြောပါတယ်။

ပွဲရလဒ်ကို ယူနိုက်တက်နည်းပြဆိုးလ်ရှားကလည်း  ဒေါသထွက်နေပြီး ဒိုင်လူကြီးရဲ့ ဆုံးဖြတ်ချက်တွေကြောင့်လည်း နစ်နာခဲ့ရတယ်လို့ပြောပါတယ်။ “ စိတ်ပျက်မိပါတယ်။ ကျနော်တို့ ပိတ်ကစားတဲ့အသင်းတွေကို ကျော်လွှားဖို့အဖြေမရှာနိုင်ခဲ့ပါဘူး။ ဒိုင်လူကြီးဆီက ဆုံးဖြတ်ချက် အမှား နှစ်ခုကလည်း  ဒီပွဲမှာပြောစရာဖြစ်ခဲ့ပါတယ်” ဆိုးလ်ရှားကထောက်ပြဝေဖန်ခဲ့ပါတယ်။ 

ဒီပွဲအပြီးမှာ မန်ယူအသင်းဟာ ဇယားထိပ်ဆုံးက မန်စီးတီးအသင်းနဲ့ ၁ မှတ်အကွာ   ရမှတ် ၄၀ နဲ့ အမှတ်ပေးဇယား ဒုတိယနေရမှာဆက်ရပ်တည် နေပါတယ်။

အမှတ်ပေးဇယားအောက်ခြေမှာရှိနေတဲ့ ရှက်ဖီးလ်အသင်းအတွက်တော့ မန်ယူကိုအနိုင်ရတဲ့ပွဲဟာ  ဒီရာသီပရီးမီးယားလိဂ်ရဲ့ ဒုတိယမြောက်နိုင်ပွဲဖြစ်ပါတယ်။ ဒါပေမဲ့ တန်းဆင်းဇုန်ကနေ လွတ်ကင်းမယ့် အဆင့် ၁၇ က ဘရိုက်တန်နဲ့ ၁၀ မှတ် ကွာဟနေဆဲဖြစ်ပါတယ်။ 

တခြားပွဲစဉ်တွေမှာတော့ ဘန်လေက ဗီလာကို ၃ ဂိုး ၂ ဂိုးနဲ့ အနိုင်ရခဲ့ပြီး ချဲလ်ဆီးနဲ့ ဝုဗ်က ဂိုးမရှိသရေ၊ ဘရိုက်တန်နဲ့ ဖူဟမ်ပွဲကလည်း ဂိုးမရှိသရေကျခဲ့ပြီး  အဲဗာတန်နဲ့ လက်စတာပွဲက တစ်ဂိုးစီ သရေကျခဲ့ပါတယ်။

3 months Ago

ရလဒ်မကောင်းချိန် အသင်း၏ ထောက်ခံမှုရခဲ့သဖြင့် ကျေနပ်မိဟု မန်ယူနည်းပြဆိုးလ်ရှားပြော

ရလဒ်တွေ မကောင်းချိန်မှာ အသင်းရဲ့ထောက်ခံမှု အပြည့်အဝရခဲ့တဲ့အပေါ် ကျေနပ်မိတယ်လို့  မန်ချက်စတာယူနိုက်တက် နည်းပြ ဆိုးလ်ရှားက ပြောလိုက်ပါတယ်။

ချဲလ်ဆီးအသင်းက ရလဒ်ကောင်းရရှိအောင် စွမ်းဆောင်နိုင်ခြင်းမရှိခဲ့တဲ့ နည်းပြလမ်းပတ်ကို ရာထူးကနေ ထုတ်ပယ်ခဲ့ပြီးနောက်မှာ နည်းပြဆိုးလ်ရှားက ပြောခဲ့တာပါ။

မန်ယူအသင်းဟာ ရာသီအစတုန်းက ခက်ခဲတဲ့အချိန်တွေကို ရင်ဆိုင်ခဲ့ရတာဖြစ်ပြီး အခြေအနေဆိုးတွေကနေ ပြန်လည်ရုန်းထွက်နိုင်ခဲ့ကာ လက်ရှိအချိန်မှာတော့ စိတ်ပိုင်းဆိုင်ရာနဲ့ ယုံကြည်မှုတွေတင်မကဘဲ အသင်းလူစာရင်းကလည်း ဒဏ်ရာကင်းစင်နေပြီ ဖြစ်တယ်လို့ ဆိုးလ်ရှားက ပြောပါတယ်။

မန်ယူအသင်းဟာ လက်ရှိအချိန်  ပရီးမီးယားလိဂ် အမှတ်ပေးဇယားမှာ ရမှတ် ၄၀ နဲ့ ဒုတိယနေရာမှာ ရပ်တည်နေတာဖြစ်ပါတယ်။

3 months Ago

ကမ္ဘာ့အချမ်းသာဆုံးကလပ်အသင်း ၃ သင်းစာရင်းတွင် မန်ယူနိုက်တက် မပါဝင်တော့

ကမ္ဘာ့အချမ်းသာဆုံးကလပ်အသင်း စာရင်းမှာ မန်ယူအသင်းက ထိပ်ဆုံးသုံးသင်းရဲ့ အပြင်ဘက်ကို ၈ နှစ်အတွင်း ပထမဆုံးအကြိမ် ရောက်ရှိသွားပါတယ်။

Deloitte ကနေ နှစ်စဉ်ထုတ်ပြန်လေ့ရှိတဲ့ ကမ္ဘာ့အချမ်းသာဆုံးကလပ်အသင်းစာရင်းမှာ ပြီးခဲ့တဲ့ ၇ နှစ်အတွင်း မန်ယူအသင်းက ထိပ်ဆုံး ၃ သင်းနေရာမှာ တောက်လျှောက် ရပ်တည်ခဲ့တာပါ။ 

အခုနှစ်ပိုင်းကာလမှ ကိုဗစ်-၁၉ ကပ်ရောဂါကြောင့် ဘောလုံးအသင်းတွေရဲ့ ဝင်ငွေ လျော့ကျခဲ့ပြီး မန်ယူအသင်းရဲ့ဝင်ငွေက ပိုမိုလျော့ကျသွားခဲ့တာပါ။ ကွင်းပိတ်ကျင်းပတာဖြစ်လို့ ပရိသတ်တွေဆီကနေရတဲ့ လက်မှတ်ခနဲ့ ရုပ်သံဝင်ငွေတွေ ကျဆင်းခဲ့တာကြောင့် ဝင်ငွေလျော့ကျစေခဲ့တာပါ။

ကမ္ဘာ့အချမ်းသာဆုံးကလပ်အသင်းနေရာမှာ ဘာစီလိုနာအသင်းက တန်ဖိုး ပေါင် ၆၂၇ ဒသမ ၁ သန်းနဲ့ ရပ်တည်နေပြီး ရီးရဲလ်မက်ဒရစ်က ပေါင် ၆၂၇ သန်းနဲ့ ဒုတိယနေရာမှာ ရပ်တည်ပါတယ်။ 

အဲဒီနောက် ပေါင် ၅၅၆ ဒသမ၁ သန်းတန်ဖိုးရှိ ဘိုင်ယန်မြူးနစ်က အဆင့် ၃၊ မန်ယူအသင်းက တန်းဖိုး ပေါင် ၅၀၉ သန်းနဲ့ အဆင့် ၄ မှာ ရပ်တည်နေပါတယ်။ 

အဲဒီနောက် လီဗာပူး၊ မန်စီးတီး၊ ပီအက်စ်ဂျီ၊ ချဲလ်ဆီး၊ စပါးနဲ့ ဂျူဗင်တပ်စ်အသင်းတွေက အစဉ်လိုက် ရပ်တည်နေပါတယ်။

3 months Ago

ပွဲဆက်နေသော်လည်း ပွဲပန်းခြင်းမရှိဟု မန်ယူကွင်းလယ်လူ ဘရူနိုဖာနန်ဒက်စ်ပြော

ဘောလုံးပွဲတွေ ဆက်နေပေမယ့် ပွဲပန်းတာမျိုး မရှိဘူးလို့ မန်ယူနိုက်တက် ကွင်းလယ်လူ ဘရူနိုဖာနန်ဒက်စ်က ပြောပါတယ်။

ဖာနန်ဒက်စ်ဟာ တနင်္ဂနွေနေ့က ကစားသွားခဲ့တဲ့ အက်ဖ်အေဖလားပွဲစဉ်မှာ လူစားဝင်ကစားခဲ့ပေမယ့် နောက်ကျအနိုင်ဂိုးသွင်းပြီး အဓိကပြိုင်ဘက် လီဗာပူးကို ကျော်ဖြတ် အနိုင်ယူခဲ့ပါတယ်။

ပွဲဆက်များနေတာကြောင့် ပွဲပန်းနေတယ်လို့ သုံးသပ်ကြတဲ့အပေါ် ဖာနန်ဒက်စ်က ပြန်လည်ဖြေရှင်းခဲ့တာပါ။ 

“အသက် ၂၆ နှစ်အရွယ် လူတစ်ယောက်မှာ ပွဲပန်းတဲ့ဒဏ် မခံစားရသေးပါဘူး။ ကျနော့်အသင်း ၃၀၊ ၃၂ နှစ်လောက်ရှိလာမှသာ ၅ ရက် တပွဲနှုန်းလောက် ကစားနိုင်တော့တာမျိုး ဖြစ်နိုင်ပါတယ်” လို့ ဖာနန်ဒက်စ်က ပြောပါတယ်။

ဖာနန်ဒက်စ်ဟာ ယူနိုက်တက်ကို စရောက်ကတည်းက စုစုပေါင်း ၄၅ ဂိုးမှာ ပါဝင်ပတ်သက်ခဲ့သူ ဖြစ်ပါတယ်။

3 months Ago

မန်ယူအသင်းက ပိုမိုကောင်းမွန်လာသည့် အသင်းဖြစ်လာပြီဟု နည်းပြ ဆိုးလ်ရှား ချီးကျူး

မန်ယူအသင်းက  တဖြည်းဖြည်းနဲ့ ပိုမိုကောင်းတဲ့အသင်းဖြစ်လာပြီလို့ နည်းပြဆိုးလ်ရှားက ပြောပါတယ်။ 

ယူနိုက်တက်အသင်းဟာ ပရီးမီးယားလိဂ်မှာ အမှတ်ပေးဇယားထိပ်ဆုံးမှာဦးဆောင်နေသလို အက်ဖ်အေဖလားမှာလည်း အဓိကပြိုင်ဘက် လီဗာပူးအသင်းကို ၃ ဂိုး ၂ ဂိုးနဲ့အနိုင်ယူပြီး ပဉ္စမအဆင့်ကို တက်လှမ်းနိုင်ခဲ့ပါတယ်။ 

လီဗာပူးကို အနိုင်ရတဲ့ ပွဲစဉ်အပြီးမှာတော့ ယူနိုက်တက်အသင်းက ပိုမိုတောင့်တင်းတဲ့ အသင်းဖြစ်လာပြီလို့ ဆိုးလ်ရှားက သုံးသပ်ခဲ့ပါတယ်။

”ပြီးခဲ့တဲ့တစ်နှစ် ဒါမှမဟုတ် ၆ လ လောက်ကို ပြန်ကြည့်မယ်ဆိုရင် လက်ရှိခြေစွမ်းနဲ့  ကွဲပြားခြားနားတာကို မြင်တွေ့ရမှာပါ။ အလွန်ကြီးမားတဲ့ တိုးတက်မှုကြီး မဟုတ်ပေမယ့်လည်း ခက်ခဲတဲ့ ပွဲစဉ်တွေကိုလည်း အနိုင်ရခဲ့ပြီး အသင်းက တဖြည်းဖြည်းနဲ့ ပိုကောင်းလာနေပါတယ်။ ဒီလိုယုံကြည်မူနဲ့ စရိုက်လက္ခာရှိတာက အသင်းအတွက် အလွန်ကောင်းမွန်ပါတယ်” လို့ ဆိုးလ်ရှားကသုံးသပ်ခဲ့ပါတယ်။ 

ယူနိုက်တက်အသင်းဟာ လာမယ့် ဇန်နဝါရီ ၂၈ ရက်နေ့မနက် ၂ နာရီ ၄၅ မိနစ်မှာ ပရီးမီးယားလိဂ်ဇယားအောက်ဆုံးမှာ ရပ်တည်နေတဲ့ ရှက်ဖီးလ်ယူနိုက်တက်နဲ့ ကစားရမှာဖြစ်ပြီး အက်ဖ်အေဖလား ၁၆ သင်းအဆင့်မှာတော့ ဝက်စ်ဟမ်းနဲ့ တွေ့ဆုံမှာဖြစ်ပါတယ်။

3 months Ago

အက်ဖ်အေဖလားတွင် မန်ယူနိုက်တက်က လီဗာပူးကို ၃ ဂိုး ၂ ဂိုးဖြင့် အနိုင်ရ

မနေ့ညက ကစားသွားခဲ့တဲ့ အက်ဖ်အေဖလားစတုတ္ထပွဲစဉ်မှာ မန်ယူအသင်းက လီဗာပူးကို ၃ ဂိုး ၂ ဂိုးနဲ့ အနိုင်ရပြီး ပဉ္စမအဆင့်တက်ရောက်သွားပါတယ်။ 

ရှုံးထွက်ပွဲစဉ်ဖြစ်တာနဲ့အညီ နှစ်သင်းစလုံး တိုက်စစ်ဖွင့်ကစားသွားခဲ့ကြလို့ အကြိတ်အနယ်ရှိခဲ့ပြီး ဂိုးတွေလည်း အပြန်အလှန်သွင်းခဲ့ကြတာပါ။ 

ပွဲချိန် ၁၈ မိနစ်မှာ ဆာလက်က လီဗာပူးအတွက်ဦးဆောင်ဂိုး စတင်သွင်းယူခဲ့ပေမယ့် ဂရင်းဝုဒ်က ပွဲချိန် ၂၆ မိနစ်မှာ ချေပဂိုးသွင်းပေးခဲ့ပါတယ်။ အဲဒီနောက် ဒုတိယပိုင်းအစမှာ ရက်ရှ်ဖို့ဒ်က ဦးဆောင်ဂိုးသွင်းခဲ့ပေမယ့် ၅၈ မိနစ်မှာ ဆာလက်က ချေပဂိုးပြန်သွင်းခဲ့ပါတယ်။ 

ယူနိုက်တက်အတွက်အနိုင်ဂိုးကိုတော့ လူစားဝင်ကစားသမား ဖာနန်ဒက်စ်က ဖရီးကစ်ကနေ တိုက်ရိုက်ကန်သွင်းခဲ့တာဖြစ်ပါတယ်။ မန်ယူအသင်းဟာ ပဉ္စမအဆင့်မှာတော့ ဝက်စ်ဟမ်းအသင်းနဲ့ အိမ်ကွင်းမှာ လက်ခံကစားသွားရမှာဖြစ်ပါတယ်။

3 months Ago

မန်ယူအသင်း ချန်ပီယံဆုဖလားရယူနိုင်မည်ဟု  ဝိန်းရွန်းနီ သုံးသပ်

မန်ယူအသင်းချန်ပီယံဆုဖလား ရယူနိုင်မယ်လို့ ယုံကြည်ကြောင်း တိုက်စစ်မှူးဟောင်း ဝိန်းရွန်းနီက သုံးသပ်လိုက်ပါတယ်။  မန်ယူအသင်းဟာ ပွဲစဉ် ၁၉ အပြီးမှာ အမှတ်ပေးဇယားထိပ်ဆုံးမှာ ရပ်တည်နေပါတယ်။ ပြီးခဲ့တဲ့ နှစ်တွေအတွင်းမှာ ယူနိုက်တက်အသင်းအနေနဲ့ ချန်ပီယံဆုဖလားရယူနိုင်တယ်လို့ ခံစားမိတာ ပထမဆုံးအကြိမ်ဖြစ်ပြီး ဆုဖလားရအောင် လုပ်နိုင်မယ်လို့ယုံကြည်ကြောင်းရွန်းနီက သုံးသပ်ပါတယ်။  “သူတို့ကစားတာကြည့်ရတဲ့အချိန်မှာ စိတ်လူပ်ရှားမှုဖြစ်စေတယ်။ ဘရူနိုဖာနန်ဒက်စ်နဲ့ အက်ဒီဆန်ကာဗာနီတို့က သူတို့ရဲ့ အနိုင်ရလိုတဲ့စိတ်ပိုင်းဆိုင်ရာတွေနဲ့ အသင်းကို အများကြီး အထောက်အကူပြုနေပါတယ်။ ပြီးတော့ ပေါ့ဘာကလည်း ကြီးမားတဲ့အစိတ်အပိုင်းတစ်ခုအနေနဲ့ ကစားနေပါတယ်။ တခြားကစာသးမားတွေရဲ့ စိတ်ပိုင်းဆိုင်ရာက ပေါ့ဘာကို ဖိအားပေးခဲ့ပြီး ပေါ့ဘာကလည်းသူ့ရဲ့ အရည်အသွေးကို ပြသနေပါတယ်” လို့ ဒါဘီနည်းပြ ဝိန်းရွန်းနီက ပြောပါတယ်။  မန်ယူအသင်းမှာ ထူးချွန်တဲ့ ကစားသမားတွေလည်းပိုင်ဆိုင်ထားသလို အလွန်ကောင်းမွန်တဲ့ ပွဲအပေါ်ချဉ်းကပ်မှုလည်းရှိနေပြီး လစ်ဗာပူးနဲ့ ပွဲမှာဆိုရင် အနိုင်ရဖို့တောင် ထိုက်တန်ကြောင်း ရွန်းနီက ချီးကျူးခဲ့ပါတယ်။
3 months Ago

ပေါ့ဘာ၏ခြေစွမ်းကို  မန်ယူနောက်ခံလူဟောင်းဖာဒီနန် ချီးကျူး

ပေါ့ဘာဟာ ပုံမှန်ခြေစွမ်းသာရှိမယ်ဆိုရင် အကောင်းဆုံးကစားသမား တစ်ဦးဖြစ်တယ်လို့ မန်ယူနောက်ခံလူဟောင်း ဖာဒီနန်က ချီးကျူးလိုက်ပါတယ်။  ပေါ့ဘာဟာ ဖူဟမ်ကို ၂ဂိုး ၁ဂိုး နဲ့ အနိုင်ရခဲ့တဲ့ပွဲမှာ အသင်းအတွက် အနိုင်ဂိုးကို ဧရိယာထိပ်က လှမ်းကန်သွင်းပြီး ရယူပေးခဲ့တာပါ။  BT Sport ရုပ်သံကနေ သုံးသပ်တင်ဆက်ခဲ့တဲ့ နောက်ခံလူဟောင်းဖာဒီနန်ကတော့  ပေါ့ဘာရဲ့ခြေစွမ်းကို ချီးကျူးသွားခဲ့ပါတယ်။ ”ဒီနေ့ပွဲမှာ ပေါ့ဘာအတော်လေး ကောင်းပါတယ်။ ခံစစ်ရော တိုက်စစ်ကိုပါ လိုက်ပါ ကူညီ နိုင်ခဲ့တယ်။ တခြားပွဲတွေနဲ့ကွာခြားတာက ဒီပွဲမှာသူကဘောလုံးကို ကိုင်မထားဘဲ မြန်မြန် ပေးပို့တယ်။ ပေါ့ဘာက စာချုပ်ခေါ်ယူခဲ့တဲ့ ၂၀၁၆ ခုနှစ်ကလောက် ခြေစွမ်း မတည်ငြိမ်သေးပေမဲ့ လက်ရှိ အချိန်မှာ အရေးကြီးဆုံးကစားသမားဖြစ်လာပါပြီ” လို့ ဖာဒီနန်ကပေါ့ဘာကိုချီးကျူးခဲ့ပါ တယ်။  
3 months Ago

မန်ယူနိုက်တက်က ဖူဟန်ကို (၂-၁)ဂိုးဖြင့်နိုင်၊  ပေါ့ဘာ၏ခြေစွမ်းကို ဆိုးလ်ရှား ချီးကျူး

မနေ့ညက ကန်သွားတဲ့ ပရီးမီးယားလိဂ်ပွဲစဉ်မှာ မန်ယူနိုက်တက်အသင်းက ဖူလ်ဟမ်အသင်းကို ၂ ဂိုး ၁ ဂိုးနဲ့အနိုင်ရရှိခဲ့ပြီးနောက်  ကွင်းလယ်ကစားသမား ပေါ့ဘာရဲ့ ခြေစွမ်းနဲ့ ပတ်သက်လို့  ယူနိုက်တက်နည်းပြ ဆိုးလ်ရှားက ချီးကျူးပြောဆို လိုက်ပါတယ်။  ဒီရာသီအစပိုင်းမှာ ပေါ့ဘာဟာ ဒဏ်ရာကြောင့် ပွဲထွက်ခွင့် နည်းပါးခဲ့သလို ကိုရိုနာ ဗိုင်းရပ်စ်ပါ ကူးစက်ခံခဲ့ရတာ ကြောင့် ခြေစွမ်းပြဖို့ ရုန်းကန်ခဲ့ပါတယ်။ ဒါပေမဲ့ပြီးခဲ့တဲ့သီတင်းပတ်တွေကစလို့ သူဟာ အသင်းအတွက် အားကိုးရတဲ့ ကစားသမား တစ်ဦးအဖြစ် ပြန်လာနိုင်ခဲ့ပါတယ်။  မနေ့ညက ပွဲစဉ် ပထမပိုင်း ၅ မိနစ်မှာပဲ ဖူဟန်အတွက် အဖွင့်ဂိုးကို လွတ်ခ်မန်းက သွင်းယူပေးခဲ့ပြီး မိနစ် ၂၁ မှာတော့ မန်ယူအတွက် ချေပဂိုးကို ကာဗာနီက သွင်းယူပေးခဲ့လို့ ပထမပိုင်းမှာ တဖက်တစ်ဂိုးစီသရေကျနေခဲ့တာပါ။ မန်ယူအတွက် အနိုင်ဂိုးကိုတော့ ဒုတိယပိုင်း ပွဲချိန် ၆၅ မိနစ်မှာ ပေါ့ဘာက ဘယ်ခြေ ကန်ချက်နဲ့သွင်းယူပေးခဲ့ပါတယ်။  သူဟာ ၅ ပွဲဆက်တိုက် ပွဲထွက်ခွင့်ရခဲ့တာဖြစ်ပြီး အသင်းအတွက် ၂ ဂိုး သွင်းယူ ပေးနိုင်ခဲ့ပါတယ်။  ဒီနိုင်ပွဲကြောင့် ယူနိုက်တက်အသင်းဟာ အမှတ်ပေးဇယားရဲ့ထိပ်ဆုံးမှာ ဆက်ရှိနေပြီး ပွဲအပြီး မီဒီယာတွေနဲ့ တွေ့ဆုံရာမှာ ဆိုးလ်ရှားက ပေါ့ဘာကို ချီးကျူး ပြောဆို သွားခဲ့ပါတယ်။  “ကျနော်အရင်က ပြောခဲ့သလိုပဲ ကွင်းထဲမှာ ပေါ့ဘာ မလုပ်နိုင်တာ ဘာမှမရှိပါဘူး။ သူဟာ ကွင်းလယ်မှာ ခြေစွမ်းပြနိုင်ခဲ့သလို၊ အခွင့်အရေးတွေ ဖန်တီးပြီး ကန်ချက်တွေကိုလည်း ပြသ နိုင်ခဲ့ပါတယ်။ ဒီနေ့ခြေစွမ်းကြောင့် သူဟာ ကွင်းလယ်မှာ သင့်တော်တဲ့ ကစားသမား တစ်ဦးလို့ ခံစားခဲ့ရပြီး သူ့ရဲ့ ဘယ်ခြေကန်ချက်ဟာလည်း တကယ်ကို ကောင်းမွန်ခဲ့ပါတယ်။ သူ တကယ်ကို ပြန်လာနိုင်ခဲ့ပါပြီ။ သူ့ ကြံ့ခိုင်ရေးကလည်း အကောင်းဆုံးပုံစံမှာရှိနေပြီး နေရာစုံမှာ ကစားနိုင်ခဲ့ ပါတယ်။ သူတကယ်ကို ကောင်းခဲ့ပါတယ်”  ဒီနေ့နိုင်ပွဲကြောင့် ယူနိုက်တက်အသင်းဟာ သူတို့ရဲ့ နောက်ဆုံးလိဂ်ပွဲစဉ် ၅ ပွဲမှာ ၄ ပွဲ အထိ အနိုင်ရရှိခဲ့ပြီး ချန်ပီယံဆုအတွက် အဆင်သင့်ရှိနေကြောင်းကို ပြသနိုင်ခဲ့ပြီ ဖြစ်ပါတယ်။ ယူနိုက်တက်အသင်းဟာ ၂၀၁၂-၂၀၁၃ ရာသီနောက်ပိုင်း ပထမဆုံးသော လိဂ်ဖလားကို ရရှိဖို့ အလားအလာအကောင်းဆုံး အခြေအနေမှာ ရှိနေပေမယ့် ဆိုးလ်ရှားကတော့ ချန်ပီယံဖြစ်ဖို့နဲ့ ပတ်သက်တဲ့အကြောင်းအရာတွေကို တတ်နိုင်သလောက် မပြောဖြစ်ဖို့ ကြိုးစားခဲ့ပါတယ်။ 
3 months Ago

မန်ယူအသင်း ဇန်နဝါရီအပြောင်းအရွှေ့တွင် လူသစ်ခေါ်ရန်မလိုအပ်ဟု ဖာဒီနန် သုံးသပ်

ဆိုးလ်ရှားရဲ့ မန်ယူနိုက်တက်အသင်းဟာ အခုဇန်နဝါရီအပြောင်းအရွှေ့ဈေးကွက်မှာ ကစားသစ်ခေါ်ယူသွားဖို့ မလိုအပ်ဘူးလို့ ဖာဒီနန်က ပြောပါတယ်။  အာမက်ဒီရယ်လိုအတွက် ပေါင် ၃၇ သန်းတန် အပြောင်းအရွှေ့ကို အပြီးသတ်နိုင်ခဲ့ပြီးနောက် ယူနိုက်တက်အသင်းဟာ ကစားသစ်ခေါ်ယူဖို့ မလိုအပ်တော့ဘူးလို့လည်း ဖာဒီနန်က သုံးသပ်ပါတယ်။  ယူနိုက်တက်အသင်းဟာ ပြီးခဲ့တဲ့ရာသီ အပြောင်းအရွှေ့မှာ အနည်းငယ် အလုပ်များခဲ့ပါတယ်။ အတ္တလန္တာအသင်းက ဆယ်ကျော်သက်အရွယ် တောင်ပံကစားသမား ဒီရယ်လိုကို ခေါ်ယူခဲ့ပြီး လက်ရှိအချိန်မှာ ကစားသမားဟာ အသင်းသစ်ကို အပြီးသတ်ရောက်ရှိလာခဲ့ပြီ ဖြစ်ပါတယ်။ သူဟာ ငယ်ရွယ်သေးတာကြောင့် အနာဂတ်အတွက် သင့်တော်ပေမဲ့ ယူနိုက်တက်အနေနဲ့ ဒီရာသီ ပရီးမီးယားလိဂ်ချန်ပီယံဆုတိုက်ပွဲအတွက် အားဖြည့်မှုတွေ လုပ်ဆောင်သင့်တယ်ဆိုတဲ့ ထောက်ပြမှုတွေလည်း ရှိနေပါတယ်။  အသင်းရဲ့တိုက်စစ်နဲ့ ခံစစ်ကိုအားဖြည့်သင့်၊ မသင့် အပြန်အလှန်ငြင်းခုံမှုတွေလည်း ရှိနေခဲ့ပြီး အသင်းက စိတ်ဝင်စားခဲ့တဲ့ ဆန်ချို၊ ရာမို့စ်တို့လို ကစားသမားမျိုးကို ခေါ်ယူဖို့ ကိစ္စတွေဟာလည်း ပျက်ပြယ်သွားခဲ့ပြီ ဖြစ်ပါတယ်။ ဒါပေမဲ့ ဖာဒီနန်ကတော့ ယူနိုက်တက်အနေနဲ့ ရာသီတဝက်ကျိုးချိန် အပြောင်းအရွှေ့မှာ ကစားသမားသစ် ခေါ်ယူနိုင်ဖို့မရှိဘူးလို့ ယတိပြတ် ပြောပါတယ်။ အသင်းရဲ့ ဒီရာသီစွမ်းဆောင်ရည်ဟာ မျှော်လင့်ထားတာထက် ပိုမိုကောင်းမွန်နေပြီး အခြေကျနေတဲ့ အသင်းရဲ့ လူစာရင်းမှာလည်း အရည်အသွေးမြင့်ကစားသမားများစွာ ရှိနေတာကြောင့် ဆိုးလ်ရှားဟာ ကစားသမားသစ်ခေါ်ဖို့ လက်ရှောင်နေလိမ့်မယ်လို့ နောက်ခံ လူဟောင်းက ပြောပါတယ်။ Stretford Paddock သတင်းနဲ့ တွေ့ဆုံခဲ့ရာမှာ ဂန္ထဝင်နောက်ခံလူဟောင်း ဖာဒီနန်က “သူ လူသစ် ခေါ်မယ်လို့ မထင်ပါဘူး။ ဆိုးလ်ရှားက ဒီရယ်လိုကို အသင်းမှာ အခြေတကျ ဖြစ်လာလိမ့်မယ်လို့ မျှော်လင့်ထားတာဖြစ်ပြီး ဒီကစားသမားလေးကိုလည်း အခွင့်အရေးတချို့ ပေးအပ်သွားဖို့ ရှိပါတယ်။ ကစားသမားသစ် ခေါ်ချင်လို့ ပြောရင် ဘာမှပြဿနာမရှိပေမယ့် ဘယ်သူကရော အခုချိန်မှာ ကစားသမားကို ရောင်းချင်ပါ့မလဲ၊ စဉ်းစားရပါ့မယ်။ ဘဏ္ဍာရေးကိစ္စတွေသာ မရှိရင် ဘယ်အသင်းမှ သူတို့ကစားသမားကို ဒီလိုအချိန်မှာ လက်လွှတ်ခံချင်ကြတာမ ဟုတ်ပါဘူး။  ယူနိုက်တက်အသင်းအနေနဲ့လည်း ဒီလိုအခြေအနေမှာ ဒီလိုလုပ်မယ်လို့ မထင်ပါဘူး။ ဒါကြောင့် ယူနိုက်တက်အသင်းဟာ ဒီအပြောင်းအရွှေ့မှာ လက်ရှောင်နေမှာ ဖြစ်ကာ ကစားသမားသစ် ခေါ်မယ်ဆိုရင်တော့ ကျနော့်အနေနဲ့ အံ့သြမိပါလိမ့်မယ်” လို့ ဖာဒီနန်က ပြောပါတယ်။
3 months Ago

လန်းစ်အသင်း၏နောက်တန်းကစားသမား မက်ဒီနာကို မန်ယူက ခေါ်ယူမည် 

မန်ချက်စတာယူနိုက်တက်အသင်းဟာ ပြင်သစ်ကလပ် လန်းစ်နောက်ခံလူနဲ့ အာဂျင်တီးနား လက်ရွေးစင်ကစားသမား  ဖာကမ်ဒို မက်ဒီနာကို ခေါ်ယူနိုင်ဖို့ နီးစပ်နေပါတယ်။ အသက် ၂၁ နှစ်အရွယ်  အာဂျင်တီးနား ကြယ်ပွင့်ကစားသမားဟာ မနှစ်ကမှ ပြည်တွင်းလိဂ်ကလပ် တော်လားရက်စ်ကနေ ပြောင်းရွှေ့ကစားခဲ့တာပါ။ ပြင်သစ်လိဂ်မှာ ခြေစွမ်းပြသနိုင်ခဲ့တာကြောင့် အာဂျင်တီးနား လက်ရွေးစင်ရဲ့ ရွေးချယ်ခံခဲ့ရပါတယ်။  မက်ဒီနာကို ယူနိုက်တက်အသင်းက ပေါင် ၁၁ သန်းနဲ့ ကမ်းလှမ်းထားပြီး ကမ်းလှမ်းချက်ထဲမှာ မက်ဒီနာကို တစ်ခါတည်း ခေါ်ယူမှာ မဟုတ်ဘဲ ရာသီကုန်အထိ အငှားစာချုပ်နဲ့ ပြန်လည်ကစားစေမှာဖြစ်တယ်လို့ သိရပါတယ်။ လန်းစ်အသင်းဟာ အခုနှစ်ရာသီရောက်မှ တန်းတက်ခဲ့တာဖြစ်ပေမယ့် လီဂူးဝမ်းမှာ ခြေစွမ်းပြနေပြီး လက်ရှိအချိန်မှာ အဆင့် ၁၀ မှာ ရပ်တည်နေပါတယ်။
3 months Ago

ဘရူနိုဖာနန်ဒက်စ်ကို အနားပေးရန် မလိုအပ်သေးဟု မန်ယူနည်းပြဆိုးလ်ရှား ပြော

ကွင်းလယ်လူ ဘရူနိုဖာနန်ဒက်စ်ကို အနားပေးဖို့ မလိုအပ်သေးဘူးလို့ နည်းပြဆိုးလ်ရှားက ပြောပါတယ်။ ဖာနန်ဒက်စ်ဟာ မန်ယူအသင်းရဲ့ ပွဲစဉ်တိုင်းကို ပွဲထွက်ကစားနေရတဲ့အပေါ်မှာ အနားယူဖို့ လိုအပ်သလားဆိုတဲ့ မေးခွန်းအပေါ်မှာ နည်းပြဆိုးလ်ရှားက မလိုအပ်ကြောင်း ပြန်လည်ဖြေကြားခဲ့တာပါ။  ဒီဇင်ဘာလအတွက် အကောင်းဆုံးကစားသမားဆုရရှိခဲ့တဲ့ ဖာနန်ဒက်စ်ဟာ အသင်းနဲ့ စုစုပေါင်း ၄၉ ပွဲမှာ ၂၇ ဂိုးသွင်းပြီး ၁၇ ကြိမ် ဂိုးဖန်တီးနိုင်ခဲ့ပါတယ်။ ပွဲဆက်များနေပေမယ့် ဖာနန်ဒက်စ်က ပွဲပန်းတာမျိုးမရှိသလို အနားပေးဖို့လည်း အခွင့်အရေးမရှိကြောင်း၊ တစ်ပွဲပြီးတစ်ပွဲတိုင်း အမြန်ဆုံး ပြန်လည်အားပြည့်အောင် လုပ်ဆောင်နိုင်သူ ဖြစ်ကြောင်း နည်းပြဆိုးလ်ရှားက မှတ်ချက်ပေးခဲ့ပါတယ်။  “သူ ရောက်လာချိန်ကတည်းက အလွန်သန်မာတဲ့ ကစားသမားဖြစ်ခဲ့ပြီး ပွဲပန်းတာမျိုး မရှိပါဘူး။ မောပန်းနေသလားလို့ သူ့ကို မေးမယ်ဆိုရင်လည်း ဘာမှမဖြစ်ဘူးလို့ သူ ပြန်ပြောမှာ သေချာပါတယ်” လို့ ဆိုးလ်ရှားက ပြောပါတယ်။ အမှတ်ပေးဇယားမှာ ဦးဆောင်နေတဲ့ မန်ယူအသင်းဟာ ဇန်နဝါရီ ၂၁ ရက်  မနက်ပိုင်းမှာ ဖူဟမ်နဲ့ ကစားရမှာ ဖြစ်ပါတယ်။ 
3 months Ago

မန်ယူတိုက်စစ်မှူးဟောင်း လူကာကူကို ခေါ်ယူရန် မန်စီးတီးအသင်း ပစ်မှတ်ထားနေ

အင်တာမီလန် တိုက်စစ်မှူး လူကာကူဟာ မန်စီးတီးအသင်းက ခေါ်ယူမယ့် ပစ်မှတ် ကစားသမားစာရင်းမှာ ပါဝင်နေတယ်လို့ သိရပါတယ်။ အခုနှစ်ရာသီအကုန်မှာ အသင်းနဲ့စာချုပ်သက်တမ်းကုန်ဆုံးမယ့် တိုက်စစ်မှူး အဂွဲရိုး နေရာမှာ အစားထိုးဖို့အတွက် တိုက်စစ်မှူးတစ်ဦး ရှာဖွေနေပြီး လူကာကူလည်း ပါဝင်နေတာပါ။ မန်စီးတီးအသင်းဟာ အင်တာမီလန်မှာ ကစားနေတဲ့ မန်ယူတိုက်စစ်မှူးဟောင်း လူကာကူနဲ့ ဒေါ့မွန် တိုက်စစ်မှူး ဟာလန်းတို့ကို ပစ်မှတ်ထားနေပြီး လာမယ့်နွေရာသီမှာ ပေါင်သန်း ၂၀၀ အသုံးပြုသွားမယ်လို့လည်း သိရပါတယ်။ အဂွဲရိုး၊ ဖာနန်ဒင်ညိုနဲ့ အဲရစ်ဂါစီယာတို့က အခုနှစ်ရာသီအကုန်မှာ အသင်းကနေ ထွက်ခွာမှာဖြစ်ပြီး အဲဒီနေရာတွေအတွက်လည်း ကစားသမားသစ်ခေါ်ဖို့ မန်စီးတီးအသင်းက ပြင်ဆင်ထားတာ ဖြစ်ပါတယ်။
3 months Ago

ဒဏ်ရာရသားကောင် လီဗာပူးကို မန်ယူ အခွင့်အရေးယူသင့်ကြောင်း ကီယွန် သုံးသပ်

လီဗာပူးက ဒဏ်ရာရနေတဲ့သားကောင် ဖြစ်ပြီး မန်ယူနိုက်တက်အသင်း အခွင့်အရေး ရယူနိုင်ဖို့လို အပ်တယ်လို့ အာဆင်နယ်ကစားသမားဟောင်း မာတင်ကီယွန်က သုံးသပ်ပါတယ်။  အမှတ်ပေးဇယားထိပ်ဆုံးက မန်ယူအသင်းဟာ တနင်္ဂနွေညမှာ လီဗာပူးရဲ့ အမ်ဖီးလ်ကွင်းမှာ သွားရောက်ရင်ဆိုင်ရမှာပါ။ ဒီပွဲစဉ်မှာ အနိုင်ရခဲ့ပါက ဒုတိယနေရာက လီဗာပူးကို ၆ မှတ်ဖြတ်ထားနိုင်မှာဖြစ်လို့ ချန်ပီယံဆုအတွက် အားသာချက်ရှိစေမှာပါ။  အာဆင်နယ်ကစားသမားဟောင်း မာတင်ကီယွန်ကတော့ လီဗာပူးက လက်ရှိအချိန်မှာ ဒဏ်ရာရနေတဲ့သားကောင် တစ်ကောင်လိုဖြစ်ပြီး မန်ယူနိုက်တက်ဘက်က အခွင့်အရေးရယူနိုင်ဖို့ လိုတယ်လို့ ပြောပါတယ်။  လီဗာပူးအသင်းမှာ အဓိက နောက်ခံလူတွေဖြစ်တဲ့ ဗန်ဒိုက်၊ ဂျိုးဂိုမက်ဇ်တို့ ဒဏ်ရာရရှိနေပြီး နောက်ထပ် ဗဟိုနောက်ခံလူ မာတစ်ကလည်း ကြံ့ခိုင်မှုပြည့်ဝဖို့ ရုန်းကန်နေရတာပါ။
3 months Ago

ဒက်ကလန်ရိုက်ကို ချဲလ်ဆီးနှင့် မန်ယူ မကမ်းလှမ်းထားဟု ဝက်စ်ဟမ်းနည်းပြပြော

ကွင်းလယ်လူ ဒက်ကလန်ရိုက်အတွက် ချဲလ်ဆီးနဲ့ မန်ယူအသင်းတွေက ကမ်းလှမ်းထားတာ မရှိကြောင်း ဝက်စ်ဟမ်းနည်းပြ ဒေးဗစ်မိုယက်စ်က အတည်ပြုပါတယ်။  အင်္ဂလန်လက်ရွေးစင် ကွင်းလယ်လူ ဒက်ကလန်ရိုက်ကို ချဲလ်ဆီးက ပြန်လည်ခေါ်ယူဖို့ ကြိုးပမ်းခဲ့ဖူးပြီး ဒီနှစ်ရာသီမှာ မန်ယူအသင်းကလည်း ခေါ်ယူဖို့ စိတ်ဝင်စားလာခဲ့တာပါ။  ဒက်ကလန်ရိုက်အတွက် ချဲလ်ဆီးနဲ့ မန်ယူအသင်းဆီက ကမ်းလှမ်းမှု တစ်စုံတစ်ရာ မရှိကြောင်းနဲ့ သတင်းမှားတွေသာ ဖြစ်တယ်လို့ ဝက်စ်ဟမ်းနည်းပြ မိုယက်စ်က ပြောပါတယ်။ ဒက်ကလန်ရိုက်ဟာ အသင်းအတွက် ခမ်းနားတဲ့ စွမ်းဆောင်မှုတွေ လုပ်ဆောင်ထားပြီး အသင်းခေါင်းဆောင် မာ့ခ်နိုဘယ်လ်ပါဝင် ကစားနိုင်ခြင်းမရှိတဲ့ ကွင်းလယ်မှာ ကြီးမားတဲ့ ခေါင်းဆောင်တစ်ဦးဖြစ်တယ်လို့ နည်းမိုယက်စ်က ပြောပါတယ်။  ဝက်စ်ဟမ်းအသင်းဟာ အသက် ၂၂ နှစ်ရှိ ဒက်ကလန်ရိုက်အတွက် ပေါင်သန်း ၇၀ သတ်မှတ်ထားတယ်လို့ သိရပါတယ်။
3 months Ago

မန်ယူတိုက်စစ်မှူး မာစီယယ် လီဗာပူးနှင့် ပွဲတွင်  ပြန်ကစားနိုင်ဖွယ်ရှိ

ဘန်လေနဲ့ပွဲမှာ ဒဏ်ရာရခဲ့တဲ့ မန်ယူတိုက်စစ်မှူး မာစီယယ်ဟာ လီဗာပူးနဲ့ ပွဲစဉ်မှာ ပြန်လည်ကစားနိုင်မယ်လို့ သိရပါတယ်။  ဘန်လေနဲ့ ပွဲပြီးခါနီးမှာ တံကောက်ကြောဒဏ်ရာ ခံစားခဲ့ရတဲ့ မာစီယယ်ဟာ ရက်သတ္တပတ်လောက် အနားယူရဖို့ ရှိခဲ့ပေမဲ့ လက်ရှိအချိန်မှာလည်း ပြန်လည်သက်သာလာ ကြောင့် တနင်္ဂနွေနေ့မှာကစားမယ့် လီဗာပူးနဲ့ပွဲမှာ ပြန်ကစားနိုင်မှာပါ။  အသက် ၂၅ နှစ်ရှိ ပြင်သစ်တိုက်စစ်မှူး မာစီယယ်ဟာ ကာဗာနီ ရောက်ရှိလာပြီးနောက် တောင်ပံ ထွက်ကစားနေပြီး ခြေစွမ်းပြသနိုင်ခြင်း မရှိတာကြောင့် ဝေဖန်မှုတချို့လည်း ခံနေရတာပါ။  မာစီယယ်ဟာ ဇန်နဝါရီ ၂ ရက်က ဗီလာနဲ့ ပွဲမှာ တစ်ဂိုးသွင်းပြီးနောက်ပိုင်း  ၃ ပွဲမှာ ဂိုးသွင်း ယူနိုင်ခြင်း မရှိသေးတာ ဖြစ်ပါတယ်။
3 months Ago

လူငယ်ကစားသမားသစ် အာမက်ဒီယယ်လိုကို မန်ယူအသင်း တရားဝင်မိတ်ဆက်

မန်ယူအသင်းဟာ အတ္တလန်တာအသင်းကနေ ခေါ်ယူခဲ့တဲ့ အာမက်ဒီယယ်လိုကို တရားဝင် မိတ်ဆက်ခဲ့ပြီး ကျောနံပါတ် ၁၉ ဝတ်ဆင်ကစားမှာ ဖြစ်ပါတယ်။  ပြီးခဲ့တဲ့နွေရာသီကတည်းက ပေါင် ၃၇ သန်းနဲ့ ခေါ်ယူခဲ့တဲ့  ဒီယယ်လိုဟာ Work Permit ကိစ္စကြောင့် အခုနှစ်ဇန်နဝါရီအပြောင်းအရွှေ့ရောက်မှ အသင်းနဲ့ပူးပေါင်းနိုင်ခဲ့တာပါ။ ယူနိုက်တက်အသင်းဆီပြောင်းရွှေ့ခွင့်ရတာက အိပ်မက်တွေ အမှန် တကယ်ဖြစ်လာခဲ့တာ ဖြစ်ပြီး ရည်မှန်းချက်ကြီးကြီးထားပြီး ခြေစွမ်းပြသနိုင်ဖို့ ကြိုးပမ်းသွားမယ်လို့ ဒီယယ်လိုက ပြောပါတယ်။  နာမည်ကြီးကစားသမားတွေ အများကြီးရှိတဲ့ အသင်းလူစာရင်းနဲ့အတူ ပူးပေါင်းလေ့ကျင့် ခွင့်ရမှာက စိတ်လှုပ်ရှားစရာဖြစ်ပြီး နေ့တိုင်းသင်ယူလေ့ကျင့်ရင်း ခြေစွမ်းပိုမိုတိုး တက်လာ အောင်လုပ်ဆောင်မယ်ဆိုတာ ကတိပေးကြောင်း ဒီယယ်လိုက ပြောပါတယ်။  နည်းပြဆိုးလ်ရှားကတော့ ဒီယယ်လိုက အလားအလာရှိတဲ့ လူငယ်တစ်ဦးဖြစ်ပြီး လူငယ် အသင်းမှာ ကစားစေမလား အသင်းကြီးအတွက် အဆင်သင့်အသုံးပြုနိုင်မယ့် ကစားသမား ဖြစ်လာမလားဆိုတာ မသိရှိသေးကြောင်း ပြောပါတယ်။  အိုင်ဗရီကို့စ်လူငယ်ကစားသမား ဒီယယ်လိုအတွက် မန်ယူအသင်းက ပေါင် ၁၉ သန်း ကနဦး ပေးချေခဲ့ရပြီး စွမ်းဆောင်ရည်အပေါ်မူတည်ပြီး နောက်ထပ် ပေါင် ၁၈ သန်းပေးချေ  ရနိုင်တာ ဖြစ်ပါတယ်။
3 months Ago

မန်ယူနောက်ခံလူ ဖိုဆူမန်ဆက်ကို ပေါင် ၁ ဒသမ ၈ သန်းဖြင့် လီဗာကူဆင် အပြီးသတ်ခေါ်

မန်ယူလူငယ်နောက်ခံလူ ဖိုဆူမန်ဆက်ဟာ ဂျာမန်ကလပ် လီဗာကူဆင်အသင်းဆီကို ပေါင် ၁ ဒသမ ၈ သန်းနဲ့ အပြီးသတ်ပြောင်းရွှေ့သွားပါတယ်။ အသက် ၂၃ နှစ်ရှိ ဟော်လန်နောက်ခံလူ ဖိုဆူမန်ဆက်ဟာ ယူနိုက်တက်အသင်းရဲ့ ၃ နှစ် စာချုပ်နဲ့ ကမ်းလှမ်းချက်ကို ပယ်ချခဲ့ပြီး ပွဲထွက်ခွင့်ရနိုင်တဲ့ လီဗာကူဆင် အသင်းဆီပြောင်းဖို့ ဆုံးဖြတ်ခဲ့တာပါ။  လီဗာကူဆင်နဲ့ ၂၀၂၄ ခုနှစ်အထိ စာချုပ်ချုပ်ဆိုခဲ့ပြီး အကောင်းဆုံးအသင်း တစ်သင်းဆီ ပြောင်းရွှေ့ခွင့်ရလို့ စိတ်လှုပ်ရှားမိတယ်လို့ ဖိုဆူမန်ဆက်က ပြောပါတယ်။  ပြီးခဲ့တဲ့ ရက်ပိုင်းတွေကတည်းက အသင်းနည်းပြအဖွဲ့ဝင်တွေနဲ့ ဆွေးနွေးခဲ့ပြီး အသင်း အတွက်ရော မိမိအတွက်ပါ အလားအလာကောင်းတွေရှိတာကြောင့် ပြောင်းရွှေ့ဆုံးဖြတ်ခဲ့တာ ဖြစ်တယ်လို့ ဖိုဆူမန်ဆက်က ပြောပါတယ်။  ၂၀၁၄ ခုနှစ် နည်းပြဗန်းဟားလ်လက်ထက်က  အေဂျက်ဇ်အကယ်ဒမီကနေ ခေါ်ယူခဲ့တဲ့ ဖိုဆူမန်ဆက်ဟာ ယူနိုက်တက်အတွက်စုစုပေါင်း ပွဲ ၃၀ ကစားခဲ့ပြီး ခရစ္စတယ်ပဲလေ့၊ ဖူဟမ် အသင်းတွေမှာလည်း ၃၇ ပွဲ အငှားထွက်ကစားခဲ့ပါသေးတယ်။ 
3 months Ago

မန်ယူနိုက်တက်က ဘန်လေကို (၁-၀) ဂိုး ဖြင့်နိုင်ပြီး အမှတ်ပေးဇယား ထိပ်ဆုံးရောက်လာ 

လီဗာပူးနဲ့ပွဲစဉ်က သူ့အသင်းရဲ့ ဆုဖလားရလိုမှု ရည်မှန်းချက်အတွက် အကြီးမားဆုံး စမ်းသပ်ချက် ဖြစ်လာလိမ့်မယ်လို့ မန်ချက်စတာယူနိုက်တက်အသင်းနည်းပြ ဆိုးလ်ရှားက ပြောပါတယ်။  ဆိုးလ်ရှားရဲ့အသင်းဟာ မနေ့ညက ဘန်လေအသင်းကို ၁ ဂိုး ဂိုးမရှိနဲ့ အနိုင်ယူပြီး ပြိုင်ဘက်တွေကို ကျော်ဖြတ်ကာ အမှတ်ပေးဇယားရဲ့ထိပ်ဆုံးကို ရောက်ရှိသွားခဲ့ပြီ ဖြစ်ပါတယ်။ ဒီပွဲမှာ မန်ချက်စတာယူနိုက်တက်အသင်းဟာ ပေါ့ဘာရဲ့ ပွဲချိန် ၇၁ မိနစ်သွင်းဂိုးနဲ့ အနိုင်ရရှိခဲ့တာ ဖြစ်ပြီး အနိုင်ရလဒ်ကြောင့် ဒုတိယနေရာက လီဗာပူးအသင်းကို ၃ မှတ် ဖြတ်ထားနိုင်ပြီ ဖြစ်ပါတယ်။  ဒါဟာ ဖာဂူဆန် အနားယူသွားခဲ့တဲ့ ၂၀၁၃ ခုနှစ်နောက်ပိုင်း ပထမဆုံးအကြိမ်အဖြစ် မန်ချက်စတာယူနိုက်တက်အသင်းအဆင့် ၁ နေရာကို ရောက်ရှိခြင်းဖြစ်ကာ အသင်းရဲ့ ချန်ပီယံဆုအတွက် မျှော်လင့်ချက်တွေဟာလည်း မြင့်တက်လာခဲ့ပြီ ဖြစ်ပါတယ်။ နောက်ထပ်ပွဲစဉ်တစ်ခုအဖြစ် သီတင်းပတ်ကုန်ပိုင်းမှာ ယူနိုက်အသင်းဟာ အန်ဖီးလ်ကွင်းကို သွားရောက်ရင်ဆိုင်ရမှာဖြစ်ပြီး ဒီကွင်းမှာ ၂၀၁၆ မတ်လကစလို့ နိုင်ပွဲပျောက်ဆုံးထားတာလည်း ဖြစ်ပါတယ်။ ဒါပေမဲ့ နည်းပြဆိုးလ်ရှားကတော့ အန်ဖီးလ်ကို ယုံကြည်မှုအပြည့်နဲ့ သွားရောက်ယှဉ်ပြိုင်မှာ ဖြစ်တယ်လို့ ပြောပါတယ်။  “ဒီပွဲအတွက် ကျနော်တို့ မျှော်လင့်ထားပါတယ်။ ဘယ်နေရာကိုပဲ ရောက်ရောက် ကျနော်တို့ ကျေနပ်နှစ်သိမ့်နိုင်ပါတယ်။ ဒီပွဲမတိုင်ခင်မှာ ကျနော်တို့ရှိနေတဲ့နေရာမှာ ရှိနေမှာဖြစ်ပြီး နိုင်ငံအတွင်း အကောင်းဆုံးအသင်းနဲ့ သွားရောက်ယှဉ်ပြိုင်ရမှာကို သိထားပါတယ်။ သူတို့ဟာ လက်ရှိချန်ပီယံပါ။ ဒီပွဲဟာ ကျနော်တို့အသင်းကြီးတွေနဲ့ ရင်ဆိုင်ရရင် ဘယ်လိုလဲဆိုတာကို စမ်းသပ်မှုလည်း ဖြစ်ပါတယ်။ ကျနော်တို့ ပိုကောင်းလာပါတယ်။ အခုချိန်မှာ ရာသီတဝက်ကျိုးလုနီးပါးပဲ ရှိသေးတာကြောင့် ကျနော်တို့ ဘယ်လိုဆိုတာ ပြောဖို့တော့ ခက်ပါတယ်” လို့ ဆိုးလ်ရှားက ပြောပါတယ်။ ဘန်လေကို အနိုင်ရရှိခဲ့တဲပွဲမှာ အသင်းသားတွေရဲ့ နိုင်ပွဲရဖို့ တိုက်ခိုက်သွားတဲ့ စိတ်ဓာတ်ကို သဘောကျမိတယ်လို့ ဆိုးလ်ရှားက ပြောပါတယ်။ ဒီပွဲမှာ ဒိုင်လူကြီးရဲ့ ဆုံးဖြတ်ချက်တချို့ဟာ ပြောစရာလည်း ဖြစ်ခဲ့ပါတယ်။
3 months Ago

အွန်လိုင်းမှငွေလိမ်လည်မှုဖြင့် ဖမ်းဆီးခံထားရသူ ၁၉ ဦးကို ရုံးထုတ် ရမန်ယူ

We Chat လူမှုကွန်ယက်ကို အသုံးပြုကာ ငွေကျပ်သိန်းပေါင်း   ၂၁၃၂ သိန်း လိမ်လည်မှုနဲ့ ဆက်နွှယ်ပြီး  CIDက ဖမ်းဆီးထားတဲ့  နိုင်ဂျီးရီးယား နိုင်ငံသား ၂ ယောက် အပါအဝင်  စုစုပေါင်း ၁၉ ယောက်ကို  ဇန်နဝါရီ ၁၂ ရက်နေ့က ချမ်းမြသာစည်မြို့နယ် တရားရုံးမှာ ရုံးထုတ် ရမန်ယူခဲ့ပါတယ်။ အဆိုပါ ၁၉ ဦးကို  ဒေါ်ခင်မာကြူက တရားလိုပြုလုပ်ကာ ပုဒ်မ ၆၆ (ဂ) နဲ့ တရားစွဲဆိုထားတာ ဖြစ်ပါတယ် ။   Photo - Kaung Zaw Hein / MPA
3 months Ago

မန်ယူနှင့်ပွဲ ဘန်လေအဓိက ကစားသမား ၄ ဦး လွဲချော်ဖွယ်ရှိ

မန်ယူနဲ့ပွဲစဉ်မှာ ကိုဗစ်-၁၉ ကန့်သတ်ချက်တွေကြောင့် ဘန်လေကစားသမား ၄ ဦး ပါဝင်ကစားနိုင်မှာ မဟုတ်ဘူးလို့ သိရပါတယ်။  ကိုဗစ်-၁၉ ကပ်ရောဂါနဲ့ ပတ်သက်ပြီး ထိတွေ့စပ်ဆက်မှုရှိခဲ့တဲ့ ကစားသမား ၄ ဦးကို သီးသန့်နေထိုင်စေပြီး ဗုဒ္ဓဟူးနေ့နံနက်ပိုင်းမှာ ကစားမယ့် မန်ယူနဲ့ ပွဲစဉ်ကို လွဲချော်မယ်လို့ နည်းပြ  ဆမ်ဒိုက်ချီက ပြောပါတယ်။  ဘယ်ကစားသမားတွေလဲဆိုတာကို ဘန်လေအသင်းက သတင်းထုတ်ပြန်ခဲ့ခြင်း မရှိပေမဲ့ အဓိကကစားသမားတွေပါဝင်တယ်လို့ သိရပါတယ်။  သီးသန့်နေထိုင်နေရတဲ့ ကစားသမား ၄ ဦးထဲမှာ ဘန်လေအတွက် ပွဲတိုင်းကစားပေးထားတဲ့ ကွင်းလယ်လူ အတွဲအဖက်ဖြစ်တဲ့ အက်ရှ်လေဝက်စ်ဝုဒ်နဲ့ ဘရောင်းဟေးလ်တို့လည်းပါဝင်တယ် လို့သိရပါတယ်။  ဘန်လေအသင်းဟာ  အမ်ကေဒွန်းနဲ့ကစားခဲ့တဲ့ အက်ဖ်အေဖလားပွဲစဉ်မှာ တစ်ဂိုးစီ သရေကျခဲ့ပေမဲ့ ပင်နယ်တီအဆုံးအဖြတ်မှာ အနိုင်ရပြီး နောက်တစ်ဆင့်တက်ခဲ့ ပါတယ်။  ဘန်လေအသင်းမှာ အဓိက ကစားသမားတွေဖြစ်တဲ့ မက်နေးလ်နဲ့ ဂျေးရိုဒရီဂွက်ဇ်တို့ဟာ လည်း ဒဏ်ရာရနေ တာပါ။  ဘန်လေနဲ့ပွဲမှာ အမှတ်ရရုံနဲ့ အမှတ်ပေးဇယားကို ဦးဆောင်ခွင့်ရမယ့် မန်ယူနိုက်တက် အတွက်တော့ ဘန်လေအဓိက ကစားသမားတွေပါဝင်နိုင်ဖို့မရှိတာက အားသာချက်တစ်ခု ဖြစ်လာ နိုင်ပါတယ်။ 
3 months Ago

ဖလားတစ်လုံး ယူပြရန် မန်ယူနည်းပြ ဆိုးလ်ရှားကို နဗီးလ် တိုက်တွန်း

ဆုဖလား တစ်ခုခုကိုမှ မဆွတ်ခူးနိုင်ဘူးဆိုရင် ဆိုးလ်ရှားအနေနဲ့ ယူနိုက်တက်အသင်းမှာ ဖိအားတွေနဲ့ ရင်ဆိုင်ရတော့မယ်လို့ ဂယ်ရီနဗီးလ်က သတိပေးပြောကြားလိုက်ပါတယ်။  ယူနိုက်တက်အသင်းဟာ မန်စီတီးအသင်းကို ရှုံးနိမ့်ခဲ့လို့ ကာရာဘောင်းဖလားပွဲမှာ ဆီမီးဖိုင်နယ်အဆင့်ကနေ လှည့်ပြန်ခဲ့ရပြီဖြစ်ပါတယ်။  ပြီးခဲ့တဲ့ရာသီမှာလည်း ဒီလိုမျိုး ဆီမီးဖိုင်နယ်အဆင့်ကနေ ၃ ကြိမ်တိုင်တိုင်လှည့်ပြန်ခဲ့ရမှု ကြောင့် ယူနိုက်တက်ကစားသမားတွေဟာ ဆုဖလားတွေကို ဆွတ်ခူးဖို့ လုံလောက်တဲ့ စိတ်ဓာတ် ကြံ့ခိုင်မှု မရှိဘူးလားဆိုတဲ့ မေးခွန်းတွေဟာလည်း ထွက်ပေါ်လာခဲ့ ပြီဖြစ်ပါတယ်။ ဆိုးလ်ရှားဟာ ကစားသမားဘဝမှာ အောင်မြင်မှုများစွာ ရရှိခဲ့သူဖြစ်ပေမဲ့ နည်းပြဘဝမှာ တော့ အောင်မြင်မှု ကြီးကြီးမားမား ရရှိဖို့ ရုန်းကန်နေရပါတယ်။   ဒီအချက်ကြောင့် ယူနိုက်တက်နည်းပြ သက်တမ်းတလျှောက်လုံး ဝေဖန်မှုတွေ ခံထားရတဲ့ ဆိုးလ်ရှားအနေနဲ့ သူ့နေရာမှာ ကာလရှည်ရှိနေဖို့ဆိုရင် ကလော့နဲ့ ဂွါဒီယိုလာစတဲ့ ပြိုင်ဘက်  နည်းပြတွေလို အောင်မြင်မှုတွေရရှိဖို့ လိုအပ်နေပြီလို့ ယုံကြည်နေပါတယ်။   မန်စီတီးကို ရှုံးနိမ့်ခဲ့အပြီးမှာ ဂယ်ရီနဗီးလ်က “ မန်စီတီးနဲ့ ကာရာဘောင်းပွဲရယ်၊ လီဗာပူးနဲ့ ပရီးမီးယားလိဂ်ပွဲရယ်မှာ ယူနိုက်တက် ပရိတ်သတ်တစ်ဦးအနေနဲ့ မျှော်လင့်ချက်များစွာ ရှိနေတယ်ဆိုတာကို ကျနော်အရင်က ပြောခဲ့ဖူးပါတယ်။ ယူနိုက်တက်အသင်းအခုရာသီမှာ ပရီးမီးယားလိဂ်ဖလားကို စိန်ခေါ်နိုင်သူဖြစ်လာမယ်လို့ ဘယ်သူကမှ မျှော်လင့်မထားပေမဲ့  ဖလား တစ်လုံးလောက်တော့လိုချင်တယ်ဆိုတဲ့ ခံစားချက်တော့ ရှိကြပါတယ်” လို့ပြောပါ တယ်။  “ ဒီရာသီကုန်ဆို ဆိုးလ်ရှားအသင်းမှာရှိနေတာ ၂ နှစ်ခွဲရှိပါပြီ။ ၂ နှစ်ခွဲလုံးလုံး ဖလား တစ်လုံးမှ မရခဲ့ဖူးဆိုရင် ဒီအခြေအနေကြောင့် သူဟာ ဖိအားဒဏ်ကို ရင်ဆိုင်ရပါလိမ့်မယ်။ ကလော့ပ်က သူ့အတွက်ဖလား ရဖို့လိုအပ်နေချိန်မှာ ချန်ပီယံလိဂ်ဖလားကို ယူပြခဲ့ပြီးတော့ ဂွါဒီယိုလာဆိုရင်လည်း လိဂ်ဖလားကို ရရှိခဲ့ပါတယ်။ မော်ရင်ဟိုဟာလည်း ရောက်တဲ့အသင်းနဲ့ အတူလိဂ်ဖလားရယူနိုင်ခဲ့ပါတယ်။ ဒါ့ကြောင့်ဆိုးလ်ရှားအနေနဲ့လည်း တစ်စုံတစ်ခုကို လိုအပ်နေပြီ ဖြစ်ပြီး ဒီပွဲမှာ ဗိုလ်လုပွဲကို ရောက်ဖို့ နီးစပ်တဲ့အနေအထားမှာ ရှိနေခဲ့တာပဲဖြစ်ပါတယ်” လို့ နဗီးလ်က ပြောပါတယ်။  မန်စီတီးအသင်းကို မရှုံးခင်အထိ ပုံစံကောင်းရရှိနေတဲ့ ဆိုးလ်ရှားရဲ့ ယူနိုက်တက်အသင်းဟာ  ဇန်နဝါရီ ၁၇ ရက်မှာ အစဉ်အလာပြိုင်ဘက်လီဗာပူးအသင်းနဲ့ ရင်ဆိုင်ရမှာဖြစ်ပြီး ဒီပွဲမတိုင်ခင် ဝတ်ဖို့ဒ်နဲ့ အက်ဖ်အေဖလားအပြင် သီတင်းပတ်အလည်ပိုင်းမှာလည်း ဘန်လေအသင်းနဲ့ ယှဉ်ပြိုင် ရမှာ ဖြစ်ပါတယ်။ 
4 months Ago

ဂရီးလစ်ရှ်ကို မခေါ်စေလိုဟု  မန်ယူတိုက်စစ်မှူးဟောင်း အင်ဒီကိုးလ် ပြော

ဂျက်ဂရီးလစ်ရှ်ဟာ ကစားသမားကောင်း တစ်ဦးဖြစ်ပေမဲ့ မန်ယူနိုက်တက်အသင်းနဲ့ အံဝင်နိုင်မှာ မဟုတ်ဘူးလို့  တိုက်စစ်မှူးဟောင်း အင်ဒီကိုးလ်က ပြောပါတယ်။   အပြောင်းအရွှေ့ကာလ တစ်ခု ဖွင့်လှစ်ချိန်မှာ ယူနိုက်တက်အသင်းနဲ့ ဂရီလစ်ရှ်တို့ကြား သတင်းတွေ ထပ်မံပေါ်ထွက်လာတဲ့ အပေါ် အင်ဒီကိုးလ်က သုံးသပ်ပြောကြားလိုက်တာပါ။  အခုအပြောင်းအရွှေ့ကာလ မတိုင်ခင်  ပြီးခဲ့တဲ့ တစ်နှစ်လောက်က ယူနိုက်တက်အသင်းနဲ့ အက်စတွန်ဗီလာ အသင်းခေါင်းဆောင်တို့အကြား အပြောင်းအရွှေ့ကိစ္စဟာ တော်တော်လေး သတင်းကြီးခဲ့ပါတယ်။  ဒါပေမဲ့ အဲ့ဒီနောက်မှာတော့ ယူနိုက်တက်အသင်းဟာ စပို့တင်းကွင်းလယ်လူ ဘရူနိုဖာနန်ဒက်စ်ကိုသာ ပြောင်းလဲခေါ်ယူခဲ့ပါတယ်။  အပြောင်းအရွှေ့ကိစ္စမဖြစ်ခဲ့ပေမဲ့ ဂရီးလစ်ရှ်နဲ့ ခြေစွမ်းပြနေနိုင်မှုအပြင် အသင်းက ပေါ့ဘာရဲ့အနာဂတ် မသေချာမှုတွေကြောင့် ယူနိုက်တက်အသင်းနဲ့ ဂရီးလစ်ရှ်တို့ရဲ့ အပြောင်းအရွှေ့ ကိစ္စဟာ နောက်တစ်ကြိမ် ထွက်ပေါ်လာခဲ့တာပါ။  ယူနိုက်တက်နောက်ခံလူဟောင်း ဖာဒီနန်ကိုယ်တိုင်က ယူနိုက်တက်အသင်းမှာ ပေါ့ဘာ ဆက်ရှိနေသည်ဖြစ်စေ အသင်းကနေ ထွက်ခွာသွားသည်ဖြစ်စေ မစိုးရိမ်ကြောင်းနဲ့ သူဟာ ဂရီးလစ်ရှ်ကို နှစ်သက်သူဖြစ်ကြောင်း ပြောပါတယ်။  သူဟာအင်္ဂလန်က ထိပ်သီး ၃၊ ၄ သင်းရဲ့ အသင်းနည်းပြဖြစ်နေမယ်ဆိုရင် ဂရီးလစ်ရှ်ကို ဗီလာအသင်းကနေ မရရအောင်ခေါ်ယူသွားမှာဖြစ်တယ်လို့လည်း ပြောခဲ့ပါတယ်။  ဒါပေမဲ့  နောက်ထပ်ကစားသမားဟောင်း တစ်ဦးဖြစ်တဲ့ အင်ဒီကိုးလ်ကတော့ ဖာဒီနန်နဲ့ အမြင်ခြင်း မတူပါဘူး။  လက်ရှိ ဈေးကွက်အခြေအနေအရ ဂရီးလစ်ရှ်ရဲ့တန်ကြေးဟာ ပေါင်သန်း ၁၀၀ နီးပါးအထိ ရှိနေပြီး ဒီကစားသမားက ဆိုးလ်ရှားရဲ့ အိုးထရက်ဖို့ဒ်က နည်းစနစ်နဲ့အံဝင်ပါ့မလားဆိုတာ သံသယ ရှိတယ်လို့ ကိုးလ်က ပြောပါတယ်။  ကိုးလ်က “ ဂရီးလစ်ရှ်ဟာ ကစားသမားကောင်းတစ်ယောက်ပါ။ ဒါနဲ့ပတ်သက်လို့ ကျနော့် မှာ ငြင်းစရာမရှိပါဘူး။ ဒါပေမဲ့ အခုလက်ရှိ ယူနိုက်တက်အသင်းရဲ့ ကွင်းလယ်အခြေအနေကို ကြည့်မယ်ဆိုရင် သူ့ကို ဘယ်နေရာမှာ ကစားခိုင်းမလဲလို့ တွေးမိပါတယ်။ အခုလက်ရှိ ယူနိုက်တက်အသင်းမှာ ဖာနန်ဒက်စ်က တော်တော်လေးကို ခြေစွမ်းပြနေတာပါ။ ဂရီးလစ်ရှ်နဲ့ သူနဲ့ ကစားပေါက်တူပြီး ဂရီးလစ်ရှ်ကို ခေါ်လိုက်မယ်ဆိုရင် ဖာနန်ဒက်စ်ကိုဘယ်နေရာမှာ ထား ကစားမှာလဲ။ သူ့ကို ဘယ်အစွန်ကို ပို့ လို့ရတယ်ပဲထား၊ ဘယ်ဘက်မှာက ရက်ဖို့ဒ်ရှိနေတယ်လေ” ပြောပါတယ်။ 
4 months Ago

အတ္တလန္တာအသင်းမှ လူငယ်ကစားသမား ဒီယယ်လိုကို မန်ယူအသင်းခေါ်ယူ

မန်ယူအသင်းဟာ အတ္တလန္တာအသင်းက လူငယ်တောင်ပံကစားသမား အာမက်ဒီယယ်လိုကို အပြီး သတ်ခေါ်ယူနိုင်ခဲ့ပြီ ဖြစ်ပါတယ်။  အခုနှစ်နွေရာသီကတည်းက ခေါ်ယူဖို့သဘောတူညီမှု ရရှိခဲ့တဲ့ အာမက်ဒီယယ်လိုဟာ Work Permit ရဖို့ စောင့်ဆိုင်းနေခဲ့ရပြီး မနေ့ကမှ  တရားဝင် ရောက်ရှိလာခဲ့တာ ဖြစ်ပါတယ်။  အသက် ၁၈ နှစ်ရှိ အိုင်ဗရီကို့စ်တောင်ပံတိုက်စစ်မှူး ဒီယာလိုအတွက် မန်ယူအသင်းက ပေါင် ၁၉ သန်း လက်ငင်းပေးချေခဲ့ရပြီး စွမ်းဆောင်ရည်အပေါ်မူတည်ပြီးနောက်ထပ် ၁၈ သန်းခန့် ပေးချေ ရနိုင်တာဖြစ်ပါတယ်။  ရာသီအစကတည်းက ပြောင်းရွှေ့လာဖို့ စောင့်ဆိုင်းခဲ့ရပြီး နောက်ဆုံးမှာတော့ အိပ်မက် တစ်ခု အမှန်တကယ်ဖြစ်လာခဲ့ပြီလို့ အာမက်ဒီယာလိုက ပြောပါတယ်။  အသင်းပြောင်းရွှေ့ဖို့ သဘောတူညီမှုရရှိပြီးကတည်းက အသင်းနည်းပြ ဆိုးလ်ရှားနဲ့လည်း အမြဲတမ်းစကားပြောဆိုခဲ့ပြီး  နာမည်ကြီးကစားသမားတွေရှိတဲ့ စိတ်လူပ်ရှားစရာ ကောင်းတဲ့ အသင်းမှာ သင်ယူလေ့လာရင် အကောင်းဆုံးကြိုးစားသွားမယ်လို့ ဒီယယ်လိုကပြောပါတယ်။
4 months Ago
More News
Up