who

February 2, 2021

တရုတ်ကျန်းမာရေးအဖွဲ့နှင့် ဆွေးနွေးမှု အကျိုးရှိဟု WHO ကိုဗစ်ဆိုင်ရာ ပညာရှင်ပြော

 ကိုရိုနာဗိုင်းရပ်စ် ဇာစ်မြစ်ကို သွားစုံစမ်းတဲ့ ကမ္ဘာ့ကျန်းမာရေးအဖွဲ့ WHO နဲ့ တရုတ် ကျန်းမာရေးအဖွဲ့တို့ရဲ့ ဆွေးနွေးပွဲဟာ အကျိုးဖြစ်ထွန်းတယ်လို့ WHO က ဖေဖော်ဝါရီ ၁ ရက်နေ့မှာ ပြောဆိုပါတယ်။ 

ဂျနီဗာမှာလုပ်တဲ့ သတင်းစာရှင်းလင်းပွဲမှာ  WHO  ကိုဗစ်ဆိုင်ရာ ပညာရှင်တစ်ဦးဖြစ်တဲ့ မာရီယာ-ဗန်ခါခေါ့ဖ်က WHO အဖွဲ့ဟာ ဆေးရုံတွေနဲ့ ဈေးကို သွားရောက်ခဲ့ပြီး ဆွေးနွေးရာမှာ အကျိုးရှိခဲ့တယ်လို့ ဆိုပါတယ်။ 

ဟူဘေးပြည်နယ်အလယ်ပိုင်းက ရောဂါထိန်းချုပ်ရေးနဲ့ ကြိုတင်ကာကွယ်ရေး ဗဟိုဌာန CDC ကို WHO အဖွဲ့ သွားရောက်ချိန်မှာပဲ ဗန်ခါခေါ့ဖ်ရဲ့ မှတ်ချက်စကား ထွက်လာတာပါ။ 

WHO ကျွမ်းကျင်ပညာရှင်အဖွဲ့ဟာ CDC မှာ အချိန်အကြာဆုံး  ၄ နာရီခွဲလောက် သွားရောက်ခဲ့ပြီး  စောင့်ဆိုင်းနေတဲ့ သတင်းထောက်တွေကို  ဘာမှ မပြောဆိုခဲ့ပါဘူး။ 

WHO ပညာရှင်အဖွဲ့ဟာ ပထမဆုံး ကိုဗစ်လူနာတွေကို တွေ့ရှိတဲ့ ဆေးရုံတွေ၊ ဈေးတွေနဲ့ ကိုဗစ်ရောဂါတိုက်ဖျက်ရေး ပြခန်းတို့ကို သွားရောက်ခဲ့တယ်လို့ ရိုက်တာသတင်းမှာ ဖော်ပြထားပါတယ်။

3 months Ago

January 31, 2021

မော်လမြိုင်မြို့ကို WHO အဆင့် သောက်သုံးရေ ဖြန့်ဝေပေးနိုင်တော့မည်

အတ္တရံမြစ်ရေတင် စီမံကိန်း ရာနှုန်းပြည့်နီးပါး ပြီးစီးနေပြီးဖြစ်လို့ မကြာမီကာလအတွင်း မော်လမြိုင်မြို့ကို WHO အဆင့် သောက်သုံးရေတွေ ဖြန့်ဝေပေးနိုင်တော့မယ်လို့ မွန်ပြည်နယ် စည်ပင်သာယာရေးအဖွဲ့ တာဝန်ရှိသူတွေက ပြောပါတယ်။ 

မွန်ပြည်နယ် အစိုးရအဖွဲ့ဟာ မော်လမြိုင်မြို့ရဲ့ ရေရှားပါးမှု ပြဿနာကို ဖြေရှင်းဖို့ ပြီးခဲ့တဲ့ ဘဏ္ဍာရေးနှစ်မှာ ငွေကျပ်သန်း ၈,၅၀၀ ကျော်သုံးစွဲပြီး အတ္တရံမြစ်ရေတင် စီမံကိန်းကို အကောင်ထည်ဖော်ဆောင်ရွက်ခဲ့တာပါ။

လက်ရှိမှာတော့ အတ္တရံမြစ်ရေတင်စီမံကိန်းဟာ ရာနှုန်းပြည့်နီးပါး ပြီးစီးနေပြီဖြစ်လို့ မြို့ပေါ် ရပ်ကွက်တချို့ကို သောက်သုံးရေတွေ စမ်းသပ် ဖြန့်ဝေပေးနေတယ်လို့ မွန်ပြည်နယ် စည်သာယာရေးအဖွဲ့ ညွှန်ကြားရေးမှူး ဦးတင်ကိုကိုက ပြောပါတယ်။

အတ္တရံမြစ်ရေတင် စီမံကိန်း ပြီးစီးသွားပါက မော်လမြိုင်မြို့ပေါ်ရပ်ကွက် ၁၆ ရပ်ကွက်အထိ သန့်စင်တဲ့ သောက်သုံးရေတွေ ဖြန့်ဝေပေးနိုင်တော့မှာ ဖြစ်ပါတယ်

အတ္တရံမြစ်ရေတင် စီမံကိန်းက သောက်သုံးရေတွေဟာ ကမ္ဘာကျန်းမာရေးအဖွဲ့ WHO စံနှုန်း သတ်မှတ်ချက်နဲ့အညီ ထုတ်လုပ်ထားတယ်လို့ ဦးတင်ကိုကို ဆိုပါတယ်။

အခုအခါမှာတော့ သန့်စင်တဲ့ သောက်သုံးရေတွေ ဖြန့်ဝေပေးနိုင်ဖို့ ရေပိုက်လိုင်းတွေကို ပြန်လည် အဆင့်မြှင့်တင်နေပြီး သန့်စင်တဲ့ သောက်သုံးရေ နွေရာသီမတိုင်မီ ဖြန့်ဝေပေးသွားဖို့ ရှိနေတယ်လို့ မော်လမြိုင်မြို့နယ် စည်ပင်သာယာရေးအဖွဲ့ အမှုဆောင်အရာရှိ ဦးအောင်ထွဋ် က ပြောပါတယ်။

မော်လမြိုင်မြို့ဟာ နေ့စဉ် ရေဂါလန် ၅၅ သိန်းလောက် သုံးစွဲနေပြီး ဒီရေတွေကိုတော့ ရွှေနတ်တောင်ဆည်၊ ကင်းမွန်ချုံဆည်နဲ့ အတ္တရံမြစ်ရေတင် စီမံကိန်းတွေကနေ ထုတ်လုပ်ပေးနေတာပါ။

အခုအခါမှာတော့ အတ္တရံမြစ်ရေတင် စီမံကိန်းကို ပြန်လည်အဆင့်မြှင့်တဲ့ လုပ်ငန်းတစ်ခုတည်းကနေ သန့်စင်တဲ့ သောက်သုံးရေ ဂါလန် ၄၃ သိန်းကို နေ့စဉ် ထုတ်လုပ်သွားဖို့ ရှိနေတာပါ။ 

ဇော်လွင်ထွဋ်

4 months Ago

WHO ဦးဆောင်သည့် စုံစမ်းရေးအဖွဲ့ ဝူဟန်မြို့ဆေးရုံကို သွားရောက်

ကမ္ဘာ့ကျန်းမာရေးအဖွဲ့ (WHO) ဦးဆောင်တဲ့ စုံစမ်းရေးအဖွဲ့ဟာ ဇန်နဝါရီ ၃၀ ရက်က ဝူဟန်မြို့ဆေးရုံကို သွားရောက်ခဲ့ပါတယ်။ 

အဲဒီဆေးရုံဟာ ကပ်ရောဂါ စဖြစ်ချိန်က ကိုဗစ်လူနာတွေကို ကုသပေးတဲ့ အဓိက ဆေးရုံတွေထဲကတခု ဖြစ်ပါတယ်။ 

ဒါဟာ စုံစမ်းရေးအဖွဲ့ရဲ့ ဒုတိယနေ့ ကွင်းဆင်းလေ့လာမှုဖြစ်ပြီး ကျန်းမာရေးဆိုင်ရာ ကန့်သတ်ချက်တွေကြောင့် စုံစမ်းရေးအဖွဲ့ရဲ့ ဝူဟန်မြို့က အဆက်အသွယ်တွေကို တရုတ် အာဏာပိုင်တွေက လျှော့ချသွားမယ်လို့ WHO ပြောခွင့်ရ အမျိုးသမီးက ဆိုပါတယ်။

လက်ကျန် သီတင်းနှစ်ပတ်အတွင်း စုံစမ်းရေးအဖွဲ့ဟာ ဓာတ်ခွဲခန်းတွေ၊ ဈေးတွေနဲ့ ဆေးရုံတွေကို လေ့လာဖို့ စီစဉ်ထားပါတယ်။ သူတို့ရဲ့ ခရီးစဉ် အသေးစိတ်ကို မကြေညာပေမယ့် ကပ်ရောဂါ စဖြစ်ရာ ပင်လယ်စာဈေးနဲ့  ဝူဟန်ဗိုင်းရပ်စ်ဗေဒစင်တာကို သွားရောက်မယ်လို့  WHO  က ပြောထားပါတယ်။

WHO ဦးဆောင်တဲ့ ကပ်ရောဂါ ဇာစ်မြစ်စုံစမ်းရေးဟာ ကြန့်ကြာမှုတွေ၊ ဝင်ရောက်ခွင့်ရဖို့  စိုးရိမ်မှုတွေနဲ့ တရုတ်-အမေရိကန်ကြား ငြင်းခုံမှုတွေနဲ့ ရင်ဆိုင်ခဲ့ရတယ်လို့ ရိုက်တာက အစီရင်ခံပါတယ်။

4 months Ago
More News
Up