UEC

February 27, 2021

UEC နှင့် တွေ့ဆုံပွဲတက်ခဲ့သည့် ထားဝယ်တိုင်းရင်းသားများပါတီဥက္ကဋ္ဌကို ပါတီက ထုတ်ပယ်

စစ်ကောင်စီက ဖွဲ့စည်းထားတဲ့ ပြည်ထောင်စုရွေးကောက်ပွဲကော်မရှင် (UEC) နဲ့တွေ့ဆုံပွဲကို တက်ခဲ့တာကြောင့် ထားဝယ်တိုင်းရင်းသားများပါတီ ဥက္ကဋ္ဌကို ပါတီကနေ ထုတ်ပယ်လိုက်ပါတယ်။

ပါတီဥက္ကဋ္ဌ ဦးအေးမင်းဟာ မနေ့က လုပ်တဲ့ စစ်ကောင်စီ UEC နဲ့ ပါတီတွေ တွေ့ဆုံပွဲကို ပါတီဗဟိုအလုပ်အမှုဆောင် ကော်မတီနဲ့ အသိပေး ဆွေးနွေး သဘောတူညီမှုမယူဘဲ တယောက်တည်း ဆန္ဒအလျောက် တက်ရောက်ခဲ့တာကို စိစစ်သိရတယ်လို့ ပါတီက မနေ့က ထုတ်ပြန်ပါတယ်။

ဒါကြောင့် သူဟာ ပါတီဖွဲ့စည်းပုံစည်းမျဉ်းတွေချိုးဖောက်ခဲ့ပြီး နိုင်ငံတဝန်းဖြစ်ပေါ်နေတဲ့ ဒီမိုကရေစီအရေး လူထုလှုပ်ရှားမှုကို လျစ်လျူရှုတာ၊ ပြည်သူလူထုတရပ်လုံးရဲ့ သဘောထားဆန္ဒကို သွေဖည်တာ စတာတွေကြောင့် တာဝန်ကရပ်ဆိုင်းပြီး ပါတီကလည်း ထုတ်ပယ်လိုက်ပါတယ်။

ဦးအေးမင်းဟာ ပါတီရဲ့ ခိုင်ခိုင်မြဲမြဲစွဲကိုင်ထားတဲ့ ဖက်ဒရယ်ဒီမိုကရေစီ စံနှုန်းတွေကို လျစ်လျူရှု မစောင့်ထိန်းခဲ့ဘဲ သူ့လုပ်ရပ်ကြောင့် ပါတီဂုဏ်သိက္ခာလည်း ကျခဲ့ရတယ်လို့ ဆိုပါတယ်။

မနေ့ကလုပ်တဲ့ စစ်ကောင်စီ UEC နဲ့ ပါတီတွေ တွေ့ဆုံပွဲကို ၅၃ ပါတီတက်ရောက်ခဲ့ပြီး ၃၈ ပါတီကတော့ မရောက်ခဲ့ပါဘူး။

2 months Ago

January 25, 2021

နိုင်ငံတော်သမ္မတနှင့် UEC ကို ထောက်ခံကြောင်း ဆန္ဒထုတ်ဖော် (ဓာတ်ပုံ)

တတိယအကြိမ်လွှတ်တော်ကို ကြိုဆိုပြီး နိုင်ငံတော်သမ္မတနဲ့ ရွေးကောက်ပွဲကော်မရှင်ကို ထောက်ခံကြောင်း ဆန္ဒထုတ်ဖော်ပွဲကို ရန်ကုန်မြို့၊ မြို့တော်ခန်းမရှေ့ မှာ ဇန်နဝါရီ ၂၄ ရက်နေ့က  ပြုလုပ်ပါတယ်။

ဆန္ဒထုတ်ဖော်ပွဲကို အမျိုးသားဒီမိုကရေစီအဖွဲ့ချုပ်ပါတီကို သမ္မထောက်ခံတဲ့ နိုင်ငံရေး တက်ကြွလှုပ်ရှားသူတွေနဲ့ ဝန်းရံတဲ့  ပြည်သူတွေ စုပေါင်းပြုလုပ်ခဲ့ကြတာဖြစ်ပါတယ်။

Photo - Myo Min Soe / MPA 

3 months Ago
Up