Twilight

June 18, 2020

ဒိုင်ယာနာအကြောင်းရုပ်ရှင်တွင် Twilight မင်းသမီး ခရစ္စတင်းစတီးဝပ်သရုပ်ဆောင်မည်

Twilight ရုပ်ရှင်စီးရီးစ်တွေနဲ့ နာမည်ကြီးခဲ့တဲ့ ဟောလိဝုဒ် သရုပ်ဆောင်မင်းသမီး ခရစ္စတင်းစတီးဝပ်ဟာ ဗြိတိန်တော်ဝင်မင်းသမီး ဒိုင်ယာနာအနေနဲ့ ရုပ်ရှင်ကားသစ်တကားမှာ ပါဝင်သရုပ်ဆောင်သွားဖို့ ရှိနေပါတယ်။ ဒီရုပ်ရှင်ကားရဲ့ နာမည်ကိုတော့ Spencer လို့ အမည်ပေးထားခဲ့ပြီး ၁၉၉၀ ပြည့်နှစ် ကာလတွေက သတင်းစာမျက်နှာတွေပေါ်မှာ မင်းသမီးအနေနဲ့ ဗြိတိန်တော်ဝင်မင်းသား ချားလ်စ်နဲ့ လက်ထပ်ထိမ်းမြားခဲ့တာဟာ အလုပ်မဖြစ်ခဲ့ဘူးလို့ အမှန်တကယ်သိလာခဲ့တဲ့ အချိန်ကာလတွေကို ရိုက်ကူးပုံဖော်သွားမယ်လို့ သတင်းတွေမှာ ဖော်ပြပါတယ်။ ဒီကားကိုတော့ အော်စကာ ဆန်ကာတင် နာမည်ကြီးရုပ်ရှင်ကားတွေဖြစ်တဲ့ No၊ Jackie စတဲ့ ရုပ်ရှင်ကားတွေရဲ့ ဖန်တီးရှင် ဒါရိုက်တာ ပါ့ဘလိုလာရိန်းက ရိုက်ကူးပုံဖော်သွားမှာဖြစ်ပြီး ဇာတ်ညွှန်းပိုင်းကိုတော့ နာမည်ကြီး ရုပ်သံစီးရီးစ် Peaky Blinders ရဲ့ ဇာတ်ညွှန်းရေးဆရာ စတီဗင်နိုက်က တာဝန်ယူသွားမှာလို့ ဟောလိဝုဒ်သတင်းတွေက ဆိုပါတယ်။ ပါ့ဘလိုလာရိန်းကတော့ သရုပ်ဆောင်မင်းသမီး စတီးဝပ်ဟာ “ဒီကနေ့ခေတ်ရဲ့ အတော်ဆုံး သရုပ်ဆောင်တွေထဲက တယောက်ဖြစ်တယ်” လို့ ပြောပါတယ်။ ဒိုင်ယာနာစပင်ဆာဟာ မင်းသား ချားလ်စ်နဲ့ ၁၉၈၁ ခုနှစ်မှာ လက်ထပ်ထိမ်းမြားခဲ့ပြီး ၁၉၉၂ ခုနှစ်မှာတော့ ၂ ဦးသား ကင်းရှင်းနေခဲ့ကာ ၁၉၉၆ ခုနှစ်မှာတော့ ကွာရှင်းပြတ်စဲခဲ့ကြတာပါ။ အဲဒီနောက် ၁၉၉၇ ခုနှစ်မှာတော့ သူဟာ ပဲရစ်စ်မှာ ကားမတော်တဆမှုနဲ့ သေဆုံးသွားခဲ့တာ ဖြစ်ပါတယ်။ ခုတခါ ရုပ်ရှင်အနေနဲ့ ဖန်တီးမှုမှာတော့ ၂၀၀၈ ခုနှစ်ကနေ ၂၀၁၂ ခုနှစ်အထိ Twilight ရုပ်ရှင်စီးရီးစ်တွေမှာ ဘယ်လာဆွမ်းဇာတ်ကောင်နဲ့ အောင်မြင်ခဲ့ပြီး ပြီးခဲ့တဲ့နှစ်ကလည်း ပြန်လည်ရိုက်ကူးတဲ့ နာမည်ကြီးရုပ်ရှင် Charlie's Angels မှာ သရုပ်ဆောင်အ ရည်အသွေးပြနိုင်ခဲ့တဲ့ ခရစ္စတင်းစဆတီးဝပ်ရဲ့ သရုပ်ဆောင်မှုတွေနဲ့ ရှုစားကြရမှာ ဖြစ်ပါတယ်။ ရိုက်ကူးရေးလုပ်ငန်းတွေကိုတော့ လာမယ့် ၂၀၂၁ ခုနှစ် အစောပိုင်းလောက်မှာမှ စတင်နိုင်မယ်လို့ ခန့်မှန်းထားကြပါတယ်။
1 year Ago

May 16, 2018

ေဒါက္ဖိနပ္ခၽြတ္၊ ေျခဗလာျဖင့္ ပြဲတက္ခဲ့သည့္အတြက္ နာမည္ႀကီးေနသည့္ Twilight မင္းသမီး (႐ုပ္သံ)

နာမည္ေက်ာ္ Twilight ႐ုပ္ရွင္ကားေတြရဲ႕ ပင္တိုင္သ႐ုပ္ေဆာင္ မင္းသမီး ခရစၥတန္စတီးဝပ္တ္ဟာ ႐ုပ္ရွင္ပြဲေတာ္တခုကို တက္ေရာက္ခ်ိန္မွာ ေဒါက္ျမင့္ဖိနပ္ကို ခၽြတ္ၿပီး ေျခဗလာနဲ႔ ပြဲတက္ခဲ့လို႔ အင္တာနက္စာမ်က္ႏွာေတြေပၚမွာ နာမည္ႀကီးေနခဲ့ပါတယ္။ သူဟာ နာမည္ေက်ာ္ ကန္းစ္႐ုပ္ရွင္ပြဲေတာ္ကို တက္ေရာက္လာခဲ့တာျဖစ္ၿပီး အခုႏွစ္ရဲ႕ ဂ်ဴရီအဖြဲ႔ဝင္တဦးလည္း ျဖစ္ပါတယ္။ ႐ုပ္သံဗြီဒီယိုဖိုင္ထဲမွာေတာ့ သတင္းမီဒီယာေတြေရွ႕မွာ ၿပံဳးျပၿပီး ဓာတ္ပံုအ႐ုိက္ခံခဲ့ၿပီးေနာက္မွာ သူစီးလာတဲ့ အနက္ေရာင္ Louboutin ေဒါက္ျမင့္ဖိနပ္ကို ခၽြတ္ၿပီး ေကာ္ေဇာနီေပၚ ေလွ်ာက္လွမ္းသြားခဲ့တာကို ေတြ႔ရပါတယ္။ မင္းသမီးဟာ ၿပီးခဲ့တဲ့ႏွစ္ကလည္း အေျပးေလ့က်င့္တဲ့ အားကစားဖိနပ္နဲ႔ ပြဲတက္ခဲ့လို႔ နာမည္ႀကီးခဲ့ပါေသးတယ္။ “အ႐ုိးသားဆံုးေျပာရရင္ လူတိုင္း ဖိနပ္ပါး စီးသင့္တာပဲ။ ဘယ္လိုပဲျဖစ္ျဖစ္ က်မတို႔ ေဒါက္ဖိနပ္အျမင့္ႀကီးေတြ မစီးသင့္ဘူးေလ။ ဒါ က်မရဲ႕အျမင္ပါ။” စတီးဝပ္တ္က ေကာ္ေဇာနီေပၚမွာ ေျခဗလာနဲ႔ ပြဲတက္ခဲ့တဲ့ ပထမဆံုးတေယာက္ေတာ့ မဟုတ္ပါဘူး။ ၿပီးခဲ့တဲ့ ၂၀၁၆ ခုႏွစ္၊ ကန္းစ္႐ုပ္ရွင္ပြဲေတာ္မွာလည္း သ႐ုပ္ေဆာင္ မင္းသမီးႀကီး ဂ်ဴလီယာ ေရာဘတ္စ္ဟာ ေျခဗလာနဲ႔ ခုလိုပဲ ပြဲတက္ခဲ့ဖူးပါေသးတယ္။
3 years Ago
Up