Stay at Home

March 5, 2021

မန္တ​လေးတိုင်း Stay at Home မြို့နယ်​များက ဝန်ထမ်း​များ တာဝန်ပြန်ထမ်း​ရန် စာထုတ်

မန္တ​လေးတိုင်းအတွင်း ကိုဗစ်-၁၉ ကူးစက်​ရောဂါ​ကြောင့် NLD အစိုးရလက်ထက်က သတ်မှတ်ခဲ့တဲ့ stay at home မြို့နယ်​တွေက ဝန်ထမ်း​တွေအားလုံး ရုံးပြန်တက်ကြဖို့ အာဏာသိမ်း စီမံအုပ်ချုပ်​ရေး​ကောင်စီက ​ဖေ​ဖော်ဝါရီ ၂၅ ရက်​နေ့ ရက်စွဲနဲ့ ညွှန်ကြားလာတယ်လို့ သိရပါတယ်။

တိုင်းနဲ့ပြည်နယ်​တွေမှာ တာဝန်ထမ်း​ဆောင်​နေတဲ့ ဝန်ထမ်း​တွေမှာ ကိုဗစ်-၁၉ ကူးစက်မှုကို အထိုက်အ​လျောက် ထိန်းချုပ်လာနိုင်​ကြောင်း စိစစ်​တွေ့ရှိရတာ​ကြောင့် ​နေပြည်​တော်မှာ တာဝန်ထမ်း​ဆောင်​နေတဲ့ ဝန်ထမ်း​တွေနဲ့ တိုင်းနဲ့ပြည်နယ်​တွေက stay at home အစီအစဥ်​မှာ အကျုံးဝင်ခြင်း မရှိတဲ့ မြို့နယ်​တွေက ရုံးနဲ့ ဌာနဆိုင်ရာ ဝန်ထမ်း​တွေအ​နေနဲ့ နှစ်ပတ်ရုံးတက်၊ နှစ်ပတ် အိမ်မှာ​နေကာ ရုံးလုပ်ငန်း​ဆောင်ရွက်​စေတဲ့ အစီအစဥ်ကိုလည်း ပြန်လည်ရုပ်သိမ်းကာ မူလအင်အားအတိုင်း အပြည့်အဝ တာဝန်ပြန်လည်ထမ်း​ဆောင်ကြဖို့ ညွှန်ကြားစာမှာ ပါရှိပါတယ်။

အခုအချိန်မှာ ရန်ကုန်တိုင်း​နဲ့ အခြား​ဒေသ​တွေက stay at home မြို့နယ်​တွေမှာလည်း ကိုဗစ်-၁၉ ကူးစက်မှုကို ထိန်းချုပ်လာနိုင်ပြီ ဖြစ်တာ​ကြောင့် အဆိုပါမြို့နယ်​တွေမှာ တာဝန်ထမ်း​ဆောင်​နေတဲ့ ဝန်ထမ်း​တွေအ​နေနဲ့ နှစ်ပတ်နား နှစ်ပတ် ရုံးတက် အစီအစဥ်ကို ရုပ်သိမ်းပြီး မူလအင်အားအတိုင်း ရုံးတက်ကြဖို့ Coronavirus Disease 2019(Covid 19) ကာကွယ်၊ထိန်းချုပ် ကုသ​ရေး ဗဟို​ကော်မတီက​နေ ​ဖေ​ဖော်ဝါရီ ၂၄ ရက်​နေ့ ရက်စွဲပါ စာနဲ့ သိရှိလိုက်နာကြဖို့ အ​ကြောင်းကြားခဲ့တာလို့ ပါရှိပါတယ်။

မန္တ​လေးတိုင်း ​ဒေသကြီးမှာ​တော့ ကျန်းမာ​ရေး ဝန်ထမ်း အားလုံးနီးပါး အပါအဝင် ဌာနဆိုင်ရာ ဝန်ထမ်း အများအပြားဟာ စစ်အာဏာရှင်​ ​တော်လှန်​ရေး CDM အစီအစဥ်မှာ ပါဝင်​​နေကြတာလည်း ဖြစ်ပါတယ်။

စစ်တပ်က အာဏာသိမ်းလိုက်ပြီး​နောက်ပိုင်း မန္တ​လေးမြို့က အစိုးရ ​ဆေးရုံကြီး​တွေအားလုံးနီးပါးကို ပိတ်ထားလိုက်ပြီး ကုသမှု အားလုံး ရပ်ဆိုင်းလိုက်ကြတာဖြစ်ပါတယ်။

ဒါ့အပြင် ကိုဗစ်-၁၉ ကူးစက်မှုအတွက် ကူညီ​ပေး​နေတဲ့ အရပ်ဘက် အဖွဲ့အစည်း​တွေ၊​ စေတနာ့ဝန်ထမ်း​တွေ အားလုံးဟာလည်း ဆက်လက် မကူညီကြ​တော့ပဲ ရပ်တန့်ထားကြပါတယ်။

NLD အစိုးရလက်ထက်မှာ ကိုဗစ်-၁၉ ကူးစက်မှု​တွေကို ​​နေ့စဥ် သတင်းထုတ်ပြန်ခဲ့​ပေမယ့် အာဏာသိမ်း စစ်​ကောင်စီ လက်ထက်မှာ​တော့ တိကျတဲ့ စာရင်းဇယား​တွေကို ထုတ်ပြန်​ပေးခြင်း မရှိခဲ့ပါဘူး။
ထိန်ထိန်လင်း

4 months Ago

January 27, 2021

ကယ်လီဖိုးနီးယားတွင် Stay at home အမိန့် ပြန်ရုပ်သိမ်း

အမေရိကန်နိုင်ငံ ကယ်လီဖိုးနီးယားပြည်နယ်မှာ ပြည်သူတွေ အိမ်ထဲမှာပဲ နေရမယ့် Stay at home  အမိန့်ကန့်သတ်ချက်ကို ဇန်နဝါရီ ၂၅ ရက်မှာ ပြန်ရုပ်သိမ်းလိုက်ပါတယ်။

အဲဒီနောက် မြို့နယ်တွေကိုလည်း အဆင့်သတ်မှတ်ချက်အလိုက် ပြန်ဖွင့်ပေးမယ့် မူဘောင်အတိုင်း စိစစ်နေပါတယ်။

ဒေသတွင်းက ဆေးရုံတွေမှာ အထူးကြပ်မတ်ကုသဆောင်အတွင်း လူနာခုတင် နေရာလွတ်တွေ ပြန်ရလာလို့ ကန့်သတ်ချက်ကို ပယ်ဖျက်ဖို့ ပြည်နယ်အုပ်ချုပ်ရေးမှူးက ဆုံးဖြတ်ခဲ့တာပါ။

နေရာအများစုမှာ ခရမ်းပြာရောင်အဆင့် သတ်မှတ်ထားလို့ ဆံပင်ညှပ်ဆိုင်တွေနဲ့ လေဟာပြင် စားသောက်ဆိုင်တွေ ပြန်ဖွင့်ခွင့်ရနိုင်ပါတယ်။ လူမှုရေးစုရုံးခွင့်နဲ့ စီးပွားရေးလုပ်ငန်းတွေအပေါ်တော့ ဆက်လက်ကန့်သတ်ထားပါတယ်။

အမေရိကန်ရဲ့ လူအထူဆုံး ပြည်နယ် ကယ်လီဖိုးနီးယားဟာ ကပ်ဘေးရဲ့ ဗဟိုချက်အဖြစ် ဦးဆောင်နေခဲ့တာပါ။

အမေရိကန်ပြည်ထောင်စု  ပြည်နယ်အသီးသီးမှာ ကာကွယ်ဆေးတွေ ဖြန့်ဖြူးနေပေမယ့် တနင်္ဂနွေနေ့က ကူးစက်ခံဦးရေ စုစုပေါင်း ၂၅ သန်း ကျော်သွားခဲ့ပြီး ကာလီဖိုးနီးယားပြည်နယ် မှာတော့ ကူးစက်ခံဦးရေ ၃ ဒသမ ၁ သန်း ကျော်ခဲ့ပါတယ်။

5 months Ago
More News
Up