PDF တပ်ဖွဲ့ဝင်

September 14, 2021

ဒီးမော့ဆိုတိုက်ပွဲ PDF တပ်ဖွဲ့ဝင် ၂ ဦးကျဆုံး၊ စစ်ကောင်စီဘက်က ၃ ဦးကျဆုံး

ကယားပြည်နယ်၊ ဒီးမော့ဆိုမြို့နယ် ကဒါးလာကျေးရွာမှာ စက်တင်ဘာ ၁၄ ရက် ဒီကနေ့မနက် ၅ နာရီခွဲကနေ ၉ နာရီအထိ တိုက်ပွဲဖြစ်ပွားခဲ့ပြီး ဒေသခံ PDF တပ်သား  ၂ ဦး ကျဆုံးခဲ့တယ်လို့  ပြည်သူ့ကာကွယ်ရေးတပ် - ဒီးမော့ဆိုက သတင်းထုတ်ပြန်ပါတယ်။

ဒီကနေ့မနက် တိုက်ပွဲမှာ စစ်ကောင်စီ အကြမ်းဖက်တပ်ဖွဲ့တွေနဲ့   PDF၊ KNDF နဲ့ KA ပူးပေါင်းတပ်တို့ အပြန်အလှန်ပစ်ခတ် တိုက်ခိုက်ကြတာ ဖြစ်ပါတယ်။

တိုက်ပွဲမှာ ပြည်သူ့ကာကွယ်ရေးတပ်ဘက်က ၂ ဦးကျဆုံးပြီး ၂ ဦး ဒဏ်ရာရခဲ့သလို စစ် ကောင်စီဘက်ကလည်း  ၃ ဦးထက်မနည်းကျဆုံး ဒဏ်ရာရရှိတယ်လို့ ခန့်မှန်း ဖော်ပြပါတယ်။

ကျဆုံးသွားတဲ့ ပြည်သူ့ကာကွယ်ရေးတပ် PDF တပ်သားတွေကတော့  မောင်ဆီးမိုး(ခ)အောင်နိုင်နဲ့ မောင်ပီတာ တို့ဖြစ်တယ်လို့  ဒီးမော့ဆို ပြည်သူ့ကာကွယ်ရေးတပ်က ထုတ်ပြန်ထားပါတယ်။

1 week Ago

June 14, 2021

မြန်အောင်တွင် PDF တပ်ဖွဲ့ဝင်ဟုစွပ်စွဲပြီး အမျိုးသား ၆ ဦးကို ဖမ်းဆီး

ဧရာဝတီတိုင်း၊ မြန်အောင်မြို့နယ်မှာ ပြည်သူ့ကာကွယ်ရေးတပ်ဖွဲ့ - PDF အဖွဲ့ဝင်လို့ သံသယရှိသူ  အမျိုးသား ၆ ယောက်ကို အကြမ်းဖက်စစ်ကောင်စီတပ်တွေက ဇွန် ၁၂ ရက်က ဖမ်းဆီးခဲ့ပါတယ်။

သတင်းအတိအကျရတဲ့အတွက်  ဘန့်ဘွေးကုန်းကျေးရွာအနီးက တောထဲကို စစ်ကောင်စီက ဝင်ရောက်စီးနင်းရှာဖွေဖမ်းဆီးခဲ့တာလို့ ဒေသခံတွေက ပြောပါတယ်။

“ဘန်ဘွေးကုန်းတောထဲ တောနင်းရှာလို့ မိတာ။ သူတို့ ထုတ်ပြန်တာက တောထဲမှာ ၆ ယောက် မိတယ် ပြောတယ်။ ကျနော်တို့သိတာတော့ ၆ ယောက်စလုံး အတူတူ မိတာမဟုတ်ဘူး။ တပ်က ဖမ်းပြီးစစ်တဲ့နောက် အဖမ်းခံတဲ့သူတွေက ဖော်လို့ နောက်ဆက်တွဲတွေ ထပ်ဖမ်းတာ”လို့ ဒေသခံတစ်ဦးက ပြောပါတယ်။

မြန်အောင် PDF နဲ့ပတ်သက်ပြီး  စစ်တပ်က  လူ ၈ ဦးကို ဖမ်းဆီးခဲ့တာဖြစ်ပြီး သတင်းထုတ်ပြန်ရာမှာ ၆ ဦးပဲ ဖော်ပြထားကာ ၂ ဦး ပျောက်နေတယ်လို့ ဆိုပါတယ်။ ဒါ့အပြင်  ဖမ်းဆီးရမိသူတွေကို တပ်အချုပ်ထဲမှာ ထိန်းသိမ်းစစ်ဆေးရာမှာ ညှဉ်းပန်းနှိပ်စက်တာတွေ ပြုလုပ်ခဲ့တယ်လို့ သိရပါတယ်။

ရဲတပ်ဖွဲ့သတင်းမှာတော့ PDF အဖွဲ့ဝင်လို့ ယူဆရသူတွေကို တောထဲမှာ ဝင်ရောက်ဖမ်းဆီးချိန် ပွိုင့် 22 ပစ္စတိုသေနတ်  ၂ လက်၊ ဂက်စ်သေနတ် ၂ လက်၊ တူမီးပြောင်း ၇၉ ချောင်း၊ လက်လုပ်ဗုံး ပီနံအိတ်နဲ့ ၄ လုံး၊ ဆိုင်ကယ် ၄ စီးတို့ကို သိမ်းဆည်းရမိခဲ့တယ်လို့ ရေးသားထားပါတယ်။

3 months Ago
Up