NLD အမတ်

February 19, 2022

ဘီးလင်း NLD အမတ် ဒေါ်သီရိရတနာ၏ နေအိမ် ချိပ်ပိတ်ခံရ

မွန်ပြည်နယ်၊ ဘီးလင်းမြို့၊ ကန်သာယာရပ်ကွက်ရှိ ဘီးလင်းမြို့နယ် လွှတ်တော်ကိုယ်စားလှယ် ဒေါ်သီရိရတနာရဲ့ နေအိမ်ကို ဖေဖော်ဝါရီ ၁၈ ရက် ညနေပိုင်းမှာ စစ်ကောင်စီက လာရောက်ချိပ်ပိတ်သွားခဲ့တယ်လို့  အန်အယ်လ်ဒီ ပါတီနဲ့ နီးစပ်သူတွေက DVB ကို ပြောပါတယ်။

စစ်ကောင်စီကတော့ ဒေါ်သီရိရတနာဟာ အကြမ်းဖက်အဖွဲ့အစည်းနဲ့ ဆက်စပ်နေတယ်ဆိုတဲ့ အကြောင်းပြချက်နဲ့ နေအိမ်ကို လာရောက် ချိပ်ပိတ်သွားခဲ့တာ ဖြစ်ပါတယ်။ ဒေသခံတွေအဆိုအရ စစ်ကောင်စီဘက်က လာရောက်ချိပ်ပိတ်သွားတဲ့ နေအိမ်ဟာ မိသားစုပိုင်ဆိုင်တဲ့ နေအိမ်ဖြစ်ပြီး ဒေါ်သီရိရတနာ နေအိမ် မဟုတ်ဘူးလို့ ဆိုပါတယ်။

ဒေါ်သီရိရတနာဟာ စစ်တပ် အာဏာသိမ်းပြီးနောက် ပုဒ်မ ၅၀၅(က) နဲ့ အမှုဖွင့်ခံထားရတာကြောင့် ထွက်ပြေးတိမ်းရှောင်နေတာ ဖြစ်ပါတယ်။

ဒေါ်သီရိရတနာဟာ ဘီးလင်းမြို့နယ် အမျိုးသားလွှတ်တော် ကိုယ်စားလှယ်အဖြစ် ၂၀၁၅ နဲ့ ၂၀၂၀ အထွေထွေရွေးကောက်ပွဲမှာ အနိုင်ရရှိခဲ့ ကိုယ်စားလှယ်တစ်ဦးလည်း ဖြစ်ပါတယ်။

မွန်ပြည်နယ်မှာတော့ စစ်ကောင်စီဟာ ပြီးခဲ့တဲ့ ရက်ပိုင်းကလည်း NLD ပါတီ အမာခံ နေအိမ်နဲ့ စားသောက်ဆိုင်တွေကို လာရောက် ချိပ်ပိတ်ထားခဲ့ပါတယ်။

12 months Ago

November 14, 2021

သထုံ NLD အမတ်အမှု ယခုလကုန် အမိန့်ချမည်

ကျိုက်မရောဗဟို အကျဉ်းထောင်မှာ ဖမ်းဆီးထိန်းသိမ်းခံထားရတဲ့ သထုံမြို့နယ် ပြည်နယ် လွှတ်တော် ကိုယ်စားလှယ် ဒေါ်မာမာခိုင် အမှုကို အခုလကုန်မှာ အမိန့်ချမှတ်သွားမယ်လို့ မိသားစုဝင်တွေက DVB ကို ပြောပါတယ်။

အမျိုးသားဒီမိုကရေစီအဖွဲ့ချုပ် NLD ပါတီ လွှတ်တော်ကိုယ်စားလှယ် ဒေါ်မာမာခိုင်ကို စစ်ကောင်စီက ဝန်ထမ်းတွေ CDM မှာ ပါဝင်ဖို့ လှုံ့ဆော်တာ၊ စစ်အာဏာရှင် ဆန္ဒပြပွဲ ဦးဆောင်ခဲ့တယ်ဆိုတဲ့ စွဲဆိုချက်တွေနဲ့ ပုဒ်မ ၅၀၅(က)နဲ့ အမှုဖွင့်ထားတာ ဖြစ်ပါတယ်။

NLD အမတ် ဒေါ်မာမာခိုင်ကို ပြီးခဲ့တဲ့ ဇွန်လ ၁၁ ရက်နေ့မှာ စစ်ကောင်စီက ရာဇသတ်ကြီး ဥပဒေ ပုဒ်မ ၅၀၅(က) နဲ့ စွဲချက်တင် အမိန့်ချမှတ်ထားတာ ဖြစ်ပါတယ်။

လက်ရှိမှာတော့ ဒေါ်မာမာခိုင်အမှုအတွက် တရားခံပြ သက်သေတွေကို ဆက်လက် စစ်ဆေးနေပြီး၊ နိုဝင်ဘာလကုန်မှာ အမိန့်ချသွားဖို့ တရားရုံးဘက်က စီစဉ်ထားတယ်လို့ မိသားစုဝင်တစ်ဦးက ပြောပါတယ်။

ဒေါ်မာမာခိုင်နဲ့ ခင်ပွန်းဖြစ်သူ သထုံ NLD ပါတီ အလုပ်မှုဆောင်အဖွဲ့ ဦးဉာဏ်ထွန်းကို စစ်ကောင်စီက ပြီးခဲ့တဲ့ ဖေဖာ်ဝါရီ ၂၈ ရက်က နေအိမ်မှာ လာရောက်ဖမ်းဆီးသွားပြီးနောက် ပုဒ်မ ၅၀၅(က)နဲ့ ၂ ဦးစလုံးကို အမှုဖွင့်အရေးယူခဲ့တာ ဖြစ်ပါတယ်။

ဒါပေမယ့် ခင်ပွန်းဖြစ်သူ ဦးဉာဏ်ထွန်းကိုတော့ စစ်ကောင်စီက ပြီးခဲ့တဲ့ အောက်တိုဘာလမှာ အမှုပိတ်သိမ်းပြီး ပြန်လွှတ်ပေးထားတာ ဖြစ်ပါတယ်။

1 year Ago
More News
Up