Covid-19

March 14, 2021

ကမ္ဘာတဝန်း ကိုဗစ်-၁၉ ရောဂါကူးစက်ခံရသူ သန်း ၁၂၀ ကျော်လာ၊ အမေရိကန်က သန်း ၃၀ ကျော်ဖြင့် အများဆုံးဖြစ်

ကမ္ဘာတဝန်း ကိုဗစ်-၁၉ ရောဂါကူးစက်ခံရသူ စုစုပေါင်း ၁၁၆ သန်းကျော်ရှိလာခဲ့ပြီး အမေရိကန်နိုင်ငံက သန်း ၃၀ ကျော်နဲ့ ကူးစက်ခံရမှု အမြင့်ဆုံးနိုင်ငံ ဖြစ်နေပါတယ်။

တကမ္ဘာလုံးအတိုင်းအတာနဲ့ ရောဂါကူးစက်ခံရပြီး သေဆုံးသူ ၂ ဒသမ ၆၅ သန်းကျော်နဲ့ ရောဂါပြန်လည်ပျောက်ကင်းလာသူအရေအတွက် ၉၆ ဒသမ ၅၈ သန်းကျော် ရှိ နေတာပါ။

ရောဂါဖြစ်ပွားမှု အမြင့်ဆုံးနိုင်ငံတွေထဲမှာတော့ အမေရိကန်နိုင်ငံက ကူးစက်ခံရသူ သန်း ၃၀ ကျော်၊ သေဆုံးသူ ၅ သိန်း ၄ သောင်းကျေ ရှိနေပြီး သူ့နောက်မှာတော့ ဘရာဇီးနိုင်ငံက ကူးစက်ခံရသူ ၁၁ ဒသမ ၄ သန်းကျော်၊ သေဆုံးသူ ၂ သိန်း ၇ သောင်းကျော်နဲ့ ရှိနေတာ ဖြစ်ပါတယ်။

တတိယနေရာမှာတော့ အိန္ဒိယနိုင်ငံက ကိုဗစ်-၁၉ ရောဂါကူးစက်ခံရသူ ၁၁ ဒသမ ၃ သန်းကျော်၊ သေဆုံးသူ ၁ သိန်းခွဲကျော်နဲ့ ထိပ်ဆုံး ၃ နိုင်ငံ အနေနဲ့ အသီးသီး ရပ်တည်နေပါတယ်။

အဲဒီ ၃ နိုင်ငံနောက်မှာတော့ ရုရှား၊ ယူကေနဲ့ ပြင်သစ်နိုင်ငံတွေက ကူးစက်ခံရသူ ၄ သန်းကျော်စီ၊ အီတလီနဲ့ စပိန်နိုင်ငံတွေက ကူးစက်ခံရသူ ၃ သန်းကျော်စီ၊ တူရကီ၊ ဂျာ မနီ၊ ကိုလံဘီယာ၊ အာဂျင်တီးနား၊ မက္ကဆီကိုနိုင်ငံတွေက ကူးစက်ခံရသူ ၂ သန်းကျော်စီ ရှိနေတာ ဖြစ်ပါတယ်။

အဲဒီနောက်မှာတော့ ပိုလန်၊ အီရန်၊ တောင်အာဖရိက၊ ယူကရိန်း၊ အင်ဒိုနီးရှား၊ ပီရူး၊ ချက်သမ္မတနိုင်ငံတွေနဲ့အတူ နယ်သာလန်နိုင်ငံမှာလည်း ကိုဗစ်-၁၉ ရောဂါ ကူးစက်ခံရသူ အရေအတွက် ၁ သန်းကျော်လာခဲ့ပြီ ဖြစ်တာမို့ ခုချိန်ထိ ကမ္ဘာတဝန်း ကိုဗစ်-၁၉ ရောဂါ ကူးစက်ခံရသူ ဦးရေ ၁ သန်းကျော်လာခဲ့တဲ့ နိုင်ငံပေါင်း ၂၁ နိုင်ငံထိ ရှိလာခဲ့ပြီလို့ Worldometers ဝက်ဘ်ဆိုက်ဒ်မှာ ဖော်ပြထားပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အ ရေအတွက် ၉ သောင်းကျော်၊ စုစုပေါင်း သေဆုံးသူ ၄,၆၃၆ ယောက်နဲ့ နိုင်ငံအလိုက် အ မှတ်စဉ် ၈၆ နေရာထိ ကျဆင်းသွားခဲ့ပါတယ်။

အာရှဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါကူးစက်ပြန့်ပွားမှု အမြင့် ဆုံး အိန္ဒိယ၊ တူရကီ၊ အီရန်၊ အင်ဒိုနီးရှားနိုင်ငံတွေပြီးရင် အစ္စရေးနိုင်ငံက ရောဂါကူးစက်ခံရသူဦးရေ ၈ သိန်းကျော်၊ အီရတ်နိုင်ငံက ၇ သိန်းကျော်၊ ဖိလစ်ပိုင်နဲ့ ပါကစ္စတန်နိုင်ငံတွေက ရောဂါကူးစက်ခံရသူ ဦးရေ ၆ သိန်းကျော်စီနဲ့ အသီးသီး ကူးစက်ခံထားရတာ ဖြစ်ပါတယ်။

မြန်မာ့အိမ်နီးချင်း ဘင်္ဂလားဒေ့ရှ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ စုစု ပေါင်း ၅ သိန်းခွဲကျော်နဲ့ သေဆုံးသူ ၈,၅၂၇ ယောက် ရှိနေတာပါ။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၁၄၂,၁၃၆ ယောက်၊ သေဆုံး သူ ၃,၂၀၁ ယောက်နဲ့ ဆေးရုံက ဆင်းခွင့်ရ သူပေါင်း ၁၃၁,၇၃၆ ယောက်ရှိနေပြီး အာဆီယံနိုင်ငံ တွေထဲမှာ ကိုဗစ်-၁၉ ရောဂါကူးစက်ခံရပြီး သေဆုံးမှုအများဆုံး ၃ နိုင်ငံထဲမှာ ပါဝင်နေပါတယ်။

မလေးရှားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၃ သိန်း ၂ သောင်းကျော်နဲ့ သေဆုံးသူ ၁,၂၀၆ ယောက် ရှိပါတယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၆ သောင်းကျော်နဲ့ ခု ရက်ပိုင်း သေဆုံးသူအရေအတွက်အယောက် ၃၀ ရှိနေတာ ဖြစ်ပါတယ်။

မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၂ သောင်း ၇ ထောင်နီးပါးနဲ့ သေဆုံးသူ ၈၆ ယောက် ရှိနေပါ တယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၂,၅၅၃ ယောက်နဲ့ သေဆုံးသူအရေအတွက် ခုရက်ပိုင်းမှာ တိုးမလာဘဲ ၃၅ ယောက် ရှိနေပြီး ဘရူ နိုင်းနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁၉၂ ယောက်နဲ့ သေဆုံး သူ ၃ ယောက် ရှိနေတာပါ။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁,၃၀၅ ယောက်နဲ့ သေဆုံးသူ ၁ ယောက်ရှိလာခဲ့ပြီဖြစ်ပြီး လာအိုနိုင်ငံမှာတော့ ရောဂါကူးစက်ခံရသူ ၄၈ ယောက် ရှိနေပေမယ့် သေဆုံးလူနာ ခုချိန်ထိ မရှိသေးပါဘူး။

2 months Ago

January 10, 2021

COVID-19 ကာကွယ်ဆေးက တတိယလှိုင်းကို တားဆီးနိုင်ပါ့မလား

မြန်မာနိုင်ငံမှာ COVID-19 ရောဂါ ကူးစက်ခံရသူအရေအတွက်က ဆက်တိုက်ကျဆင်းလာနေပါတယ်။ ယခုရက်တွေမှာဆိုရင် ပျမ်းမျှအားဖြင့် ရောဂါပိုး စစ်ဆေးခံရသူအရေအတွက်ရဲ့ ၅% အောက် ပမာဏမှာသာ Positive လူနာတွေ တွေ့ရတော့တာမို့ အခြေအနေတိုးတက်လာနေပြီလို့ဆိုရမှာပါ။ ဒါပေမယ့် ဒီလိုအချိန်မျိုးနဲ့တိုက်ဆိုင်စွာ နိုင်ငံတကာမှာ ဗီဇကွဲမျိုးစိတ်သစ်တစ်ခု ထပ်မံပေါ်ထွက်လာတာမို့ တစ်ကမ္ဘာလုံးမှာ တတိယလှိုင်းဆိုတဲ့ စကားစုက ခေတ်စားလာနေပါတယ်။ မျိုးစိတ်သစ်ဟာ ကူးစက်နိုင်စွမ်းမြန်ဆန်သလို ကာကွယ်တားဆီးနိုင်စွမ်း မရှိလိုက်ခင်မှာတင် ကမ္ဘာအနှံ့က တိုင်းပြည်တစ်ချို့ဆီကို ရောက်ရှိသွားတာပါ။ အိမ်နီးချင်းထိုင်းနိုင်ငံတွေမှာ ဒီရောဂါပိုးတွေ့ရှိသူတွေရှိလာနေပြီမို့ မြန်မာနိုင်ငံထံကိုလည်း မကြာခင်မှာ ဝင်ရောက်မလာဘူးလို့ ပြောမရတဲ့အခြေအနေပါ။ မြန်မာနိုင်ငံနဲ့ ထိုင်းနိုင်ငံနဲ့က နယ်နိမိချင်းထိစပ်မှုရှည်လျားပြီး ကုန်သွယ်ရေးနဲ့ ရွှေ့ပြောင်းလုပ်သားကိစ္စတွေကြောင့် နေ့စဉ်ဝင်ထွက်သွားလာမှုတွေ မပြတ်ရှိနေတဲ့ အခြေအနေမျိုးကလည်း ရှိနေတယ်မဟုတ်လား။ တကယ်လို့ COVID-19 မျိုးစိတ်သစ်သာ ပြည်တွင်းကိုရောက်ရှိလာမယ်ဆိုရင် စည်းကမ်းပိုင်းလျော့ရဲနေပြီဖြစ်တဲ့ ခုလိုကာလမျိုးမှာ တတိယလှိုင်းဖြစ်လာနိုင်ခြေက သိပ်ကိုမြင့်မားသွားမှာပါ။ ဒီအခြေအနေမှာ လူတိုင်းက မျှော်လင့်နေကြတာကတော့ ကာကွယ်ဆေး ခပ်မြန်မြန်ထိုးနိုင်ဖို့ပါပဲ။ ကာကွယ်ဆေးတွေက မျိုးစိတ်မျိုးကွဲတွေအားလုံးကို ကာကွယ်ပေးနိုင်တယ်လို့ တချို့သော ပညာရှင်တွေက ပြောဆိုထားတာကြောင့်ပါ။ COVID-19 ကာကွယ်ဆေးတွေက ကာကွယ်ပေးနိုင်မှာလား ဗြိတိန်နိုင်ငံဟာ ကမ္ဘာပေါ်မှာ လူထုကို ကာကွယ်ဆေးထိုးပေးနိုင်တဲ့ ပထမဆုံး တိုင်းပြည်ဖြစ်ပါတယ်။ ဒီလိုကာကွယ်ဆေးထိုးနှံမှုလုပ်ငန်းစဉ်ကို လုပ်ဆောင်နေချိန်မှာ မျိုးဗီဇပြောင်းလဲလာတဲ့ ရောဂါပိုးသစ်ကို စတင်တွေ့ရှိခဲ့တာပါ။ အစပိုင်းတွေတုန်းကဆိုရင် ပိုးအသစ်က ကာကွယ်ဆေးတွေနဲ့များ ပတ်သက်နေလားဆိုပြီး ယုန်ထင်ကြောင်ထင် ထင်ကြတာမျိုးတွေတောင် ရှိခဲ့ဖူးပါတယ်။ တကယ်တော့ ပိုးအသစ်က သဘာဝအတိုင်း မျိုးဗီဇပြောင်းလဲသွားတာသာဖြစ်ပြီးတော့ ကာကွယ်ဆေးထိုးနံချိန်နဲ့ တိုက်ဆိုင်သွားတာကတော့ ထန်းသီးကျွေခိုက် ကျီးနင်းခိုက်အခြေအနေလို့သာဆိုရမှာပါ။ ဒါပေမယ့်လည်း ဒီလိုတိုက်ဆိုင်မှုတွေကြောင့် ကာကွယ်ဆေးတွေက မျိုးစိတ်သစ်ကို ကာကွယ်နိုင်စွမ်းရှိရဲ့လားဆိုတာကို မေးခွန်းတွေ ထွက်ပေါ်လာခဲ့သလို တတိယလှိုင်းဖြစ်လာတာ့မှာလားဆိုတဲ့ စိုးရိမ်ပူပန်မှုတွေလည်း မြင့်တက်လာခဲ့တာဖြစ်ပါတယ်။ ကနေဒါ၊ စပိန်စတဲ့တိုင်းပြည်တွေကတော့ တတိယလှိုင်းကို ကာကွယ်ဖို့ ကာကွယ်ဆေးထိုးနှံမှုကို အရှိန်မြှင့်တင်မယ်လို့ တရားဝင်ကြေညာခဲ့ပေမယ့်လည်း ကာကွယ်ဆေးအများစုဟာ ၂ ကြိမ်ထိုးနှံရပြီး ကာကွယ်ဆေး တစ်လုံးနဲ့ တစ်လုံးအကြား ၂ ပတ်ဝန်းကျင်အချိန်ယူရတာက ရောဂါကပ်ဘေးကို ကာကွယ်ရေးမှာ အတိုင်းအတာတစ်ခုအထိ အခက်တွေ့စေတယ်လို့ ဆိုနေကြပါတယ်။ ဒါကြောင့်လည်း အမေရိကန် ကာလီဖိုးနီးယားပြည်နယ်တက္ကသိုလ်ကနေ ကာကွယ်ဆေးတွေဟာ တတိယလှိုင်းကို ကာကွယ်နိုင်စွမ်းရှိမရှိကို လေ့လာမှုပြုလုပ်ခဲ့ပြီး သုတေသနရလဒ်ကို ထုတ်ပြန်ပေးခဲ့ပါတယ်။ သူတို့ရဲ လေ့လာချက်အရ ကာကွယ်ဆေးတွေဟာ တတိယလှိုင်းဖြစ်လာမှာကို ကာကွယ်ပေးနိုင်မှာမဟုတ်ဘူးလို့ ဆိုခဲ့ပြီး အကြောင်းအရင်းကတော့ ကာကွယ်ဆေးဖြန့်ချိမှုလုပ်ငန်းစဉ်ဟာ ရောဂါကူးစက်နှုန်းထက် ပိုမိုနှေးကွေးနေတာကြောင့်လို့ ထောက်ပြခဲ့ပါတယ်။ လက်တလောမှာ ကာကွယ်ဆေးအများစုကို လုံလောက်အောင် မထုတ်လုပ်နိုင်သေးသလို တရားဝင်ခွင့်ပြုချက်ရရှိတဲ့ ဆေးဝါးအမယ်ကလည်း နည်းပါးနေပါသေးတယ်။ ထပ်မံထွက်ရှိလာဖို့ရှိနေပေမယ့် လက်တလောထွက်ရှိနေတဲ့ ကာကွယ်ဆေးတွေကို လူတိုင်းလက်ထဲရောက်အောင် ပို့ဆောင်နိုင်စွမ်းက အကန့်အသတ်နဲ့သာဖြစ်နေပါသေးတယ်။ နောက်ထပ်ပြဿနာတစ်ရပ်ကတော့ ကာကွယ်ဆေးတွေရဲ့ တန်ဖိုးဟာကြီးမြင့်တာကြောင့် ဆင်းရဲနွမ်းပါးတဲ့တိုင်းပြည်တွေအနေနဲ့ ကာကွယ်ဆေးလုံလောက်စွာရနိုင်ဖို့ ခက်ခဲနေတာပါပဲ။ ကာလီဖိုးနီးယား တက္ကသိုလ်ကတော့ ကာကွယ်ဆေးတွေထက် Mask တပ်တာ၊ လက်ဆေးတာ၊ လူအချင်းချင်း ခပ်ခွာခွာနေတာနဲ့ ရောဂါကာကွယ်ရေး စည်းမျဉ်းတွေကို လိုက်နာတာတွေကသာ လက်တလောမှာ တတိယလှိုင်းဖြစ်နိုင်ခြေကို လျှော့ချပေးနိုင်မှာဖြစ်ပြီး ကာကွယ်ဆေးထိုးနှံမှုဟာ ရေရှည်ပြဿနာတွေကိုသာ ဖြေရှင်းပေးနိုင်လိ့မ်မယ်လို့ ဆိုသွားခဲ့ပါတယ်။ စည်းကမ်းလိုက်နာ ဘေးကင်းကွာ ဒီတော့ မြန်မာနိုင်ငံလို ကာကွယ်ဆေးလက်ဝယ်ပိုင်ဆိုင်နိုင်ဖို့ ကြိုးပမ်းမှု လမ်းခုလတ်မှာသာရှိနေသေးတဲ့ တိုင်းပြည်မျိုးအတွက် တတိယလှိုင်းကို တားဆီးဖို့ဆိုရင် ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားတဲ့ စည်းကမ်းတွေကို လိုက်နာခြင်းက အကောင်းဆုံးနည်းလမ်းလို့ ဆိုရမှာပါ။ . လက်ကို ဆပ်ပြာနဲ့ ဆေးတာ၊ . အပြင်သွားရင် Mask တပ်တာ၊ . လူတစ်ဦးနဲ့တစ်ဦး ၆ ပေ အကွာမှာနေထိုင်တာ၊ . တတ်နိုင်သမျှ အပြင်မသွားပဲ နေအိမ်မှာပဲနေထိုင်တာတွေက တတိယလှိုင်းဖြစ်မလာအောင် တားဆီးပေးနိုင်မယ့် အကောင်းဆုံးနည်းလမ်းပါပဲ။ လက်တလောမှာ မြန်မာနိုင်ငံမှာ ကူးစက်နှုန်းကျဆင်းနေပါတယ်။ စည်းကမ်းလိုက်နာမှုအားနဲ့ လူထုကလည်း ပူးပေါင်းလိုက်မယ်ဆိုရင် ရောဂါကူးစက်နှုန်းကို ခုထက်ပိုပြီး လျော့ကျအောင် ကူညီပေးနိုင်မှာဖြစ်သလို တတိယလှိုင်းဖြစ်မလာအောင်လည်း ကာကွယ်နိုင်မှာဖြစ်တယ်လို့ ပြောပြပါရစေ။ ရေးသားသူ  ဆေးပညာပိုင်းဆိုင်ရာတည်းဖြတ်သူ    ဤဆောင်းပါးကို DVB ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။  
4 months Ago
More News
Up