CNDF

October 16, 2021

ဖလမ်းတိုက်ပွဲတွင် စစ်ကောင်စီဘက်က ၁ ဦး သေ၊ ၁ ဦး ဒဏ်ရာရ

ချင်းပြည်နယ်၊ ဖလမ်းမြို့နယ်မှာ အောက်တိုဘာ ၁၅ ရက် မနက်ပိုင်းက ဒေသခံ  CNDF  တပ်ဖွဲ့နဲ့ စစ်ကောင်စီတပ်တို့အကြား တိုက်ပွဲဖြစ်ပွားပြီး စစ်ကောင်စီတပ်ဘက်က  တစ်ယောက် သေဆုံးကာ တစ်ယောက် ဒဏ်ရာရခဲ့တယ်လို့  CNDF  က ထုတ်ပြန်ပါတယ်။

သီးဘွာလ်တပ်စခန်းကို မနေ့ မနက် ၁၁ နာရီလောက်က CNDF တပ်ဖွဲ့က တိုက်ခိုက်ခဲ့ရာ နာရီဝက်ခန့်ကြာတိုက်ပွဲ ဖြစ်ပွာခဲ့တယ်လို့ သိရပါတယ်။

စစ်ကောင်စီဘက်က လက်နက်ကြီးတွေ အသုံးပြုပြီးတော့ အကြိမ်ပေါင်းများစွာ ပစ်ခတ်ခဲ့ပေမဲ့ CNDF တပ်ဖွဲ့ဘက်က အထိအခိုက် အကျအဆုံး မရှိဘဲ ဆုတ်ခွာနိုင်ခဲ့တယ်လို့ ထုတ်ပြန်ချက်မှာ ဖော်ပြပါတယ်။

စစ်ကောင်စီတပ်တွေဟာ တင့်ကား၊ စစ်ကားတွေ အပါအဝင် အင်အားအများအပြားနဲ့ ဖလမ်းမြို့ကို ရောက်ရှိနေတာကြောင့် မိဘပြည်သူတွေအနေနဲ့ ဖလမ်း-ရိဒ်၊ ဖလမ်း-ဟားခါးလမ်းတွေကို သေရေး ရှင်ရေးကိစ္စက လွဲလို့ မဖြတ်သန်းဖို့ CNDF သတိပေးထားပါတယ်။

1 month Ago

October 1, 2021

စက်တင်ဘာလအတွင်း စစ်သားနှင့်ရဲတပ်ဖွဲ့ဝင် ၁၀ ဦး CNDF ထံ အလင်းဝင်

ချင်းအမျိုးသားကာကွယ်ရေးတပ်ဖွဲ့ (CNDF) ဆီ စက်တင်ဘာလအတွင်း စစ်သားနဲ့ ရဲတပ်ဖွဲ့ဝင် ၁၀ ဦး CDM လုပ်ပြီး အလင်းဝင်လာတယ်လို့ သိရပါတယ်။

ရဲတပ်ဖွဲ့ဝင် ၈ ဦးနဲ့ စစ်သား ၂ ဦး အလင်းဝင်လာတာလို့ CNDF က စက်တင်ဘာ ၃၀ ရက်မှာ ထုတ်ပြန်ထားပါတယ်။

စက်တင်ဘာ ၃၀ ရက်က ဖလမ်းမြို့ ခလရ (၂၆၈) တပ်ရင်းမှ တပ်သား ၁ ဦး၊ သီးဘွာလ် တပ်စခန်းမှ တပ်ကြပ်ကြီး ၁ ဦးနဲ့ ရဲတပ်ကြပ်ကြီး ၁ ဦးတို့ဟာ လက်နက်အပြည့်စုံနဲ့ အလင်းဝင်လာကြပြီး သူတို့ကို CNO/CNDF က ဆုငွေတွေ ချီးမြှင့်ကာ လုံခြုံတဲ့နေရာကို ပို့ပေးခဲ့တယ်လို့ ဆိုပါတယ်။

တော်လှန်ရေးအောင်မြင်ဖို့ စစ်သား နဲ့ ရဲတပ်ဖွဲ့ဝင်တွေအနေနဲ့  နီးစပ်ရာ ပြည်သူ့ ကာကွယ်ရေးတပ်ဖွဲ့တွေဆီကို အလင်းဝင်ပြီး ပြည်သူနဲ့အတူတကွ ရပ်တည်ကြဖို့ကိုလည်း  CNO/CNDF က ထပ်မံတိုက်တွန်းထားပါတယ်။

2 months Ago
More News
Up