CDM

May 17, 2021

စစ်ကောင်စီတပ်သား ၂ ဦး CDM တွင် ပူးပေါင်ပါဝင်လာ

တွံတေးမြို့ကိုရောက်နေတဲ့ စစ်ကောင်စီတပ်သားတွေထဲက ရေတပ်သား ၂ ယောက်ဟာ စစ်ကောင်စီလက်အောက်မှာ အမှုမထမ်းချင်တော့တာကြောင့် အာဏာဖီဆန်ရေး လှုပ်ရှားမှု CDM ပြုလုပ်လာကြပါတယ်။

သူတို့ကို မနေ့က အောင်အောင်မြင်မြင်ခေါ်ထုတ်လာနိုင်ပြီး ထိန်းသိမ်းထားတယ်လို့ တွံတေးပြည်သူ့ကာကွယ်ရေးတပ်ဖွဲ့က ပြောပါတယ်။

ကိုယ်ပိုင်အမှတ် ရေ-၄၉၆၉၀ တပ်သား မင်းသီဟကျော်နဲ့ ရေ ၄၉၇၀၀ တပ်သား ဆလိုင်းအေးချမ်းအောင်တို့ဖြစ်ပြီး ဧရာဝတီရေတပ်စခန်းဌာနချုပ်နဲ့ ရေတပ်ပစ္စည်းထိန်းဌာနတို့က ဖြစ်ပါတယ်။

သူတို့ဟာ တွံတေးမြို့ကို ယာယီပြောင်းလာပြီး အထက ၂ မှာ တပ်စွဲနေတုန်း CDM လုပ်လာတာပါ။

"စစ်တပ်ကမဟုတ်တာတွေ လုပ်နေတဲ့အပေါ် ရွံလာလို့ပါ။ ပြီးတော့ ပြည်သူတွေ ကျနော်တို့ကို ကြည့်တဲ့အကြည့်တွေကလည်း ရွံသလိုတွေ ကြည့်နေတာတွေကြောင့် စစ်တပ်လက်အောက်မှာ ထပ်မနေချင်တော့လို့ပါ။ တပ်ထဲမှာကတော့ အရင်လိုမဟုတ်ဘူး။ ဖြစ်ချင်တိုင်းဖြစ်နေတာ" လို့ သူတို့က ပြောပါတယ်။

တပ်ထဲမှာ အပြင်ကသတင်းတွေကို သေသေချာချာမသိရဘဲ အင်တာနက်သုံးတဲ့အချိန်မှာမှ နည်းနည်း သိရတယ်လို့လည်း ဆိုပါတယ်။

4 hours Ago

May 15, 2021

ရေနံချောင်းတက္ကသိုလ်တွင် ကျောင်းသား ၉၀၀ ကျော်အနက် ၁၀၀ ကျော် ကျောင်းတက်

အကြမ်းဖက်စစ်ကောင်စီက ဖွင့်ထားတဲ့ ရေနံချောင်းတက္ကသိုလ်မှာ ကျောင်းသား ၁၀၀ ကျော် တက်ရောက်နေတယ်လို့ ကျောင်းသားသမဂ္ဂက ပြောပါတယ်။

နောက်ဆုံးနှစ် အပါအဝင် ဂုဏ်ထူးတန်း ကျောင်းသားစုစုပေါင်း ၉၂၀ ကျော်ရှိတာမှာ ၁၂၂ ယောက် တက်နေတာလို့ ဆိုပါတယ်။

မေ ၁၄ ရက်အထိ စိစစ်ထားတဲ့ စာရင်းတွေအရ တတိယနှစ်ဂုဏ်ထူးတန်းမှာ ကျောင်းသား ကျောင်းသူဦးရေ စာရင်းရှိ ၁၃၄ ယောက်ရှိပြီး ကျောင်းတက်သူ ၂၂ ယောက်၊ ဒုတိယနှစ်ဂုဏ်ထူးတန်းမှာ ကျောင်းသား၊ ကျောင်းသူဦးရေ ၁၂၄ ယောက်ရှိပြီး ၁၀ ယောက် ကျောင်းတက်တယ်လို့ သူတို့က ဆိုပါတယ်။

နောက်ဆုံးနှစ် (final) မှာတော့ ကျောင်းသား ၆၆၅ ယောက်ရှိတာမှာ အယောက် ၉၀ တက်နေတာကြောင့် စုစုပေါင်းကျောင်းသား ၈၆ ရာခိုင်နှုန်းကျော်ဟာ CDM လုပ်နေတယ်လို့ ဆိုပါတယ်။

2 days Ago

ဗန်းမော်မြို့တွင် ကက်သလစ်ဘုန်းတော်ကြီးတစ်ပါးကို အကြမ်းဖက်စစ်ကောင်စီ ဖမ်းဆီး

ကချင်ပြည်နယ်၊ ဗန်းမော်မြို့မှာ ကက်သလစ်ဘုန်းတော်ကြီး ကိုလန်ဘန်လာဒီးကို မေလ ၁၄ ရက်နေ့ ညနေပိုင်းက အကြမ်းဖက်စစ်ကောင်စီတပ်ဖွဲ့ဝင်တွေ လာရောက်ဖမ်းခေါ်သွားတယ်လို့ သိရပါတယ်။

ဘုန်းတော်ကြီးနဲ့နီးစပ်သူတစ်ဦးက “CDM ပြုလုပ်နေသူတွေကို ကူညီပေးနေတယ်ဆိုပြီး ဖမ်းဆီးခံရတာ။ ဖာသာရ်က CDM သမားတွေကို လှူထားတဲ့ငွေတွေ သွားထုတ်ပြီးအပြန် အကြမ်းဖက်စစ်ကောင်စီက ဖုန်းကို ယူပြီးစစ်လို့ အလှူစာရင်းတွေရော အပါအဝင်ပေါ့ဗျာ သူတို့ မကြိုက်တဲ့ ဘယ်လိုအချက်တွေ တွေ့သွားတယ်မသိပါဘူး။ အဲ့ဒါတွေကြောင့် ဖမ်းတာလို့ ကြားတာပဲ။ အခုလောလောဆယ်တော့ ဖာသာရ် ပြန်လည်လွတ်မြောက်ဖို့ သာသနာပိုင် တာဝန်ရှိသူတွေ ကြိုးစားနေကြပါတယ်” လို့ ပြောပါတယ်။

ဘုန်းတော်ကြီး‌ ကိုလန်ဘန်လာဒီးဟာ ဗန်းမော်သာသနာ ပရန်ခူးဒုံဘုန်းတော်ကြီးတစ်ပိုင်မှာ တာဝန်ထမ်းဆောင်နေတာလို့ သိရပါတယ်။

2 days Ago
More News
Up