ရုရှားပြော

January 20, 2018

နိုင်ငံတကာအပေါ်ထားသည့် ကတိက၀တ်များကို လိုက်နာမည်ဟု ရုရှားပြော

ရုရှားအစိုးရဟာ နိုင်ငံတကာအပေါ်ထားတဲ့ ကတိကဝတ်တွေ အားလုံးကို လိုက်နာမယ်လို့ သမ္မတနန်းတော် ပြောခွင့်ရ ဒမစ်ထရီပဲ့စ်ကို့ဗ်က ဇန်နဝါရီ ၁၉ ရက်နေ့မှာ ပြောလိုက်ပါတယ်။ ရုရှားဟာ နိုင်ငံတကာ သဘောတူညီချက် အားလုံးအပေါ် တာဝန်ကို အရင်ကလည်း ကတိတည် လိုက်နာသလို နောင်လည်းဆက်ပြီး လိုက်နာသွားမယ်လို့လည်း သူက ပြောပါတယ်။ မြောက်ကိုရီးယားအပေါ် ကုလသမဂ္ဂရဲ့ ဒဏ်ခတ်မှုကို ရုရှားအစိုးရက ချိုးဖောက်တယ် လို့ အမေရိကန် သမ္မတ ဒေါ်နယ်ထရမ့်က စွပ်စွဲခဲ့တာပါ။ ဒီကိစ္စနဲ့ ပတ်သက်ပြီး မေးမြန်းချက်ကို တုံ့ပြန်ဖြေကြားတာ ဖြစ်ပါတယ်။ နိုင်ငံတကာ ဒဏ်ခတ်မှုကို ရှောင်တိမ်းဖို့ မြောက်ကိုရီးယားကို ရုရှားက ကူညီနေတယ် လို့ ထရမ့်က ရိုက်တာ သတင်းဌာနနဲ့ လူတွေ့ မေးမြန်းခန်းအတွင်း ဇန်နဝါ၇ီ ၁၇ ရက်က ပြောခဲ့တာပါ။ ဒေသတွင်းနဲ့ နိုင်ငံတကာပြသနာတွေ အားလုံးကို ဖြေရှင်းရာမှာ အမေရိကန်နဲ့ အပြန်အလှန် ဆက်ဆံရေးတိုးတက်ဖို့ ရုရှားက အားထုတ်နေပေမယ့် အမေရိကန် သမ္မတ အိမ်ဖြူတော် ဘက်က ပူးပေါင်းဆောင်ရွက်ဖို့ လိုလားမှုတွေ ကင်းမဲ့နေတယ်လို့ ရုရှားအစိုးရက ခံစားနေရတဲ့ အကြောင်းလည်း ပဲ့စ်ကို့ဗ်က ပြောခဲ့ပါတယ်။
3 years Ago

November 25, 2017

အာရှတွင် အမေရိကန်စစ်အင်အားတိုးလာရန် ဂျပန်မြေပေါ် အခြေစိုက်မှု စိုးရိမ်ကြောင်း ရုရှားပြော

အာရှမှာ အမေရိကန်စစ်တပ် အင်အားတိုးပွားလာဖို့ ဂျပန်ဟာ အခြေစိုက်စခန်း ဖြစ်လာနေတဲ့အတွက် စိုးရိမ်တယ်လို့ ရုရှားက ပြောလိုက်ပါတယ်။ မြောက်ကိုရီးယားကို တန်ပြန်ဖို့ဆိုတဲ့ မူမမှန်တဲ့ အကြောင်းပြချက်ကို ကိုင်စွဲပြီး အာရှ မြောက်ပိုင်းမှာ အမေရိကန် စစ်တပ်အင်အားတိုးချဲ့ဖို့ ဂျပန်က သူ့ပိုင်နက်ကို ခွင့်ပြုနေတဲ့အတွက် စိုးရိမ်တယ်လို့ ရုရှားနိုင်ငံခြားရေးဝန်ကြီး ဆာဂီလာ့ဗ်ရော့ဗ်က မနေ့က ပြောလိုက်ပါတယ်။ ရုရှားမြို့တော် မော်စကိုမှာ ရုရှားနဲ့ ဂျပန်နိုင်ငံခြားရေးဝန်ကြီးတွေရဲ့ အစည်းအဝေးအပြီး ဂျပန်နိုင်ငံခြားရေးဝန်ကြီး တာရို ခိုနိုနဲ့ ပူးတွဲသတင်းစာရှင်းလင်းပွဲမှာ ခုလို ပြောလိုက်တာပါ။ ဒါကြောင့် ခိုနိုက မြောက်ကိုရီးယားနဲ့ ပတ်သက်တဲ့ ရပ်တည်ချက်နဲ့ အမေရိကန်နဲ့ ဆက်ဆံရေးအပေါ် ကာကွယ်ပြောဆိုခဲ့ပါတယ်။ ဂျပန်နဲ့ရုရှားကြား နှစ် ၇၀ ကြာနေတဲ့ ပိုင်နက်အငြင်းပွားမှုကို ဖြေရှင်းဖို့ ဂျပန်က အာရုံစိုက်ချင်ပေမယ့် ရုရှားဝန်ကြီးရဲ့ မြောက်ကိုရီးယားအရေး မှတ်ချက်က အစည်းအဝေးကို လွှမ်းမိုးခဲ့တာပါ။ “ ကျန်ခဲ့တဲ့ ၂ လအတွင်း မြောက်ကိုရီးယားက ကျူးကျော်ရန်စမှု မရှိပေမယ့် အမေရိကန်က ဒေသတွင်းမှာ စစ်ရေးလေ့ကျင့်တဲ့အပြင် နောက်ထပ်ဒဏ်ခတ်မှုတွေ လုပ်ခဲ့တယ်၊ ဒါဟာ မြောက်ကိုရီးယားကို ရန်စ နှိုးဆွမယ့် လုပ်ရပ်တွေလုပ်ဖို့ ကြိုးစားတာ” လို့ ရုရှားဝန်ကြီးက ဆက်ပြောပါတယ်။ “အမေရိကန် ခေါင်းဆောင်တွေဟာ စစ်ရေးရွေးချယ်မှုအပါအဝင် ရွေးချယ်စရာ နည်းလမ်းတွေ အားလုံး စားပွဲပေါ်မှာ အဆင်သင့်ရှိတယ်လို့ ပြောခဲ့တာ အားလုံးသိကြတယ်။ ဂျပန်ဝန်ကြီးချုပ်က အမေရိကန်ရဲ့ ရပ်တည်ချက်ကို ရာနှုန်းပြည့် ထောက်ခံတယ်လို့ နိုဝင်ဘာ အစောပိုင်းက အမေရိကန် သမ္မတနဲ့ တွေ့ချိန်မှာ ပြောခဲ့တာကိုလည်း မှတ်သားထားတယ်” လို့ ဆိုပါတယ်။ ဂျပန် နိုင်ငံခြားရေးဝန်ကြီးကတော့ “ဂျပန်နဲ့ မဟာမိတ်တွေဟာ မြောက်ကိုရီးယားနိုင်ငံထဲမှာ အစိုးရပြောင်းဖို့ ကြိုးစားနေတာ မဟုတ်ဘူး၊ ဂျပန်ပိုင်နက်ထဲကို ပျံသန်း ဝင်ရောက်လာတဲ့ မြောက်ကိုရီးယားရဲ့ စမ်းသပ်ဒုံးကျည်တွေကို ကာကွယ်ဖို့သာ လုပ်ဆောင်တယ်” လို့ တုံ့ပြန် ပြောဆိုခဲ့ပါတယ်။
4 years Ago
More News
Up