ရုပ်သေး

January 21, 2019

မြန်မာ့ရုပ်သေးကို ကမ္ဘာသို့ ဝေမျှသူ ဒေါ်မမနိုင် (မန္တလေးရုပ်သေး)

မြန်မာ့ရုပ်သေးကို ကမ္ဘာကသိအောင် လုပ်ဆောင်နိုင်ခဲ့တဲ့ မန္တလေးရုပ်သေးပညာရှင် ဒေါ်မမနိုင်ကို ယနေ့ခေတ်ရဲ့ “ရုပ်သေးသခင်မ” လို့တောင် အသိမှတ်ပြု တင်စားထားကြပါတယ်။ ဒေါ်မမနိုင်ဟာ မြန်မာနိုင်ငံ ရုပ်သေးသဘင်အသင်းရဲ့ ဥက္ကဋ္ဌလည်း ဖြစ်ပါတယ်။ ဒေါ်မမနိုင် တည်ထောင်ထားတဲ့ မန္တလေးမြန်မာရုပ်သေးစင် (Mandalay Marionettes Theatre) ကတော့ မန္တလေးကို ရောက်လာတဲ့ ကမ္ဘာလှည့်ခရီးသွား ဧည့်သည်တွေ မဖြစ်မနေ အချိန်ပေးပြီး မြတ်မြတ်နိုးနိုးနဲ့ သွားရောက်ကြည့်ရှုကြတဲ့ အနုပညာ ယဉ်ကျေးမှု နေရာတခုဖြစ်သလို မန္တလေးမြို့မှာ ကမ္ဘာလှည့်ခရီးသွားတွေ အများဆုံး လာရောက်တဲ့နေရာလည်း ဖြစ်ပါတယ်။ [caption id="attachment_309526" align="alignright" width="430"] ဓာတ်ပုံ - ခင်စုကြည်[/caption] သူမဟာ တိမ်မြုပ်နေတဲ့ မြန်မာ့ကြိုးဆွဲရုပ်သေးအနုပညာကို ပြန်လည်ဖော်ထုတ်လိုတဲ့ ရည်ရွယ်ချက်နဲ့ ၁၉၉၀ ခုနှစ်က စတင်ကာ လူအယောက် ၅၀ ကျော်လောက်သာ ကြည့်ရှုနိုင်တဲ့ ဝါးထရံအခန်းလေးထဲမှာ ရုပ်သေးစင်လေးကို ဖန်တီးခဲ့ပါတယ်။ နေ့လယ်ပိုင်းမှာဆိုရင်တော့ သူမရဲ့ ရုပ်သေးစင်အခန်းလေးဟာ အင်္ဂလိပ်စာ သင်ကြားပေးတဲ့ အခန်းလေးဖြစ်သလို ညနေဘက်ဆိုရင်တော့ ခရီးသွားဧည့်သည်တွေနဲ့ ပြည့်နေတဲ့ ရုပ်သေးစင်လေးပဲ ဖြစ်ပါတယ်။ ဒေါ်မမနိုင်ဟာ ရုပ်သေးအနုပညာရှင်တယောက်ဖြစ်သလို အင်္ဂလိပ်စာ သင်ကြားပေးတဲ့ ဆရာမတယောက်လည်း ဖြစ်ပါတယ်။ အသက် ၆၀ ကျော်အရွယ်ပြီဖြစ်တဲ့ ဒေါ်မမနိုင်ဟာ မြန်မာ့ယဉ်ကျေးမှုကို ထိန်းသိမ်းသူပီပီ မြန်မာအင်္ကျီနဲ့ ထဘီကိုသာ အမြဲဝတ်ဆင်လေ့ရှိသလို နိုင်ငံတကာပွဲတွေ သွားရင်လည်း မြန်မာချိတ်လုံချည်ကိုသာ အမြတ်တနိုး ဝတ်ဆင်တတ်သူပါ။ သူမဟာ ဂုဏ်ထူး မြန်မာစာဦးသိန်းနိုင်ရဲ့ သမီးကြီးဖြစ်ပြီး မန္တလေးတက္ကသိုလ်ကနေ သမိုင်းဘာသာရပ်နဲ့ ဘွဲ့ရရှိခဲ့ပါတယ်။ ဘွဲ့ရပြီးနောက်မှာတော့ အိမ်ထောင်ကျပြီး ယောင်နောက်ဆံထုံးပါ ဆိုသလို ခင်ပွန်းသည်ရှိရာ ရန်ကုန်မြို့မှာ ပြောင်းရွှေ့နေထိုင်ခဲ့ရပါတယ်။ မိဘအရိပ်အောက်မှာ အေးအေးချမ်းချမ်း ပြည့်ပြည့်စုံစုံနဲ့ ကြီးပြင်းလာခဲ့တဲ့ သူမအတွက် ဘဝမှာ အခက်အခဲ မရှိခဲ့သလို ငယ်ရွယ်သူပီပီ အိမ်ထောင်ဘက်ကိုလည်း စိတ်ကူးယဉ်ဆန်ဆန် ရွေးချယ်ခဲ့မိပါတယ်။ “အဖေနဲ့အမေက မျက်ရည်စက်လက်နဲ့တားလည်း မရဘူး။ ယူမှာပဲဆိုပြီး လိုက်သွားခဲ့တာ။ အဖေကတော့ သူ့အကြောင်းကို စုံစမ်းထားတော့ သိတယ်။ အဖေနဲ့အမေ မျက်ရည်ကျအောင်လုပ်တော့ ကိုယ်လည်း ဒူးနဲ့ မျက်ရည်သုတ်ရပြီပေါ့။ ဟိုရောက်တော့ ယောက္ခမ မီးဖိုချောင်ထဲမှာ ထမင်းချက်၊ လျှော်ဖွပ်၊ ကလေးမွေး၊ အဲဒီလို နေခဲ့ရာကနေ ပထမကလေးမွေးလာတော့ စသိလာပြီ။ မှားမှန်းသိပြီ။ ကိုယ့်အိမ်ထောင်ရေး ကံကလည်း ညံ့တော့ ပိုပိုဆိုးလာရင်းနဲ့ သူကလည်း အရက်သောက် ရပ်ကွက်ထဲမှာ အော့ကြောလန်ပဲ။ အဲဒီခေတ်က စကားနဲ့ ပြောရင် လမ်းသရဲပေါ့” လို့ သူမအတိတ်အကြောင်းတွေကို ပြန်လည်ပြောပြပါတယ်။ ဒုတိယကလေးကို ကိုယ်ဝန်ဆောင်တဲ့အချိန်မှာ အရက်ရဲ့ကျေးကျွန် ဖြစ်နေတဲ့ ခင်ပွန်းသည်ရဲ့ ဆိုးသွမ်းသောင်းကျန်းမှုတွေကို ဆက်လက်မခံစားနိုင်တော့တာကြောင့် ကွာရှင်းဖို့ ကြိုးစားခဲ့ပါတယ်။ မန္တလေးမှာ ဒုတိယကလေးကို မွေးပြီးချိန် တံတားဦးဘက်က တောင်တလုံးရွာမှာ မူလတန်းပြဆရာမ အနေနဲ့ သွားရောက်လုပ်ကိုင်ခဲ့ပါတယ်။ ရွာက လေးစားရတဲ့ ကျောင်းဆရာမတယောက် ဖြစ်ပေမယ့် ခင်ပွန်းဖြစ်သူရဲ့ ရိုင်းစိုင်းတဲ့ အပြုအမူတွေကြောင့် အရှက်ရခဲ့ရပြန်ပါတယ်။ ခင်ပွန်းဖြစ်သူက ရွာကိုလိုက်လာပြီး အရက်မူး၊ ဆဲဆို သောင်းကျန်းတာကြောင့် ရွာသားတွေက ခဲနဲ့ဝိုင်းထုဖို့ ပြင်ဆင်ကြတဲ့အချိန်မှာ ဒေါ်မမနိုင်ဟာ စိတ်ညစ်ညစ်နဲ့ ဓာရဏပရိတ်ကို အသံကျယ်ကျယ် ရွတ်ဆိုနေလိုက်ပါတယ်။ ခင်ပွန်းသည်ရဲ့ ဆဲဆိုသံတွေကို သူမရဲ့ပရိတ်ရွတ်ဖတ်သံတွေက ဖုံးလွှမ်းသွားတဲ့အတွက် ရွာသားတွေကလည်း စိတ်ပြောင်းသွားပြီး အကြမ်းဖက်တာတွေ မလုပ်ခဲ့ကြပါဘူး။ [caption id="attachment_309525" align="alignleft" width="289"] ဓာတ်ပုံ - Daw Ma Ma Naing’s Facebook[/caption] ဘဝဇာတ်ခုံမှာ ကံကြမ္မာရဲ့ ကြိုးဆွဲရာကို အလိုက်သင့် ကပြခဲ့ရတဲ့ ဒေါ်မမနိုင်ရဲ့ ဘဝကတော့ ကြမ်းတမ်းခဲ့တယ်လို့ ဆိုရမှာပါ။ ကျောင်းဆရာမအဖြစ်နဲ့ လစာမဲ့ခွင့် ၃ လယူခဲ့ပြီး ရွာကနေ အိမ်ကို ပြန်လာခဲ့ရပါတယ်။ နောက်ပိုင်းမှာတော့ ခင်ပွန်းသည် အရက်သမားဟာ နှုတ်နဲ့ ဆဲဆိုရုံသာ မကတော့ဘဲ ရိုက်နှက်တာတွေပါ ရှိလာတာကြောင့် အိမ်ထောင်ရေးနွံထဲကနေ ရုန်းထွက်ဖို့ သူမ ဆုံးဖြတ်ခဲ့ပါတော့တယ်။ “တရက်မှာ သူမူးပြီး အိပ်ပျော်နေတုန်း သားအငယ်ကောင်နဲ့ ထွက်သွားလိုက်တာ။ သာစည်ဘက်မှာ သွားပုန်းနေတာ။ သူပြန်သွားတော့မှ ကွဲဖို့အတွက် လုပ်ရတော့တာ။ သူကလည်း မကွဲပေးဘူး။ သေမှပဲ ကွဲပေးမယ်ပေါ့။ သူက ဘယ်ကွဲပေးမလဲ၊ မိန်းမကောင်းရထားတာကိုး။ သူကမေးတယ်။ သူချမ်းသာရင် ပြန်ပေါင်းမှာလားပေါ့။ ချမ်းသာရင် ပြန်ပေါင်းမှာလားမမေးနဲ့ အရက်ဖြတ်ရင် ပြန်ပေါင်းမယ်လို့၊ ဒါတောင် ကလေးနှစ်ယောက် မျက်နှာကြောင့်လို့ ပြောလိုက်တယ်။ နောက်တော့ သူလည်း အရက်ရဲ့ကျေးကျွန်ဖြစ်ပြီး ဆုံးသွားတာပါပဲ” လို့ ခင်ပွန်းဖြစ်သူ ကွယ်လွန်သွားမှ သူမဘဝရဲ့ ကံကြမ္မာဆိုးကနေ လွတ်မြောက်ခဲ့ရတဲ့ အကြောင်းကို ပြောပြပါတယ်။ သားနှစ်ယောက်နဲ့ သူမဘဝကို ရွာမှာ မူလတန်းပြဆရာမ အနေနဲ့ ဆက်လက်ဖြတ်သန်းလာခဲ့ပါတယ်။ ငယ်ငယ်ရွယ်ရွယ် ကျောင်းဆရာမတယောက်ဖြစ်တဲ့ ဒေါ်မမနိုင်ဟာ အိမ်ထောင်သည်ဘဝဆိုးကနေ လွတ်မြောက်ခဲ့ပေမယ့်လည်း တခုလပ်မိန်းမမို့ ပတ်ဝန်းကျင်က အမျိုးသားတချို့ရဲ့ ထိကပါးရိကပါး ပြောဆိုတာတွေကို ကြုံတွေ့ရပါသေးတယ်။ ဒါကြောင့် မြို့ပေါ်ပြောင်းနေဖို့ ကြိုးစားနေချိန်မှာ သူမဘဝကို တဆစ်ချိုး ပြောင်းလဲစေခဲ့တဲ့ အခွင့်အလမ်းတခု ပေါ်ပေါက်လာခဲ့ပါတယ်။ ရွာက ကျောင်းဆရာ၊ ဆရာမတွေကို ရန်ကုန်မှာ အင်္ဂလိပ်စာ သင်ကြားဖို့ ပို့ဆောင်တဲ့အထဲမှာ ဒေါ်မမနိုင်လည်း ပါဝင်ခဲ့ပါတယ်။ ငယ်စဉ်ကတည်းက အင်္ဂလိပ်စာဘာသာရပ်ကို စိတ်ဝင်စားသူမို့ ရန်ကုန်အထိ သွားရောက်ကြိုးစား လေ့လာသင်ယူခဲ့ပြီး မန္တလေးကို ပြန်ရောက်လာတဲ့ အချိန်မှာတော့ အင်္ဂလိပ်စကားပြော လေ့ကျင့်ဖို့အတွက် အခက်အခဲ ရှိလာပြန်ပါတယ်။ အရင်တုန်းက နိုင်ငံခြားခရီးသွားဧည့်သည်တွေ လာရောက်မှု နည်းပါးတာကြောင့် အင်္ဂလိပ်စကားပြောခွင့်ရဖို့ ဆိုရင် ဧည့်လမ်းညွှန်တွေလို နိုင်ငံခြားသားတွေ သွားရာနောက် တကောက်ကောက်လိုက်ပြီး ပြောမှ ရပါလိမ့်မယ်။ သူမအနေနဲ့ကလည်း ကလေးနှစ်ယောက်နဲ့ အိမ်မှုကိစ္စ တာဝန်တွေကြောင့် အပြင်ထွက်ပြီး သွားလာနေရတာမျိုး အဆင်မပြေပါ။ အဲဒီအချိန် သူမ စဉ်းစားလိုက်တာကတော့ နိုင်ငံခြားသားတွေသွားရာနောက် မလိုက်နိုင်ရင် နိုင်ငံခြားသားတွေ သူမဆီ ရောက်လာအောင် ဖန်တီးရမယ် ဆိုတာပါပဲ။ “မန္တလေးကိုလာလည်တဲ့ နိုင်ငံခြားသားတွေ သူတို့ရှိရာကို ငါမသွားနိုင်ရင် ငါရှိရာကို သူတို့လာရမယ်ဆိုတဲ့ စိတ်ကို ထားလိုက်တယ်။ သူတို့ကို ဘယ်လိုခေါ်ရမလဲလို့ စဉ်းစားတော့ နိုင်ငံတနိုင်ငံကို လာလည်ရင် အဲဒီနိုင်ငံရဲ့ ရိုးရာယဉ်ကျေးမှုတွေကို ကြိုက်ကြတယ်၊ စိတ်ဝင်စားကြတယ်လေ။ သူတို့က စောင်းတီးသံ နားထောင်ချင်တယ်။ ပတ္တလားတီးသံ နားထောင်ချင်တယ်။ မြန်မာအက ကြည့်ချင်တယ်။ ရုပ်သေးပွဲဆိုတာ ရှိတောင် မရှိဘူးလေ။ အဲဒီတော့ သူတို့ကြိုက်တဲ့ ယဉ်ကျေးမှုပွဲလေး လုပ်လိုက်ရင် သူတို့လာမှာပဲဆိုပြီး ဒီစင်ကို စထောင်ဖို့ ကြိုးစားတယ်။” မန္တလေးရုပ်သေးစင် စတင်မတည်ထောင်နိုင်သေးတဲ့ ကာလမှာတော့ အိမ်ရှေ့က တဲငယ်လေးမှာ လက်မှုပစ္စည်း အရောင်းဆိုင်လေးကို စတင်ဖွင့်လှစ်ခဲ့ပါတယ်။ နောက်ပိုင်းမှာ ရုပ်သေးစင်တည်ဆောက်ဖို့ သူမကို အဓိက ပံ့ပိုးခဲ့သူတွေထဲမှာ သူမရဲ့ လက်ရှိအိမ်ထောင်ဘက်ဖြစ်သူ ဦးသန်းညွန့်လည်း ပါဝင်ပါတယ်။ သူမတယောက်တည်း ကလေးနှစ်ယောက်နဲ့ ဖြတ်သန်းလာရာကနေ ဦးသန်းညွန့်နဲ့ တွေ့ဆုံရင်းနှီးလာခဲ့ပြီး ထပ်မံ အိမ်ထောင်ပြုခဲ့တာ ဖြစ်ပါတယ်။ သူမရွေးချယ်မှုအပေါ် ဒုတိယအကြိမ် မှားမှာလည်း စိုးရိမ်ပူပန်ခဲ့ရပါသေးတယ်။ “ကိုယ်တယောက်တည်း ဘဝကို လျှောက်လာခဲ့ရတာ မောလာပြီပေါ့။ သားနှစ်ယောက်ကလည်း ကလေးဆိုတော့ သူ့ကိုခင်တာပေါ့နော်။ ကလေးတွေကလည်း သူ့ကိုချစ်တယ်။ ကလေးတွေရဲ့ အနွံတာကိုလည်း ခံတယ်ဆိုတော့ အိမ်ထောင်ဘက်အဖြစ် ရွေးချယ်လိုက်တယ်။ သူက ဘာမှတော့မဟုတ်ဘူး။ စီးပွားရေးသမားလည်း မဟုတ်ဘူး။ ကိုယ့်ကိုနားလည်နိုင်တဲ့သူဆိုပြီး ရွေးချယ်ခဲ့တယ်။ ဒါတောင် ဒုတိယအကြိမ်မှားမှာလည်း ကြောက်တယ်။ ဒါပေမယ့် သူနဲ့အကြောင်းပါပြီးတော့မှ ဒါတွေက စဖြစ်လာတာ” လို့ ရုပ်သေးအနုပညာရှင်တယောက် ဖြစ်လာစေခဲ့တဲ့ ဘဝတစိတ်တပိုင်းကို ပြောပြပါတယ်။ လက်မှုပစ္စည်း အရောင်းဆိုင်ကနေ ရတဲ့ဝင်ငွေနဲ့ ခင်ပွန်းသည်ရဲ့ လစာငွေလေးတွေကို စုဆောင်းကာ ရုပ်သေးစင်ကို စတင်တည်ထောင်ခဲ့ကြပါတယ်။ ရုပ်သေးစင်စဖွင့်တဲ့ ၁၉၉၀ ခုနှစ်မှာပဲ အင်္ဂလိပ်စာကို သင်ကြားရင်း တဖက်တလမ်းကနေ ဝင်ငွေစုဆောင်းခဲ့ရပါတယ်။ အဲဒီအချိန်ကစလို့ ရုပ်သေးစင်လေးဟာ စတင်လူသိများလာခဲ့ပြီး အခုဆိုရင် နှစ်ပေါင်း ၃၀ နီးပါး ရပ်တည်လာနိုင်ခဲ့ပါပြီ။ ပျောက်ကွယ်နေတဲ့ မြန်မာရုပ်သေးအနုပညာကလည်း မန္တလေး ရုပ်သေးအဖွဲ့ကနေ ပြန်လည်စတင်လို့ ဦးမော့လာနိုင်ခဲ့တယ်လို့ ဆိုရမှာဖြစ်ပါတယ်။ ငယ်စဉ်ကတည်းက ဖခင်ရဲ့ လမ်းပြမှုကြောင့် စောင်း၊ ပတ္တလားတို့ကို သင်ကြားတတ်မြောက်ခဲ့ပြီး ရုပ်သေးကြိုးဆွဲပညာကိုတော့ ရုပ်သေးပညာရှင်ကြီး ဦးပန်းအေးဆီမှာ သွားရောက်သင်ကြားခဲ့တာ ဖြစ်ပါတယ်။ ၁၉၉၄ – ၁၉၉၅ ခုနှစ်တွေမှာတော့ နိုင်ငံတော် ဆိုကရေးတီး ပြိုင်ပွဲတွေမှာ ရုပ်သေးကြိုးဆွဲ ပညာရှင်ဆုတွေကို တဦးချင်းအနေနဲ့ရော အဖွဲ့လိုက် ဇာတ်တော်ကြီး ပြိုင်ပွဲတွေမှာပါ မန္တလေးတိုင်း ကိုယ်စားပြုအနေနဲ့ ဆုတွေ ဆွတ်ခူးနိုင်ခဲ့ပါတယ်။ ၁၉၉၅ ခုနှစ်လောက်ထိ မိုးလင်းပေါက် ရုပ်သေးကပြပွဲတွေ ရှိခဲ့ပေမယ့် ၂၀၀၇ ခုနှစ် နောက်ပိုင်းမှာတော့ ခေတ္တ ပြတ်တောက်သွားခဲ့ပါတယ်။ ၂၀၁၈ ခုနှစ် မန္တလေး ကောင်းမှုတော်ဘုရားပွဲမှာ မိုးလင်းပေါက် ရုပ်သေးပွဲကို ပြန်လည်အသက်သွင်းလာခဲ့ပြီး အခုဆိုရင် တခြားနယ်တွေမှာပါ မိုးလင်းပေါက်ပွဲတွေ ပြန်လည်ကျင်းပဖို့ ပြင်ဆင်နေကြပါပြီ။ ၁၉၉၈ ခုနှစ်လောက်တည်းက စတင်ကာ ပြည်ပအနုပညာအဖွဲ့တွေရဲ့ ဖိတ်ကြားမှုတွေကို ခံခဲ့ရပြီး သွားရောက်ခဲ့ရာကနေ မြန်မာရုပ်သေးဟာ ကမ္ဘာအနှံ့အပြားကို တဖြည်းဖြည်း ရောက်ရှိလာခဲ့ပါတယ်။ နိုင်ငံပေါင်း ၁၅ နိုင်ငံကျော်မှာ ကျင်းပတဲ့ ကမ္ဘာ့ရုပ်သေးပွဲတော်ကြီးမှာလည်း နိုင်ငံတကာကိုယ်စားပြု အနေနဲ့ ဖိတ်ကြားခံရပြီး ကပြ ပါဝင်ခဲ့ရပါတယ်။ ဒေါ်မမနိုင်ကို ရုပ်စုံဇာတ်သဘင် အနုပညာရှင်တွေ စိုးရိမ်ပူပန်ခဲ့ရတဲ့ မြန်မာ့ရုပ်သေး တိမ်မြုပ်ပျောက်ကွယ်နေမှုကို ပြန်လည်အသက်သွင်း နိုးထစေခဲ့တဲ့ ရှားပါးပြီး ထူးချွန်သူ ရုပ်သေးအနုပညာရှင် အမျိုးသမီးတယောက်လို့ တင်စားရမှာဖြစ်ပါတယ်။ ဖခင်ဖြစ်သူက မြန်မာ့ဇာတ်သဘင်သမိုင်း အကြောင်းကို မှတ်တမ်းတင် ရေးသားပြုစုခဲ့ပြီး အမျိုးသားစာပေဆု ရရှိခဲ့သလို သမီးဖြစ်သူ ဒေါ်မမနိုင်ကလည်း ဖခင်ဖြစ်သူရဲ့မှတ်တမ်းကို အသက်သွင်း ပုံဖော်သူအဖြစ် မြန်မာ့ရုပ်သေးကို မပျောက်ကွယ်သွားအောင် ထိန်းသိမ်းခဲ့တဲ့အပြင် အခုဆိုရင် ကမ္ဘာက အသိမှတ်ပြု ချီးကျူးဂုဏ်ပြုရတဲ့အထိ မြန်မာ့ရုပ်သေးဟာ ကမ္ဘာ့အလယ်မှာ တင့်တယ်နေခဲ့ပါပြီ။ တဖက်မှာလည်း အင်္ဂလိပ်စာကို သင်ကြားပေးနေတဲ့ ဒေါ်မမနိုင်ဟာ သူမဘဝဖြစ်တည်ရာ မန္တလေးရုပ်သေးစင်မှာ မြန်မာ့ရုပ်သေးကို နေ့စဉ်နဲ့အမျှ ကပြတင်ဆက်နေကာ ရုပ်သေးဝါသနာပါတဲ့ လူငယ်တွေကိုလည်း ရုပ်သေးအနုပညာကို လက်ဆင့်ကမ်း မျှဝေသင်ကြားပေးနေပါတယ်။ မြန်မာ့ရုပ်သေးရဲ့ ဇာတိမြေဖြစ်တဲ့ ရတနာပုံမန္တလေးရဲ့ မန္တလေးရုပ်သေးစင်လေးမှာ ညစဉ်ညတိုင်း ကပြဖျော်ဖြေနေတဲ့ ရုပ်သေးကပွဲတွေမှာ မြန်မာလူမျိုးတွေအနေနဲ့ အခမဲ့ ဝင်ရောက်ကြည့်ရှု လေ့လာနိုင်သလို ဒီနေရာလေးဟာ ကမ္ဘာလှည့်ခရီးသွားတွေ အနေနဲ့လည်း မသွားမဖြစ် သွားရောက်ရမယ့် ယဉ်ကျေးမှုအနုပညာဆိုင်ရာ အသိုက်အမြုံလေးအဖြစ် ဆက်လက်တည်ရှိနေဦးမှာ ဖြစ်ပါတယ်။ ဒေါ်မမနိုင်ကတော့ သူမရဲ့ဆုံးဖြတ်ချက်ကို အခုလို ပြောပြခဲ့ပါတယ်။ “ရုပ်သေးဟာ မြန်မာ့ယဉ်ကျေးမှု အနုပညာရဲ့ အနှစ်၊ ကမ္ဘာက ချစ်မြတ်နိုးပြီး အလွန်တန်ဖိုးထားကြတာကို သိလိုက်ရတဲ့ အချိန်ကစပြီး ရုပ်သေးရုပ်ကလေးတွေနဲ့ ဒီအနုပညာကို ကျမဘဝတလျှောက်လုံး ယုယပိုက်ထွေးသွားဖို့ ခိုင်မာတဲ့ ဆုံးဖြတ်ချက် ချမှတ်ပြီးပါပြီ။” ခင်စုကြည် (hiburma.net ဝက်ဘ်ဆိုက်မှ ပြန်လည်ဖော်ပြသည်။)
2 years Ago

October 24, 2018

နှစ်ပေါင်း၂၀၀၀ ခန့်က တရုတ်နိုင်ငံ၏ တမူထူးခြား ရုပ်သေးအနုပညာ(ရုပ်သံ)

တရုတ်နိုင်ငံ၊ ကွမ်ကျိုးပြည်နယ်က ရုပ်သေးအနုပညာဟာ လွန်ခဲ့တဲ့ နှစ်ပေါင်း ၂၀၀၀  နီးပါးလောက်က စတင်ခဲ့တာ ဖြစ်တယ်လို့ စီဂျီတီအဲန်သတင်းမှာ ဖော်ပြပါတယ်။ ဒီရုပ်သေးအနုပညာနဲ့ တင်ဆက်ဖျော်ဖြေမှုဟာ တန်နဲ့ ဆောင်မင်းဆက်အုပ်စိုးခဲ့တဲ့ အချိန်ကာလမှာ နာမည်ကျော်ကြား လူသိများခဲ့တာဖြစ်ပြီး ဒီကနေ့ ခေတ်တိုင်အောင်လည်း ကပြဖျော်ဖြေနေကြဆဲ ဖြစ်ပါတယ်။ ကွမ်ကျိုးရုပ်သေးအနုပညာတင်ဆက်မှုမှာ ပြဇာတ်အခန်းပေါင်း ၇၀၀ ကျော်ပါဝင်ပြီး တရုတ်ရိုးရာ ဂီတအဖွဲ့က ပံ့ပိုးတီးခတ်ပေးရတဲ့ ဂီတဖျော်ဖြေမှုပြကွက် ၃၀၀ လောက် ပါဝင်တယ်လို့ ဆိုပါတယ်။ ကွမ်ကျိုးရုပ်သေးအနုပညာ ဖျော်ဖြေရေးအဖွဲ့က လူငယ်ရုပ်သေးအနုပညာရှင် ဟောင်ကျင်းဒီရာရိုကတော့ လွန်ခဲ့တဲ့ အတိတ်နေ့ရက်တွေကို ပြန်ပြောင်းပြီး ခုလိုပြောပြပါတယ်။ “အဲဒီအချိန်တုန်းကတော့ ရုပ်သေးအနုပညာသင်တန်းတွေမှာ သင်ပေးတာတွေရှိတယ်။ သင်တန်းသားတွေလည်း ခေါ်တယ်လေ။ ကျောင်းအုပ်ကြီးက ကျနော့်ကိုမေးတယ်။ မင်းသင်ချင်သလားဆိုတော့ ကျနော်က သင်ချင်တယ်လို့ ပြောခဲ့တယ်။ အဲဒီအ ချိန်ကတည်းက လေ့လာသင်ယူခဲ့တာ ခုထိဆို ၁၁ နှစ်လောက်ရှိခဲ့ပါပြီ”
3 years Ago
Up