နှင်းမုန်တိုင်း

January 14, 2019

အမေရိကန်တွင် နှင်းမုန်တိုင်းကြောင့် သေဆုံးသူ ၅ ဦးရှိပြီ

အမေရိကန်နိုင်ငံ အနောက်အလယ်ပိုင်းတလွှား ဇန်နဝါရီ ၁၁ ရက်နေ့ကစတဲ့ နှင်းမုန်တိုင်းကြောင့် ဇန်နဝါရီ ၁၃ ရက်အထိ ရထားတဲ့စာရင်းအရ လူငါးဦး သေဆုံးခဲ့ပါတယ်။ မစ်ဆူရီ၊ ကန်းဆပ်စ်နဲ့ အမေရိကန်အလယ်ပိုင်း တခြားပြည်နယ်တွေရဲ့ အစိတ်အပိုင်း အများအပြားမှာ နှင်းတွေ လွှမ်းခြုံနေတာပါ။ ဒေသတွင်း ယာဉ်ကြောတွေ ပိတ်ဆို့ပြီး လျှပ်စစ်ဓာတ်အားလည်း ပြတ်တောက်ခဲ့ပါတယ်။ မုန်တိုင်းဟာ နိုင်ငံမြောက်ပိုင်းနဲ့ အရှေ့ပိုင်းက အစိတ်အပိုင်းတွေဆီ အမြန် စတင် ပျံ့နှံ့နေပါတယ်။ စိန့်လူးဝစ်နဲ့ ကိုလံဘီယာဒေသတွေမှာ လတ်တလောနှစ်တွေအတွင်း အကြီးဆုံး နှင်းမုန်တိုင်းတွေထဲက တခု တိုက်ခတ်ခဲ့ပါတယ်။ ဒါကြောင့် ကိုလံဘီယာပြည်နယ်အတွင်း နှင်းထုက ဇန်နဝါရီ ၁၁ ရက်နေ့မှာ ၂၆ စင်တီမီတာထိ မြင့်တက်ခဲ့လို့ နှစ်တရာအတွင်း တရက်တည်းမှာ နှင်းအကျဆုံးနေ့အဖြစ် စံချိန်တင်ခဲ့ပါတယ်။ နှင်းကျတဲ့ဒေသတွေမှာ မြင်နိုင်စွမ်းက မီတာ လေးရာထိ ကျဆင်းမယ်လို့ အမျိုးသား မိုးလေဝသဌာနက ဟောကိန်းထုတ်ပါတယ်။ လမ်းတွေလည်း အန္တရာယ် ပိုများလာလိမ့်မယ်လို့ ဌာနက သတိပေးထားပါတယ်။
3 years Ago

March 14, 2017

အမေရိကန် အရှေ့မြောက်ပိုင်း နှင်းမုန်တိုင်း ဝင်ရောက်ဖွယ်ရှိ

အမေရိကန်ပြည်ထောင်စု အရှေ့မြောက်ပိုင်းကို နှင်းမုန်တိုင်း ဝင်ရောက်ဖွယ်ရှိပြီး ဆီးနှင်းထု ၂ ပေခန့်အထိ ကျဆင်းနိုင်တယ်လို့ မိုးလေဝသဌာနက မတ်လ ၁၃ ရက်နေ့မှာ သတိပေး နှိုးဆော်ထားပါတယ်။ အဲဒီအတွက် နယူးယောက်မြို့ခံတွေဟာ ဆီးနှင်းတွေကိုဖယ်ရှားဖို့ ဂေါ်ပြားတွေ၊ နှင်းခဲအရည်ပျော်ဆေးတွေကို ဝယ်ယူနေကြပါတယ်။ နယူးယောက်မြို့ ကုန်မာပစ္စည်းဆိုင်တခုမှာ လူတွေဟာ ဂေါ်ပြားတွေ၊ နှင်းခဲအရည်ပျော်ဖို့ ဆားအိတ်တွေ ဝယ်ယူနေကြတာကို မြင်တွေ့ရပါတယ်။ ပင်ဆယ်လ်ဗေးနီးယားပြည်နယ် တချို့ဒေသတွေနဲ့ နယူးဂျာစီ၊ နယူးယောက်နဲ့ ကွန်နက်တီကပ်ပြည်နယ်တွေမှာ နှင်းမုန်တိုင်း သတိပေးချက်တွေ ထုတ်ပြန်ထားပြီး နေ့အပူချိန်ဟာ ပုံမှန်ထက် ကျဆင်းနိုင်တယ်လို့ အမျိုးသားမိုးလေဝသဌာနက ခန့်မှန်းကြောင်း ရိုက်တာသတင်းအရ သိရပါတယ်။
4 years Ago
More News
Up