၅ နှစ်သက်တမ်းတိုး

July 16, 2021

လုပ်ခတဝက်လျှော့ယူပြီး ၅ နှစ်သက်တမ်းတိုးရန် ဘာစီလိုနာနှင့် မက်ဆီ သဘောတူညီမှုရ

ဘာစီလိုနာတိုက်စစ်မှူး လီယွန်နယ်မက်ဆီဟာ အသင်းနဲ့ ၅ နှစ်သက်တမ်းတိုး စာချုပ်ချုပ်ဆိုပြီး လုပ်ခတဝက်လျှော့ယူဖို့ သဘောတူညီလိုက်ပြီလို့ သိရပါတယ်။ 

မက်ဆီဟာ ပြီးခဲ့တဲ့ ဇွန်လ၃ဝရက်က ဘစီလိုနာနဲ့စာချုပ်သက်တမ်းကုန်ဆုံးခဲ့တာပါ။ စာချုပ်သစ်ချုပ်ဆိုဖို့ မရေမရာဖြစ်နေချိန်မှာ ပီအက်စ်ဂျီ နဲ့ မန်စီးတီးအသင်းတွေကလည်း ခေါ်ယူလိုပေမယ့် ဘာစီလိုနာမှာပဲ ဆက်ကစားဖို့ ဆုံးဖြတ်ခဲ့တာလို့ ဆိုပါတယ်။ 

လုပ်ခတဝက်လျှော့ယူရမှာဖြစ်တဲ့အတွက် တစ်ပတ်လုပ်ခပေါင်၂သိန်းခွဲရရှိနိုင်ပြီး အသက် ၃၉ နှစ်အထိ ဘာစီလိုနာအသင်းမှာ ဆက်ရှိမယ်လို့သိရပါတယ်။ 

အသက် ၃၄ နှစ်ရှိ မက်ဆီဟာ အာဂျင်တီးနားနဲ့အတူ ကိုပါအမေရိကဖလားမှာ ချန်ပီယံဖြစ်ခဲ့ပြီးနောက် မိသားစုနဲ့အတူ အားလပ်ရက်ယူနေခဲ့တာပါ။ 

အားလပ်ရက်ခရီးပြီးဆုံးချိန်မှာတော့ ဘာစီလိုနာနဲ့ တရားဝင် စာချုပ်သစ် ချုပ်ဆိုမှာမယ်လို့ သိရပါတယ်။

ဘာစီလိုနာအသင်းဟာ တိုက်စစ်မှူး အဂွဲရိုး၊ ဒီပေးနဲ့ နောက်ခံလူ အဲရစ်ဂါစီယာတို့ကို ခေါ်ယူထားပြီးဖြစ်ပါတယ်။ 

3 months Ago

December 17, 2020

 ဗန်ဒိုက်ကို  ၅ နှစ်သက်တမ်းတိုးရန် လီဗာပူး ကမ်းလှမ်းမည်

လီဗာပူးအသင်းဟာ နောက်ခံလူ ဗန်ဒိုက်ကို ၅ နှစ်စာချုပ်နဲ့ သက်တမ်းတိုးဖို့ ကမ်းလှမ်းတော့ မယ်လို့ သိရပါတယ်။  ဗန်ဒိုက်ဟာ လီဗာပူးနဲ့ ၂၀၂၃ ခုနှစ်အထိ စာချုပ်သက်တမ်းကျန်ရှိ သေးပေမဲ့ အသင်းမှာ နှစ်ရှည်ကစားစေဖို့ နည်းပြ ကလော့ပ်က ဆန္ဒရှိနေတာပါ။  လာမယ့်ဇန်နဝါရီ အပြောင်းအရွှေ့မှာတော့ ဗန်ဒိုက်ကို ၅ နှစ်သက်တမ်းတိုးစာချုပ် ချုပ်ဆိုသွားဖို့ လီဗာပူးအသင်းက ကမ်းလှမ်းမယ်လို့ သိရပါတယ်။  အသက် ၂၉ နှစ်ရှိ ဟော်လန်နောက်ခံလူ ဗန်ဒိုက်ဟာ ၂၀၁၈ ခုနှစ်ဇန်နဝါရီက ဆောက်သမ်တန်ကနေ ပေါင် ၇၅ သန်းနဲ့ ပြောင်းရွှေ့လာခဲ့တာဖြစ်ပါတယ်။ လစ်ဗာပူးအသင်းနဲ့အတူ ပရီးမီးယားလိဂ်ချန်ပီယံဆုဖလားအပြင် ဥရောပချန်ပီယံလိဂ် ဆုဖလားကိုလည်း ရယူနိုင်ခဲ့ပါတယ်။ 
10 months Ago
Up