၁ ဦး သေဆုံး

December 23, 2017

ကယားတွင် ဂျပန်ဦးနှောက်ရောင်ရောဂါ ကူးစက်ခံရသူ ၅ ဦးတွေ့၊ ၁ ဦး သေဆုံး

ကယားပြည်နယ်မှာ ဂျပန်ဦးနှောက်ရောင်ရောဂါကာကွယ်ဆေးမထိုးနှံခင် သုံးလအတွင်းမှာ ကူးစက်ခံထားရသူ ၅ ယောက် တွေ့ပြီး ၁ ယောက် သေဆုံးခဲ့တယ်လို့ ပြည်နယ်တိုးချဲ့ကာကွယ်ဆေးထိုးနဲ့ ကူးစက်ဌာန အဖွဲ့ခေါင်းဆောင် ဒေါက်တာ ထွန်းနေဝင်းက ပြောပါတယ်။ ပြီးခဲ့တဲ့ သြဂုတ်ကနေ အောက်တိုဘာအထိ သံသယလူနာ ၁၁ ယောက်ကို စစ်ဆေးခဲ့ရာမှာ ၅ ယောက်မှာ ပိုးတွေ့ခဲ့တာပါ။ “သွေးစစ်ထားတဲ့ ၁၁ ယောက်မှာ ၃ ယောက်က ရောဂါမရှိဘူး။ နောက် ၃ ယောက်ကတော့ အဖြေမရသေးဘူး။ ၁ ယောက်ကတော့ ဒီလထဲမှာပဲ သေဆုံးခဲ့ပါတယ်။ သူက စက်တင်ဘာ ၂၀ ရက်ကပဲ ဆေးရုံတက်ခဲ့တယ်။ ဒါပေမယ့် ဒီရောဂါက ပျောက်ကင်းအောင် ကုသနိုင်တဲ့ ဆေးမရှိဘူးလေ။ ဆေးရုံကဆင်းပြီး ၁ လကျော်မှာ သူ့အိမ်မှာပဲ ဆုံးသွားတာပါ” လို့ ပြောပါတယ်။ ကျန်တဲ့ ၄ ယောက်မှာလည်း ကိုယ်အင်္ဂါ မသန်စွမ်းတာ၊ စကားမပြောနိုင်တာ စတာတွေ ဖြစ်နေတယ်လို့ သူက ဆိုပါတယ်။ အခုလို သံသယလူနာတွေ့ရတာကလည်း လွိုင်ကော်ဆေးရုံကို ရောက်လာတဲ့ လူနာထဲကပဲ တွေ့ရတာ ဖြစ်ပြီး ဆေးရုံကို ရောက်မလာတဲ့ သူတွေထဲမှာလည်း ရှိနေနိုင်တယ်လို့ ဆက်ပြောပါတယ်။ တနိုင်ငံလုံး အတိုင်းအတာနဲ့ ဂျပန်ဦးနှောက်ရောင် ကာကွယ်ဆေးထိုးတာကို ပြီးခဲ့တဲ့ နိုဝင်ဘာနဲ့ ဒီဇင်ဘာလမှာ ထိုးနှံခဲ့ပြီး ကယားပြည်နယ်မှာ ရာနှုန်းပြည့်နီးပါး ထိုးနိုင်ခဲ့တယ်လို့လည်း ဒေါက်တာ ထွန်းနေဝင်းက ပြောပါတယ်။ နိုဝင်ဘာလမှာ လူပေါင်း ၆ သောင်းခွဲလောက် ထိုးနိုင်ပြီး ရည်မှန်းလူဦးရေရဲ့ ၉၈ ရာခိုင်နှုန်း၊ ဒီဇင်ဘာလမှာတော့ လူပေါင်း ၃ သောင်းခွဲလောက်ထိုးနိုင်ပြီး ရည်မှန်းလူဦးရေရဲ့ ၉၄ ရာခိုင်နှုန်း ထိုးပေးနိုင်ခဲ့တာပါ။ ဒေါက်တာ ထွန်းနေဝင်းက “ကာကွယ်ဆေးထိုးပြီးနောက် သေဆုံးတာ တချို့ရှိခဲ့တော့ ဒီဇင်ဘာ ဆေးထိုးပတ်ရဲ့ အစမှာ လူနည်းခဲ့ပေမယ့် နောက်ပိုင်းမှာ ပြန်များလာပါတယ်။ အဓိက ပြောချင်တာကတော့ ဒီရောဂါ ဖြစ်လာပြီဆိုရင် ကုသဖို့ ဆေးမရှိတာကြောင့် ကာကွယ်ဆေးကို မဖြစ်မနေ ထိုးဖို့ပါပဲ” လို့ ပြောပါတယ်။ ပြီးခဲ့တဲ့ ဆေးထိုးအစီအစဉ်မှာ အသက် ၉ လကနေ ၁၅ နှစ်အရွယ် ကလေးနဲ့ လူငယ်ပေါင်း ၁၄ သန်းလောက်ကို ထိုးနှံပေးခဲ့ပြီး လာမယ့် ဇန်နဝါရီကစပြီးတော့ လစဉ်ပုံမှန်ကာကွယ်ဆေးထိုး အစီအစဉ်မှာ ထည့်သွင်းထိုးနှံပေးသွားမှာ ဖြစ်ပါတယ်။
4 years Ago

November 10, 2017

မိတ္ထီလာ-မလှိုင်ကားလမ်းတွင် ကားနှင့်ဆိုင်ကယ်တိုက်၊ ၁ ဦး သေဆုံး

မန္တလေးတိုင်းဒေသကြီး၊ မိတ္ထီလာမြို့နယ်၊ မိတ္ထီလာ-မလှိုင်ကားလမ်း မိုင်တိုင် ၈/၄ နဲ့ ၅ အကြားမှာ နိုဝင်ဘာ ၉ ရက်ညနေက အိမ်စီးကားနဲ့ဆိုင်ကယ် တိုက်မိလို့ ၁ ဦးသေဆုံးပြီး ၁ ဦး ဒဏ်ရာရတယ်လို့ မိတ္ထီလာမြို့မ ရဲစခန်း တာဝန်ကျ ရဲအရာရှိက ပြောပါတယ်။ ဖြစ်စဉ်မှာ မိတ္ထီလာမြို့နယ် မုန်ပင်ဆည်ရွာနေ ကိုကျော်မင်းနိုင် မောင်းလာတဲ့ အိမ်စီးကားနဲ့ ဆိုင်ကယ်တိုက်မိခဲ့တာဖြစ်ပြီး ဆိုင်ကယ်မောင်းနှင်သူ အမည်မသိ အမျိုးသား အခင်းဖြစ်နေရာမှာ သေဆုံးသွားတယ်လို့ ဆိုပါတယ်။ မြို့မရဲစခန်း ဒုရဲအုပ်သက်ပိုင်စိုးက "ကိုကျော်မင်းနိုင်က သူဆွေမျိုးတွေ ဘုရာဖူးလိုက်ပို့ပြီး ပြန်လာတယ်။ ကားနဲ့ဆိုင်ကယ် အရှိန်မထိန်းနိုင်ပဲ မျက်နှာချင်းဆိုင်တိုက်မိတယ်။ ဆိုင်ကယ်နောက်ခုံမှာ ကိုဇင်မင်းထွန်း လိုက်လာတယ်။ သူကလည်း လမ်းကြုံတားစီးလာတော့ နေရာတင် သေဆုံးသူ ဘယ်သူဘယ်ဝါမသိဘူးလို့ ပြောတယ်။ နီးစပ်ရာ ဒေသခံတွေကလည်း မသိကြဘူး။ ရဲစခန်းတွေကိုတော့ ဓာတ်ပုံဖြန့်ပြီး စုံစမ်းထားတယ်။ သေဆုံးသူက ဦးခေါင်းနောက်စေ့ ပေါက်ပြီး ပါးစပ်က သွေးထွက်နေတယ်၊ ကိုဇင်မင်းထွန်းလည်း ဒဏ်ရာရတယ်၊ မစိုးရိမ်ရဘူး၊ မိတ္ထီလာဆေးရုံ ပို့ပေးရတယ်" လို့ ပြောပါတယ်။ ဒေသခံတဦးက "ဒီအနီအနားတဝိုက်မှာ အရင်က ယာဉ်မတော်တဆ ခဏခဏဖြစ် တတ်တယ်။ မဖြစ်တာတော့ ကြာပြီအောင့်မေ့နေတာ အခုပြန်ဖြစ်တာပဲ။” လို့ ပြောပါတယ်။ မိတ္ထီလာမြို့မရဲစခန်းမှာ သေဆုံးသွားသူနဲ့ကိုကျော်မင်းနိုင်တို့ကို ယာဉ်မဆင်မခြင်မောင်းလို့ လူသေဆုံးမှု၊ ပြင်းထန်ဒဏ်ရာရမှု၊ သာမန်ဒဏ်ရာရမှု ရာဇသတ်ကြီးပုဒ်မ ၃၀၄-က/၃၃၈/၃၃၇ နဲ့ အမှုဖွင့်ထားပါတယ်။ သတင်း-မောင်မောင်လင်း(ဝမ်းတွင်း)
4 years Ago
More News
Up