၁ ဦး ဒဏ်ရာရ

November 17, 2017

ပြင်ဦးလွင်ခရိုင်တွင် ရွှေခိုးတူးရာမှ တွင်းပြိုကျ၍လူ ၃ ဦးသေဆုံး၊ ၁ ဦး ဒဏ်ရာရ

မန္တလေးတိုင်းဒေသကြီး ပြင်ဦးလွင်ခရိုင် စဥ့်ကူးမြို့နယ်ထဲမှာ ပြီးခဲ့တဲ့ နိုဝင်ဘာ ၁၄ ရက်က ရွှေတွင်းတတွင်းမှာ မြေပြိုကျပြီး လူ ၃ ဦးသေဆုံးကာ ၁ ဦး ဒဏ်ရာရခဲ့ပါတယ်။ နိုဝင်ဘာ ၁၄ ရက် မနက် ၉ နာရီ ခွဲလောက်က စဥ့်ကူးမြို့နယ် ငါးပြားပေးကျေးရွာအုပ်စု ပြည်သာနိုင်ရွှေသတ္တုတူးဖော်ရေး ကုမ္ပဏီပိုင်အင်းထဲမှာ မြေသားနံရံပြိုကျပြီး လူတွေပိတ်မိ နေကြောင်း  သတင်းရတဲ့အတွက် မြို့နယ်ရဲတပ်ဖွဲ့နဲ့ ကျေးရွာအုပ်ချုပ်ရေး တာဝန်ရှိသူတွေ သွားရောက်ကြည့်ရှုစစ်ဆေးပြီး ကယ်ဆယ်ရေးအဖွဲ့ဝင်တွေနဲ့ ၀ိုင်းဝန်းတူးဖော်ခဲ့တာပါ။ နိုဝင်ဘာ ၁၅ ရက်နေ့မှာ အသက်ရှင်သူ ၁ဦးနဲ့ သေဆုံးသူ ၃ ဦးရဲ့ အလောင်းတွေကို တူးဖော်တွေ့ရှိခဲ့တယ်လို့ စဥ့်ကူးမြို့နယ်ရဲတပ်ဖွဲ့ရုံးမှ တာဝန်ကျ ရဲတပ်ကြပ်ကြီး အောင်မျိုးဝင်းက ဒီဗွီဘီကို ပြောပါတယ်။ “ကယ်ဆယ်ရေးအဖွဲ့တွေ သွားတူးတော့ အဲဒီတွင်းကြီးက ခန့်မှန်းခြေ ပေ ၁၈၀ လောက်နက်တဲ့ လိုဏ်ခေါင်းကြီးလို့ ပြောတယ်ခင်ဗျ၊ ကြွက်လမ်းတွေလိုဆင်းသွားတာပေါ့၊ ကြားထဲမှာလည်း ကန့်လန့်ဖြတ်ကျင်း လမ်းတွေရှိတယ်။ အဲဒါ တနေ့လုံး တညလုံးတူးဖော်ပြီး ၁၅ ရက်နေ့ မနက်စောစောကမှ ပြန်တွေ့တယ်၊  ပေ ၁၅၀ လောက်မှာတဲ့၊ ပိတ်မိနေတာက ၄ ယောက်ပေါ့ ၊ တယောက်ကို ရှင်လျှက်နဲ့ တွေ့ရှိတယ် ၊ ၃ ယောက်ကတော့ သေသွားတယ် ” ရွှေတွင်းတွေတည်ရှိရာ ငါးပြားပေးကျေးရွာအုပ်စုမှာ စဥ့်ကူးမြို့နဲ့ ၁၅ မိုင်ကျော်အကွာမှာ ရှိပါတယ်။ တွင်းထဲပိမိနေသူ ၄ ဦးစလုံးကတော့  စဥ့်ကူးမြို့နယ် ကျည်တောက်ပေါက်ရွာသားတွေဖြစ်ကြပြီး ရွှေခိုးတူးစဉ်  မြေပြိုမှုနဲ့ ကြုံရတာလို့ရဲကဆိုပါတယ်။ အသက်ရှင်လျှက် ပြန်တွေ့သူမှာ မောင်ဇင်ဝိုင်း (၂၃ နှစ်) ဖြစ်ပြီး ကျည်တောက်ပေါက် တိုက်နယ်ဆေးရုံကို ပို့ဆောင်ပေးခဲ့ကြောင်း၊ ဒဏ်ရာမပြင်းထန်တဲ့အတွက် ဆေးရုံက ဆင်းသွားပြီလို့  ရဲတပ်ကြပ်ကြီးကပြောပါတယ်။ သေဆုံးသူ ၃ ဦးမှာ အောင်မျိုးဦး၊ ၊ အောင်မြင့်သန်းနဲ့ ဖိုးရှင်တို့ ဖြစ်ကြပြီး အားလုံး အသက် ၁၉ - ၂၀ နှစ်ရွယ်လူငယ်တွေဖြစ်ကြပါတယ်။  ဒီကိစ္စနဲ့ ပတ်သက်လို့ ရဲစခန်းကတော့ သေမှုသေခင်းအနေနဲ့  အမှုဖွင့်ထားပါတယ်။
4 years Ago

October 8, 2017

မိတ္ထီလာ-ကျောက်ပန်းတောင်းလမ်း ယာဉ်တိုက်မှုကြောင့် ၁ ဦး သေဆုံး၊ ၁ ဦး ဒဏ်ရာရ

မိတ္ထီလာ-ကျောက်ပန်းတောင်းလမ်းမှာ ဆိုင်ကယ်တစီးနဲ့တစီး ချိတ်မိ လဲကျပြီးနောက် ကားကြိတ်ခံရလို့ ၁ ဦးသေဆုံးပြီး ၁ ဦး ဒဏ်ရာခဲ့ပါတယ်။ မန္တလေးတိုင်းဒေသကြီး၊ မိတ္ထီလာမြို့နယ်၊ မိတ္ထီလာ-ကျောက်ပန်းတောင်းလမ်း မိုင်တိုင် ၀/၆နဲ့ ၇ အကြား အောက်တိုဘာ ၇ ရက် မနက်ပိုင်းက မိတ္ထီလာကနေ ကျောက်ပန်းတောင်းဘက် ဦးခင်မောင်စိန်မောင်းပြီး နောက်ခုံမှာ သမီးဖြစ်သူ မမြသန်းနွဲ့ လိုက်ပါလာတဲ့ ဆိုင်ကယ်လက်ကိုင်အား နောက်မှကျော်တက်တဲ့ ဆိုင်ကယ်က ချိတ်ဆွဲသွားပြီးနောက် ဝဲဘက်ကို လဲကျစဉ် မျက်နှာချင်းဆိုင်က ကျော်မင်းလတ် မောင်းနှင်လာတဲ့ ကုန်တင်ကားက တက်ကြိတ်မိတာပါ။ ကားနဲ့ကြိတ်မိလို့ ဦးခင်မောင်စိန် အခင်းဖြစ်နေရာမှာ သေဆုံးခဲ့ပြီး အဝေးသင်တက္ကသိုလ်ကျောင်းသူလည်း ဒဏ်ရာရသွားတယ်လို့ မိတ္ထီလာမြို့မရဲစခန်းက ပြောပါတယ်။ မြို့မရဲစခန်း ဒုရဲအုပ်အောင်သူဟိန်းက "ဦးခင်မောင်စိန်ရဲ့ ဦးခေါင်းကြေသွားတယ်၊ သမီးဖြစ်သူ မမြသန်းနွဲ့ကတော့ ဝဲလက်မောင်းနဲ့ ယာတင်ပါး နာကျင်ဒဏ်ရတယ်၊ မိတ္ထီလာဆေးရုံ ပို့ပေးရတယ်၊ ထွက်ပြေးတဲ့ဆိုင်ကယ်ကို စုံစမ်းနေပါတယ်" လို့ ပြောပါတယ်။ မိတ္ထီလာမြို့မရဲစခန်းက ကျော်မင်းလတ် နဲ့ ထွက်ပြေးသွားတဲ့ ဆိုင်ကယ်မောင်းသူ (စုံစမ်းဆဲ) ကို လူသေမှု၊ ပြင်းထန်ဒဏ်ရာရမှု၊ ထွက်ပြေးမှု ရာဇသတ်ကြီးပုဒ်မ ၃၀၄(က)/၃၃၈/၂၀၂ တို့နဲ့ ဖမ်းဆီးအမှုဖွင့်ထားပါတယ်။ သတင်း-မောင်မောင်လင်း(ဝမ်းတွင်း)
4 years Ago
More News
Up