မြန်မာရေလုပ်သား

June 29, 2019

မြန်မာရေလုပ်သား ၂ ဦး လွတ်မြောက်ရန် ဒေါ်လာ ၅ သောင်း ကုန်ကျခဲ့

ရနောင်းလူသတ်မှုနဲ့ ထောင်ဒဏ်တွေ ချမှတ်ခံရတဲ့ မြန်မာရေလုပ်သားနှစ်ဦး လွတ်မြောက်ဖို့ ၄ နှစ်အတွင်း ဒေါ်လာငါးသောင်း ကုန်ကျခဲ့တယ်လို့ ထိုင်းနိုင်ငံတောင်ပိုင်းအခြေစိုက် ပညာရေးနှင့်ဖွံ့ဖြိုးရေးဖောင်ဒေးရှင်း FED ဒါရိုက်တာ ဦးထူးချစ်က ပြောပါတယ်။ ထိုင်းကျောင်းသူတဦး အသတ်ခံရမှုနဲပတ်သက်ပြီး ထောင်ဒဏ် ၈ နှစ် ပြစ်ဒဏ်ခံထားရတဲ့ စိန်ဂတုံး နဲ့ ထောင်ဒဏ် ၆ နှစ် ပြစ်ဒဏ်ခံထားရတဲ့ ဝေလင်း (ခေါ်) ဇော်လေး တို့ နှစ်ဦး လွတ်မြောက်ရေးအတွက်  တိုင်းဒေသအမှတ် – ၈ တရားရုံးကို အယူခံ တင်ထားရာမှာ တရားသူကြီးက အယူခံအောင်ကြောင်း ယမန်နေ့က အမိန့်ချမှတ်လိုက်တာပါ။ အဲ့ဒီအမှုမှာ ထိုင်းနိုင်ငံတောင်ပိုင်းအခြေစိုက် ပညာရေးနှင့်ဖွံ့ဖြိုးရေး ဖောင်ဒေးရှင်းအဖွဲ့က အဓိက ကူညီဆောင်ရွက်ပေးခဲ့တာပါ။ စိန်ကတုံးနဲ့ ဝေလင်းတို့ရဲ့ အယူခံကို ၂၀၁၈ ဧပြီလမှာ ရနောင်းမြို့ တရားရုံးကို တင်သွင်းထားတာဖြစ်ပြီး ဇွန်လ ၂၇ ရက်နေ့မှာတော့ ရနောင်းမြို့ အကျဉ်းထောင်ကနေ လွတ်မြောက်လာပါတယ်။ ရနောင်းမြို့က အသက် ၁၉ နှစ်ရွယ် အထက်တန်းကျောင်းသူ နောင့်အက်ပဲလ်ဟာ ၂၀၁၅ ခုနှစ် စက်တင်ဘာလက နေအိမ်ကနေ လမ်းထိပ်သို့ထွက်လာစဉ် ဓားဒဏ်ရာ ၁၇ ချက်နဲ့ သေဆုံးခဲ့ရတာပါ။ အခင်းဖြစ်ပွားချိန်မှာ လူငယ်တစုက ဘုန်းကြီးကျောင်းလမ်းကြားထဲပြေးဝင်ပြီး မြန်မာစကား တွေပါ ပြောဆိုသံကြားတယ်လို့ မျက်မြင်သက်သေတွေက ထွက်ဆိုတဲ့အတွက် အဲဒီအနီးတ၀ိုက်က မြန်မာအလုပ်သမားလူငယ်တချို့ကို  ရဲတပ်ဖွဲ့က ခေါ်ယူစစ်ဆေးပြီး ၄ ဦးကို လူသတ်မှုနဲ့ ပြစ်ဒဏ်တွေချမှတ်ခဲ့ပါတယ်။ ဒါပေမယ့် လူငယ်တွေဟာ အမှုကို အမှန်တကယ်ကျူးလွန်ခြင်းမရှိဘဲ မတရား စွပ်စွဲဖမ်းဆီးခံထားရကြောင်း မိဘတွေက လာရောက်အကူအညီတောင်းခဲ့ပြီး မကျူးလွန်ဘူးဆိုတာကို လေ့လာသိရှိရတဲ့အတွက် ထိုင်းတောင်ပိုင်း အခြေစိုက်  ပညာရေးနဲ့ ဖွံ့ဖြိုးတိုးတက်ရေးဖောင်ဒေးရှင်း FED အနေနဲ့ သက်ဆိုင်ရာအဖွဲ့အစည်းတွေနဲ့ ချိတ်ဆက်ပြီး အကူအညီပေးခဲ့တာ ဖြစ်ပါတယ်။ ပြစ်ဒဏ်ခံရတဲ့ လူငယ် ၄ ဦးအနက် မိုးဇင်အောင်နဲ့ ကျော်စိုးဝင်းတို့ နှစ်ဦးမှာ အသက် ၁၈ နှစ်အောက်လူငယ်တွေဖြစ်လို့ ပြီးခဲ့တဲ့နှစ် ဒီဇင်ဘာလက လွတ်မြောက်ခဲ့ပါတယ်။ မြန်မာလုပ်သားလေးဦးအမှု ကိစ္စနဲ့ ပတ်သက်ပြီး ကုန်ကျစရိတ်အားလုံးကို မက်စ်မြန်မာ ကုမ္ပဏီဥက္ကဋ္ဌ ဦးဇော်ဇော်က တာဝန်ယူ ဆောင်ရွက်ပေးခဲ့ပြီး ရနောင်းမြို့မှာ ဖမ်းဆီးခံထားရတဲ့  မြန်မာလုပ်သားတွေ အမှုစတင်ဖြစ်ပွားကတည်းက ကူညီပေးနေသူ ဖြစ်ပါတယ်။ ၂၀၁၄ ခုနှစ်ကလည်း ထိုင်းတောင်ပိုင်း စူရတ်ဌာနီခရိုင် ခိုတောင်ကျွန်း ခေါ် လိပ်ကျွန်းမှာ ဗြိတိန်နိုင်ငံသား ၂ ဦး အသတ်ခံရတာနဲ့ ပတ်သက်ပြီး သေဒဏ်အပြစ်ပေးခံထားရတဲ့ မြန်မာလူငယ်နှစ်ဦးကတော့ ထိုင်းတရားရုံးချုပ်မှာ အယူခံတင်ထားပေမယ့် လွတ်မြောက်လာခြင်း မရှိသေးပါဘူး။
2 years Ago

November 16, 2018

အိန္ဒိယနိုင်ငံတွင် ထိန်းသိမ်းခံခဲ့ရသည့် မြန်မာရေလုပ်သား ၇ ဦး ပြန်လည်ရောက်ရှိ

အိန္ဒိယနိုင်ငံ၊ ပို့ဘလဲယားကျွန်းရှိ ယာယီထိန်းသိမ်းရေးစခန်းတွေမှာ ထိန်းသိမ်းခံထားရတဲ့ မြန်မာရေလုပ်သား ၇ ဦး ပြစ်ဒဏ်ကာလ ပြီးဆုံးပြီးနောက်  မြန်မာနိုင်ငံသို့ ပြန်လည် ရောက်ရှိလာပါတယ်။ မြန်မာနိုင်ငံမှ စေတနာရှင်တွေရဲ့ လေယာဉ်စရိတ် ကျခံမှုနဲ့ နိုဝင်ဘာ ၁၅ ရက် ညက  မြန်မာ့လေကြောင်းလိုင်းနဲ့ ရန်ကုန်အပြည်ပြည်ဆိုင်ရာ လေဆိပ်သို့ ပြန်လည်ရောက်ရှိလာတာလို့ မြန်မာနိုင်ငံခြားရေးဌာနက ထုတ်ပြန်ပါတယ်။ မြန်မာ ၇ ဦးကို နယူးဒေလီမြို့ရှိ မြန်မာသံရုံးနဲ့ အိန္ဒိယအာဏာပိုင်တွေက တွေ့ဆုံမေးမြန်း နိုင်ငံသားစိစစ် ဆောင်ရွက်ခဲ့ပြီး  နိုင်ငံသားမှန်ကန်ကြောင်း အတည်ပြုချက် ရရှိသူတွေကို နိုင်ငံခြားရေး၊ ပြည်ထဲရေး၊ လူကယ်ပြန်ဌာနနဲ့ စေတနာရှင်တွေ ပူးပေါင်းပြီး မြန်မာနိုင်ငံသို့ ပြန်လည်ရောက်ရှိနိုင်ရေး ကူညီဆောင်ရွက်ပေးခဲ့တာလို့ ဆိုပါတယ်။ အိန္ဒိယနိုင်ငံ၊ ပို့ဘလဲယားမှာ ထိန်းသိမ်းခံထားရတဲ့ မြန်မာရေလုပ်သားတွေထဲက ၂၀၁၆ ခုနှစ်မှာ ၂၇၂ ဦး၊ ၂၀၁၇ ခုနှစ်မှာ ၁၃၃ ဦး၊ ၂၀၁၈ ခုနှစ်မှာ နိုဝင်ဘာလ ၁၅ ရက်အထိ ၅၈ ဦး မြန်မာနိုင်ငံကို ပြန်လည်ရောက်ရှိခဲ့ပါတယ်။ ဓာတ်ပုံ- MOFA
2 years Ago
More News
Up