မြစ်ဆုံစီမံကိန်းဖျက်သိမ်းရေး ပုသိမ်မြို့တွင် ဆန္ဒထုတ်ဖော်

July 1, 2019

မြစ်ဆုံစီမံကိန်း အပြီးတိုင်ဖျက်သိမ်းရေး လက်ကမ်းစာစောင်များ မန္တလေးတွင် ဖြန့်ဝေ

ဧရာဝတီမြစ်ဆုံစီမံကိန်းကို အပြီးတိုင်ဖျက်သိမ်းရေးအတွက်ရည်ရွယ်တဲ့ အသိပညာပေး လက်ကမ်းစာစောင်တွေကို မန္တလေးတိုင်းဒေသကြီး၊ မဟာအောင်မြို့နယ်မှာ ဒီကနေ့ စတင် ဖြန့်ဝေနေပါတယ်။  လက်ကမ်းစာစောင်တွေ ခုလို ဖြန့်ဝေတာကို မြစ်ဆုံဆည်စီမံကိန်း အပြီးတိုင် ဖျက်သိမ်းရေး နိုင်ငံလုံးဆိုင်ရာကွန်ရက်က ဦးဆောင်ပြီးပြုလုပ်နေတာ ဖြစ်ပါတယ်။။ ကွန်ရက်အဖွဲ့ရဲ့ ဦးဆောင်သူ ဒေါက်တာအောင်စိုးမြင့်က “ပြီးခဲ့တဲ့ ၂၈ ရက်နေ့က မြစ်ဆုံစာချုပ်ကို ပြည်သူကို တလအတွင်း ချပြပေးဖို့ ဥပဒေနဲ့အညီ တောင်းဆိုခဲ့ပေမယ့် အစိုးရက တုံ့ပြန်မှုမရှိတဲ့အတွက် ပထမဆုံး ခြေလှမ်း အဖြစ် ဧရာဝတီမြစ်ဆုံစီမံကိန်း အပြီးတိုင်ဖျက်သိမ်းပေးရေး လက်ကမ်းစားစောင်တွေ ဖြန့်ဝေ ပေးတာဖြစ်တယ်”လို့ ပြောပါတယ်။ မန္တလေးတက္ကသိုလ်အနီးကစတင်ပြီး မဟာအောင်မြေမြို့နယ်က မန်းမြို့ဈေး၊ အောင်မြေသာစံမြို့နယ် ၇၃ လမ်း ၂၆ လမ်း၊ ကျုံးထောင့် စတဲ့ လူစည်ကားရာနေရာတွေမှာ အသိပညာပေး လက်ကမ်းစာစောင် ၁၀၀၀ ကျော် ဖြန့်ဝေခဲ့ပါတယ်။ ဆက်လက်ပြီး မိတ္ထီလာ၊ မြင်းခြံ၊ ကျောက်ပန်းတောင်း၊ ကျောက်ဆည်၊ မကွေးမြို့တွေမှာလည်း လက်ကမ်းစာစောင်တွေ ဆက်လက်ဖြန့်ဝေသွားမယ်လို့ သိရပါတယ်။  
2 years Ago

January 28, 2019

မြစ်ဆုံစီမံကိန်းဖျက်သိမ်းရေး ပုသိမ်မြို့တွင် ဆန္ဒထုတ်ဖော်

မြစ်ဆုံစီမံကိန်းကို အပြီးတိုင်ဖျက်သိမ်းပေးဖို့ ဧရာဝတီတိုင်းဒေသကြီး ပုသိမ်မြို့ရှိ ရွှေမုဋ္ဌောဘုရားအနီး စာတိုက်ကုန်းမှာ ဒီကနေ့မွန်းလွဲပိုင်းက ဒေသခံတွေက ဆန္ဒပြပွဲကျင်းပပြီး တောင်းဆိုနေပါတယ်။ ဧရာဝတီတိုင်းအတွင်းက အရပ်ဖက် အဖွဲ့အစည်းတွေဦးဆောင်ပြီး ဒီကနေ့ နေ့လယ် ၂ နာရီကစတင် ဆန္ဒပြနေတာဖြစ်ပြီး စီမံကိန်းဖျက်သိမ်းရေးအတွက် ဟောပြောပွဲနဲ့ လူထုဆန္ဒ သဘောထား လက်မှတ်ကောက်ခံတာတွေကိုလည်း ပြုလုပ်နေပါတယ်။
2 years Ago
Up