ကြောင်

September 11, 2018

ဆုံးပါးသွားသည့် သခင်အား လွမ်းဆွတ်နေသည့် ကြောင်လိမ္မာလေးရုပ်သံ ကြည့်ရှုသူ ၃၃ သန်းကျော်ရှိ

သံယောဇဉ်နဲ့ ချစ်ခြင်းမေတ္တာဆိုတာ လူသားတွေတင် မဟုတ်ပါဘူး။ တိရစ္ဆာန်တွေမှာလည်း ရှိတတ်ကြတယ်ဆိုတာ ဒီအဖြစ်အပျက်က သက်သေခံနေပါတယ်။ ဒီရုပ်သံဗွီဒီယိုဖိုင်ထဲမှာတော့ အိမ်မွေးတိရစ္ဆာန် ကြောင်ကလေးနဲ့ သူ့သခင်ကြားက ချစ်ခြင်းမေတ္တာတရားကို အတိုင်းသား ခံစားတွေ့မြင်နိုင်မှာ ဖြစ်ပါတယ်။ သခင်ဖြစ်သူ သေဆုံးသွားပြီးနောက်မှာ သူ့ရဲ့ဖုန်းထဲက ပုံတွေကို ကြောင်ကလေးက ပြန်လည်ကြည့်နေခဲ့တာဟာ တကယ့်ကို ကြေကွဲစရာပါပဲ။ ကြောင်ကလေးဟာ အခန်းထောင့် ကြမ်းပြင်ပေါ်မှာ ချထားခဲ့တဲ့ ဖုန်းထဲက သခင့်ပုံတွေကို ကြည့်နေရင်းက ခနအကြာမှာတော့ ဖုန်းစခရင်မ်ကို ပွတ်သပ်တိုးဝှေ့ပြီး လွမ်းဆွတ်နေတာကို ပြသလိုက်တာပါ။ ဒီရုပ်သံဗွီဒီယိုဖိုင်ကိုတော့ Engin Yilmaz အမည်နဲ့ ဖေ့စ်ဘွတ်ခ်အသုံးပြုသူတဦးက မျှဝေထားခဲ့တာဖြစ်ပြီး လက်ရှိအချိန်မှာတော့ ဝင်ရောက်ကြည့်ရှုသူ ၃၃ သန်းကျော် ရှိနေခဲ့ပြီ ဖြစ်ပါတယ်။
3 years Ago

October 19, 2017

လူမျက်နှာနှင့် ထူးဆန်းသည့် ကြောင်ပေါက်လေး တွေ့သည့်သတင်း မလေးရှားရဲ ငြင်းဆန်

မလေးရှားနိုင်ငံမှာ လူမျက်နှာနဲ့ ကြောင်လို ထူးဆန်းတဲ့ အကောင်ပေါက်လေး တွေ့တဲ့သတင်းကို ရဲတွေက ပယ်ချလိုက်ပါတယ်။ သတ္တဝါလေးရဲ့ ရုပ်ပုံတွေနဲ့ ဗွီဒီယိုရုပ်သံတွေ လူမှုကွန်ရက်စာမျက်နှာထက် ပျံ့နှံ့နေပေမယ့် ရဲတွေက ဒီသတ္တဝါလေးရှိတယ်ဆိုတဲ့ သတင်းကို ငြင်းဆန်လိုက်တာပါ။ ထူးဆန်းသတ္တဝါရဲ့ ရုပ်သံကို မလေးရှားနိုင်ငံ အနောက်ပိုင်း ပဟန်းပြည်နယ်မှ ရိုက်ကူးခဲ့တာလို့ သိရပါတယ်။ ရုပ်သံထဲမှာ ထိပ်ပြောင်နေပြီး ပန်းရောင်အသားအရေ၊ ခြေလေးချောင်းရှိတဲ့ လူမျက်နှာနဲ့ သတ္တဝါလေးကို တွေ့ရပါတယ်။ သတ္တဝါရဲ့ ခြေလေးချောင်းစလုံးမှာ ခြေသည်းရှည်တွေပါပြီး ချွန်ထက်နေတဲ့သွား ၂ ချောင်းနဲ့ ဦးရေမှာ ဆံပင်ပါးပါးတွေလည်း ပေါက်နေပါတယ်။ ဒါပေမယ့် ပြည်နယ်ရဲချုပ် ဒါတက်ရိုစ်လီအက်ဘ်ဒူလ်ရာမန်က ဓာတ်ပုံတွေက အမှန်တွေမဟုတ်ဘူးလို့ ပြောပါတယ်။ “ထူးဆန်းသတ္တဝါလေးရဲ့ ပုံတွေကို လူမှုကွန်ရက်ပေါ်မှာ မဖြန့်ဝေခင် ဒီပုံတွေကို အင်တာနက်ပေါ်က ဒေါင်းလုပ် လုပ်ထားတယ်ဆိုတာ ကျနော်တို့ရဲ့ စစ်ဆေးမှုကနေ သိရပါတယ်။ ဒီလို မသေချာတဲ့သတင်းတွေကို ဖြန့်ဝေတာ လူထုအနေနဲ့ ရပ်တန့်သင့်တယ်လို့ ကျနော်ထင်တယ်။” ဒီရုပ်ပုံတွေက လူမှုကွန်ရက်ပေါ်မှာ ရောင်းတဲ့ ဆီလီကွန်နဲ့လုပ်ထားတဲ့ မြေခွေးပေါက် အရုပ် ဖြစ်မယ်လို့ ရဲတွေက ယူဆနေကြပြီး ဒီလိုသတ္တဝါတွေ့တယ်ဆိုတဲ့ သတင်းလည်း မရခဲ့ဘူးလို့ ရဲတွေက ပြောပါတယ်။ လူသားမျက်နှာနဲ့ ထူးဆန်းတဲ့ ကြောင်လိုသတ္တဝါလေးကို ပဟန်းပြည်နယ် နယ်စပ်နားမှာ တွေ့တယ်လို့ သတင်းရပြီးနောက် သတ္တဝါလေးရဲ့ရုပ်ပုံတွေ လူမှုကွန်ရက်ပေါ်မှာ ပျံ့နှံ့ခဲ့ပြီး ဘယ်နေရာဆိုတာ မသိရှိပေမယ့် ဓာတ်ခွဲခန်းတခုထဲမှာ သတ္တဝါလေးကို ထိန်းသိမ်းထားတယ်လို့ ပုံရဲ့အောက်မှာ စာရေးပြီး အခိုင်အမာ ပြောထားတာပါ။ ဒီနှစ်အစောပိုင်းတုန်းကလည်း အိန္ဒိယနိုင်ငံက ရွာတရွာမှာ လူမျက်နှာနဲ့ ဆိတ်ကလေးတကောင် မွေးခဲ့လို့ ရွာသားတွေ ထိတ်လန့်ခဲ့ပြီး လူမှုကွန်ရက်ပေါ်မှာ ပဟေဠိဖြစ်ခဲ့ရပါတယ်။ နောက်အထူးအဆန်းတခု အနေနဲ့ ဒီနှစ်အစောပိုင်းမှာပဲ နိုင်ဂျီးရီးယားနိုင်ငံမှာ အမျိုးသမီးတဦးက ၂ နှစ် ကိုယ်ဝန်ဆောင်ခဲ့ပြီး ဆိတ်တကောင် မွေးဖွားခဲ့တယ်လို့ ပြောလိုက်ကာ ရုပ်ပုံတွေလည်း ထွက်ပေါ်လာတယ်လို့ မေရာသတင်းမှာ အောက်တိုဘာ ၁၈ ရက်နေ့က ဖော်ပြထားပါတယ်။
4 years Ago
More News
Up