သေနတ်

July 20, 2019

မူဆယ်တွင် သေနတ်မျိုးစုံနှင့် လက်ပစ်ဗုံး အလုံး ၂၀ ကျော် ဖမ်းမိ

ရှမ်းပြည်နယ် မူဆယ်မြို့နယ်အတွင်းမှာ သေနတ်မျိုးစုံနဲ့ လက်ပစ်ဗုံး အလုံး ၂၀ ကျော် ဖမ်းဆီးမိခဲ့တယ်လို့ တပ်မတော်က ထုတ်ပြန်ပါတယ်။ ရှမ်းပြည်နယ်(မြောက်ပိုင်း) သိန်းနီမြို့ OHC တိုးဂိတ်မှာ ဇူလိုင် ၁၀ ရက် ည ၁၀ နာရီခွဲလောက် ရန်စန်း(ဘ)ဦးရှောက်ဝမ် မောင်းနှင်လာတဲ့ MDY-5M/ ---ယာဉ်ပေါ်မှ ဘိန်းဖြူ ၃ ဂရမ်၊ တရုတ်ငွေစက္ကူ ၈၂၀၀ ယွမ်နဲ့အတူ ဖမ်းဆီးရမိခဲ့တယ်လို့ ဆိုပါတယ်။ ဖမ်းဆီးရမိခဲ့တဲ့ ရန်စန်းအား စစ်ဆေးမေးမြန်းချက်အရ မူဆယ်မြို့နယ်၊ ကောင်းမှုတုံရပ်ကွက်၊ တိုးချဲ့ကွက်သစ်ရှိ ဂိုဒေါင်အတွင်း လက်နက်၊ ခဲယမ်းတွေ သိမ်းဆည်းထားကြောင်း သိရလို့ လုံခြုံရေးတပ်ဖွဲ့ဝင်တွေပါဝင်တဲ့ ပူးပေါင်းအဖွဲ့က ဇူလိုင် ၁၇ ရက် ည ၉ နာရီလောက်မှာ သွားရောက်စစ်ဆေးခဲ့ပါတယ်။ ဂိုဒေါင်အတွင်း မီးခံသေတ္တာအတွင်းမှ သေနတ်မျိုးစုံ ခုနစ်လက်၊ ကျည်အိမ်မျိုးစုံ ၂၄ ခု၊ လက်ပစ်ဗုံး ၂၂ လုံး၊ စနက်တံခြောက်ခု၊ ကျည်မျိုးစုံ ၅၅၃ တောင့်နဲ့ မှန်ပြောင်းနှစ်လက်တို့အား ထပ်မံတေံရှိ သိမ်းဆည်းရမိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။ သိမ်းဆည်းရမိတဲ့ လက်နက်၊ ခဲယမ်းတွေနဲ့ ဆက်စပ်ပစ္စည်းတွေကို လုပ်ထုံးလုပ်နည်းနဲ့အညီ ဆက်လက်ဆောင်ရွက်သွားမယ်လို့ သိရပါတယ်။
2 years Ago

June 27, 2019

သေနတ်အလက် ၁၀၀၀ ကျော်ရှိသည့် လက်နက်တိုက် အာဂျင်တီးနား လုံခြုံရေးတပ် သိမ်းဆည်းမိ

အာဂျင်တီးနား လုံခြုံရေးတပ်တွေဟာ နိုင်ငံတလွှားက စစ်ဆင်ရေးတခုအတွင်း မှောင်ခိုသေနတ်အလက် တထောင်ကျော်ရှိတဲ့ လက်နက်တိုက်တခုကို ဇွန်လ ၂၆ ရက်က သိမ်းဆည်းရမိခဲ့ပါတယ်။ ဗျူနိုအေးရီးစ်၊ စန်တာဖေး၊ ကော်ဒိုဘာ၊ ရီယိုနီဂရိုးနဲ့ စန်တီယာဂို ဒယ် အက်စ်တေရို မြို့တွေက စီးနင်းမှု ၅၂ ခုကျော်အတွင်း လူ ၁၇ ယောက်ကိုလည်း ဖမ်းဆီးခဲ့တယ်လို့ ကာကွယ်ရေး ဝန်ကြီးဌာနက ပြောပါတယ်။ ရာဇဝတ်မှု ထောက်လှမ်းရေးနဲ့ စုံစမ်းစစ်ဆေးရေး ၈ လကြာ အားထုတ်မှုအပြီး အမေရိကန်နဲ့ ဥရောပက လက်နက်တွေကို အာဂျင်တီးနားနိုင်ငံဆီ မှောင်ခိုသွင်းတဲ့ ရာဇဝတ်အုပ်စုရဲ့ လျှို့ဝှက် လှုပ်ရှားမှုတွေကို ဖော်ထုတ်နိုင်ခဲ့ပါတယ်။ ဒီအုပ်စုဟာ လက်နက်တွေကို အာဂျင်တီးနားက တဆင့် ပါရာဂွေးနိုင်ငံကို ဖြတ်ပြီး ဘရာဇီးကို ဆက်ပြီး မှောင်ခိုသယ်ထုတ်တယ်လို့ ရိုက်တာသတင်းဌာနက ဖော်ပြပါတယ်။ လက်နက်တွေ သိမ်းမိတာကြောင့် ပါရာဂွေးနဲ့ ဘရာဇီးမှာပါ အကြမ်းဖက်မှုတွေ လျှော့ချရာမှာ ကူညီနိုင်မယ်၊ ဒီသေနတ်အများစုကို မူးယစ်ကုန်ကူးသူတွေ သုံးကြတယ်လို့ အာဂျင်တီးနား လုံခြုံရေးဝန်ကြီး ပက်ထရစ်ရှာ ဘူးလ်ရစ်ခ်ျက သတင်းစာရှင်းလင်းပွဲမှာ ပြောပါတယ်။ ကျည်ကတ်တွေကို ဂျာမနီကနေ သယ်လာပြီး စပိန်ကို ရွှေ့၊ အဲဒီကတဆင့် နယ်သာလန်ကို ယူဖွက်ထားပြီး နောက်ဆုံးမှ ကုန်သေတ္တာတွေထဲ ထည့်ပြီး အာဂျင်တီးနားကို သယ်ခဲ့တာလို့ သတင်းထုတ်ပြန်ချက်က ဆိုပါတယ်။ အာဂျင်တီးနားမှာ လက်နက်တွေကို တပ်ဆင်ပြီး ပါရာဂွေး ခရီးသည် သယ်ယူပို့ဆောင်ရေး ကုမ္ပဏီကိုသုံးပြီး ပါရာဂွေးကနေတဆင့် ဘရာဇီးကို တင်ပို့ခဲ့တာလို့လည်း ဆက်ပြောခဲ့ပါတယ်။
2 years Ago
More News
Up