ရွေးကောက်ပွဲ

June 28, 2019

အင်ဒိုနီးရှား ရွေးကောက်ပွဲတွင် လက်ရှိသမ္မတ ဝီဒိုဒို အနိုင်ရဟု အတည်ပြု

အင်ဒိုနီးရှားနိုင်ငံရဲ့ ဧပြီလ ရွေးကောက်ပွဲရလဒ်အရ လက်ရှိသမ္မတ ဂျိုကိုဝီဒိုဒို အနိုင်ရတယ်လို့ ဖွဲ့စည်းပုံအခြေခံဥပဒေ တရားရုံးက ဇွန်လ ၂၇ ရက်နေ့မှာ အတည်ပြုလိုက်ပါတယ်။ ဧပြီလ ရွေးကောက်ပွဲမှာ သမ္မတ ဝီဒိုဒိုဟာ ထောက်ခံမဲ ၅၅ ဒသမ ၅ ရာခိုင်နှုန်းနဲ့ အနိုင်ရတယ်လို့ ရွေးကောက်ပွဲကော်မရှင်က ပြီးခဲ့တဲ့လမှာ ထုတ်ပြန်ခဲ့ပါတယ်။ ဒါပေမယ့် သမ္မတ ဝီဒိုဒိုကို စိန်ခေါ်သူ အငြိမ်းစားဗိုလ်ချုပ်ကြီး ပွာဘိုဝို ဆူဘီယန်တိုက ရွေးကောက်ပွဲမှာ လိမ်လည်မှုတွေ ရှိနေတယ်လို့ စွပ်စွဲပြီး ရွေးကောက်ပွဲရလဒ်ကို ပယ်ချပေးဖို့ ဖွဲ့စည်းပုံဆိုင်ရာ တရားရုံးကို တောင်းဆိုခဲ့ပါတယ်။ တရားသူကြီး ၉ ဦးပါအဖွဲ့က ပြီးခဲ့တဲ့လတုန်းက ရွေးကောက်ပွဲကော်မရှင် ထုတ်ပြန်တဲ့ တရားဝင်မဲရလဒ်ကို အတည်ဖြစ်ကြောင်း ဆုံးဖြတ်ခဲ့ပါတယ်။ ဖွဲ့စည်းပုံဆိုင်ရာ တရားရုံး ဆုံးဖြတ်ချက်ကို တရားသူကြီးတွေက ၉ နာရီနီးပါးလောက် ဖတ်ပြခဲ့ပါတယ်။ တချိန်တည်းမှာပဲ တရားရုံးနားမှာ ဆူဘီယန်တိုကို ထောက်ခံသူတွေ ထောင်ချီ စုဝေးနေကြပြီး ငြိမ်ငြိမ်သက်သက် ဆန္ဒပြခဲ့ကြပါတယ်။ အဲဒီဆန္ဒပြပွဲကြောင့် မြို့တော်ဂျကာတာမှာ လုံခြုံရေးအင်အား ၄၇,၀၀၀ ထက်မနည်း ချထားခဲ့ပြီး ရဲတပ်ဖွဲ့ဝင်တွေဟာ တရားရုံးနားက လမ်းတွေကို ပိတ်ထားခဲ့ပါတယ်။ အင်ဒိုနီရှားနိုင်ငံဟာ ကမ္ဘာ့ တတိယအကြီးဆုံး ဒီမိုကရေစီနိုင်ငံ ဖြစ်ပါတယ်။
2 years Ago

June 22, 2019

စစ်ကိုင်းတိုင်းတွင် ရွေးကောက်ပွဲကော်မရှင်၊ နိုင်ငံရေးပါတီများနှင့် အရပ်ဘက်အဖွဲ့များ ဆွေးနွေး

ပြည်ထောင်စုရွေးကောက်ပွဲကော်မရှင်နဲ့ စစ်ကိုင်းတိုင်းအတွင်းက နိုင်ငံရေးပါတီတွေ၊ အရပ်ဘက်အဖွဲ့တွေ ဇွန် ၂၁ ရက်နေ့က တွေ့ဆုံဆွေးနွေးခဲ့ကြပါတယ်။ ပြည်ထောင်စုရွေးကောက်ပွဲကော်မရှင်အဖွဲ့ဝင် (စစ်ကိုင်းတိုင်းဒေသကြီးတာဝန်ခံ) ဦးမြင့်အောင် နဲ့ စစ်ကိုင်းတိုင်းအတွင်း နိုင်ငံရေးပါတီ ၉ ခုက ပါတီခေါင်းဆောင်တွေ၊ ဒေသခံ အရပ်ဘက်အဖွဲ့အစည်း ၁၄ ခုက ကိုယ်စားလှယ်တွေ ဇွန် ၂၁ ရက်နေ့က မုံရွာမြို့ မြို့နယ်စီမံခန့်ခွဲမှုကော်မတီခန်းမမှာ တွေ့ဆုံကာ ရွေးကောက်ပွဲဆိုင်ရာတွေကို ဆွေးနွေးခဲ့ကြပါတယ်။ ဒီတွေ့ဆုံဆွေးနွေးပွဲကို ပထမဆုံးအကြိမ်ပြုလုပ်တာဖြစ်ပြီး ၂၀၁၅ ခုနှစ်အထွေထွေရွေးကောက်ပွဲ၊ ၂၀၁၇ ခုနှစ်၊ ၂၀၁၈ ခုနှစ် ကြားဖြတ်ရွေးကောက်ပွဲတွေရဲ့ အတွေ့အကြုံတွေနဲ့ပတ်သက်လို့ အပြန်အလှန်ဆွေးနွေးခဲ့ကြပါတယ်။ ဒါ့အပြင် ရွေးကောက်ပွဲတာဝန်ရှိသူတွေက လာမယ့် ၂၀၂၀ ရွေးကောက်ပွဲနဲ့ပတ်သက်လို့ မဲဆန္ဒရှင်စာရင်းပြုစုတာအပါအဝင် ကြိုတင်ပြင်ဆင်နေတာတွေ၊ ပြင်ဆင်ဖြည့်စွက်ပယ်ဖျက်ဖို့ လိုအပ်နေသေးတဲ့ ရွေးကောက်ပွဲ ဥပဒေ၊ နည်းဥပဒေနဲ့ပတ်သက်ပြီး လုပ်ဆောင်ချက်တွေကိုလည်း ရှင်းလင်း ပြောကြားခဲ့ကြပါတယ်။ ပြည်ထောင်စုရွေးကောက်ပွဲကော်မရှင်အဖွဲ့ဟာ နိုင်ငံရေးပါတီတွေ၊ အရပ်ဘက်အဖွဲ့အစည်းတွေ၊ တိုင်းအတွင်းက ဌာနဆိုင်ရာတွေနဲ့လည်း တွေ့ဆုံကာ လာမယ့် ၂၀၂၀ ရွေးကောက်ပွဲနဲ့ပတ်သက်လို့ အပြန်အလှန်ဆွေးနွေးတာတွေလည်း သီးသန့်ပြုလုပ်ခဲ့ပါသေးတယ်။
2 years Ago
More News
Up