မောင်သာမည

September 13, 2016

မဟာတံတိုင်းတည်ဆောက်သူများ

၁၉၅၆ ခုနှစ် ဇွန်လအတွင်းမှာ တရုတ်ကွန်မြူနစ်ပါတီရဲ့ ဥက္ကဋ္ဌကြီး မော်စီတုန်းဟာ ပုလဲမြစ်၊ ဆီယန်မြစ်၊ ယန်စီမြစ်ဆိုတဲ့  မြစ်ကြီးသုံးစင်းမှာ ရေကူးပြဖို့ဆုံးဖြတ်လိုက်ပါတယ်။ သူ့စီမံကိန်း တွေဟာ မိုက်ရူးရဲ ဆန်တယ်လို့စောင်းမြောင်းတိုက်ခိုက်ထားတဲ့ ပြည်သူ့နေ့စဉ်သတင်းစာပါ ခေါင်းကြီးကို တုံ့ပြန်ဖို့ ဒီဆုံးဖြတ်ချက်ကို ချလိုက်ခြင်းပါပဲ။  အဲဒီအချိန်မှာ အသက် ၆၃ နှစ် ရှိနေပြီ ဖြစ်တဲ့ ဥက္ကဋ္ဌကြီးမော်ရဲ့ ရေကူးပြခြင်းဟာ "ငါမအိုသေး"လို့ ကြုံးဝါးလိုက်တာဖြစ်သလို တိုက်ပွဲတခု ကို စဖို့အတွက် အချက်ပြ သင်္ကေတလည်း ဖြစ်ပါတယ်။ ဥက္ကဋ္ဌကြီးမော်ဟာ မြစ်ကြီးသုံးစင်းအတွင်း ဆက်တိုက် ရေကူးပြတဲ့ နည်းနဲ့ သူ့အပေါ် တိုက်ခိုက်ဝေဖန် သူတွေကို ချောက်ချားစေခဲ့ပါတယ်။ မော်စီတုန်းဟာ ယန်စီမြစ်အတွင်း ရေကူးဖို့ ၀ူဟန်မြို့ကို ရောက်နေခဲ့တဲ့ ရက်တရက်မှာ ယန်စီ မြစ်ဝှမ်း စီမံကိန်းညွှန်ကြားရေးမှူး လင်ယိရှန်းနဲ့တွေ့ပါတယ်။ ယန်စီမြစ်လယ်ပိုင်းမှာ တည်ဆောက်မယ့်  ရေကာတာစီမံကိန်းကို စစ်ဆေးတာပါ။ လင်ယိရှန်း ထုတ်ပြရှင်းလင်းတဲ့ စီမံကိန်းပုံစံဒီဇိုင်းကို ကြည့်ပြီး အလွန်အားရကျေနပ်နေတဲ့ မော်စီတုန်းဟာ သူနဲ့ အတူပါတဲ့ ကိုယ်ရေးဆရာဝန်ကို "အနာဂတ်ကာလမှာ မြစ်ကျဉ်းသုံးသွယ် ပျောက်ကွယ်သွားပြီး ဧရာမ ရေကာတာကြီးပဲ ကျန်ရစ်နေလိမ့်မယ်" လို့ ၀ံ့ဝံ့ကြွားကြွားပြောပါတယ်။ မော်စီတုန်းရဲ့ ကိုယ်ရေးဆရာဝန်ကတော့ အဲသည်တုန်းက သူ့ခံစားချက်ကို သည်လို ပြန်ပြောင်း ရေးပြထားပါတယ်။ "ယန်စီမြစ်ဝှမ်းစီမံကိန်းညွှန်ကြားရေးမှူး တင်ပြသည့် မြစ်ကျဉ်းသုံးသွယ်ရေကာတာ ပုံစံဒီဇိုင်းကို ကြည့်ရင်း သူရှင်းလင်းပြောဆိုနေသည်ကို နားထောင်ရသည့်အခါ ကျနော်အံ့သြတုံလှုပ်၍ မှင်သက် မိသွားသည်။ ညွှန်ကြားရေးမှူးဆိုသူကား သိပ္ပံပညာရှင်လည်းမဟုတ်သကဲ့သို့ အင်ဂျင်နီယာလည်း မဟုတ်ပေ။ တော်လှန်ရေးသမား ရဲဘော်ဟောင်းကြီးတယောက်မျှသာ ဖြစ်ပါသည်။ အမှန်စင်စစ် ယန်စီမြစ်ဝှမ်းကြီး တခုလုံးကို ပြောင်းလဲပစ်မည့် စီမံကိန်းအတွက် ခေတ်မီသိပ္ပံနည်းပညာများ အင်ဂျင်နီယာ အတတ်ပညာများ အလွန်အမင်းလိုအပ်ပေမည်။ ထို့ပြင် သည်စီမံကိန်းကြီးကြောင့် ဖြစ်လာမည့် အကျိုးဆက်များဆိုသည်ကလည်း လွယ်လွယ်နှင့် ခန့်မှန်းနိုင်သည်မျိုး မဟုတ်။" အဲဒီညမှာ ဥက္ကဋ္ဌကြီးမော်ဟာ သူ့ရဲ့နာမည်ကျော် "ရေကူးခြင်း” ကဗျာကို ရေးဖွဲ့ပါတယ်။ လူရှန် တောင်တန်းပေါ်က တိမ်တိုက်တွေနဲ့ မိုးရေတွေကို တားဆီးပိတ်လှောင်ထားနိုင်မယ့် ကျောက် တံတိုင်းကြီး ထူစိုက်ပြီး မြစ်ကျဉ်းသုံးသွယ်နေရာမှာ ဆည်ကြီးတခုတည်ဆောက်မယ် ဆိုတဲ့ စာပိုဒ်တွေ ပါဝင်ပါတယ်။ "လူရှန် တောင်ရိုးမိုးတိမ်တိုက်များဆီးတားကာရံမဟာတံတိုင်း" လို့မြစ်ကျဉ်းသုံးသွယ် ရေကာတာကြီးကို စိတ်ကူးပုံဖော် ရေးဖွဲ့ထားပါတယ်။ [caption id="attachment_168173" align="alignright" width="540"]တရုတ်ပြည်က မြစ်ကျဉ်းသုံးသွယ်ရေကာတာ တရုတ်ပြည်က မြစ်ကျဉ်းသုံးသွယ်ရေကာတာ[/caption] "ဥက္ကဋ္ဌကြီး မော်ကို မည်သည့်အရာကမျှ တားဆီးနိုင်ခြင်း မရှိပါ။ ဘေဂျင်းမြို့ တော်ရှိ အစိုးရအဖွဲ့ ခေါင်းဆောင်များအတွင်း လှိုင်းကြီးလေထန်မှုများကပင် တားဆီးနိုင်ခြင်း မရှိခဲ့ပါ။ မဟာတံတိုင်းကို တည်ဆောက်ခဲ့သော ပထမအင်ပါယာအရှင် ရှီဝမ်တီကဲ့သို့ပင် ဥက္ကဋ္ဌကြီးမော်သည်လည်း သူမရှိ သည့်နောက်တွင် ရာစုနှစ်ပေါင်းများစွာ တည်နေမည့် ဧရာမအဆောက်အဦကြီးများကို ဖန်တီး လိုသော ဆန္ဒရှိခဲ့သည်။ တရုတ်ပြည်၏ အသန်စွမ်းဆုံးနှင့် အထင်ရှားဆုံးသော မြစ်ကြီးကို ထိန်းချုပ်ပြီး ဧရာမ ဆည်ကြီးတခု တည်ဆောက်ရေးသည် ဥက္ကဋ္ဌကြီးမော်၏ ပြင်းပြသောဆန္ဒတခု ဖြစ်ပေသည် " လို့ မော်စီတုန်းရဲ့ ကိုယ်ရေး ဆရာဝန်က " The Private Life of Chairman Mao " စာအုပ်ထဲမှာ ရေး ထားပါတယ်။ ၁၉၉၂ ခုနှစ် ဧပြီလ ၃ ရက်မှာ ကျင်းပတဲ့ တရုတ်အမျိုးသားပြည်သူ့ ကွန်ဂရက်မှာ ၀န်ကြီးချုပ် လီပင်းက မြစ်ကျဉ်းသုံးသွယ်ရေကာတာ စီမံကိန်းကို  အဆိုတင်သွင်းပါတယ်။ အဲသည်အချိန်မှာ ဥက္ကဋ္ဌကြီးမော် ကွယ်လွန်သွားတာ ၁၅ နှစ် ရှိပါပြီ။ လီပင်းဟာ ၁၉၈၉ ခုနှစ် တိန်ယန်မင် ကျောင်းသား အရေးအခင်းကို ဖြိုခွင်းခဲ့သူအဖြစ် နာမည်ပျက်နေတဲ့အချိန်လည်း ဖြစ်ပါတယ်။ ရေအားလျှပ်စစ် အင်ဂျင်နီယာအတတ်ကို သင်ကြားခဲ့တဲ့ လီပင်းဟာ ကမ္ဘာပေါ်မှာ ရေအားလျှပ်စစ် ဓာတ် အများဆုံး ထုတ်လုပ်မယ့် မြစ်ကျဉ်းသုံးသွယ်ရေကာတာစီမံကိန်းကို စိတ်အားထက်သန်စွာနဲ့ အဆိုတင်သွင်းခဲ့တာပါ။ လီပင်းရဲ့ အဆိုကို  ကိုယ်စားလှယ်ပေါင်း ၂၆၃၃ ယောက် အနက် ထောက်ခံမဲ ၁၇၆၇မဲ၊ ကန့်ကွက်မဲ ၁၇၇မဲ၊ ကြားနေမဲ ၂၅ မဲ၊ ပျက်ကွက်မဲ ၆၆၄ မဲ နဲ့ အတည်ပြုခဲ့ပါတယ်။ ကွန်ဂရက်သမိုင်းမှာ ပျက်ကွက်မဲအများဆုံးရရှိခဲ့တဲ့ အဆိုပါ။ တရုတ်နိုင်ငံကို စက်မှုနိုင်ငံကြီးဖြစ်အောင် ပြောင်းလဲရေးအတွက် မြစ်ကျဉ်းသုံးသွယ် ရေကာတာက ထုတ်လုပ်မယ့် ရေအားလျှပ်စစ်စွမ်းအင်ဟာ မရှိမဖြစ်လိုအပ်တဲ့အပြင် ဒီစီမံကိန်းဟာ စီးပွားရေး အရ လည်း အလွန်တွက်ခြေကိုက်လိမ့်မယ်လို့ထောက်ခံသူများက ပြောခဲ့ပါတယ်။ ဒါကြောင့်လည်း မြစ်ကျဉ်းသုံးသွယ် စီမံကိန်းကို အမျိုးသား စီးပွားရေးနှင့် လူမှုရေးဖွံ့ ဖြိုးတိုးတက်မှု ဆယ်နှစ် စီမံကိန်း ထဲမှာ ထည့်သွင်းပြီး ဦးစားပေး လုပ်ဆောင်ခဲ့တာပါ။ စီမံကိန်းကုန်ကျစရိတ်က အမေရိကန်ဒေါ်လာ သန်းပေါင်း နှစ်သောင်းခွဲလောက် ရှိပါမယ်။  လျှပ်စစ် ဓာတ်ကို အပြည့်အ၀ ထုတ်လုပ်နိုင်တဲ့ အချိန်က စပြီး ဆယ်နှစ်ကြာရင် အမေရိကန်ဒေါ်လာ သန်းပေါင်း သုံးသောင်း ပြန်ရပါမယ်။ မြစ်ကျဉ်းသုံးသွယ်ရေကာတာ စီမံကိန်းကနေ လျှပ်စစ်ဓာတ်အား မဂ္ဂါဝပ် နှစ်သောင်းကျော် ထုတ်လုပ်ပါမယ်။ ကမ္ဘာပေါ်မှာ ရေအားလျှပ်စစ်ဓာတ် အများဆုံး ထုတ်လုပ်တဲ့ ရေကာတာကြီး ဖြစ်ပါမယ်။ သို့ကလို လီပင်းရဲ့ စီးပွားရေးအကြံပေးများက တွက်ချက်ခဲ့ကြတာပါ။ ၁၉၉၄ ခုနှစ် ဒီဇင်ဘာ ၁၄ ရက်မှာ ရေကာတာကြီးကို စတင်တည်ဆောက်ပြီဖြစ်ကြောင်း စီမံကိန်းကော်မီတီဥက္ကဋ္ဌ ၀န်ကြီးချုပ် လီပင်းက တရားဝင်ကြေညာပါတယ်။ ပေပေါင်း ခြောက်ရာကျော် မြင့်ပြီး တမိုင်ခွဲနီးပါး ရှည်လျားတဲ့ ရေကာတာတံတိုင်းကြီးအတွက် ကွန်ကရစ်တန်ချိန် တဆယ့်ခြောက်သန်း နဲ့ သံမဏိတန်ချိန် လေးသိန်းခြောက်သောင်းကျော် အသုံးပြုခဲ့ပါတယ်။ ၁၉၉၇ ခုနှစ်မှာ ယန်စီမြစ်ကို ပိတ်ပြီး မြစ်ရေကို တူးမြောင်းတခုထဲ လွှဲတဲ့ အခမ်းအနားကို ကျင်းပ ပါ တယ်။ ဒီအခမ်းအနားကို အဲသည်အချိန်က သမ္မတဖြစ်နေသူ ကျန်စီမင်းနဲ့ဝန်ကြီးချုပ် လီပင်း တို့ တက်ရောက်ခဲ့ပါတယ်။ ရေကာတာတံတိုင်းကြီး တည်ဆောက်တဲ့လုပ်ငန်း အပြီးသတ်တဲ့ အခမ်းအနား ကိုတော့ ၂၀၀၆ခုနှစ် မေလ ၂၀ရက်နေ့မှာ ကျင်းပပါတယ်။ သည်အချိန်မှာ လီပင်းက အနားယူသွား ပါပြီ။ သူသာ ၀န်ကြီးချုပ် ဆက်ဖြစ်နေရင် ဒီအခမ်းအနားကို ကိုယ်တိုင်တက်ရောက်ပြီး အကြီးအကျယ် ကျင်းပမှာ သေချာပါတယ်။ သို့ပေမဲ့ ဒီအချိန်မှာ နိုင်ငံ့အကြီးအကဲများ ဖြစ်နေကြတဲ့ သမ္မတဟူဂျင်တောင်နဲ့ ၀န်ကြီးချုပ် ၀မ်ကြားပေါင် တို့ကတော့ အခမ်းအနားကို မတက်ရောက်ခဲ့ ကြပါဘူး။ သမ္မတနဲ့ ၀န်ကြီးချုပ်တို့ဟာ မကျေနပ်မှုတွေ၊ အငြင်းပွားမှုတွေနဲ့ ဂယက်ထန်နေခဲ့တဲ့ မြစ်ကျဉ်းသုံးသွယ် ရေကာတာစီမံကိန်းကို လူသိရှင်ကြား ထောက်ခံအားပေးချင်ပုံ မရပါဘူး။  မော်စီတုန်းက အမွေအဖြစ် ထားရစ်ခဲ့တဲ့ ဒီစီမံကိန်းကို လီပင်းက ဆက်ခံပြီး အကောင်အထည် ဖော်ခဲ့ပေမယ့်  လီပင်း အကောင်အထည် ဖော်ပြီးထားခဲ့တဲ့ အမွေကိုတော့ ၀မ်ကြားပေါင်က လက်သင့်ခံချင်ပုံ မရပါဘူး။  ကမ္ဘာကျော် တန်ယန်မင်အရေးအခင်းကြီး ဖြစ်ပွားတဲ့ ၁၉၈၉ ခုနှစ်ရဲ့ နှစ်ဆန်းပိုင်းမှာ "ယန်စီ - ယန်စီ" အမည်ရှိတဲ့ စာအုပ်တအုပ် ပေါ်ထွက်ခဲ့ပါတယ်။ စာရေးဆရာ၊ သတင်းစာဆရာ၊ အသိ ပညာရှင်၊ အတတ်ပညာရှင် အများအပြားရဲ့ ရေးသားတင်ပြချက်တွေ၊ တွေ့ဆုံမေးမြန်းချက်တွေကို စုစည်းထုတ်ဝေတဲ့ သည်စာအုပ်ဟာ မြစ်ကျဉ်းသုံးသွယ်ရေကာတာစီမံကိန်းကို ကန့်ကွက်ဆန့်ကျင် တဲ့ စာအုပ် အဖြစ် တရုတ်နိုင်ငံအတွင်း  ဂယက်ရိုက်ခဲ့ပါတယ်။ ( ဒီစာအုပ်ကို စုစည်း ထုတ်ဝေခဲ့တဲ့ သတင်းစာ ဆရာမ ဒိုင်ကျင့် ဟာ တိန်ယန်မင်အရေးအခင်းမှာ ပါဝင်ပတ်သက်ခဲ့တဲ့ အတွက် တရုတ်ကွန်မြူနစ်ပါတီက ထုတ်ပစ်ပြီး ထောင်ချတာခံခဲ့ရသလို ဒီစာအုပ်ဟာလည်း အပိတ်ပင် ခံခဲ့ရ ပါတယ်။) "ယန်စီ၊ ယန်စီ" စာအုပ်ထဲမှာ" စီမံကိန်းတခုကြောင့် သဘာ၀၀န်းကျင် နိဂုံးချုပ် ရတော့ မလာ" ဆိုတဲ့ ဆောင်းပါးတပုဒ် ပါဝင်ပါတယ်။ တရုတ်နိုင်ငံရဲ့ နာမည်ကျော် စီးပွားရေး ပညာရှင် မော်ယုချီ ရေးတဲ့ ဆောင်းပါးပါ။ (ဥက္ကဋ္ဌကြီးမော်ကို ဝေဖန်တဲ့ မော်အဖြစ် လူသိများပါတယ်။) "ယခုအချိန်တွင်ကား မြစ်ကျဉ်းသုံးသွယ်၏ ရင်သပ်ရှုမောဖွယ် သဘာဝအလှသည် လျှပ်စစ်ဓာတ် လောက် အရေးကြီးကောင်းမှ ကြီးပါလိမ့်မည်။ သို့သော် တနေ့နေ့တချိန်ချိန်တွင် လျှပ်စစ်ဓာတ် အလုံးအရင်းကို အလွယ်တကူ ထုတ်လုပ်နိုင်သော နည်းလမ်းများ ပေါ်လာပါလိမ့်ဦးမည်။ သို့မဟုတ် တခြားစွမ်းအင်ရင်းမြစ်တခုခုဖြင့် အစားထိုးနိုင်သော အနေအထားသို့ ရောက်လာပါ လိမ့်ဦးမည်။ ထိုအခါမှ ပြန်လည်အစားထိုး၍ မရနိုင်တော့သော မြစ်ကျဉ်းသုံးသွယ်၏ သဘာဝ အလှအတွက် နောင်တရနေကြမည်လား "လို့ ဆောင်းပါးထဲမှာ သတိပေးရေးသားထားပါတယ်။ ရေကာတာမတည်ဆောက်ခင် ကြိုတင် သတိပေးခဲ့တဲ့ အတိုင်း မြစ်ကျဉ်းသုံးသွယ်ရဲ့ သဘာဝ ၀န်းကျင် အလှအပတွေ ပျက်စီးပျောက်ကွယ်နေတဲ့အကြောင်း၊ လျှပ်စစ်ဓာတ်ရှားပါးမှုပြဿနာကို ဖြေရှင်းဖို့ တည်ဆောက်လိုက်တဲ့ ရေကာတာကြီးကြောင့် လူတွေရော သဘာ၀၀န်းကျင်မှာပါ ပြဿနာ ပေါင်းစုံ တက်နေကြောင်းကို ပညာရှင်တွေက ထောက်ပြနေကြပါတယ်။ မြစ်ကျဉ်းသုံးသွယ် ရေကာတာကြောင့် မိုင်ပေါင်း သုံးရာ ခုနစ်ဆယ်ကျော် ရှည်လျားပြီး ပေပေါင်း လေးထောင်နီးပါး ကျယ်ဝန်းတဲ့ ရေပြင်ကျယ်ကြီး ပေါ်ပေါက်လာပါတယ်။ ဒါကြောင့် မြို့ ကြီး ၁၃မြို့ ၊ မြို့ ငယ် ၁၄၀၊  ကျေးရွာပေါင်း ၁၃၅၂၊ ရှေးဟောင်း အမွေ အနှစ် နေရာပေါင်း ၁၃၀၀၊ လယ်ယာမြေ ဧကတသိန်းကျော် ရေလွှမ်းမိုးတာ ခံ လိုက် ရပြီလို့အစီရင်ခံ စာတစောင်က ဆိုပါတယ်။ ရေကာတာဆောက်လုပ်နေစဉ်ကာလအတွင်း ရေကာတာဝန်းကျင်ဒေသက လူတသန်းကျော် နေရာရွှေ့ပြောင်းပေးလိုက်ရပြီး ဖြစ်ပေမယ့် နောက်ထပ် လူလေးသန်း ပြောင်းရွှေ့ပေးရဦးမယ်လို့ အစိုးရ အာဏာပိုင်များက တရားဝင် ပြောကြား ထားပါသေးတယ်။ ရေလှောင်ကန်ပြင်ကြီး တည်ရှိရာ ဒေသတလျောက် ငလျင်အသေးစားတွေလှုပ်တာဟာ ရေကာတာ မဆောက်မီကထက် အဆသုံးဆယ် ပိုများ လာတဲ့အကြောင်း၊ ရေကာတာကို ပိတ်ပြီး ရေကို စတင် ပိတ်လှောင်တဲ့ ၂၀၀၃ ခုနှစ် ကနေ ၂၀၀၉ ခုနှစ် ကုန်အထိ ရေလှောင်ကန်ဒေသမှာ ငလျင် အသေးစား စုစုပေါင်း ၃၄၂၉ ခု လှုပ်ခဲ့တဲ့အကြောင်း ငလျင်လေ့လာရေးအစီရင်ခံစာတခုက ဆိုပါတယ်။ အမေရိကန်ပင်တဂွန်စစ်ဌာနချုပ်က ထုတ်တဲ့ ၂၀၀၄ ခုနှစ် တရုတ်ပြည်စစ်ရေးအစီရင်ခံစာမှာ  ထိုင်ဝမ် အစိုးရ ခေါင်းဆောင်များဟာ ဒုန်းကျည်ကာကွယ်ရေးစနစ်ကို တပ်ဆင်ဖို့ လိုလားနေတဲ့ အကြောင်း၊ ဒါဟာ တရုတ်ပြည်က ထိုင်ဝမ်အပေါ် စစ်ရေးအရ တိုက်ခိုက်မှုမပြုလာအောင် တားဆီးဖို့ ရည်ရွယ်တာ ဖြစ်နိုင်ကြောင်း၊ အထူးသဖြင့် ဒီဒုန်းလက်နက်တွေက တရုတ်ပြည်ရဲ့ မြစ်ကျဉ်း သုံးသွယ် ရေကာတာလို နေရာမျိုးကို ခြိမ်းခြောက်နိုင်တဲ့အကြောင်း ဖော်ပြထားပါတယ်။ မြစ်ကျဉ်းသုံးသွယ်ရေကာတာစီမံကိန်းနဲ့ပတ်သက်ပြီးပေါ်ပေါက်ခဲ့၊ ပေါ်ပေါက်ဆဲ၊ ပေါ်ပေါက်လတ္တံ့  ပြဿနာမျိုးစုံကို မဖုံးနိုင် မဖိနိုင်တော့တဲ့ တရုတ်အစိုးရဟာ ၀န်ကြီးချုပ် ၀မ်ကြားပေါင်ရဲ့ ခွင့်ပြုချက်နဲ့ သတိပေးချက်တခုကို ၂၀၁၁ခုနှစ် အတွင်းမှာ ထုတ်ပြန် လိုက်ရပါတော့တယ်။ မြစ်ကျဉ်း သုံးသွယ် ရေကာတာကြီးကြောင့် ဘူမိဗေဒဆိုင်ရာ၊ လူမှုရေး ဆိုင်ရာနဲ့ သဘာဝ ပတ်ဝန်း ကျင်ရေး ဆိုင်ရာ ပြဿနာတွေ  တိုးပွားလာနေကြောင်း၊ ရေကာတာကြီးကြောင့် ဖြစ်ပေါ်ရတဲ့ ပျက်စီးမှုတွေကို အရေးတကြီးပြုပြင်ရမယ့်အကြောင်း၊ လျစ်လျူရှုထားရင် သဘာဝကပ်ဆိုးကြီးတခု ပေါ်ပေါက်လာ နိုင်တဲ့ အကြောင်းထုတ်ပြန်ချက်မှာ ဖော်ပြထားပါတယ်။ တရုတ်နိုင်ငံရဲ့ ပထမဆုံးသော အင်ပါယာ အရှင်ရှီဝမ်တီဟာ အလွန်ကြီးကျယ်တဲ့ တည်ဆောက်မှု ကို ပြုလုပ်ခဲ့သလို အလွန်ကြီးကျယ်တဲ့ ဖျက်ဆီးမှုကိုလည်း ပြုလုပ်ခဲ့တယ်လို့အာဂျင်တီးနားစာရေး ဆရာကြီး ဘော့ဂက်စ် (Borges)က သူ့ရဲ့ "မဟာတံတိုင်းနဲ့ကျမ်းစာအုပ်များ" စာတမ်းမှာ ရေးထား ပါတယ်။ မိုင်ငါးထောင်ကျော်  ရှည်လျားတဲ့ မဟာတံတိုင်းကြီးကို တည်ဆောက်ခြင်းနဲ့ရှေးဟောင်း ကျမ်းစာ မှန်သမျှ  မီးရှို့ဖျက်ဆီးပစ်ခြင်းကို ရည်ညွှန်းတာပါ။  တည်ဆောက်မှုတွေနဲ့ ဖျက်ဆီးမှုတွေ ဒွန်တွဲ နေတယ်လို့ဆရာကြီးက နိယာမထုတ်ချင်ပုံပါပဲ။ ရှီဝမ်တီကို အားကျသူအဖြစ် အသတ်မှတ်ခံရတဲ့ မော်စီတုန်းဟာလည်း ကြီးကျယ်တဲ့ တည်ဆောက် မှုတွေရော၊ ကြီးကျယ်တဲ့  ဖျက်ဆီးမှုတွေကိုပါ လုပ်ခဲ့ပါတယ်။ ယဉ်ကျေးမှုတော်လှန်ရေး လှုံ့ဆော် ပိုစတာမှာ ရေးထားတဲ့  "ကမ္ဘာဟောင်းကို ဖျက်ဆီးပြီး ကမ္ဘာသစ်ကို တည်ဆောက်လော့" ဆိုတဲ့ စာသားဟာ မော်စီတုန်းရဲ့ ကြီးကြီးကျယ်ကျယ် တည်ဆောက်လိုမှုနဲ့ ကြီးကြီးကျယ်ကျယ် ဖျက်ဆီး လိုမှုကို ဖော်ကျူးနေပါတယ်။ မော်စီတုန်းရဲ့ မြစ်ကျဉ်းသုံးသွယ်ရေကာတာစီမံကိန်းဟာ မဟာတည် ဆောက်မှု ဖြစ်မလား။ မဟာ ဖျက်ဆီးမှု ဖြစ်မလား။ မော်စီတုန်းရဲ့ ရေကူးခြင်း ကဗျာမှာ ပါတဲ့  " လူရှန် တောင်ရိုး ၊ မိုးတိမ်တိုက်များ ၊ ဆီးတား ကာရံ ၊ မဟာတံတိုင်း" ဆိုတဲ့ ရှီဝမ်တီ ဘုရင်ရဲ့ မဟာတံတိုင်းနဲ့ ခိုင်းနှိုင်းဖွဲ့ ဆိုထားချက်ကို ကြည့်ရင် မြစ်ကျဉ်းသုံးသွယ်ရေကာတာကြီးဟာ မဟာတည်ဆောက်မှုကြီးပါ။ သူ့ရဲ့ ကိုယ်ရေးဆရာဝန်ကို ပြောတဲ့  "အနာဂတ်ကာလမှာ မြစ်ကျဉ်းသုံးသွယ် ပျောက်ကွယ် သွားပြီး ဧရာမ ရေကာတာကြီးပဲ ကျန်ရစ်နေလိမ့်မယ်" စကားကို ကြည့်ရင်တော့ မဟာ ဖျက် ဆီးမှုကြီးလည်း ဒွန်တွဲပါဝင်နေတာကို သိနိုင်ပါတယ်။ ရေကူးခြင်းကဗျာရဲ့ အဆုံးမှာရှိတဲ့ "တောင်တန်းစောင့်ကြပ်၊ ဒေ၀ီနတ်ပင်၊ သည်မြေပြင်ထု၊ ပြောင်းလဲမှုကို၊ ရှုမောရင်မ၊ အံ့သြရလိမ့်တကား " ဆိုတဲ့ နိဂုံးပိုဒ်ကတော့ အတွေးပွားစရာပါ။ မော်စီတုန်း နိမိတ်ဖတ်ခဲ့သလို မြစ်ကျဉ်းသုံးသွယ် ကွယ်ပျောက်သွားပြီး ရေကာတာကြီးပဲ ထီးတည်း ကျန်ရစ်ခဲ့တာကို အံ့သြရလေမလား။  ရေကာတာကြီးပဲ ကျန်ရစ်ပြီး ယန်စီမြစ်ဝှမ်း ယဉ်ကျေးမှုကြီး ပျောက်ကွယ်သွားတာကို အံ့သြရလေမလား။  တောင်စောင့်နတ်သမီးနဲ့ ယန်စီမြစ်ဝှမ်းသားတွေ အတွက် အလွမ်းဇာတ်ဖြစ်လေမလား သို့မဟုတ် အသောဇာတ်ဖြစ်လေမလား။    မောင်သာမည
5 years Ago

November 7, 2015

ဒီမိုကရေစီ အပြောင်းအလဲ (ဖိလစ်ပိုင်စတိုင်)

အာဏာရှင်တွေဟာ တရားဝင်မှုကို ရယူလိုတဲ့အတွက် ရွေးကောက်ပွဲကို မလွှဲမရှောင်သာ ကျင်းပပေးရတယ်။ ပြည်သူလူထုအများစုက ထောက်ခံထားတဲ့သူ၊ ထောက်ခံထားတဲ့ အဖွဲ့အစည်းအဖြစ် လှည့်စားချင်တဲ့ ရည်ရွယ်ချက်နဲ့ ကျင်းပပေးတာပဲ။ ဒါပေမယ့် ပုံမှန်စိတ် (Common Sense) ရှိတဲ့သူမှန်သမျှ အာဏာရှင်ကို သဘောမကျတဲ့အတွက် လွတ်လပ်တဲ့ ရွေးကောက်ပွဲမှန်သမျှမှာ အာဏာရှင်တွေ ခွက်ခွက်လန်အောင် ရှုံးကြတာချည်း ဖြစ်ပါတယ်။ ဒါကြောင့် အာဏာရှင်တွေဟာ ရွေးကောက်ပွဲမှာ မရှုံးရလေအောင် နည်းမျိုးစုံနဲ့ ညစ်ကြတယ်။ မဲလိမ်တယ်။ မဲခိုးတယ်။ ပြောင်ပြောင်တင်းတင်း အကြမ်းဖက်တယ်။ ရွေးကောက်ပွဲမှတ်တမ်းဟာ အာဏာရှင်တွေရဲ့ ရာဇ၀တ်ပြစ်မှုမှတ်တမ်းပဲ ဖြစ်တယ်။ ဒါကြောင့် အာဏာရှင်တွေ ကျင်းပပေးတဲ့ ရွေးကောက်ပွဲဟာ ပြည်သူလူထုအတွက်တော့ နိုင်ငံရေးရေချိန်နဲ့ နှလုံးရည်ကို စမ်းသပ်တဲ့ပွဲ ဖြစ်ပါတယ်။ ပြည်သူလူထုရဲ့ အမှန်တရားမြတ်နိုးမှုကို မှတ်ကျောက်တင်တဲ့ပွဲ ဖြစ်ပါတယ်။ ပြည်သူလူထုရဲ့ စည်းလုံးခိုင်မာမှုကို ပြသတဲ့ပွဲ ဖြစ်ပါတယ်။ မိမိတို့ဟာ လူ့ဂုဏ်ရည်သိက္ခာနဲ့ ပြည့်ဝသူတွေ ဖြစ်တဲ့အကြောင်း ပြည်သူလူထုက သက်သေပြတဲ့ ပွဲဖြစ်ပါတယ်။ လွန်ခဲ့တဲ့ နှစ်ပေါင်း ၃၀ ကာလအတွင်းမှာ အာဏာရှင်တွေရဲ့ ရွေးကောက်ပွဲကို ရဲရဲရင့်ရင့်ရင်ဆိုင်ပြီး ဒီမိုကရေစီအောင်ပွဲကို အရယူသွားတဲ့နိုင်ငံတွေ အများအပြားရှိခဲ့တယ်။ အာဏာရှင်ရဲ့ ရွေးကောက်ပွဲ လိမ်လည်မှုတွေကို တည်ငြိမ်စွာ ရင်ဆိုင်ပြီး ဒီမိုကရေစီ အပြောင်းအလဲကို ဖန်တီးသွားခဲ့တဲ့ အကြမ်းမဖက် လူထုလှုပ်ရှားမှုတွေ ရှိခဲ့တယ်။ ၁၉၈၀ မှာ ဖြစ်ခဲ့တဲ့ ပိုလန်အပြောင်းအလဲ၊ ၁၉၈၆ မှာ ဖြစ်ခဲ့တဲ့ ဖိလစ်ပိုင် အပြောင်းအလဲ၊ ၁၉၈၉ မှာ ဖြစ်ခဲ့တဲ့ အရှေ့ဥရောပ အပြောင်းအလဲ၊ ၁၉၉၀ ကျော်မှာ ဖြစ်ခဲ့တဲ့ ဆိုဗီယက်အုပ်စုဝင်နိုင်ငံများ အပြောင်းအလဲ စတာတွေဟာ အကြမ်းမဖက်တဲ့ ပြည်သူလူထုကြောင့် ပေါ်ပေါက်လာတာဖြစ်ပြီး ရွေးကောက်ပွဲတွေနဲ့လည်း ဆက်စပ်နေခဲ့ပါတယ်။ အာဏာရှင်စနစ်၊ ရွေးကောက်ပွဲလိမ်လည်မှု၊ အကြမ်းမဖက် လူထုလှုပ်ရှားမှု၊ ဒီမိုကရေစီ အပြောင်းအလဲ ဒီလို ဆက်စပ်နေတဲ့ နိုင်ငံရေးသမိုင်းဖြစ်စဉ်တွေ အထင်အရှား ရှိနေပါတယ်။ ဖိလစ်ပိုင်က ဖဲကြိုးဝါ ၁၉၈၃ ခုနှစ် သြဂုတ်လ ၂၁ ရက်နေ့မှာ ဖိလစ်ပိုင်နိုင်ငံရဲ့ မြို့တော် မနီလာရဲ့ လမ်းမတန်းများ တလျှောက် ဖဲကြိုးဝါတွေ တလွင့်လွင့်ဖြစ်နေတယ်။ “ငါ့ကို အလိုရှိနေဦးမယ်ဆိုရင် ဖဲကြိုးဝါတစကို သစ်ပင်မှာ ချည်နှောင်ပြထားပါ” ဆိုတဲ့ သီချင်းသံလည်း လွင့်ပျံနေတယ်။ အမေရိကန်ပြည်ထောင်စုကနေ ပြန်လာမယ့် အတိုက်အခံ နိုင်ငံရေးခေါင်းဆောင် ဘင်နီဒစ်အကွီနို (Benedict Aquino) ကို ကြိုဆိုတဲ့ အထိမ်းအမှတ်အဖြစ် ဖဲကြိုးဝါတွေ ချည်နှောင်ထားကြတာပါ။ ဘင်နီဒစ်အကွီနိုဟာ အာဏာရှင် ဖာဒီနန်မားကို့စ် (Ferdinand Marcos) ရဲ့ သေဒဏ်ပေးမှုကို ၁၉၉၇ ခုနှစ်မှာ ခံခဲ့ရသူဖြစ်ပေမယ့် ၁၉၈၀ ခုနှစ်မှာတော့ အမေရိကန်ပြည်ထောင်စုကို ဆေးကုသဖို့ သွားရောက်ခွင့် ရခဲ့ပါတယ်။ မားကို့စ်က  ပြိုင်ဘက်မရှိတဲ့ ရွေးကောက်ပွဲကို လုပ်ချင်တဲ့အတွက် အကွီနိုကို တဖက်လှည့်နဲ့ သွားခွင့်ပေးလိုက်တာပါ။ ဘင်နီဒစ် အကွီနို မပါဝင်နိုင်တဲ့ ၁၉၈၁ ခုနှစ် ရွေးကောက်ပွဲမှာ မားကို့စ်က မဲဆန္ဒ ၉၀ ရာခိုင်နှုန်းကျော်ကို အရယူခဲ့ပြီး သက်တော်ရှည် သမ္မတကြီး ဖြစ်ခဲ့ပါတယ်။ အတိုက်အခံခေါင်းဆောင် ဘင်နီဒစ် အကွီနိုဟာ သူ့ကိုကြိုဆိုတဲ့ ဖဲကြိုးဝါတွေကို မမြင်သွားရပါဘူး။ လေယာဉ်ပေါ်က အဆင်းမှာပဲ အသင့်စောင့်နေတဲ့ လူသတ်သမားရဲ့ သေနတ်နဲ့ ပစ်ခတ်လုပ်ကြံမှုကြောင့် အသက်ဆုံးသွားခဲ့ရပါတယ်။ ဒီအချိန်ကစပြီး အာဏာရှင် မားကို့စ်ကို ဆန့်ကျင်တဲ့ လူထုလှုပ်ရှားမှုတွေ အကြီးအကျယ် ပေါ်ပေါက်လာတယ်။ မားကို့စ်ဟာ အုံကြွလာတော့မယ့် လူထုကို ထိန်းသိမ်းတဲ့အနေနဲ့ ၁၉၈၆ ခုနှစ်မှာ ရွေးကောက်ပွဲလုပ်ပါတယ်။ ဒီရွေးကောက်ပွဲမှာ သူ့ကို ယှဉ်ပြိုင်မယ့်သူကတော့ လုပ်ကြံသတ်ဖြတ်ခံလိုက်ရတဲ့ အတိုက်အခံခေါင်းဆောင် ဘင်နီဒစ် အကွီနိုရဲ့ ဇနီး ကိုရာဇန် အကွီနို (Corazon Aquino) ဖြစ်ပါတယ်။ သူ့ခင်ပွန်းသည်ကို ပစ်ခတ်လိုက်တဲ့ သေနတ်သံဟာ ဖိလစ်ပိုင်ပြည်သူလူထုကို လှုပ်နှိုးပေးလိုက်တယ်လို့ သူက ပြောပါတယ်။ အာဏာရှင်ကို စိန်ခေါ်ခြင်း Aquino at Campaignကိုရာဇန်အကွီနိုဟာ သာမန် အိမ်ထောင်ရှင်မတယောက်အဖြစ် ဘ၀ကို ဖြတ်သန်းနေခဲ့သူ ဖြစ်ပေမယ့် ခင်ပွန်းဖြစ်သူက အထက်လွှတ်တော်အမတ် ဖြစ်တဲ့အတွက် ခင်ပွန်းသည်ရဲ့ နိုင်ငံရေးလှုပ်ရှားမှုတွေမှာ နောက်ကွယ်ကနေ အားပေးကူညီနေခဲ့ပါတယ်။ ခင်ပွန်းဖြစ်သူ ဘင်နီဒစ်အကွီနိုရဲ့ ဘေးမှာ မခွဲမခွါ နေထိုင်ခဲ့တာ ဖြစ်တဲ့အတွက် အတိုက်အခံ နိုင်ငံရေးသမားရဲ့ ပင်ပန်းဆင်းရဲမှုကို အသားကျနေသူလည်း ဖြစ်ပါတယ်။ အမေရိကန်ပြည်ထောင်စုမှာ ဆေးကုသပြီးအပြန် မနီလာလေဆိပ်မှာ လုပ်ကြံသတ်ဖြတ်ခြင်းခံရတဲ့ နောက်မှာတော့ နိုင်ငံရေးမှာ ထဲထဲဝင်ဝင် ပါဝင်လာပါတော့တယ်။ ဒီလိုနဲ့ လူထုဆန္ဒပြပွဲတွေမှာ တက်တက်ကြွကြွပါဝင်တဲ့ အကွီနိုဟာ လူထုရဲ့ ဒီမိုကရေစီမျှော်လင့်ချက် ဖြစ်လာပါတယ်။ အာဏာရှင်မားကို့စ်က လူထုဆန္ဒပြပွဲတွေကို ထိန်းချုပ်ဖို့အတွက် သမ္မတရွေးကောက်ပွဲကို အချိန်စောပြီး ကျင်းပမယ်လို့ ၁၉၈၅ ခုနှစ် ဒီဇင်ဘာလမှာ ဆုံးဖြတ်လိုက်ပါတယ်။ ကျင်းပမယ့်ရက်က ၁၉၈၆ ခုနှစ် ဖေဖော်ဝါရီ ၇ ရက် ဖြစ်ပါတယ်။ ကြားထဲမှာ ၂ လတာ ကာလပဲ ရှိပါတယ်။ ပြိုင်ဘက်ဖြစ်သူတွေ ရွေးကောက်ပွဲအတွက် ပြင်ဆင်ချိန်မရအောင် ဆုံးဖြတ်လိုက်ခြင်းပါပဲ။ ပြင်ဆင်ချိန်မပေးတဲ့ ရွေးကောက်ပွဲကို ၀င်ဖို့အတွက် ကိုရာဇန်အကွီနိုဟာ မဆုံးဖြတ်နိုင်ဘဲ ဖြစ်နေပါတယ်။ ရွေးကောက်ပွဲနဲ့ပတ်သက်ပြီး အတွေ့အကြုံ မရှိတာလည်း အကြောင်းတခုပါ။ ဒါပေမယ့် ဖိလစ်ပိုင်ပြည်သူလူထုကလည်း သူတို့ရဲ့မျှော်လင့်ချက်ကို အပျောက်မခံနိုင်ပါဘူး။ ဖိလစ်ပိုင်ပြည်သူ ၁ သန်းရဲ့ လက်မှတ်ရေးထိုးထားတဲ့ ပန်ကြားစာ ၁ စောင် သူ့ရှေ့ကို ရောက်လာတဲ့ အချိန်မှာတော့ အကွီနိုဟာ အာဏာရှင်မားကို့စ်ကို စိန်ခေါ်ပြီး နိုင်ငံရေးကြိုးဝိုင်းထဲကို ၀င်ရောက်လာပါတော့တယ်။ အာဏာရှင်မားကို့စ်ဟာ ၁၉၆၅ ခုနှစ်က စပြီး သမ္မတရာထူးကို အပိုင်စီးထားသူ ဖြစ်ပါတယ်။ ပထမ လေးနှစ်သက်တမ်းအတွင်းမှာ အကျင့်ပျက်ခြစားမှုတွေနဲ့ နာမည်ပျက်ခဲ့ပေမယ့် ၁၉၆၉ ခုနှစ် ရွေးကောက်ပွဲမှာလည်း သူပဲ အနိုင်ရခဲ့ပြန်ပါတယ်။ ၁၉၇၀ ခုနှစ်မှာ မားကို့စ်အစိုးရရဲ့ အကျင့်ပျက် ခြစားမှုကို ဆန့်ကျင်တဲ့ ကျောင်းသားဆန္ဒပြပွဲတွေ အကြီးအကျယ် ပေါ်ပေါက်ခဲ့ပါတယ်။ လူထုဆန္ဒပြပွဲကြီးတခုမှာ ဗုံးပေါက်ကွဲမှုကြောင့် လူ ၈ ယောက်သေဆုံးပြီး လူ ၁၀၀ ကျော် ဒဏ်ရာရခဲ့တယ်။ မားကို့စ်ဟာ အကြမ်းဖက်မှုတွေကို အကြောင်းပြပြီး ၁၉၇၂ မှာ စစ်အုပ်ချုပ်ရေး ကြေညာလိုက်ပါတယ်။ အခြေခံဥပဒေကို ပြင်ပြီး သမ္မတရာထူးကိုရော ၀န်ကြီးချုပ်ရာထူးကို ယူလိုက်တယ်။ ၁၉၈၃ ခုနှစ်အထိ စစ်အုပ်ချုပ်ရေးကို ဆုပ်ကိုင်ထားခဲ့ရာမှာ စစ်တပ်ကို တပ်သားအင်အား ၃ သိန်းအထိ တိုးချဲ့ပြီး အာဏာကို အခိုင်အမာ တည်ဆောက်ပါတယ်။ အာဏာရှင်မားကို့စ်က သမ္မတရွေးကောက်ပွဲကို ၀င်ရောက်လာတဲ့ အကွီနိုကို “အိပ်ခန်းထဲမှာပဲ ရှိနေသင့်တဲ့ မိန်းမတယောက်” လို့ ပုတ်ခတ်ပါတယ်။ “နိုင်ငံရေးအတွေ့အကြုံ မရှိတဲ့ မိန်းမတယောက်သာ သမ္မတဖြစ်လာမယ်ဆိုရင် ဖိလစ်ပိုင်နိုင်ငံဟာ ကပ်ဆိုက်ပြီး ပျက်သုဉ်းသွားလိမ့်မယ်” လို့ ဝေဖန်ပါတယ်။ အကွီနိုက “သူဟာ အကျင့်ပျက်ခြစားတဲ့ အတွေ့အကြုံ မရှိသူဖြစ်ကြောင်း၊ ပြည်သူ့ဘဏ္ဍာငွေကို ခိုးယူတဲ့ အတွေ့အကြုံမျိုး မရှိသူဖြစ်ကြောင်း၊ အတိုက်အခံ နိုင်ငံရေးသမားတွေကို သတ်ဖြတ်တဲ့ အတွေ့အကြုံမျိုး မရှိသူဖြစ်ကြောင်း၊ ပြည်သူလူထုကို လိမ်ညာလှည့်ပတ်တဲ့ အတွေ့အကြုံမျိုး မရှိသူဖြစ်ကြောင်း” ပြောပြီး “အမျိုးသမီးကောင်းဘက်က အနိုင်ရပါစေသား” လို့ တုံ့ပြန်ခဲ့ပါတယ်။ ရွေးကောက်ပွဲလိမ်လည်မှုမှ လူထုအာဏာသို့ Edsa Movement 2ဖိလစ်ပိုင်ပြည်သူလူထုဟာ ၁၉၈၆ ခုနှစ် ဖေဖော်ဝါရီ ၇ ရက် ရွေးကောက်ပွဲမှာ အလွန်တက်ကြွစွာ ပါဝင်ခဲ့ပါတယ်။ ဒီမိုကရေစီ အပြောင်းအလဲအတွက် အင်တိုက်အားတိုက် မဲပေးကြပါတယ်။    မားကို့စ်ဘက်ကလည်း ရွေးကောက်ပွဲကို အနိုင်ယူဖို့အတွက် နည်းမျိုးစုံ သုံးခဲ့ပါတယ်။ မဲစာရင်းမှာ မပါအောင် ချန်လှပ်ထားသူ အရေအတွက်က ၃ သန်းကျော်ရှိပါတယ်။ မဲလိမ် မဲခိုး မဲဝယ်ရောင်းတွေလည်း မနည်းလှပါဘူး။ အကွီနိုကို ထောက်ခံတဲ့ အုပ်ချုပ်ရေးမှူးတယောက် အသတ်ခံရပါတယ်။ ရွေးကောက်ပွဲကော်မရှင်ရုံးမှာ မဲရလဒ်ကို ပြုစုရတဲ့ အဖွဲ့ထဲက ကွန်ပျူတာပညာရှင် ၃၀ က မဲရလဒ်လိမ်လည်မှုကို မလုပ်နိုင်ဘူးဆိုပြီး အလုပ်ထွက်ကြပါတယ်။ ရွေးကောက်ပွဲရလဒ်ကို ထုတ်ပြန်တဲ့အခါ မားကို့စ်က မဲပေါင်း ၁၀ သန်း ၈ သိန်းကျော် ရရှိပြီး အကွီနိုက မဲ ၉ သန်း ၃ သိန်းရတယ်လို့ ရွေးကောက်ပွဲကော်မရှင်က ကြေညာပါတယ်။ လွတ်လပ်တဲ့ ရွေးကောက်ပွဲလှုပ်ရှားမှုအဖွဲ့ (NAMFREL) ကတော့ အကွီနိုက မဲ ၇ သန်း ၈ သိန်းကျော်ရပြီး မားကို့စ်က ၇ သန်း ၅ သောင်းကျော်ပဲ ရတယ်လို့ ထုတ်ပြန်ပါတယ်။ ဖေဖော်ဝါရီ ၁၅ ရက်နေ့မှာ ကျင်းပတဲ့ လွှတ်တော်အစည်းအဝေးမှာ ရွေးကောက်ပွဲကော်မရှင်က မားကို့စ်သာလျှင် အနိုင်ရသူဖြစ်တယ်လို့ တရားဝင်ကြေညာတဲ့အခါ  အတိုက်အခံ လွှတ်တော်အမတ် ၅၀ က ကန့်ကွက်ပြီး လွှတ်တော်ထဲက ထွက်သွားကြပါတယ်။ နောက်ရက်မှာတော့ အကွီနိုက လူထုစည်းဝေးပွဲကြီးခေါ်ပြီး ရွေးကောက်ပွဲလိမ်လည်မှုကို အာခံတဲ့အနေနဲ့ သပိတ်မှောက်ကြဖို့ တိုက်တွန်းလိုက်ပါတယ်။ ဒီလိုနဲ့ ကမ္ဘာကျော်ခဲ့တဲ့ လူထုအာဏာ လှုပ်ရှားမှုကြီး (Philippines People Power Movement) ပေါ်ပေါက်လာခဲ့ပါတယ်။ Marcos 1ပြည်သူလူထု ၂ သန်းကျော်ဟာ မြို့တော်မနီလာက ဖြတ်သန်းသွားတဲ့ အက်ဒဆာ အဝေးပြေးလမ်းမကြီးပေါ်မှာ စုရုံးပြီး အာဏာရှင်မားကို့စ်ရဲ့ အနိုင်ယူမှုကို လက်သင့်မခံ ငြင်းဆန်ကြပါတယ်။ ဒီလူထုရဲ့ အကြမ်းမဖက် အာခံမှုကြီးမှာ ဘာသာရေးခေါင်းဆောင်တွေ၊ အနုပညာသမားတွေလည်း အလုံးအရင်းနဲ့ ပါဝင်ခဲ့ကြပါတယ်။ လူထုကြီးဟာ ဂီတအနုပညာသမားများရဲ့ သီချင်းသံတွေကို သံပြိုင်လိုက်သီဆိုရင်း  ငြိမ်းချမ်းရေးကို သရုပ်ဖော်ခဲ့ကြတယ်။ လူထုစုဝေးမှုကြီးကို ဖြိုခွဲဖို့ ရောက်လာတဲ့ စစ်သားတွေဟာ လူထုရဲ့ လှိုက်လှဲတဲ့ ကြိုဆိုမှုအောက်မှာ လူထုနဲ့ တသားတည်း ဖြစ်သွားကြပါတယ်။ စစ်ဦးစီးချုပ် ဗိုလ်ချုပ်ကြီး ဖီဒယ်လ် ရာမော့စ် (Fidel Ramos) နဲ့ ကာကွယ်ရေးဝန်ကြီး ဗိုလ်ချုပ်ကြီး အင်န်ရိုင်း (Enrile) တို့က မားကို့စ်အစိုးရထဲက နုတ်ထွက်ပြီး ပြည်သူလူထုဘက်ကို ပူးပေါင်းလိုက်ကြတယ်။ ကက်သလစ် ခရစ်ယာန်သီလရှင်များက လက်နက်ကိုင်စစ်သားများကို တည်တည်ငြိမ်ငြိမ် ရင်ဆိုင်နေကြပုံ၊ ပြည်သူလူထုက တင့်ကားပေါ်က စစ်သားများကို ရေပုလင်းနဲ့ ပေါင်မုန့် ပေးနေကြတဲ့ ပုံတွေဟာ ဖိလစ်ပိုင် ပြည်သူလူထုရဲ့ အကြမ်းမဖက် လှုပ်ရှားမှုအောင်ပွဲကို သရုပ်ဖော်တဲ့ပုံများအဖြစ် ကမ္ဘာကျော်ခဲ့ပါတယ်။ ဖေဖော်ဝါရီ ၂၂ ရက်ကနေ ၂၅ ရက်အထိ ကျင်းပခဲ့တဲ့ လူထုဆန္ဒပြပွဲကြီးကြောင့် အာဏာရှင်  မားကို့စ်နဲ့ မိသားစုဟာ တိုင်းပြည်ကနေ ထွက်ခွာသွားခဲ့ပါတယ်။ အကွီနိုက ၂၅ ရက်နေ့မှာ ၁၁ ယောက်မြောက် ဖိလစ်ပိုင်သမ္မတအဖြစ် ကျမ်းကျိန်ပါတယ်။ ကမ္ဘာကျော် TIME မဂ္ဂဇင်းကြီးက အကွီနိုကို ဖိလစ်ပိုင်နိုင်ငံရဲ့ ဒီမိုကရေစီသူရဲကောင်းလို့ အမည်ပေးပါတယ်။ အမေရိကန် ရုပ်မြင်သံကြားဌာန CBS က “အမေရိကန်နိုင်ငံသားတွေက သူတို့ဟာ ဖိလစ်ပိုင်နိုင်ငံသားတွေကို ဒီမိုကရေစီဝါဒအကြောင်း သင်ပေးနေရတယ်လို့ ထင်နေကြတယ်။ အခု ဖိလစ်ပိုင်နိုင်ငံသားတွေက ဒီမိုကရေစီဝါဒ အကြောင်းကို ကမ္ဘာကြီးကို သင်ပြပေးနေပါပြီ” လို့ ပြောဆိုခဲ့ပါတယ်။ ဖိလစ်ပိုင်အတွေ့အကြုံက သင်ခန်းစာတခုပေးပါတယ်။ တည်ကြည်တဲ့ ခေါင်းဆောင်တယောက်ရဲ့ ဦးဆောင်မှုနောက်မှာ နိုင်ငံရေးစိတ်ဓာတ်ပြည့်ဝတဲ့ ပြည်သူလူထုက ရဲရဲရင့်ရင့် လိုက်ပါနိုင်မယ်ဆိုရင် နှစ်ပေါင်းများစွာ အမြစ်စွဲနေတဲ့ အာဏာရှင်စနစ်ကို ငြိမ်းချမ်းတဲ့နည်းနဲ့ သုတ်သင်ဖယ်ရှားပစ်နိုင်တယ်ဆိုတဲ့ သင်ခန်းစာ ဖြစ်ပါတယ်။            ။ မောင်သာမည
6 years Ago
Up