ဗောက်စ်ဝက်ဂွန်

October 8, 2015

ဒီဇယ်အင်ဂျင်လိမ်လည်မှု ထိခဲ့သည့်ကားများကို ဗောက်စ်ဝက်ဂွန် ကုမ္ပဏီ ပြန်သိမ်းမည်

ဗောက်စ်ဝက်ဂွန် (Volkswagen) ကုမ္ပဏီက ဒီဇယ်အင်ဂျင်လိမ်လည်မှု ထိခဲ့တဲ့ကားတွေကို လာမယ့် ဇန်န၀ါရီလကစပြီး ပြန်သိမ်းနိုင်ဖို့ မျှော်လင့်တယ်လို့ ဗောက်စ်ဝက်ဂွန် စီအီးအိုသစ်က ကြေညာပါတယ်။ လာမယ့် ၂၀၁၆ ခုနှစ်မှာ ထိခိုက်ခဲ့တဲ့ကားတွေ အားလုံး ပြင်ဆင်မှုပြီးစီးမယ်လို့ စီအီးအိုသစ် Matthias Mueller က ဂျာမန်သတင်းစာတစောင်ကို ပြောဆိုတာပါ။ ဗောက်စ်ဝက်ဂွန် ဒီဇယ်အင်ဂျင်ကားတွေက ထုတ်လွှတ်တဲ့ ကားမီးခိုးမှာ ကာဗွန်ပါဝင်နှုန်း အမှန်မပြအောင် ကြားခံကိရိယာတခု တပ်ဆင်မှုမှာ ကုမ္ပဏီဝန်ထမ်း အနည်းငယ်ပဲ ပါဝင် ပတ်သက်တယ်လို့ ပြောဆိုပါတယ်။ ဗောက်စ်ဝက်ဂွန်ကားကုမ္ပဏီဟာ ဥရောပရဲ့ အကြီးဆုံး ကားထုတ်လုပ်ရေး ကုမ္ပဏီဖြစ်ပြီး လိမ်လည်မှုထိတဲ့ကား အစီးရေ ၁၁ သန်းလောက်ရှိမယ်လို့ ပြောဆိုထားပါတယ်။ အဲဒီလိမ်လည်မှုကြောင့် ဗောက်စ်ဝက်ဂွန် ကုမ္ပဏီိကို အနည်းနဲ့အများ ထိခိုက်မှာ ဖြစ်တယ်၊ လောလောဆယ် လုံးဝအရေးမကြီးတဲ့ စီမံကိန်းတွေ ရပ်သင့်တာ ရပ်ဆိုင်းပြီး နောက်ဆုတ်သင့်တာ နောက်ဆုတ်ထားမယ်လို့  စီအီးအို Matthias Mueller က ပြောဆိုပါတယ်။ ဒီပြဿနာကို ဖြေရှင်းနိုင်လောက်တဲ့ အခြေအနေအတွင်းမှာပဲ ရှိပြီး ၀န်ထမ်းတွေရဲ့ အလုပ်အကိုင် မထိခိုက်ရေးကို အတတ်နိုင်ဆုံး ကြိုးစားမယ်လို့ စီအီးအိုက ပြောဆိုပါတယ်။ အောက်တိုဘာ ၇ ရက်နေ့က ကုမ္ပဏီ ဘုတ်အစည်းအဝေးကို ပထမဆုံး ကျင်းပခဲ့ပြီး အရင် ဘဏ္ဍာရေးအရာရှိချုပ်ကို ဗောက်စ်ဝက်ဂွန် ကုမ္ပဏီ ဥက္ကဋ္ဌသစ်အဖြစ် ခန့်အပ်ခဲ့ပါတယ်။
6 years Ago

September 28, 2015

ဆွစ်ဇာလန်တွင် ဒီဇယ်အင်ဂျင်တပ် ဗောက်စ်ဝက်ဂွန် ကားများ ရောင်းချမှု ယာယီပိတ်ပင်

ဒီဇယ်အင်ဂျင်တပ် ဗောက်စ်ဝက်ဂွန် (Volkswagen) ကားတွေ ဆွစ်ဇာလန်နိုင်ငံမှာ ရောင်းချမှုတွေကို ပြီးခဲ့တဲ့ စက်တင်ဘာ ၂၅ ရက်နေ့ကစပြီး ယာယီ ပိတ်ပင်ထားလိုက်ပါတယ်။ ၂၀၀၉ ကနေ ၂၀၁၄ ခုနှစ်အတွင်း ထုတ်လုပ်ခဲ့ပြီး ကားမီးခိုးမှာ ကာဗွန်ပါဝင်နှုန်း အမှန်မပြတဲ့ပစ္စည်း တပ်ဆင်ထားနိုင်တဲ့ ကားတွေကို မရောင်းဝယ်ဖို့ ပိတ်ပင်ထားလိုက်တာပါ။ မှတ်ပုံမတင်ရသေးတဲ့ ကားအသစ် ၁ သိန်း ၈ သောင်းကို ထိခိုက်နိုင်ပြီး ရောင်းချပြီး သွားလာနေတဲ့ ဗောက်စ်ဝက်ဂွန် ကားတွေတော့ မပါဝင်ပါဘူး။ ဗောက်စ်ဝက်ဂွန်ကားကုမ္ပဏီဟာ ကမ္ဘာ့အကြီးဆုံး ကားထုတ်လုပ်ရေး ကုမ္ပဏီဖြစ်ပြီး အမေရိကန်က ဗောက်စ်ဝက်ဂွန် ဒီဇယ်ကားတွေမှာ ကာဗွန်ထုတ်လွှတ်မှု အမှန်မပြတဲ့ ပစ္စည်းထည့်ထားတယ် ဆိုတာကို ကုမ္ပဏီကလည်း ၀န်ခံထားပါတယ်။ ဗောက်စ်ဝက်ဂွန်ကုမ္ပဏီကို စက်တင်ဘာ ၂၃ ရက်နေ့က နုတ်ထွက်သွားတဲ့ စီအီးအိုဟောင်းရဲ့ နေရာမှာ အရင် ပေါ်ရှေး (Porsche) ကားကုမ္ပဏီ စီအီးအိုက ဆက်တာဝန်ယူမှာ ဖြစ်ပါတယ်။ စီအီးအိုသစ် Matthias Mueller ကတော့ ဗောက်စ်ဝက်ဂွန်ကားကုမ္ပဏီရဲ့ သိက္ခာကို ပြန်ဆယ်ဖို့ဟာ လောလောဆယ် သူ့ရဲ့ ဦးစားပေးလုပ်ငန်းစဉ် ဖြစ်တယ်လို့ ပြောဆိုပါတယ်။
6 years Ago
Up