ထောင်ဝန်ထမ်း

March 7, 2019

နှစ် ၃၀ ထောင်ဒဏ်ကျ အကျဉ်းသားက ဝန်ထမ်းများကို ဓားဖြင့်တိုက်ခိုက်၊ ၂ ဦးသေဆုံး

ပြင်သစ်နိုင်ငံ အနောက်ပိုင်းက ထောင်တခုမှာ ထောင်ဒဏ် အနှစ် ၃၀ ကျခံနေရတဲ့ ထောင်သားတဦးက ထောင်ဝန်ထမ်းနှစ်ဦးကို မတ်လ ၅ ရက်က ဓားနဲ့ထိုးခဲ့ပါတယ်။ ဒါကြောင့် ဝန်ထမ်းတဦး အပြင်းအထန် ဒဏ်ရာရခဲ့တယ်လို့ ပြင်သစ် တရားရေးဝန်ကြီးဌာနက ပြောပါတယ်။ ဒေသစံတော်ချိန် ညနေ ၅ နာရီခွဲလောက်က ထောင်ထဲကနေ သေနတ်သံတွေ ထွက်လာတာကို ကြားရတယ်လို့ အခင်းဖြစ်ရာ နေရာကို ရောက်နေတဲ့ ရိုက်တာသတင်းဌာန ဓာတ်ပုံသတင်းထောက်က ပြောပါတယ်။ ထောင်သားဟာ မိသားစုနဲ့ တွေ့နိုင်တဲ့ အခန်းထဲမှာ သူ့ဇနီးနဲ့မတွေ့ခင် အစောင့်ကို ကြွေနဲ့လုပ်ထားတဲ့ ဓားနဲ့ တိုက်ခိုက်ခဲ့တာပါ။ ပြင်သစ်နိုင်ငံရဲ့ လုံခြုံရေးအကောင်းဆုံး ထောင်တွေထဲက တခုဖြစ်တဲ့ ကွန်းဆော့ဆာ့ထ် ထောင်ရဲ့ အပြင်ဘက်မှာ ရဲနဲ့ စစ်တပ်ကို အင်္ဂါမွန်းလွဲပိုင်းက အကြီးအကျယ် တပ်ချထားပါတယ်။ ရှေးဦးသူနာပြု ရဟတ်ယာဉ်တစီးလည်း အပြင်မှာစောင့်နေတာ တွေ့ရပါတယ်။ အကြမ်းဖက်သမားတွေကို စုံစမ်းစစ်ဆေးသူတွေလည်း အမှုအတွက် ခေါ်ထားပါတယ်။ တိုက်ခိုက်တဲ့ ထောင်သားဟာ ပြန်ပေးဆွဲမှု၊ တရားမဝင် လုပ်ရပ်ကြောင့် သေဆုံးစေမှုနဲ့ လက်နက်ကိုင် လုယက်မှုတွေအတွက် ထောင်ဒဏ်ကျခံနေရတယ်လို့ ပြင်သစ် အကျဉ်းဦးစီးဌာနက ပြောပါတယ်။
2 years Ago

March 2, 2018

ဘားအံအကျဉ်းထောင်တွင်း မူးယစ်ဆေးခိုးသွင်းသူ ထောင်ဝန်ထမ်း အပါအဝင် ၅ ဦးကို အရေးယူ

ကရင်ပြည်နယ်၊ ဘားအံမြို့နယ်ရှိ ဘားအံအကျဉ်းထောင်အတွင်းကို  အခကြေးငွေနဲ့ စိတ်ကြွရူးသွပ်ဆေးပြားတွေ သွင်းပေးတဲ့ ထောင်ဝန်ထမ်း တဦး အပါအဝင် ၅ ဦးကို အမှုဖွင့် အရေးယူထားတယ်လို့ အစိုးရ ပြန်ကြားရေးက သတင်းထုတ်ပါတယ်။ ဖေဖော်ဝါရီ ၂၈ ရက် မနက် ၇ နာရီခွဲက ဘားအံအကျဉ်းထောင် ဒုကြီးကြပ်ရေးမှူး စိုင်းခမ်းမောင်က ဖုန်းနဲ့ အကြောင်းကြားလို့ ရဲတပ်ဖွဲ့က သက်သေတွေအတူ သွားရောက်ခဲ့ရာ အကျဉ်းဆောင်ခန်းမအတွင်း မျှော်စင် ၃ တာဝန်ကျ၊ အကျဉ်းထောင်ဝန်ထမ်း ဒုတပ်ကြပ် စောဝင်းစိုး ပစ်ထည့်ထားတဲ့ အထုပ်ကို စစ်ဆေးခဲ့ရာ ဖက်ရွက်နဲ့ ထုပ်ထားပြီး အနက်ရောင် တိပ်နဲ့ ပတ်ထားတဲ့ အထုပ်အတွင်းမှ စိတ်ကြွရူးသွပ်ဆေးပြား ၅၈၈ ပြားကို ရှာဖွေတွေ့ရှိ သိမ်းဆည်းရမိခဲ့တာလို့ ဆိုပါတယ်။ စစ်ဆေးချက်အရ အဆိုပါ ဘားအံ အကျဉ်းထောင်ဝန်ထမ်းကို ဘားအံအကျဉ်းထောင်အတွင်း မူးယစ်ဆေးဝါးအမှုနဲ့ ပြစ်ဒဏ်ကျခံနေရတဲ့ ဇင်ဘိုဘိုထူး(ခ)ဇင်ဘို၊ ခင်ထွေး၊ စောလုံတို့ သုံးဦးက ဘားအံမြို့ အမှတ်-၅ ရပ်ကွက် ဓမ္မဝါသီ ၁-လမ်းနေ မြင့်သူရ(ခ)အပလောင်ဆီက စိတ်ကြွရူးသွပ်ဆေးပြားတွေကို သွားရောက်သယ်ဆောင်ပြီး ထောင်အတွင်းကို ထည့်သွင်းပေးဖို့နဲ့ ဆေးပြားတွေ ရောက်ရှိပါက ငွေကျပ် ငါးသိန်းပေးမယ်လို့  ပြောဆိုစည်းရုံးခဲ့တာလို့ သိရပါတယ်။ မြင့်သူရ(ခ)အပလောင်ရဲ့ နေအိမ်ကို သွားရောက် ရှာဖွေရာမှာတော့ နေအိမ်တံခါးတွေ ပိတ်ပြီး ထွက်ပြေးတိမ်းရှောင်သွားတယ်လို့ အစိုးရ သတင်းထုတ်ပြန်ချက်အရ သိရပါတယ်။ ဒီအမှုနဲ့ပတ်သက်ပြီး အကျဉ်းထောင် ဝန်ထမ်း ဒုတပ်ကြပ် စောဝင်းစိုး၊ ဇင်ဘိုဘိုထူး(ခ)ဇင်ဘို၊ ခင်ထွေး၊ စောလုံ၊ မြင့်သူရ(ခ)အပလောင် တို့ ငါးဦးကို စက်မှုဇုန်နယ်မြေရဲစခန်းက  အမှုဖွင့် အရေးယူထားပါတယ်။ ဓာတ်ပုံ-MOI
3 years Ago
Up