တောင်အာဖရိက

July 11, 2019

တောင်အာဖရိကကို ၂ ဂိုး ၁ ဂိုးဖြင့်နိုင်ပြီး နိုင်ဂျီးရီးယား အာဖရိကနိုင်ငံများဖလား ဆီမီးတက် (ရုပ်သံ)

အာဖရိကနိုင်ငံများဖလား ကွာတားဖိုင်နယ်ပွဲစဉ်အဖြစ် နိုင်ဂျီးရီးယားနဲ့ တောင်အာဖရိက အသင်းတို့ မနေ့ကယှဉ်ပြိုင်ရာ နိုင်ဂျီးရီးယားက ၂ ဂိုး ၁ ဂိုးနဲ့နိုင်ပြီး ဆီမီးဖိုင်နယ် တက်ရောက်သွားပါတယ်။ နိုင်ဂျီးရီးယားအသင်းဟာ ၁၆ သင်း ရှုံးထွက်အဆင့်မှာ ကင်မရွန်းအသင်းကို ကျော်ဖြတ်လာသလို တောင်အာဖရိကအသင်းကလည်း နာမည်ကြီး အီဂျစ်ကို အနိုင်ယူပြီး ကွာတားဖိုင်နယ်အဆင့်ကို တက်လှမ်းလာတာပါ။ နိုင်ဂျီးရီးယားအသင်းဟာ အစ်ဂ်ဟာလို၊ မူဆာ၊ အိုင်ဝိုဘီ၊ အန်ဒီဒီ စတဲ့ အဓိက ကစားသမားတွေနဲ့ ပွဲထွက်လာပါတယ်။ ဒီပွဲမှာ တောင်အာဖရိကအသင်းက ဘောလုံးပိုင်ဆိုင်မှု ၆၁ ရာခိုင်နှုန်းအထိ အသာစီး ရယူနိုင်ပေမယ့် ထိုးဖောက် ကန်သွင်းရာမှာတော့ နိုင်ဂျီးရီးယားက အသာရခဲ့ပါတယ်။ နိုင်ဂျီးရီးယားအတွက် ပွဲချိန် ၂၇ မိနစ်မှာ ချပ်ခ်ဝူဇီက အဖွင့်ဂိုး သွင်းယူခဲ့ပြီး ပထမပိုင်းမှာ တဂိုး ဂိုးမရှိနဲ့ ဦးဆောင်ထားနိုင်ပေမယ့် ဒုတိယပိုင်း ၇၁ မိနစ်မှာ ဇွန်ဂူးက တောင်အာဖရိကအတွက် ချေပဂိုး ပြန်သွင်းခဲ့ပါတယ်။ တဂိုးစီသရေနဲ့ ပွဲပြီးမလိုဖြစ်နေရာက ပွဲချိန် ၈၉ မိနစ်မှာ နိုင်ဂျီးရီးယားအသင်း ထောင့်ကန်ဘောကတဆင့် အနိုင်ဂိုး သွင်းယူပြီး ပွဲအပြီးမှာ ၂ ဂိုး ၁ ဂိုးနဲ့ အနိုင်ရသွားတာ ဖြစ်ပါတယ်။
2 years Ago

May 26, 2019

တောင်အာဖရိက ANC ပါတီဥက္ကဋ္ဌ သမ္မတအဖြစ် ကျမ်းသစ္စာဆို

တောင်အာဖရိက ANC ပါတီဥက္ကဋ္ဌ စီရယ် ရမ်မာဖိုဆာဟာ မေလ ၂၅ ရက်နေ့က တောင်အာဖရိကရဲ့ ဆဌမမြောက် သမ္မတအဖြစ် ကျမ်းသစ္စာဆိုခဲ့ပါတယ်။ သမ္မတကျမ်းသစ္စာဆိုပွဲ အခမ်းအနားကို ပထမဆုံးအကြိမ် အားကစားကွင်းမှာ ပြုလုပ်တာလည်း ဖြစ်ပါတယ်။ အစဉ်အလာအရ ကျမ်းသစ္စာဆိုပွဲ အခမ်းအနားတွေကို ယူနီယံအဆောက်အဦမှာ ပြုလုပ်လေ့ရှိပေမယ့် သမ္မတ ရမ်မာဖိုဆာက စံနှုန်းတွေကို သွေဖယ်ပြီး ပရက်တိုးရီးယားရှိ  လော့ဖ်တက် ဗာ့စ်ဖဲလ် အားကစားကွင်းကို ရွေးချယ်ခဲ့တာပါ။ သမ္မတ ကျမ်းသစ္စာဆိုပွဲကို ထောင်နဲ့ချီတဲ့ တောင်အာဖရိက ပြည်သူတွေ တက်ရောက်ခဲ့ပါတယ်။  နိုင်ငံတော် သီချင်း တီးမှုတ်နေချိန် အားကစားကွင်းထဲ လေထီးခုန်ဆင်းကြပြီး အမြောက် ၂၁ ချက် ပစ်ဖောက် ဂုဏ်ပြုခဲ့ပါတယ်။ မေလ ၈ ရက်နေ့က ပါလီမန် ရွေးကောက်ပွဲမှာ ရမ်မာဖိုဆာရဲ့ အာဖရိက အမျိုးသား ကွန်ဂရက် (ANC) ပါတီက အနိုင်ရပြီးနောက် ပါလီမန်က ရမ်မာဖိုဆာကို သမ္မတအဖြစ်  တညီတညွတ်တည်း ရွေးကောက်တင်မြှောက်ခဲ့ပါတယ်။
2 years Ago
More News
Up