ဆော်ဒီ

June 24, 2019

ဆော်ဒီ အရပ်ဘက်လေဆိပ်ကို ဟူသီသူပုန် တိုက်ခိုက်၊ ၁ ဦးသေဆုံး

ယီမင်အခြေစိုက် ဟူသီသူပုန်အဖွဲ့ဟာ ဇွန် ၂၃ ရက်က ဆော်ဒီအာရေဗျတောင်ပိုင်းက အရပ်ဘက်လေဆိပ် အက်ဘ်ဟာကို ပစ်မှတ်ထား တိုက်ခိုက်ခဲ့တာကြောင့် လူတယောက် သေဆုံးပြီး ၇ ယောက် ဒဏ်ရာရခဲ့တယ်လို့ ဆော်ဒီဦးဆောင်တဲ့ ညွန့်ပေါင်းအဖွဲ့က ပြောပါတယ်။ ဆော်ဒီတောင်ပိုင်းက အက်ဘ်ဟာလေဆိပ်နဲ့ ဂျီဇန်လေဆိပ်ကို ဒရုန်းတွေနဲ့ တိုက်ခိုက်ခဲ့တယ်လို့ ဟူသီအဖွဲ့က သူတို့ရဲ့ အယ်လ်မာစီရာ ရုပ်သံကနေတဆင့် ကြေညာခဲ့ပါတယ်။ ဆော်ဒီပြည်တွင်းနဲ့ ဒေသတွင်း လေကြောင်းလိုင်းတွေ အဆင်းအတက်လုပ်ရာ အက်ဘ်ဟာလေဆိပ်ရဲ့ ယာဉ်ရပ်နားစခန်းကို သံသယဖြစ်ဖွယ် ဒရုန်းယာဉ်တစီးက တိုက်ခိုက်ခဲ့တယ်လို့ ဆော်ဒီအစိုးရပိုင် အယ်လ်အာရေးဘီးယား သတင်းဌာနက ပြောပါတယ်။ လက်ရှိမှာတော့ အက်ဘ်ဟာလေဆိပ်မှာ လေယာဉ်တွေ ပုံမှန်အတိုင်း ပြန်ပြေးဆွဲနေပြီလို့ ဆော်ဒီနိုင်ငံပိုင် ရုပ်သံက ပြောပါတယ်။ ဟူသီသူပုန်အဖွဲ့ဟာ အခုလ အစောပိုင်းကလည်း အက်ဘ်ဟာလေဆိပ်ကို ဒုံးကျည်နဲ့ ပစ်ခတ်ခဲ့တာကြောင့် လူ ၂၆ ယောက် ဒဏ်ရာရခဲ့ပါတယ်။ မကြာသေးခင်လတွေကတည်းက ဟူသီအဖွဲ့ဟာ ဆော်ဒီမြို့တွေကို ဒုံးကျည်တွေ ဒရုန်းတွေနဲ့ အရှိန်မြင့် တိုက်ခိုက်နေပါတယ်။ ယီမင်ပြည်တွင်းစစ်အတွင်း ယီမင်အစိုးရကို ကျောထောက်နောက်ခံ ပေးထားတဲ့ ဆော်ဒီဦးဆောင်တဲ့ ညွန့်ပေါင်းအဖွဲ့ဟာ အီရန်ရဲ့ မဟာမိတ်ဖြစ်တဲ့ ဟူသီသူပုန်တွေကို တိုက်ခိုက်နေတာ ဖြစ်ပါတယ်။
2 years Ago

May 18, 2019

ဆော်ဒီတွင် ဖိလစ်ပိုင်အိမ်အကူတဦး နေလှန်းကြိုးတုပ်အပြစ်ပေးခံရ၊ တာဝန်ရှိသူများ နေရပ် ပြန်ခေါ်

ဆော်ဒီနိုင်ငံမှာ တန်ဖိုးကြီး ပရိဘောဂတွေကို နေပူထဲ ထားမိလို့ သစ်ပင်မှာ ကြိုးတုပ်နေလှန်း အပြစ်ပေးခံခဲ့ရတဲ့ ဖိလစ်ပိုင် အိမ်အကူအမျိုးသမီးကို တာဝန်ရှိသူတွေက မိခင်နိုင်ငံ ပြန်လည်ခေါ်ဆောင်လိုက်ပါတယ်။ ဆော်ဒီအာရေးဗျနိုင်ငံ ရီယာ့ဒ်မြို့က နေအိမ်တလုံးမှာ အိမ်အကူအဖြစ် လုပ်ကိုင်နေတဲ့ ဖိလစ်ပိုင်အမျိုးသမီးတဦးက အိမ်ရှင်တွေရဲ့ တန်ဖိုးကြီး ပရိဘောက ပစ္စည်းတွေကို နေပူထဲ ထားမိတဲ့အတွက် အိမ်ရှင်မိသားစုရဲ့ နေလှန်းအပြစ်ပေးမှုနဲ့ ရင်ဆိုင်ခဲ့ရတယ်လို့ မေ ၁၆ ရက်နေ့ OC သတင်းမှာ ဖော်ပြပါတယ်။ အပြစ်ပေးခံခဲ့ရသူဟာ အသက် ၂၆ နှစ်အရွယ် လက်ဗလီးအက်ကော့စတာ ဘာယူလိုဆိုသူဖြစ်ပါတယ်။ သူမဟာ နေရောင်ကြောင့် ပစ္စည်းတွေ ပျက်စီးသွားနိုင်တဲ့ အခြေအနေမှာ ဒီပစ္စည်းတွေကို နေရောင်အောက်မှာ ထားမိခဲ့တာကြောင့် အိမ်ရှင်မိသားစုရဲ့ မညှာမတာ အပြစ်ပေးတာကို ခံခဲ့ရတာပါ။ ဆော်ဒီအိမ်ရှင်မိသားစုက ဘာယူလိုကို အိမ်အပြင်ဘက် သစ်ပင်တပင်မှာ ကြိုးနဲ့ချည်ပြီး နေလှမ်းခဲ့တာပါ။ ဒီဖြစ်ရပ်ကို သူမလို အိမ်ဝန်းတဦးက ဗွီဒီယိုရိုက်မှတ်တမ်းတင်နိုင်ခဲ့တာဖြစ်ပြီး ဒီဗွီဒီယိုအရ တင်းကြပ်စွာ ချည်နှောင်ခြင်းခံထားရတဲ့ သူမဘေးနားကို တခြားဝန်ထမ်းတွေ ရောက်ရှိလာခဲ့ပေမယ့် သူမကို မကူညီနိုင်တဲ့ အခြေအနေကိုလည်း မြင်တွေ့ခဲ့ရပါတယ်။ ဒီဗွီဒီယိုရိုက်ကူးခဲ့တဲ့ ဖိလစ်ပိုင်ဝန်ထမ်းက နောက်ပိုင်းမှာ လူမူကွန်ရက်ပေါ်တင်ခဲ့ပြီး ဒီလိုမျိုး ညှဉ်းပန်းနှိပ်စက်ခံနေရတာကို အာဏာပိုင်တွေဆီ ပေးပိုခဲ့ပါတယ်။ ဒီလိုလူမဆန်စွာ အပြစ်ပေးတဲ့ ပုံရိပ်တွေ အင်တာနက်ပေါ်ရောက်ရှိသွားတဲ့အချိန်မှာ ဖိလစ်ပိုင် နိုင်ငံခြားရေးဌာနက ဒီဖြစ်ရပ်ကို သတိပြုမိကြောင်းနဲ့ မတရားနှိပ်စက်ခံရသူကို နေရပ်ကို ပြန်လည်ခေါ်ဆောင်ခဲ့ပြီးဖြစ်ကြောင်း သတင်းထုတ်ပြန်ခဲ့ပါတယ်။ အဲ့ဒီနောက်မှာတော့ ဒီအသက် ၂၆ နှစ်အရွယ် အိမ်အကူအမျိုးသမီးဟာ မေ ၉ ရက်နေ့ မှာ မနီလာလေဆိပ်ကို ပြန်လည်ရောက်ရှိလာခဲ့ပြီး သူမကို ကူညီပေးတဲ့သူတိုင်းကို ကျေးဇူးတင်ကြောင်း ပြောဆိုခဲ့ပါတယ်။ “ကျမအပေါ် ကူညီခဲ့သူတွေကို ကျေးဇူးတင်ပါတယ်။ ဒါပေမယ့် ကျမကို ကူညီပေးခဲ့တဲ့လူတွေရဲ့ လုံခြုံရေးအခြေအနေအတွက်လည်း စိုးရိမ်မိပါတယ်” လို့ သူမက ပြောဆိုခဲ့ပါတယ်။ ဘာယူလိုရဲ့ဖြစ်ရပ် လူမူကွန်ရက်ပေါ် ပေါ်ထွက်လာခဲ့ပြီးတဲ့နောက်မှာ ဆော်ဒီနိုင်ငံကို ရောက်ရှိနေတဲ့ တခြားသော ဖိလစ်ပိုင်အိမ်အကူ အမျိုးသမီးတဦးကလည်း သူမရဲ့ အဖော်ဖြစ်သူတို့ဟာ ဆော်ဒီအိမ်ရှင်နဲ့ ညှဉ်းပန်း အနိုင်ကျင့်မှုနဲ့ ရင်ဆိုင်နေရတယ်လို့ ဖိလစ်ပိုင်အာဏာပိုင်တွေထံ အကြောင်းကြားခဲ့တယ်လို့ သိရပါတယ်။
2 years Ago
More News
Up