အောက်စဖို့

December 30, 2020

အောက်စဖို့နှင့်အက်စ်ထရာဇန်နီကာထုတ် ကိုဗစ်-၁၉ ကာကွယ်ဆေး ဗြိတိန်အသုံးပြုခွင့်ရ

အောက်စဖို့တက္ကသိုလ်နဲ့ အက်စ်ထရာ-ဇန်နက်ကာ ကုမ္ပဏီတို့ ပူးတွဲ ထုတ်ဖော်တဲ့ ကိုဗစ်-၁၉ ကာကွယ်ဆေး ထောက်ခံချက်ကို ဗြိတိန်အစိုးရက ဒီဇင်ဘာ ၃၀ ရက်မှာ  ရရှိသွားပါပြီ။ "ဆေးဝါးနဲ့ ကျန်းမာရေးစောင့်ရှောက်မှု ထုတ်ကုန်စည်းကမ်းသတ်မှတ်ရေးအဖွဲ့ (MHRA) ဆီကနေ အက်စ်ထရာဇန်နက်ကာ ကိုဗစ်ကာကွယ်ဆေးအသုံးပြုခွင့် ထောက်ခံချက်ကို ဗြိတိန်အစိုးရက ဒီကနေ့ပဲ ရရှိပြီ "လို့  ကျန်းမာရေးဝန်ကြီးဌာနက ထုတ်ပြန်ပါတယ်။   အက်စ်ထရာ ဇန်နက်ကာဟာလည်း နှစ်ကြိမ်ထိုး ကိုဗစ်ကာကွယ်ဆေးဖြစ်ပြီး ဗြိတိန်အစိုးရ က ကာကွယ်ဆေးလုံးရေ သန်း ၁၀၀ မှာယူထားပါတယ်။   ဗြိတိန်မှာ ကူးစက်မြန် ကိုရိုနာဗိုင်းရပ်စ် မျိုးကွဲသစ်ကြောင့်  ဆောင်းရာသီဗိုင်းရပ်စ် ကူးစက်မှု ထိုးတက်လာချိန်မှာပဲ အက်စ်ထရာဇန်နက်ကာ ကာကွယ်ဆေးကို အရေးပေါ် သုံးခွင့်ပြုလိုက်တာပါ။  အက်စ်ထရာဇန်နက်ကာနဲ့ တခြားကာကွယ်ဆေးထုတ်ကုမ္ပဏီတွေက သူတို့ဟာ ကိုရိုနာဗိုင်းရပ်စ် မျိုးကွဲသစ်ရဲ့ သက်ရောက်မှုကို လေ့လာနေပြီး သူတို့ ကာကွယ်ဆေးတွေက  ဗိုင်းရပ်စ်မျိုးကွဲသစ်ပေါ်မှာ ထိရောက်မယ် မျှော်လင့်တယ်လို့ ပြောဆိုထားပါတယ်။ 
4 months Ago

November 5, 2020

ကိုဗစ်-၁၉ ကာကွယ်ဆေးရလဒ် အောက်စဖို့တက္ကသိုလ် ကြေညာမည်

ဗြိတိန် အောက်စဖို့ဒ်တက္ကသိုလ်က ထုတ်ဖော်နေတဲ့  ကိုဗစ်-၁၉ ကာကွယ်ဆေး ရလဒ်တွေ ကို ရှေ့လမှာ ထုတ်ပြန်ကြေညာမှာဖြစ်ပြီး ၂၀၂၁ မှာ ကာကွယ်ဆေးရဖို့ မျှော်လင့်ချက်တွေ မြင့်တက်လာပါတယ်။  ဗြိတိန်ကာကွယ်ဆေး ထုတ်ဖော်ရေးအဖွဲ့ဥက္ကဋ္ဌ  ကိတ်ဘင်ဟမ်က" အောက်စဖို့ တက္ကသိုလ်နဲ့ ဖိုင်ဇာ၊ ဘိုင်အိုအင်န် တက်ခ်တို့ရဲ့ အပေါင်းလက္ခဏာဆောင်တဲ့ ကာကွယ်ဆေးကြားဖြတ်  စမ်းသပ်ရလဒ်တွေ ဒီဇင်ဘာအစောပိုင်းမှာ ရမယ်ဆိုရင် နှစ်ကုန်မှာ ကာကွယ်ဆေး အသုံးပြုနိုင်မယ့် အလားအလာရှိတယ်" လို့ နိုဝင်ဘာ ၄ ရက်မှာ ပြောပါတယ်။  ပြီးခဲ့တဲ့ ၆ လမှာ ကာကွယ်ဆေးထုတ်ဖော်ရေးအဖွဲ့အနေနဲ့ တိုးတက်မှုကြီးရခဲ့ပြီး အခုဆိုရင် ဗြိတိန်ဟာ ပုံစံ ၄ မျိုးနဲ့ ကာကွယ်ဆေး ၆ မျိုး  ရနိုင်ပြီလို့ ဘင်ဟမ်က လွှတ်တော်အမတ်တွေကို ပြောပါတယ်။  ကိုရိုနာဗိုင်းရပ်စ်ကို အဲဒီကာကွယ်ဆေးတွေ သုတ်သင်နိုင်တဲ့ အလားအလာသိပ်ကို နည်းပါး ပေမဲ့ ရောဂါနဲ့ သေဆုံးနှုန်းကို  လျှော့ချနိုင်စွမ်းသိပ်ကို မြင့်မားတယ်လို့ ဘင်ဟမ်က ထပ်လောင်း ပြောဆိုခဲ့ပါတယ်။ ထိရောက်တဲ့ကာကွယ်ဆေးကို  ကိုရိုနာဗိုင်းရပ်စ် တိုက်ဖျက်ရေးမှာ  သိသာထင်ရှားတဲ့ ပြောင်းလဲမှုအဖြစ် အများက ရှုမြင်ထားပါတယ်။  လက်ရှိမှာ ကိုရိုနာဗိုင်းရပ်စ်ကြောင့် လူပေါင်း ၁ ဒသမ ၂ သန်းကျော် သေဆုံးထားပြီး ကမ္ဘာ့စီးပွားရေးအကြီးအကျယ် ထိခိုက်ခဲ့ပါတယ်။   နောက်ပြီး ကိုရိုနာဗိုင်းရပ်စ်ကြောင့် ဘီလီယံနဲ့ချီတဲ့ လူတွေရဲ့ ပုံမှန်ဘ၀တွေဟာလည်းက သောင်းကနင်းဖြစ်ခဲ့ရတယ်လို့  ရိုက်တာက ရေးပါတယ်။ 
6 months Ago
Up